ООУ „Кочо Рацин“ -Блатец

Блатец Место за растење

Денес нашето училиште претставено од претседателот на Ученичкиот парламент Лука Дичов со стручниот тим, беа дел од Меѓународната конференција „Креирај го твоето место за растење“

Младите и децата имаа носечка улога на оваа Меѓународна Конференција и беа водители, модератори и говорници .

#местозарастење #детскиправа #креирајготвоетоместозарастење #меѓаши #кмопскопје #ЕУсоТЕБЕ
KMOP Skopje Прва детска амбасада Меѓаши / First Children's Embassy Megjashi

Денес се одржаа избори за избор на ученик правобранител и заменик на ученичкиот правобранител. На јавниот повик беа пријавени двајца ученици (еден за ученик правобранител и еден за заменик на ученичкиот правобранител). Право на гласање имаа сите ученици од седмо до деветто одделение. Најголемиот број на ученици кои гласаа од седмо до деветто одделение им дадоа поддршка на пријавените со што за ученик правобранител е избрана ученичката ИЛИНА МОМЧИЛОВСКА од VII одд. додека за заменик на ученичкиот правобранител МАТЕЈ ЈОВАНОВ од VII одд.
На избраните ученици им посакуваме успешна работа :)

Во склоп на Меѓународниот фестивал на хумор и сатира "Ин Виница веритас" 2023 година, денеска во нашето училиште се одржа активности со познатиот афористичар @ Mile Gjorgjijoski учениците има можност да се запознаат и да научат како се пишува афорзмичиња, воедно и како може да се илустрираат.

Денес се реализираше хуманитарна акција од страна на учениците, а со поддршка на вработените во училиштето за социјално ранливи категории на семејства. Беа подготвени пакети со домашни производи,овошје, зеленчук и друг вид на храна кои се однесоа онаму кадешто е најпотребно.

Заедно за заштита на животната средина

Под мотото "Водата е живот, водата е храна. Никој да не биде изоставен" денес се реализираше предавање/презентација од страна на наставничката Емилија Костадинова Тасева во VI одделение

🏞 🌳 Прошетка во природа е секогаш добра идеја, но и стекнатите нови знаења за биолошката разновидност по течението на реката Брегалница.

Од замисла до реалност нашето училиште денеска го посети Едукативниот центар во Негрево, прекрасна соработка со превозникот Gradec.

Одбележување на Детската недела, стапување на првачињата во детската организација.

По изборниот предмет Готвење одобрен од БРО, а изработена програма од страна на нашата наставничка Михаела Воинова, вчера нашите ученици ја посетија пекара ФРИ-ПЕК с.Лески.
Голема благодарност до - PEK за овозможената посета.

Одбележан Светскиот ден на учителот 5 Октомври

Активности со ученици од V, VI и VII одд. во пресрет на Недела на детето

На 19.09.2023 год.се одржа првата конститутивна седница на ученичкиот парламент во нашето училиште на која свое обраќање пред учениците имаше директорката Иванка Спасовска и педагог Весна Тодорова.
На истата по пат на тајно гласање беше избран претседател на ученичкиот парламент Лука Дичов IX одд., заменик претседател Андреј Јорданов VIII одд., секретар Ева Јанкилова VIII одд., благајник Славица Атанасова IX oдд. и членови преставници на состаноците на наставнички совет и совет на родители Матеј Јованов VII одд. и Вероника Николова IX одд.

Наставничкиот совет при ООУ "Кочо Рацин -Блатец за 🥇🏆првенец на генерацијата 2014-2023 година ја избра ученичката Ана Димитровска, IX одделение.
🥇Најдобра меѓу најдобрите!🥇 Честитки Ана и многу успеси во иднина!

Под мотото „Засади храна, а не тутун“ денес ученици од VIII одд. под менторство на педагогот на училиштето изготвија постер по повод 31 Мај - Светски ден за борба против пушење.

Денес во нашето училиште се реализираа едукативни работилници од страна на Сојуз на извидници на Македонија на ученици од одделенска и предметна настава.
Голема благодарност упатуваме до нашите нови пријатели Снеже, Ева, Бојан и Бојан. Ве очекуваме наскоро пак :)
Боренка

Предизвик за нашето училиште....

🌲Боренка утре патува во с.Блатец.
Ќе се дружиме со децата од ООУ Кочо Рацин.
✏️За секое нацртано дрвце, волонтерите на Боренка ќе засадат вистински расад на опожарено подрачје!
🌲Боренка, единствената боенка која враќа живот🌲

Придружи ни се на +389 78 811 304

ЧЕСТИТ ПАТРОНЕН ПРАЗНИК УЧИЛИШТЕ НАШЕ!!!

Почитувани....
Во просторите на ЈОУ Библиотека "Ванчо Прке"-Виница,се одржа општински натпревар "Млади библиотекари"2023 година.На натпреварот учествуваа и наши ученици со кои што се гордееме.Третото место ни го донесе ученичката Ана Димитровска, со Благодарница се закити нашето училиште со ученичката Ива Механџиска, подменторсто на професорката Сузана А. Јанкулова.
Гордост е да имаме успешни ученици.

