What are the opening hours?

Monday 06:00 - 21:00 Tuesday 06:00 - 21:00 Wednesday 06:00 - 21:00 Thursday 06:00 - 21:00 Friday 06:00 - 21:00 Saturday 06:00 - 21:00 Sunday 06:00 - 21:00

https://www.facebook.com/100917212319333/

Learners' Yatwon, Dagon (2026)

06/09/2025

"ချစ်တိုင်းလည်း မညား" ဆိုတာကိုလက်ခံနိုင်ရမယ်

ဘယ်လောက်ပဲရင်နှင့်အမျှ ချစ်ပါတယ်‌ပြောပြော
ဘယ်လောက်ပဲအတူလက်တွဲဖို့ ကတိတွေဆိုဆို
ကံမပါ အကြောင်းမတိုက်ဆိုင်ရင် လွဲကိုလွဲကြတာပဲ

လောကကြီးကိုဖြတ်သန်းရင်ဆိုင်ဖို့ အချစ်ကအားအင်တစ်ခုပဲဆိုပေမယ့်
ဒီလောကဓံကြီးက ထင်ထားတာထက်ပိုပြီးပြင်းထန်ပင်ပန်းရသလို
ပိုပြီးလည်းရက်စက်တတ်တယ်

အချစ်တစ်ခုတည်းနဲ့မလုံလောက်ဘူးရယ်

ပိုကောင်းမွန်တဲ့ဘဝကိုရဖို့
ပိုမိုလှပတဲ့ အနာဂတ်ကိုဖန်တီးဖို့
သူရော ကိုယ်ရောအတွက် အကောင်းဆုံးရွေးချယ်မှုဟာ လမ်းခွဲနှုတ်ဆက်ခြင်း ဖြစ်နေတတ်တယ်

ဒီလိုမျိုး သူရောကိုယ်ရောကောင်းဖို့ လမ်းခွဲနှုတ်ဆက်မှုမျိုးဟာ ရင်နာရင်နာလိမ့်မယ်
ဒါပေမယ့်
အမှန်တကယ် ကောင်းဖို့ဖြစ်လာတာပါပဲ
အမှန်တကယ် ချစ်ကြသူတွေဟာ ကိုယ့်ချစ်သူကို ဆင်စီးပြီးမြင်းရံတာမြင်ချင်ကြတာချည်းပါပဲ

ကိုယ့်ထက်သာတဲ့သူ ကိုယ့်ထက်သူ့ကို ပျော်အောင်ထားနိုင်မယ့်သူ ကိုယ့်ထက်ပိုမိုဖြည့်ဆည်းနိုင်တဲ့သူပေါ်လာခဲ့ရင် စွန့်လွတ်ပေးရမှာပဲလေ

စစ်မှန်တဲ့အချစ်တစ်ခုဆိုတာ ရယူပိုင်ဆိုင်ခြင်းထက် စွန့်လွတ်အနစ်နာခံခြင်းလို့ဆိုရင် ပိုအဓိပ္ပာယ်ရှိတာပေါ့

တချိန်ချိန် ‌တစ်နေရာရာမှာ အမှတ်မထင် ပြန်ဆုံကြတဲ့အခါ သူလည်းလိပ်ပြာသန့်သန့် ကိုယ်လည်းယုံကြည်မှုရှိရှိနဲ့ တစ်ယောက်ကိုတစ်ယောက် ဂုဏ်သရေရှိစွာ ပြုံးပြနှုတ်ဆက်နိုင်ဖို့တော့လိုတယ်လေ

ကောင်းမွန်သော လမ်းခွဲမှုများအတွက် ပြစ်ဒဏ်ဆိုတာမရှိပါဘူး ‌ရင်နာရပေမယ့်
နောက်တစ်ချိန်ပြန်တွေးကြည့်တဲ့အခါ
"ငါမလုပ်ပေး၊ မဖြည့်ဆည်းပေးနိုင်ခဲ့လေခြင်း" ဆိုတဲ့ နောင်တတော့ ကင်းနေမှာအမှန်ပဲပေါ့။

