Технолошко-технички факултет Велес, Универзитет"Св.Климент Охридски"-Битола

ТТФ на практична настава во Млекара АД Битола

Нашите студенти ја искористија одличната можност за практична настава во една од најголемите и најмодерните компании кај нас Млекара АД Битола!

Поврзувањето со успешните индустриски лидери е наш заштитен знак, а оваа посета им овозможи на студентите да го видат целиот пат на квалитетот одблизу.

Што опфати практичната настава?

· Целосен технолошки процес: Следење на производните фази од самиот прием на суровото млеко, па сè до добивањето на крајниот производ спремен за пазарот.

· Контрола на квалитет и безбедност: Запознавање со строгите системи и стандарди кои гарантираат врвна безбедност на храната.

· Лабораториски капацитети: Директен увид во врвните лаборатории каде што секојдневно се вршат прецизни анализи на суровините и производите.

Нашите студенти покажаа голем интерес, поставувајќи прашања за технолошките предизвици, автоматизацијата и лабораториските процедури кои наскоро ќе бидат дел од нивната секојдневна професија.

Упатуваме голема благодарност до тимот на Млекара АД Битола за прекрасното гостопримство и инспиративната едукација!

#ТТФВелес #Бимилк #ПрактичнаНастава #КонтролаНаКвалитет #БезбедностНаХрана

Одбележување на Денот на нутриционизмот

По повод одбележувањето на Денот на нутриционизмот, на 28 мај 2026 година во организација на Технолошко-техничкиот факултет – Велес успешно се реализираше онлајн предавањето на тема:

„Храната како сојузник: Нутритивна поддршка низ промените на менопаузата“.

Предавањето го одржа Љубица Трифунова Ѓорѓиева, дипломиран нутриционист и специјализант по фитотерапија и суплементација. Настанот беше проследен со голем интерес и активна дискусија, потврдувајќи ја важноста на континуираната едукација и промоцијата на правилната исхрана како значаен фактор за унапредување на јавното здравје.

Им благодариме на предавачот и на сите учесници за нивниот придонес во успешното одбележување на Денот на нутриционизмот.

Инспирација за идните генерации: Награда од Women in Tech Macedonia Awards

На 26.05.2026 год., Проф. Д-р Анка Трајковска Петкоска беше наградена во категоријата Професор на годината за својата целокупна работа од страна на глобалната асоцијација Women in Tech®, која за првпат организираше настан и во нашата земја  (Women in Tech Macedonia Awards).

Оваа организација ги препознава и наградува жените со резултати во професиите од техничко-технолошкиот и дигиталниот свет. Имено, проф. д-р Трајковска Петкоска беше наградена како научник, едукатор и истражувач во повеќе дисциплини која својата работа ја проширува низ целиот свет. Со повеќе од 100-ина научни референци, 6 книги, 20 поглавја во книги, 3 патенти, како и учество во 10-ина интернационални проекти, нејзиниот допринос во науката за  напредни материјали, зелени енергии и одржливи технологии, оставаат впечатлива трага во науката и индустријата. Преку интердисциплинарните проекти, иновации и патенти, таа го премостува јазот помеѓу науката и реалните индустриските предизвици на глобално ниво.

Како професор, ментор, и истражувач со интернационално искуство низ сите континенти, проф. Трајковска Петкоска е жив пример за доживотно учење, научна извонредност, и инспирација за младите генерации. Проф. Трајковска Петкоска не само што напредува во знаењето и науката - таа истото и го пренесува.

Успешна презентација во Македонски Брод!

Во рамки на активностите за промоција на Технолошко-техничкиот факултет – Велес, нашиот тим во состав ред. проф. д-р Татјана Калевска и м-р Наташа Никоска неодамна го посети средното училиште СОУ „Св. Наум Охридски“ во Македонски Брод. Преку интерактивна презентација, учениците се запознаа со:

Наставните програми и современите насоки на факултетот.

Предизвиците и предностите на технолошките науки.

Кариерните патишта кои се отвораат по дипломирањето.

Меѓународната соработка и можностите за студентска размена кои ги отвораат вратите кон светот.

