Bago University Interim Council

ဝန်ကြီးချုပ်ရုံးအတွင်းဝန် ဒေါ်ကြည်ပြာ၏ အဂတိလိုက်စားမှုအား အပြစ်မရှိကြောင်း ထုတ်ပြန်မှုအပေါ် ပြင်းထန်စွာရှုံချကြောင်း ကြေညာချက်

ရက်စွဲ။ ၂၀၂၆ ခုနှစ် ဖေဖော်ဝါရီလ (၂၁) ရက်

၂၀၂၅ ခုနှစ် နိုဝင်ဘာလ (၁၉) ရက်နေ့တွင် ဝန်ကြီးချုပ်ရုံးမှ ဝန်ထမ်းဟောင်း (၁၂) ဦး မှ ဝန်ကြီးချုပ်ရုံး အတွင်းဝန် ဒေါ်ကြည်ပြာအား အဂတိလိုက်စားမှု အပါအဝင် အမှုများဖြင့် အမျိုးသားညီညွတ်ရေးအစိုးရထံသို့ တိုင်ကြားခဲ့ကြောင်း သိရှိရပါသည်။
ထိုတိုင်ကြားချက်ကြောင့် အမျိုးသားညီညွတ်ရေးအစိုးရသည် တိုင်ကြားခံရသူများအား တာဝန်မှ ရပ်ဆိုင်းပြီး စုံစမ်းရေးအဖွဲ့ ဖွဲ့စည်းကာ စစ်ဆေးနေကြောင်း သိရှိရသဖြင့် မိမိတို့ကောင်စီများအနေဖြင့် မိမိတို့အစိုးရအား များစွာ အားကိုးမျှော်လင့်ခဲ့ပါသည်။
သို့သော် အစိုးရအနေဖြင့်စစ်ဆေးရာတွင် ပွင့်လင်းမြင်သာမှုအားနည်းသည့်အပြင် တိုင်ကြားခံရသူက တိုင်ကြားသူများအား ပြန်လည်တိုင်ကြားသည့်ဖြစ်စဉ်အား အရေးတယူပြုလုပ်ခြင်း၊ ကတိပေးထားသည့် အချိန်ထက် အချိန်ဆွဲခြင်း၊ အပြီးသတ်ဆုံးဖြတ်ချက်တွင်လည်း ဒေါ်ကြည်ပြာတွင် အပြစ်မရှိကြောင်းဟူ၍ သက်သေမပြုနိုင်သော ဘက်လိုက်ဆုံးဖြတ်ချက်များ ချမှတ်သည်ကို ဝမ်းနည်းဖွယ်တွေ့ရှိရသည်။
မိမိတို့ ကြားကာလတက္ကသိုလ်ကောင်စီများသည် မတရားမှု၊ အဂတိလိုက်စားမှု စသော ကိစ္စရပ်များကို မနှစ်မြို့၍ အကြမ်းဖက်စစ်အုပ်စုအား CDM ပြုလုပ်ကာ တော်လှန်ရေးတွင် ပါဝင်နေကြခြင်းဖြစ်ပါသည်။ ယခုအခါ တော်လှန်ရေးအစိုးရဟု သတ်မှတ်ထားသည့် အမျိုးသားညီညွတ်ရေးအစိုးရသည် တော်လှန်ရေးကို မျက်ကွယ်ပြုကာ မတရားမှုပြုလုပ်ထားသော မိမိတို့လူကို ကာကွယ်ခြင်း၊ ဘက်လိုက်ခြင်း၊ အဂတိလိုက်စားမှုကို ဖုံးကွယ်ခြင်း စသော လုပ်ရပ်များ ပြုလုပ်လာသည်ကိုတွေ့ရှိရသည်။
သို့ဖြစ်ပါ၍ မိမိတို့ ကြားကာလတက္ကသိုလ်ကောင်စီများအနေဖြင့် အဆိုပါ လုပ်ရပ်ကို ပြင်းထန်စွာကန့်ကွက် ရှုတ်ချလိုက်ပြီး အောက်ပါအချက်အလက်များကို တောင်းဆိုလိုက်သည်
၁။ စုံစမ်းစစ်ဆေးရေးအဖွဲ့ အစီရင်ခံစာကို ထုတ်ပြန်ရန်
၂။ ဒေါ်ကြည်ပြာအဂတိလိုက်စားမှုမရှိကြောင်း သက်သေပြနိုင်သည့်အချက်များ ထုတ်ပြရန်
၃။ စုံစမ်းစစ်ဆေးမှုကို ပွင့်လင်းမြင်သာမှုနှင့် တရားမျှတစွာ ပြန်လည်ဆောင်ရွက် ပေးရန်
၄။ မိမိတို့ယုံကြည်အားထားသည့် အစိုးရ၏ ခိုင်မာမှုမရှိသည့်ထုတ်ပြန်ချက်သည် CDM များ၏ ရပ်တည်မှုကို များစွာ အားလျော့စေပါသဖြင့် အထူးအလေးထား ဆောင်ရွက်ပေးပါရန်

ကြားကာလတက္ကသိုလ်ကောင်စီများ

၁။ ပဲခူးတက္ကသိုလ်ကြားကာလတက္ကသိုလ်ကောင်စီ
၂။ မွေးမြူရေးဆိုင်ရာဆေးတက္ကသိုလ် ကြားကာလတက္ကသိုလ်ကောင်စီ
၃။ ဟင်္သာနည်းပညာတက္ကသိုလ်ကြားကာလတက္ကသိုလ်အုပ်ချုပ်ရေး ကောင်စီ
၄။ အခြေခံကျန်းမာရေးတက္ကသိုလ်ကောင်စီ
၅။ မကွေးတက္ကသိုလ်ကြားကာလယာယီအုပ်ချုပ်ရေးကောင်စီ
၆။ မိတ္ထီလာတက္ကသိုလ်ကြားကာလယာယီအုပ်ချုပ်ရေးကောင်စီ
၇။ တောင်ငူတက္ကသိုလ်ကြားကာလအုပ်ချုပ်ရေးကောင်စီ
၈။ သန်လျင်နည်းပညာတက္ကသိုလ် ကြားကာလတက္ကသိုလ်ကောင်စီ
၉။ မန္တလေးတက္ကသိုလ် ကြားကာလယာယီတက္ကသိုလ်ကောင်စီ (UMIC)
၁၀။ မြိတ်တက္ကသိုလ်ကြားကာလယာယီအုပ်ချုပ်ရေးကောင်စီ
၁၁။ ပုသိမ်တက္ကသိုလ်ကြားကာလယာယီအုပ်ချုပ်ရေးကောင်စီ
၁၂။ ရေနံချောင်းတက္ကသိုလ်ကြားကာလတက္ကသိုလ်ကောင်စီ
၁၃။ မြန်မာနိုင်ငံသူနာပြုနှင့်သားဖွားသင်တန်းကျောင်းများ ယာယီကောင်စီ
၁၄။ ပြည်တက္ကသိုလ်ကြားကာလကောင်စီ
၁၅။ ဒဂုံတက္ကသိုလ်ကြားကာလကောင်စီ
၁၆။ ပြည်ထောင်စုတိုင်းရင်းသားလူငယ်များစွမ်းရည်ဖွံ့ဖြိုးရေးဒီဂရီကောလိပ်များ ကြားကာလအုပ်ချုပ်ရေးကောင်စီ (NYRDDCS'IAC)
၁၇။ ဧရာဝတီကြားကာလတက္ကသိုလ်ကောင်စီများ