အချစ်စစ်အားလုံးအတွက် ဂုဏ်ယူ‌လျက်....။

Moe Thout Yan
September 6, 2025

Movie Name - My Love (2021)
Telegram Link - https://t.me/c/2683362615/353

11/06/2022

အဲ့လိုပြောပြီးတော့ တိုင်းပြည်စပျက်တော့တာပဲ

25/05/2022

ဟေ့ ဘေဘီတို့ရေ 😗

ဒီတစ်ခါ‌တော့ စနစ်သစ်အထက်တန်း(Grade-10,11,12)ကိုတက်လှမ်းကံစမ်းကြမယ့် juniorညီလေး ညီမလေးတို့အတွက် ဒီရုပ်ချောတဲ့အက်မင်ကနည်း"လေးအာချောင်မယ်နော်

2016ကစပြီးအ‌ကောင်ထည်ဖော်ခဲ့တဲ့ KG+12 systemအရ အထက်တန်းဟာ
‌ဒသမတန်း (Grade-10)
ဧကာဒသမတန်း (Grade-11)
ဒွာဒသမတန်း (Grade-12) ဆိုပြီးသုံးတန်းဖြစ်ပေါ်လာခဲ့တယ်

စနစ်သစ်မှာသေချာဂရုစိုက်သတိထားရမယ့်အချက် ဘာသာတွဲ‌အရွေးမှန်ဖို့ပဲ
အရွေးမှားရင် သွားပြီဘေဘီ

ဒါကြောင့်သေချာဖတ်သွား ရင်ထဲကအချစ်တွေနဲ့ရေးထားတာ😚

စနစ်သစ်(new course)မှာ စနစ်ဟောင်းတုန်းကလိုရှည်လျားထွေးပြားပြီး ပျင်းစရာကောင်းအောင်အာရုံသိပ်မများရတော့ပါဘူး

စနစ်ဟောင်းမှာဘာသာတွဲ(၇)တွဲရှိခဲ့တယ်😺
အခုစနစ်သစ်မှာတော့ဘာသာတွဲက(၄)တွဲပဲရှိတော့တယ် ^_^
ဘာတွေလဲဆိုတော့

✨STEAMS-1 အတွဲ(၁)
✨STEAMS-2 အတွဲ(၂)
✨STAMS-1 အတွဲ (၃)
✨STAMS-2 အတွဲ (၄)

S =science
T=technology
E=engineering
A=arts
M=mathematics
S=sports

💌အတွဲ(၁)လို့ခေါ်တဲ့ STEAMS-1

ဆရာဝန်၊ အင်ဂျင်နီယာဖြစ်ချင်တဲ့ညီလေး ညီမလေးတို့ရွေးကို‌ရွေးချယ်ရမယ့် ဘာသာတွဲပဲဗျာ
အက်မင်တို့စနစ်ဟောင်းရဲ့Hyperများစုဝေးရာ "ဆေးတက္ကသိုလ်"တွေ၊ အရှိန်အဟုန်နဲ့အဆင့်မြင့် အသားပေးလာပြီဖြစ်တဲ့ "နည်းပညာတက္ကသိုလ်"တွေကိုတက်ချင်တဲ့ကလေးတွေ ရွေးချယ်ရမယ့်ဘာသာတွဲပေါ့
(ဆေးတက္ကသိုလ်ဆိုတာ ဆေးနဲ့ဆိုင်တဲ့တက္ကသိုလ်အားလုံးကို ပြောချင်တာနော် ဘေဘီတို့ သူနာပြု တိကု သွားဆေး ဆေးဝါးကျွမ်းကျင် ဆေးနည်းပညာအားလုံးပါတယ်နော် ပူတူးတူးတို့)😗

သင်ကြားရမယ့်ဘာသာရပ်တွေက-

၁။။မြန်မာ♥️
၂။အင်္ဂလိပ်♥️
၃။သင်္ချာ♥️
၄။ဓာတုဗဒေ💛
၅။ရူပဗဒေ💛
၆။ဇီဝဗဒေ💛
၇။လူမှုရေးသိပ္ပံ(ပထဝီ+သမိုင်း+ဘောဂ)💚

၈။စာရိတ္တနှင့်ပြည်သူ့နီတိ💚
၉။ဘဝတွက်တာကျွမ်းကျင်စရာ💚
၁၀။ကာယပညာ(or)အနုပညာဂီတ(or)အနုပညာပန်းချီ💚

Geoကို Minorအနေနဲ့သင်ယူရမှာဖြစ်လို့ ရေကြောင်းသိပ္ပံတို့၊ လေကြောင်းသိပ္ပံတို့ကိုတက်ချင်တဲ့ သူတွေမရွေးသင့်ပါဘူး
________________________________

