04/10/2021
နှမြောတသ အထူး ဝမ်းနည်းကြေကွဲခြင်း
-----------------------------------------------
ရန်ကုန်တိုင်းဒေသကြီး၊ ဒလမြို့နယ်
ဓမ္မစကူးလ်ကော်မတီ နှင့်ကြာဖြူကန်ကျေးရွာ ၊
ကြာဖြူကန်တိုက်ကျောင်း ဓမ္မစကူးလ်တို့၏
ဦးဆောင်နာယကဆရာတော် ဘဒ္ဒန္တဣန္ဒောဘာသ သက်တော် (၆၄) ၊ သိက္ခာတော် (၄၄) ဝါ သည် ၁၃၈၃ ခုနှစ်၊ တော်သလင်းလဆုတ် (၁၄) ရက်၊ ၂၀၂၁ ခုနှစ်၊ အောက်တိုဘာလ (၄)ရက်၊
တနင်္လာနေ့တွင် ဘဝနတ်ထံ စံလွန်တော်မူသွားကြောင်း ကြားသိရ၍ ဒလမြို့နယ်
ဓမ္မစကူးလ်ကော်မတီ အနေဖြင့် ဆရာတော်၏
တပည့် ဒကာဒကာမ နှင့်အတူဝမ်းနည်းကြေကွဲ ရပါကြောင်း နှင့် ဆရာတော်အားဦီးတင်ကန်တော့လိုက်ပါသည်။
🙏🙏🙏
#ဒလမြို့နယ်ဓမ္မစကူးလ်ကော်မတီ
28/10/2020
ဓမ္မစကူးလ်မိသားစုများသို့ အတိအလင်း အသိပေးကြေညာခြင်း
-----------------------------------------------------------------------
23/03/2020
COVID-19 ရောဂါ စောင့်ကြပ်ကြည့်ရှုမှုနှင့်ပတ်သက်၍ သတင်းထုတ်ပြန်ခြင်း
(၂၃-၃-၂၀၂၀) ရက်နေ့၊ ည (၁၁:၄၅) နာရီ
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄
၁။ အမေရိကန်နိုင်ငံမှ (၁၃-၃-၂၀၂၀) ရက်နေ့တွင် မြန်မာနိုင်ငံသို့ လေကြောင်းခရီးဖြင့် ဝင်ရောက်လာခဲ့သည့် ချင်းပြည်နယ်၊ တီးတိန်မြို့တွင် နေထိုင်နေသည့် မြန်မာနိုင်ငံသား အမေရိကန်နိုင်ငံမှ Green Card ရရှိထားသူ အသက် (၃၆) နှစ်အရွယ် အမျိုးသားသည် (၁၉-၃-၂၀၂၀) ရက်နေ့တွင် ကိုယ်အပူချိန်မြင့်တက်ဖျားနာခဲ့သဖြင့် Population Services International ဆေးခန်းတွင် သွားရောက်ပြသခဲ့ပြီးနောက် (၂၁-၃-၂၀၂၀) ရက်နေ့တွင် တီးတိန်မြို့နယ်ပြည်သူ့ဆေးရုံသို့ လွှဲပြောင်းခဲ့သဖြင့် စောင့်ကြည့်လူနာအဖြစ် သီးသန့်ခန်းတွင်ထားရှိ၍ (isolation) စောင့်ကြပ်ကုသမှု ပေးခဲ့ပါသည်။ အဆိုပါ လူနာတွင် ချောင်းဆိုးခြင်း အပါအဝင် အသက်ရှူလမ်းကြောင်းဆိုင်ရာ ရောဂါလက္ခဏာများမရှိခဲ့ပါ။
အဆိုပါလူနာထံမှ ဓာတ်ခွဲနမူနာအား (၂၂-၃-၂၀၂၀) ရက်နေ့တွင် ရယူခဲ့ပြီး အမျိုးသားကျန်းမာရေး ဓာတ်ခွဲမှုဆိုင်ရာဌာန (ရန်ကုန်) သို့ပေးပို့ခဲ့ရာ ယနေ့ (၂၃-၃-၂၀၂၀) ရက်နေ့တွင် စစ်ဆေးခဲ့သည့် ဓာတ်ခွဲအဖြေအရ COVID-19 ရောဂါပိုး တွေ့ရှိ (တွေ့ရှိ) ရပါသည်။
(၂၃-၃-၂၀၂၀) ရက်နေ့၊ ည (၁၁) နာရီအချိန် စမ်းသပ်စစ်ဆေးချက်အရ အဆိုပါအမျိုးသားလူနာ၏ ကျန်းမာရေးအခြေအနေမှာ ကိုယ်ပူဖျားနာခြင်းနှင့် အသက်ရှူလမ်းကြောင်းဆိုင်ရာ ရောဂါလက္ခဏာများမရှိဘဲ သက်သာလျက်ရှိပါသည်။ အဆိုပါ လူနာအား ချင်းပြည်နယ်၊ တီးတိန်ပြည်သူ့ဆေးရုံတွင် သီးခြားထားရှိ (isolation) ၍ စနစ်တကျစောင့်ကြပ်ကုသလျက်ရှိပါသည်။