Изразуваме искрена благодарност до директорот и професорите за топлиот прием и одличната организација. Беше задоволство да се разговара со млади луѓе кои се стремат кон знаење и квалитетно образование!

#ТТФВелес #МакедонскиБрод #СтудирајСоВизија #Матуранти2026 #Технологија

Од теорија до реална индустрија – ТТФ Велес во посета на „Агриа“!

Нашите студенти неодамна реализираа стручна посета на една од најуспешните компании во регионот – „Агриа“ ДОО Велес!

Поврзувањето на образовниот процес со практиката е наш врвен приоритет, а оваа посета беше совршена можност за студентите да видат како функционира еден модерен и голем производствен систем.

Што опфати посетата?

·  Стручна презентација: Запознавање со начинот на функционирање, производствените процеси, како и со строгите безбедносни и професионални стандарди кои се имплементирани во рамките на капацитетите.

·  Индустриска обиколка: Директен увид во производствените капацитети и практичната примена на современите технологии и машини.

Нашите амбициозни студенти покажаа огромен интерес, а преку активна дискусија со инженерите и технолозите од компанијата добија одговори на многу прашања поврзани со нивната идна професија.

Упатуваме голема благодарност до тимот на „Агриа“ ДОО за срдечниот пречек и несебичното споделување на знаењето со нашите идни стручњаци!

#ТТФВелес #АгриаВелес #СтручнаПосета #ПрактичнаНастава #Индустрија

Денови на Нутриционизам – Храната како сојузник: Нутритивна подршка низ промените на менопаузата

🔗Линк за приклучување: https://meet.google.com/qfg-jbaq-kwb

ТТФ Велес во Кина – Меѓународна размена на знаења и иновации во прехранбената индустрија!

Со големо задоволство ја споделуваме успешната мисија на нашата колешка, доц. д-р Кристина Јанкулоска Гацоска, која во април учествуваше на престижен семинар во Кина, посветен на унапредување на инвестициските капацитети во земјите од иницијативата „Појас и пат“.

Програмата се реализираше во светските центри Пекинг, Хангџоу и Јиву, опфаќајќи теми кои се од суштинско значење за модерната технологија на храна:

Дигитална економија и е-трговија: Како дигиталните решенија овозможуваат подобра контрола на квалитетот и следливост на производите до крајниот потрошувач.

Технолошки развој: Иновации во обезбедувањето квалитетни суровини за прехранбената индустрија.

Меѓународна логистика и трговија: Модели за зголемување на конкурентноста на производите на глобалниот пазар.

Покрај едукативниот дел, ова беше и одлична можност за меѓународна промоција на Технолошко-техничкиот факултет – Велес и на нашата држава. Стекнатите искуства од посетите на индустриските паркови и водечките компании во Кина ќе бидат директно имплементирани во насока на подобрување на производните процеси и одржливите модели кои ги изучуваме.

Инвестираме во меѓународна соработка за да создадеме иднина базирана на иновации!

 

#ТТФВелес #МеѓународнаСоработка #Кина #ТехнологијаНаХрана #Иновации

ТТФ Велес во посета на матурантите од Кичево!

Изминативе денови, тимот на Технолошко-техничкиот факултет – Велес, во состав ред. проф. д-р Татјана Калевска, м-р Наташа Никоска и Виолета Спасеноска оствари значајна посета на средните училишта ОСУ „Мирко Милески“ и ОСУ „Дрита“ во Кичево. Целта на овие средби беше одблизу да им се претстават на матурантите современите студиски програми и бројните можности кои ги нуди нашиот факултет. На средбата со потенцијалните идни студенти ги претставивме:

Иновативните програми и насоки на Технолошко-техничкиот факултет.

Можностите за личен и професионален развој.

Одличните услови за студирање кои ги нудиме.

Програмите за стипендирање и поддршка во текот на целиот образовен процес.

Упатуваме голема благодарност до директорите и професорите од двете училишта за срдечниот прием и одвоеното време. Нè радува големиот интерес и позитивната енергија на кичевските матуранти!

#ТТФВелес #Кичево #Матуранти #ИдниСтуденти #Образование