💌အတွဲ(၂)လို့ခေါ်တဲ့ STEAMS-2

သူကတော့ နည်းပညာ၊ စီးပွားရေး၊စီမံအုပ်ချုပ်မှုနဲ့ ဘူမိဗေဒဆိုင်ရာတက္ကသိုလ်တွေကိုတက်ချင်တဲ့ ဘေဘီလေးတို့ကရွေးချယ်ရမှာပါဗျာ

သင်ရမယ့်ဘာသာတွေက-

၁။မြန်မာ♥️
၂။အင်္ဂလိပ်♥️
၃။သင်္ချာ♥️
၄။ဓာတုဗဒေ💛
၅။ရူပဗဒေ💛
၆။ဘောဂဗေဒ💛
၇။ပထဝီ+သမိုင်း💚

၈။စာရိတ္တနှင့်ပြည်သူ့နီတိ💚
၉။ဘဝတွက်တာကျွမ်းကျင်စရာ💚
၁၀။ကာယပညာ(or)အနုပညာဂီတ(or)အနုပညာပန်းချီ💚

သူကတော့Bioမပါတဲ့အတွက်ဆေးဆိုင်ရာUniတွေကိုတက်ခွင့်မရှိပါဘူး သဲလေးတို့:")
________________________________

💌အတွဲ(၃)လို့ခေါ်တဲ့ STAMS-1

သူကတော့ နိုင်ငံတကာဆက်ဆံရေး၊ အင်္ဂလိပ်စာ နိုင်ငံခြားဘာသာတက္ကသိုလ်တွေ၊ စီးပွားရေးနဲ့ စီမံအုပ်ချုပ်ရေးဆိုင်ရာUniတွေ၊ ဝိဇ္ဇာပညာရပ်(e.g. ဉပဒေ၊ စိတ်ပညာ၊ အရှေ့တိုင်း၊ ဒဿနိက)တွေနဲ့အသက်မွေးလို‌သူတွေ ရွေးချယ်သင့်တဲ့ဘာသာတွဲဖြစ်တယ်ဗျာ

(ဆရာဝန်၊ Engineerဖြစ်ချင်တဲ့သူတွေလုံးဝရွေးလို့မရပါဘူး)

သင်‌ရမယ့်ဘာသာရပ်တွေက-

၁။မြန်မာ♥️
၂။အင်္ဂလိပ်♥️
၃။သင်္ချာ♥️
၄။ပထဝီဝင်💛
၅။သမိုင်း💛
၆။ဘောဂဗေဒ💛
၇။သိပ်ပံ(ဓာတု+ရူပ+ဇီဝ)💚

၈။စာရိတ္တနှင့်ပြည်သူ့နီတိ💚
၉။ဘဝတွက်တာကျွမ်းကျင်စရာ💚
၁၀။ကာယပညာ(or)အနုပညာဂီတ(or)အနုပညာပန်းချီ💚

သိပ္ပံကို Minor အနေနဲ့ပဲသင်ရတာဖြစ်လို့ ဆရာဝန်၊ Engineerဖြစ်ချင်တဲ့သူတွေလုံးဝရွေးလို့ မရပါဘူးနော် သေချာမှတ်ထားပါ ဘေဘီ😺
________________________________

💌အတွဲ(၄)လို့ခေါ်တဲ့ STAMS-2

စာရေးဆရာ၊ ကဗျာဆရာဖြစ်ချင်တဲ့စာရူးကဗျာရူးဘေဘီလေးတွေ မြန်မာစာ၊ မြန်မာစကားကိုနှစ်သက်မြတ်နိုးတဲ့သူတွေ၊ တေးရေး၊ အယ်ဒီတာ၊ Journalist၊ သမိုင်းပညာရှင်ဖြစ်ချင်သူတွေရွေးချယ်သင့်တဲ့ဘာသာတွဲလေးပါ သဲလေးတို့
ပြီးတော့လည်း အတွဲ(၃)လိုပဲ စီးပွားရေးနဲ့ စီမံအုပ်ချုပ်ရေးဆိုင်ရာUniတွေ၊ ဝိဇ္ဇာပညာရပ်(e.g. ဉပဒေ၊ စိတ်ပညာ၊ အရှေ့တိုင်း၊ ဒဿနိက)တွေနဲ့အသက်မွေးလို‌သူတွေရွေးချယ်သင့်ပါတယ်