ИЗВЕСТУВАЊЕ ЗА УПИС НА ДЕЦА ВО ПРВО ОДДЕЛЕНИЕ
во учебната 2023/2024 година

УСЛОВИ ЗА ЗАПИШУВАЊЕ
 Во прво одделение на основното училиште родителот, односно старателот е должен да го запише детето кое до крајот на календарската година ќе наполни 6 години ( односно родено 2017 година);
 По исклучок на претходниот став, детето може да се запише во прво одделение, доколку наполни 6 години до 31 јануари наредната 2018 година, по претходно барање од родителот, односно старателот и добиено мислење од педагогот во училиштето.
 Запишувањето на детето на барање на родителот, односно старателот, здравствената установа може да го одложи за една година ако се утврди дека детето не е подготвено да оди на училиште.

Согласно член 60 од Законот за основно образование децата во прво одделение во основното училиште се запишуваат во месец мај за следната учебна година.
ПОТРЕБНИ ДОКУМЕНТИ
Запишувањето на децата во прво одделение за учебната 2023/2024 год. ќе се врши во термин кој родителите ќе го добијат со поканата за упис. Во утврдениот термин потребно е да се достават следниве документи во училиштето:
 Пополнета пријава за упис во училиште (која ќе се добие со поканата за упис);
 Извод од матичната книга на родени на ученикот (фотокопија);
 Потврда за примени задолжителни вакцини издадена од Служба за вакцинации (Здравен дом Виница);
 Потврда за стоматолошки преглед (забно) издадена од надлежна здравствена установа (Здравен дом Виница);
 Потврда за офталмолошки преглед (очно) издадена од надлежна здравствена установа;
 Документ за лична идентификација на родител/старател – на увид;
 При запишување на дете со попреченост во прво одделение родителот, односно старателот е должен да достави и Mислење/функционален профил од Комисијата за проценка на деца и младинци за дополнителна образовна, социјална и здравствена поддршка според МКФ.

Доколку детето е запишано во друго училиште задолжително родителот е должен да донесе потврда од училиштето каде е запишано. Доколку детето во моментот на уписот е надвор од државата или е иселено потребно е близок роднина да се јави во училиштето за да потврди.



ООУ „Кочо Рацин“ Блатец-Виница

Денес беа поделени вкупно 13 пакети на социјално ранливи категории на граѓани во Липец и Блатец и тоа со Ваша голема поддршка наши драги сограѓани кои покажавте голема хуманост, а ние учениците и вработените само ја организиравме и спроведовме акцијата.
Уште еднаш ВИ БЛАГОДАРИМЕ ОД СРЦЕ НА СИТЕ!
Дефинитивно овој Велигден ќе биде разубавен на овие семејства.
Среќни и весели велигденски празници!
ХРИСТОС ВОСКРЕСЕ-НАВИСТИНА ВОСКРЕСЕ!!!

Уште една УСПЕШНО реализирана хуманитарна собирна акција (храна, хигиенски средства и пари) во пресрет на големиот христијански празник ВЕЛИГДЕН . Акцијата заврши со успешен резултат и постигната цел.
💖ГОЛЕМА БЛАГОДАРНОСТ ДО СИТЕ КОИШТО ДОНИРАВТЕ ОД СРЦЕ!💖
Вашето малку некому може да значи се.
Добрината со добрина ќе Ви се врати.
„Добрината е убавина во своето најдобро издание.“

Хуманитарно собирната акција продолжува со исто темпо во периодот од 14:20 до 15:30 часот.

Поради заинтересираност од страна на наши сограѓани, акцијата ќе продолжи и во периодот од 14:20 до 15:30 часот.
Ви благодариме на разбирањето.

Со почит,
ООУ „Кочо Рацин“ Блатец-Виница

Априлијада 2023 Блатец

Здружение на жени Златна Доба во соработка со еколошко друштво За чисто Блатец и ООУ "Кочо Рацин" Блатец денес реализираа заеднички еко акции за разубавување на просторот околу м.в. Водарница и чешмата кај црквата Св. Пророк Илија во Блатец. Беа посадени зимзелени дрвца и исфарбани клупи.

По повод Ден на пролетта и екологијата денес во нашето училиште во Блатец и ПУ Липец се реализираше еко акција - чистење и засадување на цвеќиња во училишниот двор. Во акцијата покрај учениците и вработените учествуваше и претставник од Здружението на жени Златна доба.

На општинскиот натпревар по природни науки кој се одржа на 10.03.2023 год. нашата ученичка Илина Момчиловска VI одд. го освои второто место со што се пласираше за учество на регионалниот натпревар.
Честитки за Илина и нејзината наставничка ментор Весна Диванисова!!!
Им посакуваме успеси на престојниот регионален натпревар.

Денес в.д.директорт на ООУ „Кочо Рацин“ Блатец-Виница, Иванка Спасовска оствари работна средба со претставник од Здружението на жени „Златна доба“, Николина Јанкулова, за реализација на заеднички активности по повод Ден на пролетта и екологијата 21 Март.

Ученици од ученичкиот парламент и учениците од IX одд. подготвија изненадување за сите припаднички од женски пол вработени во училиштето, како и останати жени во Блатец со помош и поддршка на директорот, стручната служба и наставничките по хемија и математика. Среќен празник!