ဗကသများ အဖွဲ့ချုပ် ( အဖွဲ့ဝင် ) ကျောင်းသားရဲဘော် Grade 11 ကျောင်းသား မောင်မြင့်မြတ်ဦး
လူမဆန်စွာ ရက်ရက်စက်စက် အသတ်ခံရမှုနှင့်ပတ်သက်၍ သဘောထားထုတ်ပြန်ချက် (နောက်ဆက်တွဲ)
ရက်စွဲ။ ၂၀၂၄ ခုနှစ်၊ ဇူလိုင်လ (၁၆) ရက်

၁။ စစ်ကိုင်းတိုင်း၊ ဝက်လက်မြို့နယ်၊ စိုင်နိုင်ကြီးကျေးရွာတွင်နေထိုင်သော ဝက်လက်မြို့နယ်၊ ဗကသများ အဖွဲ့ချုပ် ( အဖွဲ့ဝင် ) ကျောင်းသားရဲဘော် Grade 11 ကျောင်းသား မောင်မြင့်မြတ်ဦး (အသက် ၁၆ နှစ်) သည် ၂၀၂၄ ခုနှစ်၊ ဇူလိုင်လ (၈) ရက်နေ့၊ ည (၉) နာရီခန့်၌ သုသာန်မှ အင်တာနက်သုံးပြီး အိမ်အပြန်လမ်း တွင် ရက်စက်စွာ လည်လှီးဖြတ်၍ ဥပဒေမဲ့မတရားသဖြင့် အသတ်ခံရကြောင်း သိရှိရပါသည်။

၂။ ထိုကျောင်းသားသည် အရွယ်မရောက်သေးသည့်အပြင် အနေအေးပြီး မည်သူနှင့်မျှ ရန်ငြိုးရန်စ မရှိကြောင်း စုံစမ်းသိရှိရပါသည်။ ဤကဲ့သို့သော ကျောင်းသားလူငယ်ကို လူမဆန်စွာ ရက်ရက်စက်စက် လုပ်ကြံ သတ်ဖြတ်ကြောင်း သိရှိရသည့်အတွက် များစွာဝမ်းနည်းအံ့ဩထိတ်လန့်ရပါသည်။

၃။ ကျောင်းသား/သူများ၏ ကျောင်းသားသမဂ္ဂများဖွဲ့စည်းခွင့်၊ ကျောင်းသားသမဂ္ဂများတွင် ပါဝင်ဆောင်ရွက် ခွင့်၊ လွတ်လပ်စွာသင်ယူခွင့်၊ လုံခြုံဘေးကင်းစွာအသက်ရှင်နေထိုင်ခွင့် အပါအဝင် ကလေးသူငယ်အခွင့် အရေးများကို ချိုးဖောက်မှုများ၊ ခြိမ်းခြောက်မှုများ၊ အုပ်စုဖွဲ့ဥပဒေမဲ့ရက်စက်ရမ်းကားမှုများ၊ ဖိနှိပ်မှုများ အားလုံးနှင့် ကျူးလွန်သူများအားလုံးကို ကျွန်ုပ်တို့ ကြားကာလတက္ကသိုလ်ကောင်စီများနှင့် ဘာသာရပ်ဘုတ် အဖွဲ့များအနေဖြင့် အပြင်းအထန် ကန့်ကွက်ရှုတ်ချသည်။

၄။ အမျိုးသားညီညွတ်ရေးအစိုးရ၊ စိုးမိုးသည့် နယ်မြေတွင် ဖြစ်ပေါ်ခဲ့သည်ဖြစ်ရာ အမှုမှန်ပေါ်ပေါက်ရေးအတွက် သက်ဆိုင်ရာတာဝန်ရှိသူများက တာဝန်ယူမှုတာဝန်ခံမှုရှိစွာ အမြန်ဆုံးဆောင်ရွက်ပေးရန်နှင့် စေခိုင်းသူများ၊ ကျူးလွန်သူများနှင့် ပူးပေါင်းဆောင်ရွက်သူများအပါအဝင် ဤအမှုတွင် ပါဝင်ဆက်စပ်ပတ်သက်သူများ အားလုံးကို ဥပဒေနှင့်အညီ ထိရောက်စွာ အပြစ်ပေးအရေးယူရန်နှင့် လုပ်ကိုင်ဆောင်ရွက်မှုများကို ပွင့်လင်း မြင်သာစွာထုတ်ပြန်ပေးရန် အလေးအနက်ထား တောင်းဆိုလိုက်သည်။
ဘာသာရပ်ဘုတ်အဖွဲ့များ နှင့် ကြားကာလတက္ကသိုလ်ကောင်စီများ

(၂၀၂၄ ခုနှစ်၊ ဇူလိုင်လ (၁၆) ရက်နေ့ ) သဘောထားထုတ်ပြန်ချက်တွင် ပါဝင်သည့် ဘာသာရပ်ဘုတ်အဖွဲ့များ နှင့် ကြားကာလတက္ကသိုလ်ကောင်စီများ*
ကွန်ပျူတာသိပ္ပံဘာသာရပ်ဘုတ်အဖွဲ့
ရုက္ခဗေဒနှင့် အဏုဇီဝဗေဒဘာသာရပ်ဘုတ်အဖွဲ့
ကလေးတက္ကသိုလ်၊ ကြားကာလယာယီအုပ်ချုပ်ရေးကောင်စီ
ကြားကာလတက္ကသိုလ်ကောင်စီ၊ တောင်ကုတ်တက္ကသိုလ်
ထားဝယ်နည်းတက္ကသိုလ်၊ ကြားကာလအုပ်ချုပ်မှုကောင်စီ
ဟင်္သာတနည်းပညာတက္ကသိုလ် ကြားကာလယာယီတက္ကသိုလ်အုပ်ချုပ်ရေးကောင်စီ
ကြားကာလတက္ကသိုလ်ကောင်စီ၊ ပဲခူးတက္ကသိုလ်
ကြားကာလတက္ကသိုလ်ကောင်စီ၊ ရေနံချောင်းတက္ကသိုလ်
ရန်ကုန်အနောက်ပိုင်းနည်းပညာတက္ကသိုလ် ကြားကာလတက္ကသိုလ်ကောင်စီ
ကြားကာလတက္ကသိုလ်ကောင်စီ၊ မိတ္တီလာ နည်းပညာတက္ကသိုလ်
ကြားကာလတက္ကသိုလ်ကောင်စီ၊ ထားဝယ်နည်းပညာတက္ကသိုလ်
ယာယီတက္ကသိုလ်ကောင်စီ၊ နည်းပညာ တက္ကသိုလ်(မုံရွာ)
အမျိုးသားစီမံခန့်ခွဲမှုပညာဒီဂရီကောလိပ်၊ ယာယီဒီဂရီကောလိပ်ကောင်စီ
နည်းပညာတက္ကသိုလ်(မကွေး)၊ ယာယီတက္ကသိုလ်ကောင်စီ
ဆေးတက္ကသိုလ် (မကွေး)၊ ယာယီတက္ကသိုလ်ကောင်စီ
ကွန်ပျူတာတက္ကသိုလ်(မကွေး)၊ ယာယီတက္ကသိုလ်ကောင်စီ
မြန်မာနိုင်ငံသူနာပြုနှင့်သားဖွားသင်တန်းကျောင်းများ ယာယီကောင်စီ
မြန်မာ့နွေဦးတက္ကသိုလ်
ကြားကာလယာယီတက္ကသိုလ်ကောင်စီ၊အမျိုးသားယဉ်ကျေးမှုနှင့်အနုပညာတက္ကသိုလ်(မန္တလေး)
ယာယီတက္ကသိုလ်ကောင်စီ၊ သမဝါယမတက္ကသိုလ်ကောလိပ်များ
National University of Computer Studies (NUCS)