၂။ အင်္ဂလန်နိုင်ငံမှ (၂၂-၃-၂၀၂၀) ရက်နေ့တွင် လေကြောင်းခရီးဖြင့် မြန်မာနိုင်ငံ၊ ရန်ကုန်အပြည်ပြည်ဆိုင်ရာလေဆိပ်သို့ ဝင်ရောက်လာခဲ့သည့် အသက် (၂၆) နှစ်အရွယ် မြန်မာနိုင်ငံသား အမျိုးသားအား ကျန်းမာရေးနှင့်အားကစားဝန်ကြီးဌာနမှ (၂၂-၃-၂၀၂၀) ရက်နေ့တွင် လှည်းကူးမြို့နယ်ရှိ ပြည်သူ့ကျန်းမာရေး ကွင်းဆင်းသင်တန်းကျောင်းတွင် အသွားအလာကန့်သတ် စောင့်ကြပ်ကြည့်ရှုခြင်း (quarantine) ကိုဆောင်ရွက်ခဲ့ကာ (၂၂-၃-၂၀၂၀) ရက်နေ့၊ ညပိုင်းတွင် မှော်ဘီမြို့နယ်ရှိ ဓမ္မဒူတ ဇေတဝန်တောရ ဆေကိန္ဒာရာမကျောင်းတိုက်တွင် ပြောင်းရွှေ့ပြီး အသွားအလာကန့်သတ် စောင့်ကြပ်ကြည့်ရှုခြင်း (quarantine) ကိုဆောင်ရွက်ခဲ့ပါသည်။ အဆိုပါအမျိုးသားသည် မြန်မာနိုင်ငံသို့ ရောက်ရှိခဲ့စဉ်မှ ယနေ့ညအထိ ကိုယ်ပူဖျားနာခြင်းနှင့် အသက်ရှူလမ်းကြောင်းဆိုင်ရာ ရောဂါလက္ခဏာများမရှိသော်လည်း ဓာတ်ခွဲနမူနာအား (၂၃-၃-၂၀၂၀) ရက်နေ့တွင် ရယူ၍ အမျိုးသားကျန်းမာရေး ဓာတ်ခွဲမှုဆိုင်ရာဌာန (ရန်ကုန်) သို့ပေးပို့စစ်ဆေးခဲ့ရာ ဓာတ်ခွဲအဖြေအရ COVID-19 ရောဂါပိုး တွေ့ရှိ (တွေ့ရှိ) ရပါသည်။
အဆိုပါအမျိုးသားအား (၂၃-၃-၂၀၂၀) ရက်နေ့၊ ညတွင် ဝေဘာဂီအထူးကုဆေးရုံသို့ လွှဲပြောင်းကာ သီးခြားထားရှိ (isolation) ၍ စနစ်တကျစောင့်ကြပ်ကုသလျက်ရှိပါသည်။
၃။ အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) သည် အဆိုပါအမျိုးသား (၂) ဦး၏ ဓာတ်ခွဲနမူနာများအား စစ်ဆေးပုံ၊ စစ်ဆေးနည်း (Protocol) (၄) မျိုးဖြင့် ပိုမိုသေချာစေရန် စနစ်တကျ ဓာတ်ခွဲစစ်ဆေးခဲ့ခြင်းဖြစ်ပါသည်။
၄။ ကမ္ဘာ့ကျန်းမာရေးအဖွဲ့မှ သတ်မှတ်ထားသော လုပ်ထုံးလုပ်နည်းများအရ အဆိုပါ အမျိုးသား (၂) ဦးထံမှ ဓာတ်ခွဲနမူနာများအား ကမ္ဘာ့ကျန်းမာရေးအဖွဲ့၏ ရည်ညွှန်းဓာတ်ခွဲခန်းသို့ (၂၄-၃-၂၀၂၀) ရက်နေ့တွင် ဆက်လက်ပေးပို့၍ အတည်ပြုချက် ရယူသွားမည်ဖြစ်ပါသည်။
၅။ အဆိုပါ အမျိုးသား (၂) ဦးနှင့် ထိတွေ့ခဲ့သူများအားလုံးကို စုံစမ်းဖော်ထုတ်၍ အသွားအလာကန့်သတ်ကာ စောင့်ကြပ်ကြည့်ရှုသွားမည်ဖြစ်ပါသည်။
15/03/2020
အထူးအသိပေး ကြေညာခြင်း
--------------------------------------
အထူးအသိပေး ကြေညာခြင်း
****************************** ****************************************
ရက်စွဲ။ ။ ၂ဝ၂ဝ ပြည့်နှစ်၊ မတ်လ (၁၅) ရက်
စာအမှတ်။ ။ ဝဝ၇/ ၂ဝ၂ဝ/ စီမံ
အထူးအသိပေး ကြေညာခြင်း
၁။ အသက်ရှုလမ်းကြောင်းဆိုင်ရာရောဂါ (COVID -19) ကို ကမ္ဘာလုံးဆိုင်ရာ ကပ်ရောဂါအဖြစ် ကမ္ဘာ့ကျန်းမာရေးအဖွဲ့ (WHO)က သတ်မှတ်ထားပြီး ပြည်ထောင်စုသမ္မတမြန်မာနိုင်တော် အစိုးရ အနေဖြင့်လည်း ၁၃၈၁ ခုနှစ်၊ တပေါင်းလပြည့်ကျော် (၅) ရက်၊ ၂၀၂၀ ပြည့်နှစ်၊ မတ်လ ၁၃ ရက် ရက်စွဲပါ နိုင်ငံတော်သမ္မတရုံး ကြေညာချက်အမှတ် ၁/၂၀၂၀ အရ “အသက်ရှုလမ်းကြောင်းဆိုင်ရာ ရောဂါ (COVID -19) သည် လူစုလူဝေးများ ပြားရာနေရာများတွင် လျှင်မြန်စွာကူးစက်နိုင်သည့်အတွက် ပြည်သူလူထုအနေဖြင့် လူစုလူဝေးဖြင့်ကျင်းပသော အခမ်းအနားများ၊ ပွဲလမ်းသဘင်များ၊ (မြန်မာ့ရိုးရာသင်္ကြန်ပွဲတော်အတွက် မဏ္ဍပ်ဆောက်လုပ်ပြီးကျင်းပခြင်း အပါအဝင်) မပြုလုပ်ကြရန်နှင့် ထိုသို့ အခမ်းအနားများ၊ ပွဲလမ်းသဘင်များကို ယနေ့မှစ၍ ၂၀၂၀ ပြည့်နှစ်၊ ဧပြီလ ၃၀ ရက်ထိ ကျင်းပခွင့် မပြုဘဲ ရပ်ဆိုင်းထားရေးကိုလည်း သက်ဆိုင်ရာဌာနများသို့ ညွှန်ကြားထားပြီး လိုအပ်ပါက ရပ်ဆိုင်းကာလကို ထပ်မံတိုးမြှင့် သတ်မှတ်သွားမည်ဖြစ်ပါကြောင်း” ပြည်သူသို့ ပန်ကြားချက် အနေဖြင့် အတိအလင်းကြေညာထားပါသည်။
