Центар за стимулација, раст и развој „Старс“

⭐️Успешно завршени логопедски третмани.⭐️
Центар СТАРС - Скопје. 🥰


#центарстарс

⭐️Успешно завршени логопедски третмани.⭐️
Центар СТАРС - Прилеп. 🥰


#центарстарс

❗ Што е третман на сензорна интеграција? ❗

Сензорната интеграција е научно заснован терапевтски пристап кој им помага на децата да ја обработуваат и организираат сензорната информација од околината на поефикасен начин. Овој третман не значи само лулашки, сензорни патеки или играње со тактилни кутии – туку е индивидуализиран пристап кој го води стручно лице со специфична едукација.

⚠️ Задолжително присуство на родителот!
Третманот на сензорна интеграција не е само активност, туку терапевтски процес кој бара активно учество и следење од страна на родителот. Разбирањето на сензорните потреби на детето е клучно за успехот на интервенцијата.

❌ Не секоја лулашка и сензорна патека значат третман!
Само затоа што нешто изгледа забавно или сензорно, не значи дека има терапевтска вредност. Неконтролирано изложување на сензорни стимули може да предизвика спротивен ефект кај детето.

✔ Во сензорната интеграција не му даваме налози на детето!
Третманот не се заснова на инструкции од возрасниот – наместо тоа, детето е поттикнато само да развива сопствена игра во средина која го стимулира правилниот развој на неговите сензорни системи. Ова е клучно за градење на внатрешна мотивација и функционална адаптација на околината.

📊 Проценката се прави преку Baseline анализа!
Пред почетокот на третманот, се прави детална проценка преку Baseline видео, кое овозможува длабинска анализа на сите сензорни системи. Овој пристап ни помага да разбереме како детето ги обработува сензорните информации и кои интервенции ќе бидат најсоодветни.

👉 Тактилните кутии (со песок, ориз, грав, сунѓери) можат да бидат дел од третманот, но мора да бидат прилагодени на индивидуалните потреби на детето. Некои деца можат да имаат преосетливост или недоволна сензорна реакција, што значи дека начините на користење треба да бидат стратешки поставени од стручно лице.

✔ Затоа, внимателно избирајте стручно лице!
Сензорната интеграција бара специфично знаење и обука за да биде ефективна. Не е доволно само да се понудат текстури, вибрации или движења – важно е како и кога тие се применуваат.

Доколку имате прашања за правилен третман на сензорна интеграција, контактирајте стручно лице кое има обука за сензорна обработка и индивидуална работа со деца со сензорни потешкотии.

#СензорнаИнтеграција #Терапија #СпецијалнаЕдукација #ПравиленПристап

📌Зошто е важно присуството на мајката во третманот на детето?

Мајката игра клучна улога во терапевтскиот процес, бидејќи таа е најблискиот и најстабилниот емоционален ослонувач на детето. Нејзиното присуство во третманот:

✅ Го зголемува чувството на сигурност и доверба кај детето
✅ Помага во подобро разбирање и примена на терапевтските стратегии дома
✅ Ја зајакнува врската меѓу мајката и детето
✅ Го олеснува општиот напредок и адаптација во секојдневието

Активното учество на родителите во терапијата е клучен фактор за поуспешна интервенција!❤️

#Поддршка #РанаИнтервенција #родителство

📢 ОНЛАЈН ВЕБИНАР: Тоалетен тренинг за деца – Како без пелени?

Драги родители, воспитувачи и стручни лица,
Ве покануваме да присуствувате на едукативен онлајн вебинар на тема „Тоалетен тренинг за деца – Како без пелени?“, кој ќе ви понуди стручни совети и практични насоки за успешно воведување на вашето дете во светот без пелени.