*မှတ်ချက်။ (၂၀၂၄ ခုနှစ်၊ ဇူလိုင်လ (၁၁) ရက်နေ့ ) သဘောထားထုတ်ပြန်ချက်တွင် ပါဝင်သည့် ဘာသာရပ်ဘုတ် အဖွဲ့များ နှင့် ကြားကာလတက္ကသိုလ်ကောင်စီများ
စီးပွားရေးနှင့်စီမံခန့်ခွဲမှုသိပ္ပံဘာသာရပ်ဘုတ်အဖွဲ့
ပထဝီဝင်နှင့် ပတ်ဝန်းကျင်ဆိုင်ရာဘာသာရပ်ဘုတ်အဖွဲ့
ဗိသုကာဘာသာရပ်ဘုတ်အဖွဲ့
ဘူမိသိပ္ပံဘာသာရပ်ဘုတ်အဖွဲ့
မြန်မာစာဘာသာရပ်ဘုတ်အဖွဲ့
မြို့ပြအင်ဂျင်နီယာဘာသာရပ်ဘုတ်အဖွဲ့
ရူပဗေဒဘာသာရပ်ဘုတ်အဖွဲ့
သင်္ချာဘာသာရပ်ဘုတ်အဖွဲ့
သတ္တဗေဒဘာသာရပ်ဘုတ်အဖွဲ့
သမိုင်းဘာသာရပ်ဘုတ်အဖွဲ့
အင်္ဂလိပ်စာဘာသာရပ်ဘုတ်အဖွဲ့
ဥပဒေပညာဘာသာရပ်ဘုတ်အဖွဲ့
ကျောက်ဆည်တက္ကသိုလ် ကြားကာလယာယီတက္ကသိုလ်အုပ်ချုပ်ရေးကောင်စီ
ကြားကာလတက္ကသိုလ်ကောင်စီ၊ ကလေးတက္ကသိုလ်
ကြားကလတက္ကသိုလ်ကောင်စီ၊ သစ်တောနှင့်ပတ်ဝန်းကျင်ဆိုင်ရာတက္ကသိုလ်-ရေဆင်း
ကြားကာလ တက္ကသိုလ်ကောင်စီ၊ နည်းပညာတက္ကသိုလ် (ကျောက်ဆည်)
ကြားကာလတက္ကသိုလ်ကောင်စီ၊ တိုင်းရင်းဆေးတက္ကသိုလ် (မန္တလေး)
ကြားကာလတက္ကသိုလ်ကောင်စီ၊ တောင်ငူတက္ကသိုလ်
ကြားကာလတက္ကသိုလ်ကောင်စီ၊ နွေဦးဆရာအတတ်ပညာတက္ကသိုလ်
ကြားကာလတက္ကသိုလ်ကောင်စီ၊ ပုသိမ်တက္ကသိုလ်
ကြားကာလတက္ကသိုလ်ကောင်စီ၊ ပြည်တက္ကသိုလ်
ကြားကာလတက္ကသိုလ်ကောင်စီ၊ မန္တလေးနည်းပညာတက္ကသိုလ်
ကြားကာလတက္ကသိုလ်ကောင်စီ၊ သင်ကြားရေးအတတ်ပညာတက္ကသိုလ်
ကြားကာလတက္ကသိုလ်ကောင်စီ၊ ဟင်္သာတတက္ကသိုလ်
ကြားကာလနည်းပညာတက္ကသိုလ် (စစ်တွေ) ယာယီကောင်စီ
ကြားကာလယာယီတက္ကသိုလ်ကောင်စီ၊အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်)
တက္ကသိုလ်ကောင်စီ (ကြားကာလ)၊ စစ်ကိုင်းပညာရေးတက္ကသိုလ်။
တက္ကသိုလ်ကောင်စီ၊ ဝန်ဇင်းအွန်လိုင်းတက္ကသိုလ်
တက္ကသိုလ်ကောင်စီ၊ သန်လျင်နည်းပညာတက္ကသိုလ်
တောင်ကြီးတက္ကသိုလ်၊ ကြားကာလတက္ကသိုလ်ကောင်စီ
ထားဝယ်ပညာရေးဒီဂရီကောလိပ်၊ တက္ကသိုလ်အုပ်ချုပ်ရေးကောင်စီ
ဒဂုံတက္ကသိုလ်၊ ယာယီအုပ်ချုပ်ရေးကောင်စီ
ပြည်ထောင်စုတိုင်းရင်းသားလူငယ်များစွမ်းရည်ဖွံ့ဖြိုးရေးဒီဂရီကောလိပ်(စစ်ကိုင်း)၊ ဒီဂရီကောလိပ်ကြားကာလ အုပ်ချုပ်ရေးကောင်စီ
ပြည်ထောင်စုတိုင်းရင်းသားလူငယ်များစွမ်းရည်ဖွံ့ဖြိုးရေးဒီဂရီကောလိပ်(ရန်ကုန်)၊ ဒီဂရီကောလိပ်ကြားကာလ အုပ်ချုပ်ရေးကောင်စီ
မကွေးတက္ကသိုလ် ကြားကာလယာယီအုပ်ချုပ်ရေးကောင်စီ
မန္တလေးတက္ကသိုလ်၊ ကြားကာလယာယီတက္ကသိုလ်ကောင်စီ
မွေးမြူရေးဆိုင်ရာဆေးတက္ကသိုလ်-ကြားကာလတက္ကသိုလ်ကောင်စီ
မော်လမြိုင်တက္ကသိုလ် ကြားကာလ ယာယီအုပ်ချုပ်ရေးကောင်စီ
ယာယီတက္ကသိုလ်ကောင်စီ၊ သူနာပြုတက္ကသိုလ် (မန္တလေး)
ရန်ကုန်တက္ကသိုလ် ကြားကာလတက္ကသိုလ်ကောင်စီ
ရှမ်းပြည်နယ် တက္ကသိုလ်ကောင်စီကွန်ရက်