သင်ယူရမယ့်ဘာသာတွေက

၁။မြန်မာ♥️
၂။အင်္ဂလိပ်♥️
၃။သင်္ချာ♥️
၄။စိတ်ကြိုက်မြန်မာစာ💛
၅။ဘောဂဗေဒ💛
၆။ပထဝီဝင်+သမိုင်း💛
၇။သိပ်ပံ(ဓာတု+ရူပ+ဇီဝ)💚

၈။စာရိတ္တနှင့်ပြည်သူ့နီတိ💚
၉။ဘဝတွက်တာကျွမ်းကျင်စရာ💚
၁၀။ကာယပညာ(or)အနုပညာဂီတ(or)အနုပညာပန်းချီ💚

အတွဲ(၃)လိုပဲသိပ္ပံကို Minor အနေနဲ့ပဲသင်ရတာဖြစ်လို့ ဆရာဝန်၊ Engineerဖြစ်ချင်တဲ့သူတွေလုံးဝရွေးလို့ မရပါဘူးနော် သေချာမှတ်ထားပါ ဘေဘီ😺
________________________________

အတွဲတိုင်းမှာဘာသာရပ်ကဆယ်ခုတောင်ဆိုပြီး လန့်မသွားပါနဲ သဲလေးတို့

ဘာသာရပ် ၁။ ကနေ ၇။ အထိပဲ ကျောင်းသားတို့ရဲ့ချစ်လှစွာသော အမှတ်၁၀၀ဖိုးစာမေးပွဲကိုဖြေရမှာပါ🙉
ကျန်တဲ့ဘာသာရပ်သုံးခုက ဆရာတွေရဲ့အတန်းတွင်းAssessmentလောက်နဲ့ပဲနိဂုံးချုပ်မှာပါ🤫

♥️ မသင်မနေရဘာသာ
💛 အဓိကဘာသာ
💚 ဖြည့်စွက်ဘာသာ

ဖြည့်စွက်ဘာသာနံပတ် ၁၀။ ကတော့ ကာယ၊ ဂီတ၊ ပန်းချီထဲက တစ်ခုခုကိုရွေးချယ်ရမှာဖြစ်ပါတယ်
(ကြိုက်ရာရွေးချယ် မြက်နုတ်ခိုင်းမယ် လုပ်ရင်တော့ စနစ်သစ်ဆိုတာ အမည်ခံပဲဖြစ်နေဦးမှာပါ)

Note - ကိုယ်ဝါသနာပါတာကိုလုပ်လို့ရမယ့်ဘာသာတွဲမျိုးကိုယူဖို့တိုက်တွန်းပါတယ်💟

အချစ်များနှင့် Learners' Yatwon ✨

Edit-ထပ်ပြီးသိလိုတာရှိရင်လည်းမေးမြန်းနိုင်ပါတယ်😸

မေတ္တာရပ်ခံချက် - အောက်ပါပုံရှိ "စနစ်သစ်ကဘာတွေသင်ရမှာလည်း"ဟူသောစာသားကို "စနစ်သစ်ကဘာတွေသင်ရမှာလဲ"ဟု ပြောင်းလဲဖတ်ရှုပေးပါရန်🐷

23/05/2022

အသားတေပါ တဆတ်"တုန်ကြလော့

15/04/2022

🍀ညကဒီအကြောင်းကိုတော်တော်လေးတွေးလိုက်မိလို့ပါ။ "Climate Change" ဆိုတာကို Bloombregကလာသွားတဲ့ "A Conversation with Bill Gate" talk showမှာစကြားဖူးခဲ့တာပါ။ အသေးစိတ်ကိုတော့ အခုနောက်ပိုင်း စနစ်သစ်သင်ရိုးမှာပါလာတာရယ် Biology ကိုလေ့လာမိတာရယ်နေပြီးသိခဲ့ရတာ။

❗(စာရှည်ပေမယ့်ဖတ်တဲ့သူတိုင်းအကျိုးမယုတ်စေရဘူးလို့အာမခံတယ်)