၂။ ဓမ္မစကူးလ်ဖောင်ဒေးရှင်းကြီးသည် အကောင်အထည်ဖော် ဆောင်ရွက်ရမည့်လုပ်ငန်းစဉ်များကို ဆောင်ရွက်ကြရာဝယ် မူဝါဒလေးရပ်ကိုဦးထိပ်ပန်ဆင်လျက် ဆောင်ရွက်လျက်ရှိပြီး နိုင်ငံတော်၏ တည်ဆဲဥပဒေများ၊ အမိန့်ကြေညာချက်များ၊ ပန်ကြားချက်များကို အလေးထားဆောင်ရွက်လျက် ရှိပါ သည်။ ယခုအခါ အသက်ရှုလမ်းကြောင်းဆိုင်ရာရောဂါ (COVID -19)နှင့် ပတ်သက်၍ နိုင်ငံတော်မှ ထုတ်ပြန်သည့် ပြည်သူသို့ပန်ကြားချက်ကို ဓမ္မစကူးလ်မိသားစုများက လိုက်နာဖို့လိုအပ်သလို ကပ်ရောဂါဘေးဆိုးကြီးမှ ကင်းဝေးစေရန်လည်း သက်ဆိုင်ရာ ကျန်းမာရေးဌာနများ၏ လမ်းညွှန်ချက် များကိုလည်း လိုက်နာဆောင်ရွက်ပေးကြဖို့ လိုအပ်ပါသည်။ ထို့ကြောင့် သက်ဆိုင်ရာဆရာဖြစ် သင်တန်းကျင်းပမည့် တာဝန်ခံများ၏ သဘောထားမှတ်ချက်များ၊ နည်းပညာရှင်အဖွဲ့၏ သဘောထား မှတ်ချက်များ၊ အခြားသောဓမ္မစကူးလ်ဦးဆောင်ဆရာတော်များ၏ သဘောထားမှတ်ချက်များကို ရယူ ကာ ဖောင်ဒေးရှင်း(ဗဟို)ဦးဆောင်ဆရာတော်များက သင်တန်းများ ခေတ္တရပ်နားဖို့ ဆုံးဖြတ်ခဲ့ပါသည်။
၃။ သို့ဖြစ်ပါ၍ ဓမ္မစကူးလ်ဖောင်ဒေးရှင်း(ဗဟို)၏ လမ်းညွှန်မှုဖြင့် ဖွင့်လှစ်သင်ကြားကြမည့် ဓမ္မစကူလ်း သင်ကြား/စီမံ ဆရာဖြစ်သင်တန်းများ၊ ဓမ္မစကူးလ်အပတ်စဉ် ဗုဒ္ဓဘာသာသင်တန်းကျောင်းများနှင့် နွေရာသီဓမ္မစကူးလ်ရက်တိုသင်တန်းများကို ယနေ့မှစ၍ ၁၃၈၂ ခုနှစ်၊ ကဆုန်လဆန်း (၉) ရက်၊ ၂၀၂၀ ပြည့်နှစ်၊ ဧပြီလ (၃၀) ရက်အထိ ခေတ္တရပ်နား/ပိတ်ထားရမည်ဖြစ်ပါသည်။ လိုအပ်ပါက ခေတ္တရပ်နား/ ပိတ်ထား ကာလကို ထပ်မံတိုး၍ သတ်မှတ်သွားမည်ဖြစ်ကြောင်း အထူးအသိပေးကြေညာအပ်ပါသည်။
မှတ်ချက်။ ။ ဓမ္မစကူးလ် သင်ကြား/စီမံဆရာဖြစ်သင်တန်းများ ပြန်လည်ကျင်းပနိုင်မည့်ရက် သေချာပါက သင်တန်းတာဝန်ခံများနှင့်တိုင်ပင်၍ ဆက်လက်ဆောင်ရွက်သွားပါမည်။
ဘဒ္ဒန္တသိရီကဉ္စနာဘိဝံသ
ဥက္ကဋ္ဌ၊ ဓမ္မစကူးလ်ဖောင်ဒေးရှင်း (ဗဟို)
========================================================
အထူးအသိပေး ကြေညာခြင်း
--------------------------------------
အထူးအသိပေး ကြေညာခြင်း
****************************** **********************************************
ရက်စွဲ။ ။ ၂ဝ၂ဝ ပြည့်နှစ်၊ မတ်လ (၁၅) ရက်
စာအမှတ်။ ။ ဝဝ၇/ ၂ဝ၂ဝ/ စီမံ
အထူးအသိပေး ကြေညာခြင်း
