Magic Garden Preschool and Learning Centre

တောင်သူလယ်သမားနေ့ (Peasants' Day)

၂၀၂၄ ခုနှစ် မတ်လ ၂ ရက်နေ့တွင် ကျရောက်သော တောင်သူလယ်သမားနေ့အား Magic Garden Preschool and Learning Centre မိသားစုမှ ကြိုဆိုဂုဏ်ပြု အပ်ပါသည် 👨‍🌾👩‍🌾🌾

တောင်သူလယ်သမားမိသားစုများအားလုံး ကျန်းမာချမ်းသာပြီး အစစအရာရာ အဆင်ပြေကြပါစေကြောင်း ဆန္ဒပြုဆုတောင်းအပ်ပါသည်။

“A visit to the zoo”
We ensure this visit will be one of the best memories in their childhood.

"ပြည်ထောင်စုနေ့" (Union Day)

ယနေ့ ၁၂.၂.၂၀၂၄ (တနင်္လာနေ့)တွင် ကျရောက်သော (၇၇)နှစ်မြောက် ပြည်ထောင်စုနေ့တွင် မြန်မာနိုင်ငံတွင်း၌ စုပေါင်းနေထိုင်ကြသော တိုင်းရင်းသား မောင်နှမများအားလုံး ကိုယ်ကျန်းမာ စိတ်ချမ်းသာ၍ ဘေးအန္တရာယ် ကင်းရှင်းပါစေကြောင်း Magic Garden Pre School and Learning Centre မိသားစုမှ ဆုတောင်း ဂုဏ်ပြုအပ်ပါသည်။

🧧🧨Happy Chinese New Year 🧨🧧

ယနေ့တွင်ကျရောက်သော တရုတ်နှစ်သစ်ကူး အခါသမယတွင် ပြည်သူပြည်သားအပေါင်း ကျန်းမာ ချမ်းသာပြီး စီးပွားလာဘ်လာဘများ တိုးပွားပါစေကြောင်း Magic Garden Preschool and Learning Centre မိသားစုမှ ဆုတောင်းမေတ္တာ ပို့သအပ်ပါသည်။

Happy Birthday our little Aye Sandar Aung 🎂🎈🎁🎉

တီချယ်တို့ရဲ့သမီးလေး မွေးနေ့ကစပြီး ကျန်းကျန်းမာမာ ပျော်ပျော်ရွှင်ရွှင်နဲ့ကြီးပြင်းပြီး ဘဝမှာလည်း ရည်မှန်းချက်တွေပြည့်စုံပြီး ဖေဖေ မေမေတို့အားကိုးရတဲ့ သမီးအလိမ္မာရတနာလေးဖြစ်ပါစေလို့ တီချယ်တို့ Magic Garden Preschool မှ ဆုတောင်းပေးပါတယ် 💚💚💚

ခုရက်ပိုင်းရာသီဥတုအခြေအနေကြောင့် ကလေးတွေအဖျားအနာများကြလို့ ကလေးလေးတွေဖျားနာလျှင် ဖေဖေ မေမေတို့အတွက် ဆောင်ရန် ရှောင်ရန် အချက်လေးတွေကိုမျှဝေပေးချင်ပါတယ် ရှင်...

🟩 ကလေးရဲ့ပတ်ဝန်းကျင် အေးအောင် အဝတ်ပါးပါး ချောင်ချောင်ချိချိ ဝတ်ပေးပါ။ အခန်းကို လေဝင်လေထွက်ကောင်းပါစေ။ aircon မနိမ့်မမြင့် ဖွင့်ထားနိုင်ပါတယ်။

🟩 ပုံမှန် အစားအသောက် ဆက်ကျွေးပါ။ ထမင်း/အဖတ်မကျွေးတဲ့ အယူအဆသည် မှားပါတယ်။ တိုက်ဖွိုင့် ရောဂါဆိုတာကလဲ တစ်ပတ် လောက်ဆက်ဖျားမှသံသယ ရှိရတာမို့ အဲဒါကြောက်လို့ အဖတ်မကျွေးတာ အဓိပ္ပါယ်မရှိပါ။ ကလေးများဖျားလျှင်တော့ အစားလျော့တတ်ပါတယ်။ ဒါကိုလည်း စိတ်မပူသင့်ပါ။ အတင်းအကျပ် မကျွေးပါနဲ့။ သူစားချင်တာပဲ စားပါစေ။ ကလေးအန်လျှင် နည်းနည်းချင်း ခဏခဏကျွေးပါ။

🟩 အရည်များများတိုက်ပါ။ ဓါတ်ဆားပဲတိုက်ရမယ် မဟုတ်ပါ။ လတ်ဆတ်တဲ့ အသီးအနှံ များများကျွေးပါ။

🟩 ကလေးကစားနိုင်လို့ကစားလျှင် ပေးကစားပါ။

🟩 ကျောင်းတက်အရွယ် ကလေးတွေအတွက် အိမ်မှာပေးနားသင့်ပါတယ်။ နလန်ထ မြန်ရုံမက တခြားကလေးတွေကို ကူးစက်ခြင်းမှ လည်း ကာကွယ်ပေးပါတယ်။