🍀Climate Change ရာသီဥတုဖောက်ပြန်ပြောင်းလဲမှုပေါ့။ သူကပြဿနာကြီလွန်းလို့ နိုင်ငံတကာကသိပ္ပံပညာရှင်တွေရော၊ ရာသီဥတုတက်ကြွလှုပ်ရှားသူတွေရောက ကမ္ဘာ့ခေါင်းဆောင်အသီးသီးကို အကြိမ်ကြိမ်အခါခါသတိပေးခဲ့ကြပါတယ်။ ဘာတွေသတိပေးလဲဆိုတော့ လေထုထဲကိုညစ်ညမ်းဓာတ်ငွေ့တွေအများအပြားထုတ်လွတ်နေတဲ့စက်ရုံအလုပ်ရုံတွေလျော့ချဖို့ fossil fuels တွေရေချိုသယံဇာတတွေနဲ့ လျှပ်စစ်စွမ်းအင်တွေကိုချွေတာဖို့ သစ်ပင်တွေများများစိုက်ဖို့ ဂေဟစနစ်တွေကိုထိန်းသိမ်းဖို့စတာတွေအများအပြားပေါ့။ ဒါပေမယ့် ခေါင်းဆောင်တော်တော်များများက ကမ္ဘာကြီးကျန််းမာရေးထက် သူတို့ချမ်းသာရေးကိုပဲဦစားပေးခဲ့တော့ လက်တွေ့မှာကမ္ဘာ့ကျန်းမာရေးနဲ့သူတို့ပေးတဲ့ဆေးကမကာမိဘူးဖြစ်ခဲ့တာပါ။

🍀ရေနံ၊ ကျောက်မီးသွေးနဲ့ သဘာဝဓာတ်ငွေ့လိုအသစ်ဖန်တီးလို့မရ‌ေတာ့တဲ့non-renewable finite resources တွေကိုအလွန်အကျွံထုတ်ယူသုံးစွဲတာတွေ
သစ်တောပြုန်းတီးမှုတွေရဲ့ အကျိုးရလဒ်ကကမ္ဘာကြီးပူနွေးလာတာပါပဲ။ အခုနောက်ပိုင်းစစ်တမ်းတွေအရဆိုအပူချိန်ကတစ်နှစ်တစ်နှစ်ကို2-5°Cနှုန်းမြင့်တက်လာတယ်တဲ့။သတိထားမိကြမှာပါ မနှစ်ကဆိုသိပ်ကိုပူတာ။ဒါကကျွန်တော်တို့တွေနေထိုင်ရတာပူလာတာအပြင် ဝင်ရိုးစွန်းဒေသတွေမှာရှိတဲ့ရေခဲပြင်ကြီးတွေကိုပါအရည်ပျော်ကျစေပါတယ်။ အဲ့အရည်ပျော်ကျလာတဲ့ရေတွေဟာပင်လယ်‌ေရမျက်နှာပြင်ကိုတစ်နှစ်တစ်နှစ်ကိုကမ်းရိုးတန်းမျက်နှာပြင်အထက်နှစ်လက်မစီမြင့်တက်လာပါတယ်။(ကမ်းစပ်မှာနေထိုင်တဲ့သူတွေဆိုပိုသတိထားမိမှာပါ) သူကနောက်ပိုင်းမှာဘာဖြစ်သွားနိုင်လဲဆိုတော့ ဧရာဝတီတို့ ဘင်္ဂလား‌ေဒ့ရှ်နိုင်ငံတို့လိုမြစ်ဝကျွန်းပေါ်ဒေသတွေကိုရေလွှမ်းမိုးမှုတွေဖြစ်သွားနိုင်ပါတယ်ယ်။ ဆိုလိုချင်တာကကုန်းမြေနယ်နိမိတ်တွေကျဥ်းသွားပြီး habitat တွေဆုံးရှုံးသွားစေတာပါ။ ဒိတော့ecosystemတွေပါဖရိုဖရဲတွေဖြစ်လာတာပေါ့။

🍀ဒါ့အပြင်် El Nino(အယ်နီညို)တို့La Nina(လာနီညာ)တို့လိုအပူအအေးလွန်ကဲမှုတွေက လူသားအပါအဝင်သက်ရှိတော်တော်များများကိုသေစေနိုင်တဲ့အထိကိုပြင်းထန်လာတာတွေတွေ့လာရပါတယ်။ မနှစ်ကလား တနှစ်ကလား ဂျပန်မှာအပူဒဏ်မခံနိုင်လို့လူအယောက်၃၀လောက်သေတယ်လေ။ကျွန်တော်တို့ဆီမှာလည်း၂၀၂၀တုန်းကမိုးကြိုးပစ်ခံရလို့သေတဲ့သူတွေနည်းတာမှမဟုတ်ပဲ။ ဒါတွေက Climate change ရဲ့ရလဒ်အသေးစားလေးတွေပဲ။Austrilaလိုနိုင်ငံတေဆိုလောင်လိုက်တဲ့တောမီးတွေ မြို့တွေပါစွန့်ပြီးပြေးရတဲ့အဖြစ်တွေဖြစ်နေကြတာ။ ဘယ်သူတွေကလုပ်တာလဲဆိုရင်တော့ ကျွန်တော်အပါအဝင်လူသားအားလုံးပါပဲ။