ပဲခူးတက္ကသိုလ်ရှိ CDM ဆရာ/မများ ဝန်ထမ်းများ ပညာရေးဝန်ကြီးဌာန၏ တတိယအကြိမ်မြောက် CDM ထောက်ပံ့ချီးမြှင့်ငွေရယူနိုင်ရန်အတွက် (ပထမ၊ဒုတိယအကြိမ် ရရှိပြီးသူများမှအပ တစ်ကြိမ်တစ်ခါမှ မရှိသေးသောသူများ) [email protected] သို့ ဆက်သွယ်ထုတ်ယူနိုင်ပါကြောင်း အသိပေးအပ်ပါသည်။

https://m.facebook.com/story.php?story_fbid=308956701997602&id=100086498222883&sfnsn=mo&mibextid=I6gGtw

"MNOU မှ တတိယအသုတ် (Batch 3) မကြာခင်ခေါ်ယူတော့မည်"

မြန်မာ့နွေဦးတက္ကသိုလ်မှ တတိယအသုတ်ကျောင်းသားများ ကို မကြာခင်မှာ ခေါ်ယူပေးတော့မှာ ဖြစ်ပါတယ်။ COVID-19 ကြောင့်ရပ်နားထားလိုက်ရတဲ့ တက်လက်စအတန်းတွေရဲ့ ကျန်ရှိနေတဲ့ second semester တွေကို ဘာသာစုံ၊ အတန်းစုံ ဆက်လက်ဖွင့်လှစ်ဖို့ရှိပါတယ်။

ပထမအသုတ် (Batch 1)နဲ့ ဒုတိယအသုတ် (Batch 2) က ဖွင့်ခဲ့တဲ့ ဘာသာရပ်တွေ၊အတန်းတွေ အပြင် နိုင်ငံတကာဆက်ဆံရေးပညာ၊ စိုက်ပျိုးရေးသိပ္ပံ၊ သမဝါယမတက္ကသိုလ်၊ အမျိုးသားစီမံခန့်ခွဲမှုပညာဒီဂရီကောလိပ် စသည်တို့က ဘာသာရပ်တွေကိုပါ တိုးချဲ့ ဖွင့်လှစ်ပေးသွားမာမို့ စောင့်မျှော်ပေးကြဖို့ သတင်းကောင်းပါးလိုက်ရပါတယ်။

ဒါ့အပြင် အဝေးသင် သင်တန်းတက်ရောက်နေတဲ့ ကျောင်းသားတွေကိုလဲ ယခု တတိယအသုတ် (Batch 3) ကနေစတင်ပြီးခေါ်ယူပေးသွားတော့မှာမို့လို့ လက်မလွတ်ရအောင် အမြဲစောင့်ကြည့်ပေးဖို့လည်းတိုက်တွန်းလိုပါတယ်။

ထူးထူးခြားခြားအနေနဲ့ ၂၀၁၉ ခုနှစ်မှာ တက္ကသိုလ်ဝင်တန်းအောင်မြင်ထားတဲ့ ကျောင်းသားတွေ၊ #ရိုဟင်ဂျာ ပညာရေးအဖွဲ့အစည်းတွေမှာ ပညာသင်ယူရင်း အခြေခံပညာပြီးဆုံးထားတဲ့ ကျောင်းသားတွေ၊ GED, SAT, IGCSE စသည်တို့အောင်မြင်ပြီးမြောက်ထားတဲ့ကျောင်းသားတွေနဲ့
တိုင်းရင်းသားဒေသတွေမှာရှိတဲ့ သက်ဆိုင်ရာ အသိမှတ်ပြု အခြေခံပညာအထက်တန်းအောင်မြင်ထားသူတွေအတွက် ဘာသာရပ် ၂၀ နီးပါးကနေပြိးတော့ ပထမနှစ်သင်တန်းသားအသစ်တွေကို စတင်ခေါ်ယူပေးသွားမှာဖြစ်ပါတယ်။ နောက်ပိုင်းမှာလည်း ဘာသာရပ်အသီးသီးကနေပြီးတော့ ပထမနှစ်သင်တန်းသားတွေကို ဆက်လက်ခေါ်ယူသွားဖို့တွေရှိတာမို့လို့ Page လေးကို Like and Follow လုပ်ထားဖို့လဲလိုပါမယ်။ သူငယ်ချင်းတွေလည်း သတင်းကောင်းလေးတွေကို တွေ့နိုင်အောင် Share ပြီးတော့မျှဝေဖို့လည်းမမေ့နဲ့ဦးနော်။
#မြန်မာ့နွေဦးတက္ကသိုလ်

"MNOU မှ တတိယအသုတ် (Batch 3) မကြာခင်ခေါ်ယူတော့မည်"

မြန်မာ့နွေဦးတက္ကသိုလ်မှ တတိယအသုတ်ကျောင်းသားများ ကို မကြာခင်မှာ ခေါ်ယူပေးတော့မှာ ဖြစ်ပါတယ်။ COVID-19 ကြောင့်ရပ်နားထားလိုက်ရတဲ့ တက်လက်စအတန်းတွေရဲ့ ကျန်ရှိနေတဲ့ second semester တွေကို ဘာသာစုံ၊ အတန်းစုံ ဆက်လက်ဖွင့်လှစ်ဖို့ရှိပါတယ်။

ပထမအသုတ် (Batch 1)နဲ့ ဒုတိယအသုတ် (Batch 2) က ဖွင့်ခဲ့တဲ့ ဘာသာရပ်တွေ၊အတန်းတွေ အပြင် နိုင်ငံတကာဆက်ဆံရေးပညာ၊ နိုင်ငံရေးသိပ္ပံ၊ စိုက်ပျိုးရေးသိပ္ပံ၊ သမဝါယမတက္ကသိုလ်၊ အမျိုးသားစီမံခန့်ခွဲမှုပညာဒီဂရီကောလိပ် စသည်တို့က ဘာသာရပ်တွေကိုပါ တိုးချဲ့ ဖွင့်လှစ်ပေးသွားမာမို့ စောင့်မျှော်ပေးကြဖို့ သတင်းကောင်းပါးလိုက်ရပါတယ်။

ဒါ့အပြင် အဝေးသင် သင်တန်းတက်ရောက်နေတဲ့ ကျောင်းသားတွေကိုလဲ ယခု တတိယအသုတ် (Batch 3) ကနေစတင်ပြီးခေါ်ယူပေးသွားတော့မှာမို့လို့ လက်မလွတ်ရအောင် အမြဲစောင့်ကြည့်ပေးဖို့လည်းတိုက်တွန်းလိုပါတယ်။