၁။ အသက်ရှုလမ်းကြောင်းဆိုင်ရာရောဂါ (COVID -19) ကို ကမ႓ာလုံးဆိုင်ရာ ကပ်ရောဂါအဖြစ် ကမ႓ာ့ကျန်းမာရေးအဖွဲ့ (WHO)က သတ်မှတ်ထားပြီး ပြည်ထောင်စုသမ္မတမြန်မာနိုင်တော် အစိုးရ အနေဖြင့်လည်း ၁၃၈၁ ခုနှစ်၊ တပေါင်းလပြည့်ကျော် (၅) ရက်၊ ၂၀၂၀ ပြည့်နှစ်၊ မတ်လ ၁၃ ရက် ရက်စွဲပါ နိုင်ငံတော်သမ္မတရုံး ကြေညာချက်အမှတ် ၁/၂၀၂၀ အရ “အသက်ရှုလမ်းကြောင်းဆိုင်ရာ ရောဂါ (COVID -19) သည် လူစုလူဝေးများ ပြားရာနေရာများတွင် လျှင်မြန်စွာကူးစက်နိုင်သည့်အတွက် ပြည်သူလူထုအနေဖြင့် လူစုလူဝေးဖြင့်ကျင်းပသော အခမ်းအနားများ၊ ပွဲလမ်းသဘင်များ၊ (မြန်မာ့ရိုးရာသင်္ကြန်ပွဲတော်အတွက် မဏ္ဍပ်ဆောက်လုပ်ပြီးကျင်းပခြင်း အပါအဝင်) မပြုလုပ်ကြရန်နှင့် ထိုသို့ အခမ်းအနားများ၊ ပွဲလမ်းသဘင်များကို ယနေ့မှစ၍ ၂၀၂၀ ပြည့်နှစ်၊ ဧပြီလ ၃၀ ရက်ထိ ကျင်းပခွင့် မပြုဘဲ ရပ်ဆိုင်းထားရေးကိုလည်း သက်ဆိုင်ရာဌာနများသို့ ညွှန်ကြားထားပြီး လိုအပ်ပါက ရပ်ဆိုင်းကာလကို ထပ်မံတိုးမြှှင့် သတ်မှတ်သွားမည်ဖြစ်ပါကြောင်း” ပြည်သူသို့ ပန်ကြားချက် အနေဖြင့် အတိအလင်းကြေညာထားပါသည်။
၂။ ဓမ္မစကူးလ်ဖောင်ဒေးရှင်းကြီးသည် အကောင်အထည်ဖော် ဆောင်ရွက်ရမည့်လုပ်ငန်းစဉ်များကို ဆောင်ရွက်ကြရာဝယ် မူဝါဒလေးရပ်ကိုဦးထိပ်ပန်ဆင်လျက် ဆောင်ရွက်လျက်ရှိပြီး နိုင်ငံတော်၏ တည်ဆဲဥပဒေများ၊ အမိန့်ကြေညာချက်များ၊ ပန်ကြားချက်များကို အလေးထားဆောင်ရွက်လျက် ရှိပါ သည်။ ယခုအခါ အသက်ရှုလမ်းကြောင်းဆိုင်ရာရောဂါ (COVID -19)နှင့် ပတ်သက်၍ နိုင်ငံတော်မှ ထုတ်ပြန်သည့် ပြည်သူသို့ပန်ကြားချက်ကို ဓမ္မစကူးလ်မိသားစုများက လိုက်နာဖို့လိုအပ်သလို ကပ်ရောဂါဘေးဆိုးကြီးမှ ကင်းဝေးစေရန်လည်း သက်ဆိုင်ရာ ကျန်းမာရေးဌာနများ၏ လမ်းညွှန်ချက် များကိုလည်း လိုက်နာဆောင်ရွက်ပေးကြဖို့ လိုအပ်ပါသည်။ ထို့ကြောင့် သက်ဆိုင်ရာဆရာဖြစ် သင်တန်းကျင်းပမည့် တာဝန်ခံများ၏ သဘောထားမှတ်ချက်များ၊ နည်းပညာရှင်အဖွဲ့၏ သဘောထား မှတ်ချက်များ၊ အခြားသောဓမ္မစကူးလ်ဦးဆောင်ဆရာတော်များ၏ သဘောထားမှတ်ချက်များကို ရယူ ကာ ဖောင်ဒေးရှင်း(ဗဟို)ဦးဆောင်ဆရာတော်များက သင်တန်းများ ခေတ္တရပ်နားဖို့ ဆုံးဖြတ်ခဲ့ပါသည်။
၃။ သို့ဖြစ်ပါ၍ ဓမ္မစကူးလ်ဖောင်ဒေးရှင်း(ဗဟို)၏ လမ်းညွှန်မှုဖြင့် ဖွင့်လှစ်သင်ကြားကြမည့် ဓမ္မစကူလ်း သင်ကြား/စီမံ ဆရာဖြစ်သင်တန်းများ၊ ဓမ္မစကူးလ်အပတ်စဉ် ဗုဒ္ဓဘာသာသင်တန်းကျောင်းများနှင့် နွေရာသီဓမ္မစကူးလ်ရက်တိုသင်တန်းများကို ယနေ့မှစ၍ ၁၃၈၂ ခုနှစ်၊ ကဆုန်လဆန်း (၉) ရက်၊ ၂၀၂၀ ပြည့်နှစ်၊ ဧပြီလ (၃၀) ရက်အထိ ခေတ္တရပ်နား/ပိတ်ထားရမည်ဖြစ်ပါသည်။ လိုအပ်ပါက ခေတ္တရပ်နား/ ပိတ်ထား ကာလကို ထပ်မံတိုး၍ သတ်မှတ်သွားမည်ဖြစ်ကြောင်း အထူးအသိပေးကြေညာအပ်ပါသည်။
မှတ်ချက်။ ။ ဓမ္မစကူးလ် သင်ကြား/စီမံဆရာဖြစ်သင်တန်းများ ပြန်လည်ကျင်းပနိုင်မည့်ရက် သေချာပါက သင်တန်းတာဝန်ခံများနှင့်တိုင်ပင်၍ ဆက်လက်ဆောင်ရွက်သွားပါမည်။
ဘဒ်ဒန်တသိရီကဉ်စနာဘိဝံသ
ဥက္ကဋ္ဌ၊ ဓမ္မစကူးလ်ဖောင်ဒေးရှင်း (ဗဟို)
02/01/2020
ဓမ္မစကူးလ် (၇) နှစ် နှစ်ပတ်လည် ပိတ်ပွဲ
ဒွိပိဋက ၊ မုံရွာ ရန်ကင်း ဆရာတော်ဘုရားကြီးရဲ့
"တိုင်းပြည် အတွက် ဓမ္မစကူးလ်"
၁။ ဗုဒ္ဓဘုရားရှင် မရှိတဲ့နောက်ပိုင်း ဗုဒ္ဓသာသနာတော်ကို ရှင်မဟာကဿပက သင်္ဂါယနာတင်ပြီး