🍀ကျောင်းသားတစ်ယောက်အနေနဲ့အနီးဆုံးကိုကြည့်မယ်ဆိုရင် ကျောင်းသုံးပုံနှိပ်စာအုပ်တွေလုပ်ဖို့စက္ကူတွေက သစ်ပင်ဝါးပင်တွေကိုကုန်ကြမ်းထားရတာပါ။ အဆင့်မြင့်ပညာအတွက်ထားလိုက်ဦး အခြေခံပညာကျောင်းသုံးစာအုပ်တွေအတွက်နိုင်ငံတော်ကနှစ်စဥ်ပုံမှန်စာအုပ်ရေ ရှစ်သန်း(8 millions)လောက်ထုတ်နေရတာပါ။ (ရေးစာအုပ်တွေမပါသေးဘူးနော်)အဲ့စာအုပ်တွေထုတ်ဖို့အတွက်ခုတ်ရတဲ့သစ်ပင်တွေ အိမ်ထောင်ပရိဘောဂပစ္စည်းတွေအတွက်ခုတ်ရတဲ့သစ်ပင်တွေအရေအတွက်က ပြန်လည်စိုက်ပျိုးတဲ့သစ်ပင်အရေအတွက်နဲ့ယှဥ်လိုက်ရင် အများကြီးကွာတာပါတယ်။ ပြီးတော့သစ်ပင်တစ်ပင်ဖြစ်ဖို့ဆိုတာနှစ်ချီပြီးကြာပါတယ်။ သစ်ပင်တွေကလူတွေတိရိစ္ဆာန်တွေအသက်ရှူထုတ်လိုက်တဲ့ Carbon dioxide ဓာတ်ငွေ့ကို လူတွေအသက်ပြန်ရှူသွင်းလို့ရတဲ့ oxygen အနေနဲ့ပြန်ထုတ်ပေးပါတယ် ပြောရရင်တော့CO2ပမာဏကိုထိန်းပေးတာပေါ့။ တောတွေပြုန်းလာတော့အပင်တွေနည်းလာတယ် အပင်တွေနည်းလာတော့CO2ကိုထိန်းနိုင်စွမ်းနည်းလာတယ်။ CO2ရဲ့သဘောက ကမ္ဘာ့လေထုကိုပူနွေးစေတယ်။ Global Warming ဖြစ်လာစေတာပေါ့။ CO2ကအခုဆိုပါဝင်ကိန်း550ppmအထိရှိလာပါပြီ။ (ppmဆိုတာက part per million အပုံတစ်သန်းမှာတစ်ပုံ)550ဆိုတာCO2အတွက်တောမဖြစ်သင့်တဲ့ပမာဏပါ။ အန္တရာယ်ရှိတဲ့အခြေအနေပေါ့။

🍀အခုသိပ္ပံပညာရှင်တွေနဲ့ မိုးလေဝသပညာရှင်တွေ(climatologists) တွေပြောသွားတြ့ အချိန်(၁၂)နှစ်ပဲရှိတော့တယ်ဆိုတာက အဲ့အချိန်ကျရင် ကမ္ဘာကြီးက "ဝုန်းခနဲ"ထပျက်မှာကိုပြောတာမဟုတ်ပါဘူး။ တဖြေးဖြေးနဲ့နေချင်စရာကောင်းတြ့ကမ္ဘာလောကကြီးမဟုတ်တော့ဘဲစိတ်ပျငက်စရာတွေနဲ့ပြည့်နေတဲ့လောကကြီးအဖြစ်ပြောင်းသွားမျာကို‌ပြောတာပါ။ ကမ္ဘာလိုမျိုးပမာဏကြီးမားတဲ့ ထုထည်တစ်ခုဟာပူလောင်လာပြီဆိုရင် အဲ့ဒီပူလောင်မှုကိုအရှိန်လျှော့ဖို့မလွယ်တော့သလို ရပ်တန့်ဖို့တောင်မဖြစ်နိုင်လောက်တဲ့အထိဖြစ်သွားနိုင်လို့ပါ။ ဒါဆိုဘာဖြစ်မလဲဆိုတော့ ကျွန်တော်တို့အပါအဝင်သင်ရှိတွေရှင်သန်နေထိုင်ဖို့ extensionလို့ခေါ်တဲ့ကျပ်တည်းမှုတွေဖြစ်ပေါ်လာတာပေါ့။(သဘာဝဘေးတို့ အငတ်ဘေးတို့စသည်ဖြင့်)