ထူးထူးခြားခြားအနေနဲ့ ၂၀၂၀ ခုနှစ်မှာ တက္ကသိုလ်ဝင်တန်းအောင်မြင်ထားတဲ့ ကျောင်းသားတွေ၊ #ရိုဟင်ဂျာ ပညာရေးအဖွဲ့အစည်းတွေမှာ ပညာသင်ယူရင်း အခြေခံပညာပြီးဆုံးထားတဲ့ ကျောင်းသားတွေ၊ GED, SAT, IGCSE စသည်တို့အောင်မြင်ပြီးမြောက်ထားတဲ့ကျောင်းသားတွေနဲ့
တိုင်းရင်းသားဒေသတွေမှာရှိတဲ့ သက်ဆိုင်ရာ အသိမှတ်ပြု အခြေခံပညာအထက်တန်းအောင်မြင်ထားသူတွေအတွက် ဘာသာရပ် ၂၀ နီးပါးကနေပြိးတော့ ပထမနှစ်သင်တန်းသားအသစ်တွေကို စတင်ခေါ်ယူပေးသွားမှာဖြစ်ပါတယ်။ နောက်ပိုင်းမှာလည်း ဘာသာရပ်အသီးသီးကနေပြီးတော့ ပထမနှစ်သင်တန်းသားတွေကို ဆက်လက်ခေါ်ယူသွားဖို့တွေရှိတာမို့လို့ Page လေးကို Like and Follow လုပ်ထားဖို့လဲလိုပါမယ်။ သူငယ်ချင်းတွေလည်း သတင်းကောင်းလေးတွေကို တွေ့နိုင်အောင် Share ပြီးတော့မျှဝေဖို့လည်းမမေ့နဲ့ဦးနော်။
#မြန်မာ့နွေဦးတက္ကသိုလ်

ကျောင်းရိပ်ခိုနား CDMများသို့
------------------------------------

အို...
ရဲရင့်စွန့်စား ပဲခူးသားတို့...
ခုကားဒို့မှာ ယုံကြည်ရာကို
စွန့်ခွာလျှောက်လှမ်း ဓမ္မလမ်း၌
ကြမ်းတမ်းခက်ထန် သွေးစွန်းပြန်လည်း
တော်လှန်မျိုးယုတ် ဒို့တိုက်ထုတ်မှ
အဟုတ်ဖြစ်တည် ဒို့မြန်ပြည်သည်
ရောင်နီတင့်ဆန်း စိတ်ရွှင်လန်း၍
စခန်းလည်းသာ ပြည်လည်းမာမည်
ညီညာစုပေါင်း သူရဲကောင်းတို့
ဒို့ကျောင်းဂုဏ်တင့် ရွက်တိုင်လွှင့်လို့
မာန်ဝင့်လံထူ ပဲခူးဟူသည်
ညီတူသွေးသား တည်ဆောက်ထား၍
စွမ်းအားသတ္တိ အပြည့်ရှိလျက်
အမိကျောင်းအို တက္ကသိုလ်အား
ကိုယ်စီထိန်းလျက် လမ်းမှန်ရပ်၍
ဇာတ်သိမ်းအောင်ပွဲဆင်‌စေမင်း...။

ပဲခူးတက္ကသိုလ် ဒို့ကျောင်းအိုသည်
ခုဆိုကြည့်စမ်း လူမိုက်လွှမ်း၍
ဘယ်လမ်းကြည့်ကြည့် လူကောင်းရှိဘူး
အတိရွယ်စုံ ကျောင်းရိပ်မြုံဝယ်
ဆန်ကုန်မြေလေး လူညစ်ထွေးတို့
အားပေးရွှင်မြူး အာဏာရူးကို
ကြည်နူးဂုဏ်ဆာ ရယ်စရာပဲ
ဘယ်ခါမမေ့ ငါတို့နေ့ကျ
တွေ့ကြဦးပေါ့ မာန်ကိုလျှော့၍
ခုတော့နိုင်ရာ ထမ်းရွက်ပါလျက်
အာဏာယစ်မူး စစ်ခွေးရူးအား
အထူးမြစ်ဖြုတ် တော်လှန်ထုတ်မည်
သူယုတ်ပြည်ဖျက် ပြေးစေမင်း...။

နွေဦးနိုင်(ပဲခူး၊ကန်ညီနောင်)
[ပဲခူးတက္ကသိုလ် ကျောင်းသားဟောင်း]

CDM ဆရာမတစ်ဦး၏ လူမမယ်သမီးငယ်လေး Alice အပေါ် သက်ငယ်မုဒိမ်းမှုကျုးလွန်ခြင်း

နှင့်ပတ်သက်၍ တက္ကသိုလ်/ဒီဂရီကောလိပ်/ကောလိပ်ကောင်စီများ၏ ပူးတွဲကြေညာချက်



၁။ ၂၀၂၁ ခုနှစ် အကြမ်းဖက်စစ်အုပ်စု၏ နိုင်ငံတော်အာဏာကို အဓမ္မသိမ်းချိန်ကတည်းကစတင်ကာ အကြမ်းမဖက်အာဏာဖီဆန်ရေးလှုပ်ရှားမှု (CDM) တွင်ပါဝင်ခဲ့သော ရန်ကုန်တက္ကသိုလ်မှ တွဲဖက် ပါမောက္ခ ဆရာမသည် မဲဆောက်မြို့တွင် တိမ်းရှောင်နေထိုင်စဉ် ဆရာမ၏ လူမမယ် သမီးငယ်လေး Alice အား အိမ်၀န်းတစ်ခု တည်းတွင် နေထိုင်သူ တွံတေးမြို့နယ် NLD ပါတီ အလုပ်အမှုဆောင် အတွင်းရေးမှူး ဦးအောင်မင်းက လိင်ပိုင်းဆိုင်ရာ ကျူးလွန်မှု ပြုခဲ့သည်ဟု ကျွန်ုပ်တို့သိရသည်။

၂။ မိမိနိုင်ငံအတွင်း အကြမ်းဖက်စစ်ကောင်စီမှ မတရားသဖြင့် ဖိနှိပ်ခြင်း၊ ဖမ်းဆီးထောင်ချခြင်း၊ အသက်အန္တရာယ် ခြိမ်းခြောက်ခြင်းတို့ကြောင့် ရှင်သန်ရပ်တည်နေထိုင်ရန် အခက်အခဲများ ကြုံတွေ့ရသဖြင့် ပြည်ပနိုင်ငံသို့ ခိုလှုံရာတွင် အထောက်အထား စာရွက်စာတမ်း မပြည့်စုံသည့် အတွက် တိမ်းရှောင်လာသူ အချင်းချင်းဖေးမကူညီပေးရမယ့်အစား လူ့အသိုင်းအဝိုင်း၏ အကျဉ်းတန် အောက်တန်းကျသည့် လုပ်ရပ်ကို ကျူးလွန်ခဲ့ခြင်း၊ တိုင်းတပါးနိုင်ငံသို့ ခိုလှုံ လာရာတွင် တိမ်းရှောင်လာသူ အချင်းချင်း အတူတစ်ကွ နေထိုင်လျှင် လုံခြုံမည်ဟု ထင်မြင်သော ကြောင့် လူကြီး လူကောင်းများဟု ယူဆ ရသူများ နှင့် နေထိုင်ခဲ့သော်လည်း စာနာစောင့်ရှောက် ခြင်းမရှိသည့်အပြင် အသက် ၆၀ ကျော် လူကြီးက လူမမယ်သမီးငယ်လေးအား လိင်ပိုင်း ဆိုင်ရာ အမြတ်ထုတ်ခဲ့ခြင်းဖြစ်သည်။