(က) သုတ္တန်ကို - အရှင်အာနန္ဒာရဲ့ တပည့်များက အာဂုံဆောင်
(ခ) ဝိနည်း ကို - အရှင် ဥပါလိ ရဲ့ တပည့်တွေက အာဂုံဆောင်
(ဂ) အဘိဓမ္မာ ကို အရှင် သာရိပုတ္တရာ ရဲ့ တပည့်တွေက အာဂုံဆောင်ကာ စောင့်ရှောက်ခဲ့ကြတယ်။
၂။ ဗုဒ္ဓပရိနိဗ္ဗာန်စံပြီး နှစ်ပေါင်း (၃၀၀) ကျော်မှ ဗုဒ္ဓသာသနာ မုတ္တမပင်လယ်ကွေ့၊ ရခိုင်ကမ်းရိုးတန်း၊ အဲဒီကနေ တဆင့် မြန်မာပြည်အလယ်ပိုင်း ပုဂံ ရောက်လာခဲ့။
၃။ "ခေါက်ရှာငှက်ပျံ လောကဓံ" ဆိုသလို လူ၊ မိသားစု၊ နိုင်ငံ အားလုံး လောကဓံခံရတယ်။
တိုင်းပြည် အုပ်ချုပ်သူက သာသနာကို ချီးမြှောက်ရင် သာသနာမြင့်တယ်။ အားမပေးဘူး အမှုမဲ့ အမှတ်မဲ့နေရင် သာသနာတော် နိမ့်တယ်။
၄။ ကုန်းဘောင်မင်းဆက် (၁၁) ဆက် နောက်ပိုင်း သီပေါမင်းလက်ထက် မြန်မာပြည် အထက်ပိုင်း ၊ အောက်ပိုင်း နှစ်ခုပေါင်း နှစ် (၁၆၀) ကြာ အင်္ဂလိပ် လက်အောက်ရောက်ခဲ့တယ်။
လွတ်လပ်ရေးရတာ နှစ်ပေါင်း (၇၀) ကျော်ပဲရှိသေးတယ်။ ဒါကို သံဃာ အငယ်တွေ ခေါင်းထဲ ထည့်ဖို့ အရေးကြီးတယ်။
၅။ ကုလသမဂ္ဂ အတွင်းရေးမှူးချုပ် ဦးသန့် ၊ ပညာရေးဝန်ကြီးဘဝ တောင်မြို့ ဂန္ဓာရုံဆရာတော်ဘုရားကြီး နဲ့ စကားပြောတဲ့အခါ
" ဒုတိယ ကမ္ဘာစစ်ဖြစ်တော့ သံဃာတွေသေကြကျေကြ၊ လူထွက်ကြတော့ သံဃာနည်းသွားတယ်။ အခုစစ်ပြီးတော့ သံဃာတွေများလာပြီး သာသနာတော်ကြီး တိုးတက်တော့မှာပေါ့ဘုရား" လို့ လျှောက်တော့
"အဲဒါက မင်းအထင်ကိုး များတာက များတိုင်းကောင်းတာမဟုတ်ဘူး။ သာသနာတော်ကြီး ဝမ်းလျှောတော့မလို့ ဝမ်းရောင်တာလဲဖြစ်နိုင်တာပဲ" လို့ မိန့်တယ်။
၆။ဆိုလိုတာက သံဃာ အနည်း အများက ပဓာန မကျဘဲနဲ့ အလုပ်လုပ်ဖို့က အရေးကြီးပါတယ်။
၇။ ကုန်းဘောင်ခေတ်၊ အင်းဝခေတ် မှာ
(က) လယ်တီဆရာတော် ဘုရားကြီး
(ခ) မန်လည် ဆရာတော် ဘုရားကြီး
တို့က သာသနာအတွက် ဦးဆောင်နေတယ်။
အဲဒီနောက်
(က) မင်းကွန်းတိပိဋက ဆရာတော်ဘုရားကြီး
(ခ) မဟာစည် ဆရာတော်ဘုရားကြီး
အဲဒီနောက်မှာ
(က) သီတဂူ ဆရာတော်ဘုရားကြီး
(ခ) ပါချုပ်ဆရာတော်ဘုရားကြီး
တို့က မြန်မာ့အဖွဲ့အစည်းကို ဦးဆောင်နေလို့ မြန်မာပြည်နဲ့ ဗုဒ္ဓသာသနာ ဘာမှ မဖြစ်ခဲ့ပါဘူး။
၈။ ခေတ်တွေ တဖြေးဖြေးပြောင်းလာတဲ့အခါ မြန်မာ့လူ့ဘောင် အဖွဲ့အစည်းဟာ ယိုယွင်းပျက်စီးလာတယ်။ လူ့ကျင့်ဝတ် ၊ လူ့စည်းကမ်း၊ စိတ်ဓာတ်တွေ ပျက်စီးနေတယ်။
၉။ ရျှိုင်းဟုပ်က ဆရာမကြီး ဒေါက်တာဒေါ်ခင်ခင်ရီက တပည့်တော်နဲ့ အတူ ဘုတလင်မြို့နယ်မှာ ဆင်းရဲတဲ့ရွာတွေက စာသင်ကျောင်းတွေဆောက်၊ ပြင်ပေး ရင်း ဓမ္မစကူးလ်ပေါ်နေပြီ ရန်ကုန်မှာ သွားလေ့လာပါဦး နှစ်ခြိုက် သဘောကျရင် စစ်ကိုင်းတိုင်း အတွက် ဦးဆောင်ပေးပါ လို့ လျှောက်တာနဲ့ ဖောင်ဒေးရှင်း ဗဟိုမှာ (၇) ရက်ကြာ လေ့လာတော့
နည်းပြဆရာကြီးတွေပြောပုံဆိုပုံတွေကို နှစ်ခြိုက်ပြီး ပြန်ရောက်တဲ့အခါ တိုင်းရုံးကြီးဆောက်တယ်။ ကျောင်းမှာလဲ ဓမ္မစကူးလ်ဖွင့်တယ်။