အောက်ပါအခြေအနေမျိုးမှာ ဆရာဝန်နဲ့ပြသပါ။

- အသက် ၃ လအောက် ကလေးဖျားလျှင်

- အသက် ၃ လနဲ့ ၁ နှစ်ကြား ကလေး
တစ်ရက်ထက်ပို အဖျားကြီးလျှင်

- အသက် ၁ နှစ်အထက်ကလေး ၃ ရက်ဆက် တိုက်ဖျားလျှင်

- ဘယ်အရွယ်မဆို၊ ဘယ်နှစ်ရက်ဖျားဖျား အရည်မဝင်၊ နို့မစို့၊ အရမ်းအန်၊ အသက်ရှူမြန်၊ ဆီးသွားလျှင်နာ၊ ခြေဆစ်လက်ဆစ်ရောင်၊ နားပြည်ယို၊ အဖျားကျနေတာတောင် အရမ်းမှိန်း အရမ်းနုံး စတဲ့ အခြားလက္ခဏာတွေ တွဲဖြစ်လာလျှင်

အထက်ပါအခြေအနေများအတွက် တတ်ကျွမ်းတဲ့ ကျန်းမာရေးဝန်ထမ်းများနဲ့တိုင်ပင်ကုသပါ။

ကလေးအများစု၏ အဖျားသည် ဗိုင်းရပ်စ်ပိုးများကြောင့်ဖြစ်လို့ ၃-၄ ရက်အတွင်း ဆေးဝါးထူးထူးထွေထွေမလိုပဲ ပုံမှန်ပြန်ဖြစ်ပါတယ်။
သဘာဝ နလန်ထနိုင်ခြင်းသည် အကောင်းဆုံးပါ။

ေးအထူးကုဆရာကြီးကျော်လင်း

ဒီတစ်ပတ်မှာတော့ ဆရာ၊ဆရာမများအနေနဲ့ ကလေးလေးတွေကို ချဥ်းကပ်ရန်လွယ်ကူစေဖို့အတွက် နည်းလမ်းလေးတွေကို မျှဝေပေးချင်ပါတယ် ရှင်။

စာသင်ကြားသူ ဆရာ၊ဆရာမများအနေဖြင့် သင်ကြားသင်ယူမှုအပိုင်းမှာ အဆင်ပြေချောမွေ့စေဖို့အတွက် ကလေးဗဟိုပြုချဥ်းကပ်နည်းများကိုလည်း သိရှိတတ်ကျွမ်းထားဖို့ လိုအပ်ပါတယ်။ ဒါမှသာ ကလေးများနှင့်အတူနေစဉ် လွယ်ကူချောမွေ့တဲ့ဆက်ဆံရေးတစ်ခုကို ရရှိမှာဖြစ်ပါတယ်။

Child Centre Approach (ကလေးဗဟိုပြုချဥ်းကပ်ခြင်း)

ကလေးဗဟိုပြုချဉ်းကပ်တယ်ဆိုရာတွင်

✅ကလေးများကို ညင်ညင်သာသာ ကြင်ကြင်နာနာ ပြောဆိုပါ။

✅ကလေးများသည် အတုမြင်အတတ်သင်ကြသည်ဖြစ်တဲ့အတွက် နမူနာကောင်းလေးများပြ၍ သင်ပြ ပေးပါ။ (ဥပမာ-ပုံပြင်များဖတ်ပြခြင်း၊ ပုံပြင်ထဲတွင် မိမိတို့ကလေးအား သင်ကြားစေလိုသောအမူအကျင့်ကောင်းလေးများကိုထည့်သွင်း၍ ဖန်တီးပြောဆိုခြင်း)

✅ကလေးတစ်ဦးချင်းစီနှင့် စကားပြောဖြစ်အောင်ကြိုးစားပါ။ကလေးများကို သူတို့အမည်နှင့်တွဲ၍ ခေါ်နိုင်အောင် မှတ်သားထားပါ။

✅ကလေးနှင့် စကားပြောသည့်အခါ ကလေးမျက်စိနှင့် အနိမ့်အမြင့် ကိုက်ညီလောက်သည်အထိ ခါးကိုင်း၍လည်းကောင်း၊ ဒူးကွေး၍လည်းကောင်း၊ ထိုင်၍လည်းကောင်း ပြုလုပ်ပြီးမှ စကားပြောပါ။

✅ကလေးများသည် ချီးကျူးပြောဆိုခြင်းများကိုခံစားလိုကြပါသည်၊ ကလေးများ လုပ်ငန်းတစ်ခုလုပ်ဆောင်ပြီးတိုင်း ကလေးအားချီးကျူးပေးပါ။

✅ကလေးများအားအကျိုးရှိစေရန်အတွက် Activity လုပ်ငန်းများကို အမြဲမပြတ်စီစဉ်ပေးဖို့ အဆင်သင့်ဖြစ်နေရပါမည်။ ထိုကဲ့သို့ပြုလုပ်ရန် Activity များမရှိပါက ကလေးများသည် ပျင်းရိခြင်း၊ ဂနာမငြိမ်ခြင်းများ ဖြစ်တတ်ပါသည်။

✅ကလေးများနှင့်အတူရှိသောအချိန်များတွင် ဆရာ၊ဆရာမ၏ အာရုံစူးစိုက်မှုတစ်ခုလုံးသည် ကလေးများအပေါ်တွင်သာ ရှိနေရပါမည်။

✅ကလေးများနှင့်အတူ နေထိုင်လုပ်ကိုင်သောအခါ ပြုံးရွှင်သောမျက်နှာဖြင့် ရယ်စရာများပြောဆိုပြီး ကလေးအားစကားပြောပါ။

အထက်ပါမျှဝေပေးသောနည်းလမ်းများကို အသုံးပြုပြီး ကလေးလေးတွေကို ချဉ်းကပ်တဲ့အခါ အဆင်ပြေလွယ်ကူစေဖို့ မျှော်လင့်ပါတယ် ရှင် 💚💚💚