၃။ နိုင်ငံရေးအခြေအနေ၊ လုံခြုံရေးအခက်အခဲ၊ အထောက်အထားမပြည့်စုံမှု စသည့် ပြသာနာ အခြေအနေအရပ်ရပ်ကြောင့် ဆရာမသည် သမီးလေး Alice ၏ အမှုအား အမျိုးသား ညီညွတ်ရေး အစိုးရ၊ အမျိုးသမီး၊ လူငယ်နှင့် ကလေးသူငယ်ရေးရာ ၀န်ကြီးဌာနသို့ ယုံကြည်အားကိုးစွာ တိုင်တန်းခဲ့သော်လည်း အဆိုပါ တိုင်တန်းစာသည် လူမှုကွန်ယက်စာမျက်နှာပေါ် ပျံ့နှံ့ခဲ့ပြီး ဆရာမနှင့်သမီးလေးတို့၏ လူ့ဂုဏ် သိက္ခာအထူးတလည် ကျဆင်းခဲ့ရသည်။

၄။ ယခုကဲ့သို့ သက်ငယ်မုဒိမ်းမှု ကျူးလွန်ခြင်းကို အမှုမှန်ပေါ်အောင် ဖော်ထုတ်မပေးနိုင်ခြင်း၊ ပြစ်မှု ကျူးလွန်ခြင်း ခံရသော ကလေးသူငယ်နှင့်တကွ အမှုနှင့် ဆက်နွယ်ပတ်သက်သူများ၏ အမှုအခင်း ဆိုင်ရာကိစ္စရပ်များကို ထုတ်ဖော်ခြင်း မပြုဘဲ လျှို့ဝှက်ထားရှိရမည်ကို ပေါက်ကြားခြင်းတို့သည် တရားမျှတမှုကို တစိုက်မတ်မတ် တောင်းဆိုနေသော ကျွန်ုပ်တို့၏ နွေဦးတော်လှန်ရေး အရှိန် အဟုန်ကို ထိခိုက်ရပ်တန့် နိုင်စေသည့် အချက်ဖြစ်ပြီး ပြည်သူလူထုက အမျိုးသား ညီညွတ်ရေး အစိုးရအပေါ် အယုံအကြည် မဲ့စေသည်ဟု ကျွန်ုပ်တို့ ယူဆသည်။

၅။ အမျိုးသားညီညွတ်ရေးအစိုးရအနေဖြင့် ဘက်မလိုက်သည့် တရားစီရင်မှုဖြင့် သက်ဆိုင်ရာ အဖွဲ့ အစည်းများနှင့် ချိတ်ဆက်၍ အမှုမှန်ပေါ်ပေါက်သည်အထိ ဖော်ထုတ်စစ်ဆေးပေး ရမည်ဖြစ်ပြီး နစ်နာသူမိသားစုဘက်၏ လျှို့ဝှက်ထားရှိရမည့် တိုင်တန်းစာပေါက်ကြားမှုအတွက် သက်ဆိုင်ရာ တာဝန်ရှိသူများမှ တာဝန်ယူမှု၊ တာဝန်ခံမှုအပြည့်ဖြင့် စုံစမ်းဖော်ထုတ်စစ်ဆေးကာ ထိရောက်စွာ အရေးယူ ဆောင်ရွက် တားဆီး ပေးရမည်ဖြစ်သည်။

၆။ ကလေးသူငယ်အခွင့်အရေးဥပဒေ ပုဒ်မ ၁၉ (ဃ)တွင် ပြဌာန်းထားသည့် “ကလေးသူငယ်တိုင်း၏ ဂုဏ်သိက္ခာ၊ ပုဂ္ဂိုလ်ရေးဆိုင်ရာ လွတ်လပ်ခွင့်နှင့် လုံခြုံမှုကို အကြောင်းမဲ့ ထိပါးခြင်း မခံရစေရန် ဥပဒေနှင့်အညီ ကာကွယ်စောင့်ရှောက်ခံပိုင်ခွင့်ရှိသည်။” ဟုဆိုသည့်အတိုင်း အမျိုးသား ညီညွတ်ရေး အစိုးရက တရားမျှတမှု ရရှိရေး ဆောင်ရွက်ပေးရန် ကျွန်ုပ်တို့ တက္ကသိုလ် ကောင်စီ များက တောင်းဆိုသည်။

၇။ ကျွန်ုပ်တို့၏ CDM ဆရာမနှင့် သမီးငယ်လေး Alice ၏ ဘေးကင်းလုံခြုံမှုရှိစေရေး၊ အနာဂတ်ဘဝ လုံခြုံရေး၊ ပြန်လည်ကုစား ထူထောင်ပေးရေး၊ စား၀တ်နေရေးနှင့် လူမှုဘဝ ရှင်သန်ရပ်တည် နိုင်ရေးတို့အတွက် အမျိုးသားညီညွတ်ရေး အစိုးရက အပြည့်အဝ ကူညီထောက်ပံ့ပေးရန် အလေး အနက် တောင်းဆိုသည်။

၈။ ကျွန်ုပ်တို့ တက္ကသိုလ်/ဒီဂရီကောလိပ်/ကောလိပ်ကောင်စီများသည် ပြစ်မှုကျူးလွန်ခံရသော နစ်နာသူမိသားစုဝင်များဘက်မှ တစ်သားတည်းရပ်တည်ကာ သမီးလေး၏ အကောင်းဆုံး အကျိုး စီးပွားကို အဓိက ထည့်သွင်း စဉ်းစားလျက် အမှန်တရားနှင့် တရားမျှတမှု ရရှိရန် အစွမ်းကုန် ကြိုးစား သွားမည် ဖြစ်သည်။