🗓 Датум: 15.02.2025
⏰ Време: 17:00 - 19:30часот
📍 Локација: ZOOM платформа (линк ќе биде споделен по регистрација)
🎤 Предавач: доц. д-р. сци. Силвана Филипова

Теми на вебинарот:
1️⃣ Разбирање на подготвеноста на детето за тоалетен тренинг
2️⃣ Кои се првите чекори и како да започнете?
3️⃣ Практични совети за справување со предизвиците
4️⃣ Поддршка и мотивација за детето и семејството
5️⃣ Кога да побарате дополнителна стручна помош

💡 Овој вебинар е идеален за родители кои сакаат да ја направат транзицијата од пелени кон самостојно користење на тоалетот полесна и поуспешна.
По завршувањето на вебинарот, сите пријавени учесници ќе добијат прирачник за домашна употреба: „Тоалетен тренинг на деца со говорно јазични нарушувања“, како и упатства за полесно подготвување на детето за тоалетен тренинг.

🔗 Како да се регистрирате?
Пријавете се на вебинарот преку порака на нашата страна или на телефон:
☎️078233601

Цена за вебинарот: 1500 денари.

✨ Бројот на учесници е ограничен! Резервирајте го вашето место уште денес!

СТАРС – Заедно растеме и се развиваме

📢 ВАЖНО ИЗВЕСТУВАЊЕ!

Драги пријатели,
Со задоволство ве информираме дека Центар за стимулација, раст и развој СТАРС има нова локација!
Простор кој е целосно редизајниран за да ги задоволиме потребите на сите наши деца.❤️

Локација: 📍ул. Мирка Гинева бр.31, Велес
Контакт: ☎️ 075/ 369-900

🔹 Центарот располага со:
✔️ Два логопедски кабинети
✔️ Кабинет за сензорна интеграциска педагогија
✔️ Кабинет за неурофидбек третмани
✔️ Дефектолошки кабинет

Со љубов и професионалност продолжуваме да ги поддржуваме вашите најмили во нивниот развој.
🍀Ве очекуваме на новата локација!

✨ СТАРС – Заедно создаваме успех! ✨

📢 ВАЖНО ИЗВЕСТУВАЊЕ!

Драги пријатели,
Со задоволство ве информираме дека Центар за стимулација, раст и развој СТАРС има нова локација!
Простор кој е целосно редизајниран за да ги задоволиме потребите на сите наши деца.❤️

Локација: 📍ул. Мирка Гинева бр.31
Контакт: ☎️ 075/ 369-900

🔹 Центарот располага со:
✔️ Два логопедски кабинети
✔️ Кабинет за сензорна интеграциска педагогија
✔️ Кабинет за неурофидбек третмани
✔️ Дефектолошки кабинет

Со љубов и професионалност продолжуваме да ги поддржуваме вашите најмили во нивниот развој.
🍀Ве очекуваме на новата локација!

✨ СТАРС – Заедно создаваме успех! ✨

Едукативна сесија “Инклузија”

👉🏼На ден 16.01.2025година во просториите на средното стручно училиште АСУЦ „Боро Петрушевски се одржа едукативна сесија на тема „Инклузија“, која беше организирана во соработка на ООЦК Гази Баба и Центар за стимулација, раст и развој СТАРС.

👩‍🎓Едукативната сесија беше водена од м-р Александра Карагирова, специјален едукатор и рехабилитатор, магистер по аутизам и интелектуална попреченост, сопственик на Центар за стимулација, раст и развој СТАРС.

📚Едукацијата опфати теми како класификација на лица со попреченост, при што беше ставен посебен акцент на важноста на Индивидуалните образовни планови (ИОП), формирањето и улогата на инклузивните тимови, како и обезбедувањето соодветна поддршка во училницата. Исто така, беа понудени насоки за адаптација на наставните методи со цел да се овозможи квалитетно образование за сите ученици.

💭Присутните покажаа голем интерес за темата, а едукативната сесија заврши со плодна дискусија и практични совети за подобрување на инклузивните практики во училиштето.

Почитувани сограѓани…
Да бидеме хумани и да и помогнеме на нашата колешка да ги преброди овие тешки моменти!!!

