02/04/2020
covid-19 နဲ့ ပတ်သက်ပြီး
စိတ်ဝင်စားစရာ သုံးသပ်ချက်မို့ copyယူပြီး တင်ပေးလိုက်ပါတယ် မေမြို့က ဒေါက်တာ တေဇာကျော်ပါတဲ့
သုံးသပ်ချက်လေး ကောင်းပါတယ်,,
ဒီညနေတွေးမိတာနဲ့ တစ်ထပ်တည်းကျ
တာမို့ ကူးတင်လိုက်ပါတယ်,,
ဒီညနေ လူနေရပ်ကွက် လမ်းမ မြို့တွေထဲ
လိုက်ကြည့်ရင်း ဆိုင်အတော်များများ
ပိတ်ထားတာမြင်ရသလို,,
ဖွှင့်တဲ့ဆိုင်တွေကလည်း ဆိုင်ရှေ့မှာ ကြိုးတန်း
ထားပြီး ခပ်လှမ်းလှမ်းက ပစ္စည်းယူ ငွေပေး
လုပ်နေကြတာ မြင်ရတယ်,,
ဒါဟာ ပြည်သူအများစုရဲ့ ကျန်းမာရေအသိ
နဲ့ ကိုဗစ်ကို တားဆီးနေမှုတွေမို့
အာက်က ဆရာဝန်တွေ သုံးသပ်ထားသလို
အေပြီလ လယ် လောက်ထိ အခုလိုဘဲ
တစ်ယောက်စ ၂ ယောက်စ သွားနေမယ်ဆို
ကျွန်တော်တို့ နိုင်မှာပါ,,ဖတ်ကြည့်ပါဦး
=====//
ကျနော့်ရဲ့ တွေးထင် ယူဆ ချက်ပါ ။
အရိုးဆရာဝန်ကြီးရဲ့ ထင်မြင်ချက်ပါ
မှန်ချင်လည်း မှန်မယ်..
မှားချင်လည်း မှားပါ လိမ့်မယ်။
တပါးသူ များလည်း
သူတို့ အထင် နဲ့ သူတို့ ပါ ။
( ကျနော်နဲ့ လွတ်လပ်စွာ သဘောထား ကွဲခွင့် ရှိပါတယ် )
ဧပြီ လ ဟာ
ကျနော်တို့ နိုင်ငံ အတွက်
စာမေးပွဲ ပါပဲ ။
မေးခွန်း လွယ်မလား... ခက်မလား ?
မေးခွန်းသတ်မလား.. မသေချာတဲ့
COVID 19 စာမေးပွဲပါ .. ။
ဧပြီ လ ဒုတိယ အပတ် (သင်္ကြန်အပြီး)
လောက် အထိ
COVID 19(+) cases ၁၀၀ မကျော်ရင်
ကျနော်တို့ နိုင်ပါပြီ ။
တချို့က အတွင်းကျကျ မသိပဲ
ရမ်းသမ်း ပြောတာ ရှိလိမ့်မယ်။
တရက်မှ နည်းနည်းပဲ စစ်တာ..
နည်းနည်းပဲ တွေ့မှာ ပေါ့တဲ့ ။
အမှန်တော့ မဟုတ်ပါဘူး ။
ကျနော်တို့ ဆရာဝန်တွေ ကိုယ်တိုင်
COVID 19 ဗိုင်းရပ်စ် ကို အလွန်ကြောက်ပါတယ်။
နိုင်ငံပေါင်းစုံက
ဆရာဝန်တွေ သူနာပြုတွေ
ကျန်းမာရေး ဝန်ထမ်းတွေကို
သူသတ်ခဲ့တာ.. မနည်းပါ။
အဲ့တော့... နယ်ပေါင်းစုံ... ဆေးရုံ အစုံက
ဆရာဝန်တွေဟာ
သံသယ ဖြစ်ဖွယ် ရောဂါလက္ခဏာတွေ
တွေ့ပြီဆိုတာနဲ့
Isolation Ward မှာထားပြီး
Nasopharyngeal Swab
Oropharyngeal Swab
ယူပြီး ပေးပို့ စစ်ဆေးပါတယ်။
ပြီးတော့မှ... ရင် တမမနဲ့
အဖြေ ကိုစောင့်ရင်းနဲ့ပေါ့ ။
Negative ဆို လူနာတွေ လူနာရှင်တွေနဲ့
တန်းတူ... ပျော်ရွှင်စွာသက်ပြင်းချရ တဲ့
ဝန်ထမ်း ဘဝတွေပါ။
(အမှန်တော့... ဒီကာလမှာ
ကျန်းမာရေး ဝန်ထမ်းတွေဟာ
မြေမြှပ်မိုင်း ရှာရတဲ့ တပ်သားတွေပါပဲ...