🍀ဒါကြောင့်လုံးဝအဆိုးဆုံးအခြေအနေကိုရောက်မသွားခင်ပြင်ဆင်ဖို့အချိန်ငါးနှစ်လောက်တော့ရမယ်လို့ခန့်မှန်းထားကြပါတယ်။ဘာတွေပြင်‌ဆင်ဆောင်ရွက်ရမလဲဆိုရင်တာ့လွယ်လွယ်လေးပါ။

🍀၁။ လျှပ်စစ်ဓာတ်အားကိုချွေတာပါ။

(ကျွန်တော်တို့နိုင်ငံမှာလျှပ်စစ်ကိုထုတ်
တဲ့ပုံစံသုံးမျိုးရှိပါတယ် ဘီလူးချောင်း၊လောပိတကပေးတဲ့ရေအားလျှပ်စစ်၊ တချို့နေရာတွေမှာစီမံကိန်းနဲ့သုံးနေပြီဖြစ် နေရောင်ခြည်သုံးsolarလျှပ်စစ် နဲ့လောင်စာသုံးလျှပ်စစ်တို့ပါ။ နိုင်ငံတကာမှာလို wind power & thermal power တို့ကနေမထုတ်နိုင်သေးပါဘူး။ အခုချိန်ထိလျှပ်စစ်မီးမရသေးတဲ့ဒေသတွေတစ်နိုင်ငံလုံးမှာအများကြီးကျန်နေပါသေးတယ် ဒါကြောင့်ရထားတဲ့သူက မလိုအပ်ဘဲ မီးတွေအကုန်ဖွင့်ထားတာမျိုး TVမကြည့်ဘဲဖွင့်ထားတာမျိုး plugတွေတွယ်ထားတာမျိုးတွေလိုမျိုးအသုံးမဟုတ်တဲ့အဖြုန်းလုပ်ရပ်တွေကိုရပ်ရပါမယ်)

🍀၂။ ရေချိုတွေကိုချွေတာပေးပါ။

(မိုးခေါင်တဲ့နေရာတွေမှာသောက်သုံးရေအတွက်တောင်အခက်ခဲဖြစ်နေကြတဲ့အချိန်မှာရေပေါ‌တဲ့ဒေသလူတွေက လုံးဝလက်လွတ်စပယ်မသုံးသင့်ပါဘူး ရန်ကုန်လိုမြို့ကြီးတွေမှာတောင်ရေစိမ့်ဝင်နိုင်တဲ့ဧရိယာတွေနည်းလာတာကြောင့်မြေအောက်ရေရဖို့တောင်ခက်ခဲသွားနိုင်ပါတယ်။USလိုမျိုးပင်လယ်ရေကနေ ရေချိုထုတ်လုပ်နိုင်အားမရှိသေးတဲ့အတွက်ရှိတဲ့ရေချိုတွေကိုတန်ဖိုးထားပေးပါ။သင်္ကြန်အကြောင်း‌ေနာက်မှသပ်သပ်ပြောဦးမယ်။)

🍀၃။ plasticsကိုတတ်နိုင်ရင်လုံးဝမသုံးပါနဲ့တော့။

(ရှိထားတဲ့plasticsတွေကိုပဲ recycleလုပ်ပေးပါ plastic အပါအဝင်အမှိုက်‌တွေကိုလက်လွတ်စပယ်မပစ်ပါနဲ့ သွားလာရငိးနဲ့ပဲဖြစ်ဖြစ်အမှုိက်တွေကိုမကောက်နိုင်ရင်တောင်မချပါနဲ့မြေဆီလွှာကိုညစ်ညမ်းစေပါတယ် plasticလိုပစ္စည်းမျိုးတွေကပျက်စီးဖို့လည်းမလွယ်ပါဘူး၊ ခေါက်ဆွဲ၊ မုန့်ဟင်းခါးတွေကိုလည်း ချိုင့်လေးတွေနဲ့ထုတ်ပြီးဝယ်ကြပါ)