Elizabeta Arsova

‼️ИТНО ‼️За Бети – Борба за нова надеж ‼️

Јас сум Елизабета, жена која со огромна сила и храброст успеа да ја преброди својата најголема животна битка – ракот на дојка. Но, после 1,5 година од последната примена хемотерапија, мислејќи дека најтешкиот период веќе заврши, животот ми зададе нов, уште потежок предизвик. Денес, се соочувам со тумор во ‘рбетен мозок, кој се наоѓа во пределот на вратот, дијагноза која што бара итна операција но и напредни медицински третмани за да продолжи борбата за живот.

Сепак, не се откажувам, па барајќи спас и решение, дојдов до неврохирург во Истанбул, Турција, којшто е субспецијалист за ‘рбетни тумори, кој ми даде надеж дека со операцијата можам да продолжам нормално да функционирам и да водам живот каков што заслужувам. Операцијата е итна и неопходна, со цел да не ја изгубам контролата и функцијата врз моите раце и нозе, но ме чека голем финансиски предизвик. За извршување на операцијата и идните терапии потребни се значителни средства, што претставува голем товар за мене и моето семејство бидејќи сме финансиски исцрпени.

Освен оперативниот зафат, се предвидуваат и физикални терапии, но после испитување на патологијата, можеби ќе биде потребна и нова рунда хемотерапија и радиотерапија. Работам како логопед и навистина уживам во својата работа, помагајќи им на најмалите. Мојата најголема желба е да се вратам на својата професија и да можам повторно да бидам корисна за своето општество, да работам и да водам нормален живот.

Вашата поддршка ќе ми овозможи шанса за нормален живот и можност да продолжам да бидам тука за моето семејство и да допринесам за општеството. Со големо срце и надеж, апелирам до вас добри луѓе, да ми помогнете во овој тежок момент. Секој ваш придонес, ќе значи многу за мене и за моето семејство и ќе даде надеж за иднината. Благодарноста за вашата поддршка е неизмерна.

🌐 Направете донација (во Македониja и во странство) со картичка, PayPal, ApplePay, GooglePay, Revolut:
https://pavelandreev.org/mk/campaign/za-beti-borba-za-nova-nadez
✅ Можете да донирате на платформата без разлика на која валута се парите на вашата сметка/картичка брзо, лесно и безбедно.

🎄✨ Среќни Новогодишни и Божиќни празници! ✨🎄

Драги наши пријатели,
Ви посакуваме празници исполнети со радост, топлина и љубов. Нека Новата година донесе многу успешни приказни, незаборавни моменти и најважно од сè – детски насмевки! 💫

Благодарни сме што заедно со Вас, ја создававме магијата на растот, развојот и успехот во секое детско срце.
💖 Продолжуваме со полни срца и инспирација да бидеме дел од вашето патување!

🌟 Нека 2025 биде година на нови можности и среќа за сите нас!

Со многу љубов,
Центар за стимулација, раст и развој СТАРС 🌟

⭐️Успешно завршени логопедски третмани.⭐️
Центар СТАРС - Велес. 🥰


#центарстарс

🤝 Контакт мајка-дете во сензорна интеграција: Клуч за напредок 🌟

Драги родители,
Во процесот на третман со сензорна интеграција, вашиот ангажман и блискиот контакт со вашето дете играат важна улога! 💖

👉 Зошто е важен контактот мајка-дете?
• Овозможува чувство на сигурност и поддршка.
• Го зајакнува емоционалниот однос.
• Ја стимулира детската доверба за истражување и учење.

За време на сесиите:
✅ Бидете присутни, и физички и емоционално.
✅ Следете ги упатствата на терапевтот за да ги подобрите активностите и да ја поддржите работата на детето.
✅ Поттикнете го вашето дете со пофалби и прегратки – тие имаат моќ да го направат процесот забавен и успешен!

Со ваша љубов и поддршка, секој чекор е победа! 🥰

За повеќе информации или закажување на третман, слободно контактирајте не на тел: 075/369-900

#СензорнаИнтеграција #ПоддршкаЗаДеца #ЕмоционалнаВрска

Денес е Меѓународен ден на лицата со попреченост !!!
Да ја почитуваме различноста и да изградиме средина каде што секој од нив ќе може да го покаже својот потенцијал 🍀