အချိန်မရွေး
သားကောင်ဟာ
ကိုယ်ကိုတိုင် ပါပဲ။)
ဆိုတော့ကာ
သံသယ လူနာတွေ ဟာ
ပြေးမလွတ်ပါဘူး ။
အခုလည်း ပြည်သူလူထု ကပါ
Alert ပါ။
လိုအပ်တဲ့ သတင်းပေးမှုတွေ
အကြောင်းကြားမှုတွေ ရှိပါတယ်။
ဒါကြောင့် COVID 19 (+) တွေဟာ
နေ့စဉ် လူဦးရေ တိုးနေမှာပါ။
နောက်ထပ် နှစ်ပတ် လောက်အထိ
ပိုးတွေ့ (+) ဦးရေ
၁၀၀ မကျော်ရင်
ဝမ်းသာ ရမယ့် အနေအထားပါ ။
သဘောက ကျနော်တို့
ကျန်းမာရေးဌာန တွေ ဆေးရုံတွေ
ခြေနိုင်လက်နိုင် ကယ်တင်ပေးနိုင်မယ့်
အခြေအနေပါ။
ဒါပေသိ... နောက် နှစ်ပတ်လောက်မှာ
ပိုးတွေ့ လူနာ ၅၀၀ ကျော်လောက်
ဖြစ်ပြီ ဆိုရင်ဖြင့်
ကျနော်တို့ ကျရှုံးဖို့ များပါပြီ။
အဲ့ ၅၀၀ကျော်ရဲ့ နောက်ဆက်တွဲ ထိတွေ့ခဲ့သူတွေဟာ တစ်လလောက်အတွင်းမှာ
အယောက် တစ်သောင်းလောက် ကူးစက်ပြန့်ပွားတော့ မှာပါ။
ကျနော်တို့ ကျန်းမာရေး ဌာန တွေ
ဆေးရုံ ဆေးခန်းတွေ
မနိုင် တော့မယ့် အရေအတွက်ပါ။
ကျန်းမာရေး ဝန်ထမ်းတွေ ကိုယ်နှိုက်က
အဲ့ လူနာ စာရင်းထဲမှာ
အများအပြား ပါဝင်လာပြီး
တောင်မင်းကိုမှ မြောက်မင်း မကယ်နိုင်
အခြေအနေ ရောက်သွားတော့မှာပါ ။
တိုင်းပြည် ပျက်မှာပါ ။
လျှော့မတွက်ပါနဲ့ ။
ဆိုတော့ကာ
ဒီ နှစ်ရဲ့ အတာ သင်္ကြန် ကာလဟာ
ဒီတိုင်းပြည်ရဲ့ ကံကြမ္မာ နဲ့ အနာဂတ်ကို
အဖြေထုတ်ပေးမယ့်
နှစ်ကူး သင်္ကြန်ပါ ။
နှစ်သစ်မှာ
ကံကောင်းခြင်းတွေ နဲ့
မင်္ဂလာ ရှိချင်ရင်တော့
ဧပြီ တစ်လ လုံး
ကိုယ့် အိမ်တွင်း ကိုယ် အောင်း
ကိုယ့် အိမ်တွင်း ကိုယ် ပုန်း
အပျော်အပါး မမက်နဲ့
အသက် မရှိတော့ရင်
ဘာဆို ဘာမှ.. ပျော်စရာ မကောင်းတော့ပြီ။...
မိမိ ကို COVID 19 Virus မကူးအောင်
နေထိုင် ပြုမူ ခြင်းသည်
အမိ နိုင်ငံတော် ကြီးကို
ကယ်တင် စောင့်ရှောက်ရာ..ရောက်ပေသည်။
(ဒေါက်တာ တေဇကျော်... မေမြို့ )
Vis Shwe sein Tun