၁၀။ ဓမ္မစကူးလ် ကို လက်တွေ့ကျကျ ဆောင်ရွက်ရင်းနဲ့ သံဃာငယ်တွေ (၆) နှစ်အတွင်းမှာ ဓမ္မစကူးလ်ဖောင်ဒေးရှင်းဟာ မြန်မာပြည်မှာ အကောင်းဆုံး ဖောင်ဒေးရှင်းဆိုတာ သိသွားပါတယ်။
၁၁။ သမိုင်းကို ပြန်ကြည့်တဲ့အခါ
လယ်တီဆရာတော်ဘုရားကြီးက ကလျာဏ ပုထုဇဉ်အသင်း ဆိုပြီးတည်တယ်။ ဆရာတော်ကြီး မရှိတဲ့နောက် နှစ်ပေါင်း (၅၀) လောက်မှာ ပျက်တယ်။
မိုးညှင်းဆရာတော် မင်္ဂလာဂတိဝိသုဒ္ဓိ အသင်းဖွဲ့ပြီး သံဃာတွေကို ပစ္စည်း (၄) ပါးလှူတယ်။ နှစ်ပေါင်း (၅၀) အတွင်းမှာ ပျောက်သွားတယ်။
အဲဒါက တစ်ဦးကောင်း တစ်ယောက်ကောင်း လုပ်ခဲ့လို့ ရေရှည်မတည်တာ။ ဓမ္မစကူးလ် လို မြန်မာပြည်အနှံ့ လုပ်တဲ့ အသင်းမရှိဘူး။
သီတဂူဆရာတော်ဘုရားက " မြန်မာပြည်မှာ အသင်းတွေဖွဲ့စည်းပြီး မကြာခင်ပျက်ကုန်တယ်။ မလွန် ဆန်လှူအသင်းကြီး တစ်ခုသာ နှစ် (၁၀၀) ကြာရှည် တည်တယ် လို့ တရားဟောရာမှာ ထည့်ဟောဖူးပါတယ်။
၁၂။ ဓမ္မစကူးလ် အကြောင်းကို သိရတဲ့အခါ ဓမ္မစကူးလ်ကြီး ရေရှည်မတည်မှာကို စိုးရိမ်မိပါတယ်။
ဒါ့ကြောင့် စစ်ကိုင်းတိုင်းမှာတော့ တတ်နိုင်သလောက် တာဝန်ယူဆောင်ရွက်ခဲ့ပါတယ်။ ဘယ်လောက် ချောင်ကျကျ အရောက်သွားပါတယ်။
မြန်မာပြည်ကို ချစ်တဲ့ မင်းကွန်းတိပိဋက ဆရာတော်ရဲ့ လက်အောက်မှာ (၁၀) နှစ်တိတိ နေခဲ့ရတော့ ဆရာတော်ပေးတဲ့ သြဝါဒ ကို နာယူခဲ့ရတယ်။
" အင်္ဂလန်၊ အမေရိကန် နိုင်ငံတွေမှာ ပိုက်ဆံတွေ ဘယ်လောက်ပေါပေါ၊ စက်ပစ္စည်း၊ ရုပ်ဝတ္ထု ဘယ်လောက်ချမ်းသာချမ်းသာ
သစ္စာ (၄) ပါး ၊ မဂ္ဂင် (၈) ပါး မရှိတဲ့အရပ်ဟာ ပစ္စန္တရာဇ် ပါပဲ။
၁၃။ ကိုယ့်နိုင်ငံ အစွန်အဖျား ဒေသလေးင်္တေမှာ ကိုယ့်လူမျိုးတွေ သြကာသ၊ သရဏဂုံ ရွတ်ဆိုနိုင်ဖို့၊ သီလတွေ ဆောက်တည်နိုင်ဖို့ တပိုင်တနိုင် ဆောင်ရွက်ကြပါ" လို့ မိန့်ပါတယ်။
၁၄။ " တပိုင်တနိုင်" ဆိုတဲ့စကားလုံးလေးက ထိရောက်ပါတယ်။ စစ်ကိုင်းတိုင်းမှာ (၃၇) မြို့နယ်ရှိတယ်။ မြို့နယ်တိုင်းကို ရောက်တဲ့အခါ ဦးဆောင် ဆရာတော်တွေ လာတွေ့ကြပါတယ်။
ဓမ္မစကူးလ်ဟာ ဘာနဲ့မှ လဲ လို့ မရတဲ့ အရာ ဖြစ်ပါတယ်။
၁၅။ သံဃတက္ကသိုလ်ဆင်း ကိုယ်တော်လေးတွေ တွေ့တဲ့ အခါကျတော့ ကမ္ဘာနဲ့ယှဉ်အတွေးအခေါ်တွေနဲ့ သာသနာပြုနေကြတာ သူတို့ပြောတာက ဓမ္မစကူးလ်ဟာ မြန်မာပြည် ဗုဒ္ဓသာသနာကို အဆက်ပေးနေတာလို့ ပြောတာကို ဝမ်းသာပြီး ခေါင်းထဲက လက်ခံထားပါတယ်။
၁၆။ ဒီ (၇) နှစ်ပြည့်မှာ ဓမ္မစကူးလ် ဦးဆောင် ဆရာတော်တွေ အစည်းအဝေးလုပ်တဲ့အခါ တကယ်လည်း ဝမ်းသာ၊ ကျေးဇူးတင်စရာလည်း ကောင်းပါတယ်။
၁၇။ သံဃာတော်တွေကို တပည့်တော် လျှောက်ချင်တာကတော့ ဓမ္မစကူးလ်ဟာ ဘယ်အရာနဲ့မှ မလဲနိုင်တာမို့
" အတ္တကို ရှေ့တန်းမတင်ဘဲ မိမိတို့ရဲ့ မျိုးဆက်သစ်တွေဘက်ကနေ ခံစားပြီးတော့ ဆောင်ရွက်ပေးကြပါလို့ လျှောက်ထား တောင်းပန်ပါတယ်ဘုရား" ။
ဘဒ္ဒန္တ ပညာဝံသ
စစ်ကိုင်းတိုင်း ဓမ္မစကူးလ်ကော်မတီ ဥက္ကဋ္ဌ
ဒွိပိဋက ဓရ၊ ဒွိပိဋက ကောဝိဒ။
အဂ္ဂမဟာ ပဏ္ဍိတ။
ဒွိပိဋက-မုံရွာ၊ ရန်ကင်း ဆရာတော်။
Traced by-Ashin sāsana in Thayethla Dhamma School.