၉။ အမျိုးသားညီညွတ်ရေးအစိုးရအနေဖြင့် ယခုကဲ့သို့ အလားတူ ပြစ်မှုဖြစ်စဉ်များ ထပ်မံမဖြစ်ပွါး စေရေး၊ လူ့အခွင့်အရေး ချိုးဖောက်ခံရမှုများ မဖြစ်ပွါးစေရေး၊ လူမှုဘဝအသိုင်းအဝိုင်းကို ကာကွယ်လုံခြုံမှု ပေးနိုင်ပြီး အာမခံချက်ရှိသည့် တရားစီရင်ရေးမဏ္ဍိုင်တစ်ရပ် ပေါ်ပေါက် လာရေးတို့အတွက် လုံလောက်သည့် အစီအမံများကို ထားရှိဆောင်ရွက်ကာ လက်တွေ့ အသုံးချနိုင်ရန် ကြိုးပမ်း သင့်ကြောင်း ကျွန်ုပ်တို့မှ အလေးအနက်ထား တိုက်တွန်းအပ်ပါသည်။



တရားမျှတမှုရရှိရေး အမှုမှန်အမြန်ဆုံးဖော်ထုတ်ပေး

အာဏာရှင်စနစ်မုချကျဆုံးရမည်။



၁။ မြန်မာ့နွေဦးတက္ကသိုလ်

၂။ ကျောက်ဆည်တက္ကသိုလ် ကြားကာလ ယာယီတက္ကသိုလ်အုပ်ချုပ်ရေးကောင်စီ

၃။ ကြားကာလယာယီတက္ကသိုလ်ကောင်စီ၊ကွန်ပျုတာတက္ကသိုလ် (ဗန်းမော်)

၄။ စင်ကာပူ မြန်မာ သက်မွေးပညာသင်တန်းကျောင်း ကျောင်းအုပ်ချုပ်ရေးကောင်စီ

၅။ တောင်ကုတ်တက္ကသိုလ်၊ ကြားကာလတက္ကသိုလ်ကောင်စီ

၆။ ထားဝယ်နည်းပညာတက္ကသိုလ်ကောင်စီ

၇။ ပဲခူးတက္ကသိုလ်ယာယီအုပ်ချုပ်ရေးကောင်စီ

၈။ မကွေးတက္ကသိုလ်ကြားကာလယာယီအုပ်ချုပ်ရေးကောင်စီ

၉။ မအူပင်တက္ကသိုလ် ကြားကာလ တက္ကသိုလ်ကောင်စီ

၁၀။ မန္တလေးတက္ကသိုလ်ကြားကာလယာယီတက္ကသိုလ်ကောင်စီ

၁၁။ ယာယီစီမံအုပ်ချုပ်ရေးကောင်စီ၊မုံရွာတက္ကသိုလ်

၁၂။ မွေးမြူရေးဆိုင်ရာဆေးတက္ကသိုလ်ကြားကာလတက္ကသိုလ်ကောင်စီ

၁၃။ ရန်ကုန်အနောက်ပိုင်းတက္ကသိုလ် (ကြားကာလယာယီအုပ်ချုပ်ရေးကောင်စီ

၁၄။ ရေဆင်းစိုက်ပျိုးရေးတက္ကသိုလ် ကြားကာလတက္ကသိုလ်အုပ်ချုပ်ရေးကောင်စီ

၁၅။ လားရှိုးတက္ကသိုလ် - ယာယီတက္ကသိုလ်ကောင်စီ

၁၆။ယာယီတက္ကသိုလ်ကောင်စီ၊ သူနာပြုတက္ကသိုလ်-မန္တလေး

၁၇။ ဟင်္သာတနည်းပညာတက္ကသိုလ်

၁၈။ အမျိုးသားစီမံခန့်ခွဲမှုပညာဒီဂရီကောလိပ်-ယာယီဒီဂရီကောလိပ်ကောင်စီ

၁၉။ အမျိုးသားယဉ်ကျေးမှုနှင့်အနုပညာတက္ကသိုလ်၊ မန္တလေးကြားကာလကောင်စီ

၂၀။ အမျိုးသားယဉ်ကျေးမှုနှင့်အနုပညာတက္ကသိုလ်၊ ရန်ကုန် ကြားကာလကောင်စီ

၂၁။ အစိုးရစက်မှုလက်မှုသိပ္ပံ(ဝါးခယ်မ) ကြားကာလယာယီအုပ်ချုပ်ရေးကောင်စီ

၂၂။ မြိတ်တက္ကသိုလ်ကြားကာလယာယီအုပ်ချုပ်ရေးကောင်စီ

ဖက်ဒရယ်ဒီမိုကရေစီပညာရေးမူဝါဒ အတည်ပြုထုတ်ပြန်ခြင်း

ရက်စွဲ။ ၂၀၂၃ ခုနှစ်၊ မေလ (၈) ရက်

၁။ ဖက်ဒရယ် ဒီမိုကရေစီ ပညာရေး ပေါင်းစပ်ညှိနှိုင်းရေး ကော်မတီသည် ဖက်ဒရယ်ဒီမိုကရေစီပညာရေးမူဝါဒ (ပထမမူကြမ်း) အပေါ်တွင် ပညာရေးဆိုင်ရာ လုပ်ဆောင်နေသော အဖွဲ့အစည်းအသီးသီး၏ ပြင်ဆင်ချက်၊ ဖြည့်စွက်ချက်၊ အကြံပြုချက်များကို ပေါင်းထည့်ပြင်ဆင်ထားပြီး ဖက်ဒရယ်ဒီမိုကရေစီပညာရေးမူဝါဒ (ဒုတိယမူကြမ်း) ကို ၂၀၂၃ ခုနှစ်၊ ဧပြီလ (၃) ရက်နေ့တွင် အမျိုးသားညီညွတ်ရေး အတိုင်ပင်ခံကောင်စီ (NUCC) ကို တင်သွင်းခဲ့ပါသည်။

၂။ အဆိုပါ ဖက်ဒရယ်ဒီမိုကရေစီပညာရေးမူဝါဒ (ဒုတိယမူကြမ်း) ကို ၂၀၂၃ ခုနှစ်၊ မေလ (၈) ရက်နေ့တွင် အမျိုးသားညီညွတ်ရေး အတိုင်ပင်ခံကောင်စီ (NUCC) တွင် ဆွေးနွေးအတည်ပြုနိုင်ခဲ့ပါသည်။ အမျိုးသားညီညွတ်ရေး အတိုင်ပင်ခံကောင်စီ (NUCC) က အတည်ပြုထားသည့် ဖက်ဒရယ်ဒီမိုကရေစီပညာရေးမူဝါဒကို ထုတ်ပြန်အပ်ပါသည်။

တော်လှန်ရေးသစ္စာဖြင့်
အမျိုးသားညီညွတ်ရေးအတိုင်ပင်ခံကောင်စီ (NUCC)

Myanmar Nway-Oo University မြန်မာ့နွေဦးတက္ကသိုလ် (MNOU)

—— - —— - —— - —— - —— - —— - —— - —— - —— -

🌄🍁ဒုတိယအကြိမ် ကျောင်းအပ်နှံခြင်း အစီအစဉ် (ဒုတိယအသုတ်) အား ကြေငြာခြင်း🍁🌄

—— —— —— —— —— —— —— —— —— —— —— —— ——

✅မြန်မာ့နွေဉီးတက္ကသိုလ်(MNOU) မှ ဖွင့်လှစ်သင်ကြားမယ့် Formal Courses ပုံမှန်သင်တန်းများအား ဒုတိယအကြိမ်(ဒုတိယအသုတ်) အနေဖြင့် ၂၀၂၃ ခုနှစ် ဖေဖော်ဝါရီလ (၂၀) ရက်နေ့မှစ၍ စတင်လက်ခံပြီဖြစ်ကြောင်း ကြေငြာလိုက်ပါသည်။