🍀၄။ Diesel engine တွေကိုတတ်နိုင်သမျှလျော့သုံးပါ။

(ဆိုင်ကယ်၊ကား exhaustကနေထွက်လာတဲ့ဓာတ်ငွေ့တွေကခရမ်းလွန်ရောင်ခြည်ကိုကာကွယ်ပေးတဲ့အိုဇုန်းလွှာကြီးကိုပါးလွာစေပါတယ်။ရပ်ကွက်ထဲကသူငယ်ချင်းအိမ်၊ လမ်းထိပ်ကမုန့်ဆိုင်လောက်တော့စက်ဘီးလေးနဲ့ဖြစ်ဖြစ်လမ်းလျှောက်လို့ပဲဖြစ်ဖြစ်သွားလို့ရပါတယ်)

🍀၅။ အရေးမကြီးတဲ့ emailတွေကိုဖျက်လိုက်ပါ။

(email တစ်စောင်ဟာCO2e (carbon dioxide equivalent) 4g ကိုထုတ်လွှတ်ပါတယ်။ တစ်နှစ်ကို emailကြောင့် CO2e 136kg ထွက်နေပါတယ်။ မိုင်200 မောင်းလိုက်တဲ့
ကားတစ်စီးကထုတ်လွှတ်တဲ့ CO2
ပမာဏနဲ့ညီမျှပါတယ်)

🍀၆။ သစ်ပင်စိုက်ပါ။မစိုက်နိုင်ရင်Google အစား ecosia ကိုသုံးပါ။

(ecosia ဟာ သူတို့ရတဲ့ အကျိုးအမြတ်ကို အပင်တွေစိုက်ပျိုးရာမှာအသုံးချပါတယ်
ecosia မှာ အကြိမ်ရေ၄၀-၄၅ကြိမ် searchingလုပ်တာနဲ့ သစ်ပင်တစ်ပင်စိုက်ပျိုးပေးပါတယ်။ecosia သာ googleလိုအသုံးပြုသူများလာခဲ့ရင် ကမ္ဘာတစ်၀န်းလုံးကCO2 ထုတ်လွှတ်မှုရဲ့ 15% ကို စုပ်ယူပေးနိုင်ပါမယ်။အခုဆိုရင်လည်း ecosiaကသစ်ပင်ပေါင်းသန်း၁၄၇ပင်ကျော်စိုက်ပျိုးပြီးပါပြီ။မဒေါင်းရသေးသူတွေအတွက် linkပါ။

https://www.ecosia.org/?c=en
androidရောiOSရောသုံးလို့ရပါတယ်။

🍀မသေခင်နှစ်တွေကိုသန့်ရှင်းတဲ့ရေ၊လေ၊မြေတွေနဲ့ရှင်သန်ချင်သေးရင်တော့ဒီအချက်ကလေးတွေကိုလိုက်ပါဆောင်ရွက်ပေးကြပါ။မသိသေးတဲ့သူတွေအတွက်လည်း shareပေးလိုက်ကြပါဦးဗျ။

🌍🌎🌏
#ကမ္ဘာမြေကြီးကျန်းမာပါစေ

ဒီပုံတွေက မြန်မာနိုင်ငံရဲ့အဆိုးဆုံးသဘာဝပတ်ဝန်းကျင်ကပ်ဘေးဖြစ်ခဲ့တဲ့၂၀၀၈နာဂစ်မုန်တိုင်းရဲ့ပုံတွေပါ။ (Ecosia မှရှာယူထားသည်)

I wish we will never be the same again.🍀

Address

Dagon

Opening Hours

Monday	06:00 - 21:00
Tuesday	06:00 - 21:00
Wednesday	06:00 - 21:00
Thursday	06:00 - 21:00
Friday	06:00 - 21:00
Saturday	06:00 - 21:00
Sunday	06:00 - 21:00

Website

facebook.com

Alerts

Be the first to know and let us send you an email when Learners' Yatwon posts news and promotions. Your email address will not be used for any other purpose, and you can unsubscribe at any time.

Contact The School

Send a message to Learners' Yatwon:

Learners' Yatwon