28/12/2019
ဓမ္မစကူးလ်ဖောင်ဒေးရှင်း (ဗဟို) (၇) နှစ်ပြည့် အထိမ်းအမှတ် ဖောင်ဒေးရှင်း (ဗဟို) နှင့် တိုင်း၊ ပြည်နယ်၊ မြို့နယ် ဓမ္မစကူးလ်ကော်မတီများ တွေ့ဆုံဆွေးနွေးပွဲ
-----------------------------------------------------------------------------------------------------------------------------
မနက်ပိုင်း (၂၈. ၁၂. ၂ဝ၁၉)
့့သာသနာတော်နှစ် ၂၅၆၃၊ ကောဇာသက္ကရာဇ် ၁၃၈၁ ခုနှစ်၊ ပြာသိုလဆန်း (၃) ရက်၊ ခရစ်နှစ် ၂ဝ၁၉ ခု၊ ဒီဇင်ဘာလ (၂၈) ရက်၊ စနေနေ့တွင် ပဲခူးတိုင်းဒေသကြီး၊ ပဲခူးမြို့နယ်၊ (၁ဝ) မိုင်ကုန်း၊ ဓမ္မဒူတတောရ သာသနာ့ရိပ်သာ (ဓမ္မဒူတဗုဒ္ဓတက္ကသိုလ်)၌ ဓမ္မစကူးလ်ဖောင်ဒေးရှင်း (ဗဟို) (၇) နှစ်ပြည့် အထိမ်းအမှတ် ဖောင်ဒေးရှင်း (ဗဟို) နှင့် တိုင်း၊ ပြည်နယ်၊ မြို့နယ် ဓမ္မစကူးလ်ကော်မတီများ တွေ့ဆုံဆွေးနွေးပွဲ ဖွင့်ပွဲအခမ်းအနားကို ကျင်းပပြုလုပ်ကြပါသည်။
အဆိုပါ အခမ်းအနားကို နမော တဿ (၃) ကြိမ်ရွတ်ဆို ဘုရားကန်တော့၍ အခမ်းအနားကို ဖွင့်လှစ်ခြင်း၊ ပဲခူးတိုင်းဒေသကြီး၊ ပဲခူးမြို့၊ ကြခတ်ဝိုင်း ပရိယတ္တိစာသင်တိုက် ပဓာနနာယကဆရာတော်ဘုရားကြီးထံမှ သြဝါဒကထာ နာယူမှတ်သားခြင်း၊ ဓမ္မစကူးလ်ဖောင်ဒေးရှင်း (ဗဟို) နာယက၊ ဓမ္မဒူတတောရ သာသနာ့ရိပ်သာ ပဓာနနာယက၊ ဓမ္မဒူတဗုဒ္ဓတက္ကသိုလ် ပါမောက္ခချုပ်ဆရာတော် ဒေါက်တာဘဒ္ဒန္တပညိဿရာဘိဝံသထံမှ သြဝါဒကထာ နာယူမှတ်သားခြင်း၊ ပဲခူးတိုင်းဒေသကြီး အစိုးရအဖွဲ့ ဝန်ကြီးချုပ် ဦးဝင်းသိန်းက သာသနာရေးဆိုင်ရာများ လျှောက်ထားခြင်း၊ ဓမ္မစကူးလ်ဖောင်ဒေးရှင်း (ဗဟို) နာယက၊ တိပိဋကဓရ တိပိဋကကောဝိဒ၊ ဒွါဒသမတိပိဋကဆရာတော် ဘဒ္ဒန္တအဘိဇာတာဘိဝံသထံမှ သြဝါဒကထာ နာယူမှတ်သားခြင်း၊ ဆရာတော်ဘုရားကြီးများအား လှူဖွယ်ဝတ္ထုပစ္စည်းများ ဆက်ကပ်လှူဒါန်းခြင်း၊ ဓမ္မစကူးလ်ဖောင်ဒေးရှင်း (ဗဟို) ပိုင် ကျောင်းတော်ကြီး အလှူရှင်များ၊ တွေ့ဆုံဆွေးနွေးပွဲဖြစ်မြောက်ရေး အလှူရှင်များအား ဂုဏ်ပြုမှတ်တမ်းလွှာများ ပေးအပ်ချီးမြှင့်ခြင်း၊ ဓမ္မစကူးလ်ဖောင်ဒေးရှင်း (ဗဟို) ၂ဝ၂ဝ ပြက္ခဒိန်အတွက် ပထမအကြိမ် ကျင်းပအပ်သော “အလှထူးတဲ့ ဓမ္မစကူးလ်” ဓာတ်ပုံပြိုင်ပွဲ ဆုရဓာတ်ပုံဆရာများအား ဆုများ ချီးမြှင့်ခြင်း၊ ဓမ္မစကူးလ်ဖောင်ဒေးရှင်း (ဗဟို) ဥက္ကဋ္ဌ၊ ဒွိပိဋကဓရ ဘဒ္ဒန္တသိရီကဉ္စနာဘိဝံသ သမဏ အာဇာနည်ဆရာတော်က “ဖောင်ဒေးရှင်း (ဗဟို) ၏ မူဝါဒဆိုင်ရာများ”ကို ရှင်းလင်းလျှောက်ထားတင်ပြခြင်း၊ ဓမ္မစကူးလ်ဖောင်ဒေးရှင်း (ဗဟို) ဒုတိယဥက္ကဋ္ဌ၊ မြိတ်ကျားကျောင်းဆရာတော် ဘဒ္ဒန္တဥတ္တရက “ဘဏ္ဍာရေးဆိုင်ရာများ”ရှင်းလင်းလျှောက်ထားတင်ပြခြင်း၊ ဓမ္မစကူးလ်ဖောင်ဒေးရှင်း (ဗဟို) နာယက၊ နိုင်ငံတော်ပရိယတ္တိသာသနာ့တက္ကသိုလ် ရန်ကုန်၊ ဗုဒ္ဓဒေသနာ ပြန့်ပွားရေးဌာန တွဲဖက်ပါမောက္ခ ဒေါက်တာဘဒ္ဒန္တထေရာသဘက “ဓမ္မစကူးလ် သင်ရိုးညွှန်းတမ်းများကို တိုင်းရင်းသားဘာသာပြန်ဆိုခြင်းဆိုင်ရာ အခြေခံမူဝါဒများ” ကို ရှင်းလျှောက်ထားတင်ပြခြင်း၊ ဓမ္မစကူးလ်ဖောင်ဒေးရှင်း (ဗဟို) အတွင်းရေးမှူး - ၁ ဆရာတော် ဒေါက်တာအရှင်ဥာဏဝံသက “ဖောင်ဒေးရှင်း (ဗဟို) စီမံရေးရာဌာနနှင့် လေ့ကျင့်သင်ကြားရေးလုပ်ငန်းဆိုင်ရာများ” ကို ရှင်းလျှောက်ထားတင်ပြခြင်း၊ ဓမ္မစကူးလ်ဖောင်ဒေးရှင်း (ဗဟို) အတွင်းရေးမှူး - ၂ ဆရာတော် အရှင်မာနိတက “ဖောင်ဒေးရှင်း (ဗဟို) သင်ရိုးညွှန်းတမ်းဆိုင်ရာများ” ကို ရှင်းလျှောက်ထားတင်ပြခြင်း၊ ဓမ္မစကူးလ်ဖောင်ဒေးရှင်း (ဗဟို) အတွင်းရေးမှူး - ၃ ဆရာတော် ဒေါက်တာအရှင်ကိတ္တိသာရက “ဖောင်ဒေးရှင်း (ဗဟို) လေ့လာကြီးကြပ်ရေးဌာန၊ သတင်းနှင့်ပြန်ကြားရေးဌာနဆိုင်ရာများ” ကို ရှင်းလျှောက်ထားတင်ပြခြင်း အစီအစဉ်တို့ဖြင့် မနက်ပိုင်းအခမ်းအနားကို အောင်မြင်စွာ ကျင်းပခဲ့ကြပါသည်။