ဒုတိယအကြိမ် (ဒုတိယအသုတ်)တွင်

☑️တတိယနှစ် နှင့် ပထမနှစ်(ဂုဏ်ထူးတန်း)

အတန်းများဖွင့်လှစ်သွားပါမည်။

✅အဆိုပါ အတန်းများအတွက် နေ့သင်တန်း )၂၀၂၀ တက်လက်စ second semester ကျန်) ကျောင်းသား၊ ကျောင်းသူများ တက်ရောက်နိုင်ပါသည်။

✅အဆိုပါအတန်းများ၏ ဖွင့်လှစ်မည့်ဘာသာရပ်များကို အောက်တွင် အသေးစိတ်ဖော်ပြထားပါသည်။

✅ ကျောင်းအပ်နှံခြင်းအစီအစဉ် (ဒုတိယအသုတ်)ကို ၂၀၂၃ ခုနှစ် ၊ ဖေဖော်ဝါရီလ (၂၀) ရက်နေ့မှ မတ်လ (၃) ရက်နေ့အထိ လက်ခံသွားမည် ဖြစ်ပြီး အောက်ဖော်ပြပါ ဘာသာရပ်များအား အထူးပြုတက်‌ရောက်ခဲ့သော CDM ကျောင်းသား၊ ကျောင်းသူများ အပ်နှံနိုင်ပါသည်။

✅ကျောင်းအပ်နှံခြင်းကို Myanmar Education System (MES) ပေါ်တွင် လာရောက်စာရင်းသွင်းပြီး အခမဲ့အပ်နှံရမှာဖြစ်ပါတယ်။

စာရင်းသွင်းကျောင်းအပ်ရမည့် link >>> https://mes.moeedu.org/he-register

✅Myanmar Education System (MES) ဆိုတာဘာလဲ >>> https://www.facebook.com/mnou2022/videos/1362991020900286/

✅ Myanmar Educational System (MES) မိတ်ဆက် Post Link 👉https://fb.watch/gjyHpCqcTv/

✅MES တွင် ကျောင်းအပ်သွင်းရမည့်ပုံစံ အဆင့်ဆင့် >>>> https://m.facebook.com/story.php?story_fbid=158461990380408&id=100086498222883&mibextid=Nif5oz

Myanmar Nway-Oo University မြန်မာ့နွေဦးတက္ကသိုလ် (MNOU)

📩📩 MNOU ၏ Telegram Channel သို့ ဝင်ရောက်၍လည်း သတင်းအချက်အလက်များဖတ်ရှုနိုင်ပါသည်။

https://t.me/myanmarnwayoouniversity

#မြန်မာ့နွေဦးတက္ကသိုလ်

Myanmar Nway-Oo University မြန်မာ့နွေဦးတက္ကသိုလ် (MNOU)

—— - —— - —— - —— - —— - —— - —— - —— - —— -

🌄🍁ဒုတိယအကြိမ် ကျောင်းအပ်နှံခြင်း အစီအစဉ် (ပထမအသုတ်) အား ကြေငြာခြင်း🍁🌄

—— —— —— —— —— —— —— —— —— —— —— ——

✅မြန်မာ့နွေဉီးတက္ကသိုလ်(MNOU) မှ ဖွင့်လှစ်သင်ကြားမယ့် Formal Courses ပုံမှန်သင်တန်းများအား ဒုတိယအကြိမ်(ပထမအသုတ်) အနေဖြင့် ၂၀၂၃ ခုနှစ် ဖေဖော်ဝါရီလ (၁၀) ရက်နေ့မှစ၍ စတင်လက်ခံပြီဖြစ်ကြောင်း ကြေငြာလိုက်ပါတယ်။

ဒုတိယအကြိမ် (ပထမအသုတ်) တွင်

နောက်ဆုံးနှစ်
ဒုတိယနှစ် (ဂုဏ်ထူးတန်း)
တတိယနှစ် (ဂုဏ်ထူးတန်း)
မဟာအရည်အချင်းစစ်တန်း
ပထမနှစ်(မဟာတန်း)
နောက်ဆုံးနှစ်(မဟာတန်း)

အတန်းများဖွင့်လှစ်သွားပါမည်။
✅အဆိုပါ အတန်းများအတွက် ၂၀၂၀ တက်လက်စ second semester ကျန် ကျောင်းသား၊ ကျောင်းသူများ တက်ရောက်နိုင်ပါသည်။

✅အဆိုပါအတန်းများ၏ ဖွင့်လှစ်မည့်ဘာသာရပ်များကို အောက်တွင် အသေးစိတ်ဖော်ပြထားပါသည်။

✅ ကျောင်းအပ်နှံခြင်းအစီအစဉ် (ဒုတိယအသုတ်)ကို ၂၀၂၃ ခုနှစ် ၊ ဖေဖော်ဝါရီလ (၁၄) ရက်နေ့မှ (၂၄) ရက်နေ့အထိ လက်ခံသွားမှာ ဖြစ်ပြီး ဖော်ပြပါ ဘာသာရပ်များအား အထူးပြုတက်‌ရောက်ခဲ့သော CDM ကျောင်းသား ၊ ကျောင်းသား၊ ကျောင်းသူများ အပ်နှံနိုင်ပါတယ်။

✅ကျောင်းအပ်နှံခြင်းကို Myanmar Education System (MES) ပေါ်တွင် လာရောက်စာရင်းသွင်းပြီး အခမဲ့အပ်နှံရမှာဖြစ်ပါတယ်။

စာရင်းသွင်းကျောင်းအပ်ရမည့် link >>> https://mes.moeedu.org/he-register

✅Myanmar Education System (MES) ဆိုတာဘာလဲ >>> https://www.facebook.com/mnou2022/videos/1362991020900286/

✅ Myanmar Educational System (MES) မိတ်ဆက် Post Link 👉https://fb.watch/gjyHpCqcTv/

✅MES တွင် ကျောင်းအပ်သွင်းရမည့်ပုံစံ အဆင့်ဆင့်
>>>> https://m.facebook.com/story.php?story_fbid=158461990380408&id=100086498222883&mibextid=Nif5oz

Myanmar Nway-Oo University မြန်မာ့နွေဦးတက္ကသိုလ် (MNOU)

📩📩 MNOU ၏ Telegram Channel သို့ ဝင်ရောက်၍လည်း သတင်းအချက်အလက်များဖတ်ရှုနိုင်ပါသည်။

https://t.me/myanmarnwayoouniversity

#မြန်မာ့နွေဦးတက္ကသိုလ်