30/11/2019
သာသနာတော်နှစ် ၂၅၆၃၊
ကောဇာသက္ကရာဇ် ၁၃၈၁၊ ခရစ်နှစ်၂၀၁၉ ခုနှစ်
နိုဝင်ဘာလ (၂၄) ရက်နေ့မှ (၃၀) ရက်နေ့အထိ
ရန်ကုန်တိုင်းဒေသကြီး၊ ဒလမြို့နယ်၊ မြို့မ (၄)
ရပ်ကွက်၊ မင်္ဂလာစံကျောင်းတိုက်တွင်
ဓမ္မစကူးလ်ဖောင်ဒေးရှင်း(ဗဟို) နှင့် ဒလမြို့နယ်
ဓမ္မစကူးလ်ကော်မတီတို့ ပူးပေါင်းကျင်းပသော
(၁၃၂၇) ကြိမ်မြောက် မူလတန်းအဆင့်ဓမ္မစကူးလ်
ဆရာဖြစ်သင်တန်းကို (၇) ရက်တိုင်အောင်မြင်စွာ
ကျင်းပခဲ့ပါသည်။
ဆရာဖြစ်သင်တန်းကိုအောင်မြင်စွာကျင်းပနိုင်ရန်
ဩဝါဒပေးလမ်းညွှန်ခဲ့ပါသော ဩဝါဒဆရာတော်
များနှင့်နာယကဆရာတော်ဘုရားများအားလည်း
ကောင်း၊ မြို့နယ်ကော်မတီ ဥက္ကဋ္ဌဆရာတော်နှင့်
အမှုဆောင်ဆရာတော်များ၊ ကော်မတီအဖွဲ့ဝင်များ
အားလည်းကောင်း၊ သင်တန်းနေရာအသုံးပြုခွင့်
ပေးပါသော မင်္ဂလာစံကျောင်းတိုက်ဆရာတော်
ဘုရားအားလည်းကောင်း၊ ဝေယျာဝစ္စလုပ်အား
ပေးကုသိုလ်ပြုပါသော မင်္ဂလာစံကျောင်းတိုက်
ဝေယျာဝစ္စအဖွဲ့၊ ပရဟိတအဖွဲ့များနှင့် ဒလမြို့နယ်
ဓမ္မစကူးလ်ကျောင်းများမှဆရာ/မ များအားလည်း
ကောင်း၊ ဓမ္မစကူးဖောင်ဒေးရှင်း(ဗဟို) မှနည်းပြ
ဆရာမများအားလည်းကောင်း၊ ဖွင့်ပွဲအခမ်းအနား
ကိုတက်ရောက်ချီးမြင့်ပေးပါသော တိုင်းဒေသကြီး
လွှတ်တော်အမတ်နှင့်ရပ်မိရပ်ဖများအားလည်း
ကောင်း၊ ကျန်းမာရေးစောင့်ရှောက်မှုပေးပါသော
မြို့နယ်ကြက်ခြေနီအဖွဲ့အားလည်းကောင်း၊
တိုင်းဓမ္မစကူးလ်ကော်မတီအားလည်းကောင်း၊
လှူဒါန်းပေးကြသောအလှူရှင်များနှင့်ကျေးဇူး
တင်ထိုက်သူအားလုံးတို့အား အထူးပင်ကျေးဇူး
တင်ရှိပါကြောင်း မှတ်တမ်းတင်အပ်ပါသည်။
#ဒလမြို့နယ်ဓမ္မစကူးလ်ကော်မတီ
26/09/2019
*ဓမ္မစကူးလ်ဆရာဖြစ်သင်တန်းနည်းတူ ဆင်တူယိုးမှားသင်တန်းများ မပြုလုပ်ကြရန်* အသိပေးကြေညာခြင်း
BY DSF Media
*ဓမ္မစကူးလ်ဆရာဖြစ်သင်တန်းနည်းတူ ဆင်တူယိုးမှားသင်တန်းများ မပြုလုပ်ကြရန်* အသိပေးကြေညာခြင်း
BY DSF Media
24/08/2019
🙏ပညာပြည့်ဝ နှလုံးလှဖို့ ဓမ္မအမွေဖြန့်ဝေစို့🙏
🍂 ယနေ့ဒလမြို့နယ် ဓမ္မစကူးလ်ကော်မတီဥက္ကဋ္ဌ
ဆရာတော်ဦးဆောင်၍ မြို့နယ်အတွင်း ဓမ္မစကူးလ်
ကျောင်းများတိုးပွားဖွင့်လှစ်နိုင်ရန် ဘုန်းတော်ကြီး
ကျောင်းများသို့ စည်းရုံးရေးလုပ်ငန်းများလုပ်ဆောင်
ရာ ဆရာတော်နှင့်အတူ မြို့နယ်ကော်မတီ ဒုဥက္ကဋ္ဌ
ဆရာတော်များ၊ ကော်မတီအဖွဲ့ဝင်များနှင့်ဓမ္မစကူးလ်
ဆရာ/မ များစုံညီစွာဖြင့် လိုက်ပါခဲ့ကြပါသည်။🍂
#ဒလမြို့နယ်ဓမ္မစကူးလ်ကော်မတီ
16/08/2019
ဓမၼစကူးလ္အစြမ္း ေမတၱာလႊမ္း ၿငိမ္းခ်မ္းသာယာ ဂုဏ္ျပဳလႊာ
***************************************************************
(ဝါေခါင္လျပည့္ ေမတၱာအခါေတာ္ေန႔ အမွတ္တရ)
BY DSF Media
16/08/2019
ဓမၼစကူးလ္ဂ်ာနယ္ အတြဲ- ၃ အမွတ္- ၃ တြင္ ပါရွိခဲ့ေသာ ဇင္ဇင္ဝင္း(ဟုမၼလင္း) ေရးသားထားသည့္ ျငမ္းဆင္ျခင္း ေဆာင္ပါးကို တင္ေပးလိုက္ပါသည္။
BY DSF Media
28/12/2019
30/11/2019
26/09/2019
24/08/2019
16/08/2019
16/08/2019