ООУ „Јосип Броз Тито“ - Струга - официјална страна

🌟 ПРВЕНЕЦ НА ГРНЕРАЦИЈА – МАРКО МИЛЕСКИ 🌟

Со гордост истакнуваме дека нашиот ученик Марко Милески е носител на признанието
🎖ПРВЕНЕЦ на генерацијата 2025/26🎖

Во текот на своето основно образование Марко се истакна со одличен успех, одговорност, посветеност и бројни постигнувања. Со своето знаење, труд и истрајност беше пример за своите соученици и достоен претставник на нашето училиште на многубројни натпревари и активности.

Му честитаме за ова заслужено признание. Неговиот успех е доказ дека упорноста, работата и вербата во сопствените способности секогаш носат резултати.
Му посакуваме многу среќа, нови предизвици и уште поголеми успеси во иднина.

👏 Искрени честитки за нашиот ПРВЕНЕЦ на генерацијата – Марко Милески!

Со голема гордост и задоволство го споделуваме извонредниот успех на нашиот ученик Марко Милески од IX одд , кој на 6 јуни 2026 година, на Државниот натпревар по физика освои максимални 100 поени од можни 100!

Овој врвен резултат е плод на неговата посветеност, упорност, љубопитност и љубов кон науката, како и на континуираната работа и подготовка во областа на физиката.

Ученикот покажа исклучително знаење со што достојно го претстави нашето училиште на највисоко ниво.

Упатуваме искрени честитки до ученикот за овој блескав успех, како и благодарност до наставникот по физика Елена Лотеска за вложениот труд, поддршка и менторство.

Им посакуваме уште многу успеси, нови предизвици и достигнувања во светот на науката!

👏📚🏆 Честитки за извонредниот успех!

🎉 Голем успех за нашето училиште! 🎉

Со голема гордост информираме дека учениците Матеј Лазороски и Владимир Мандовски, од IV-а одделение, освоија сребро на Интернационалниот натпревар по информатичко размислување - 3rd International Computational Thinking Competition во организација на Центарот за едукација New Corner.

Под менторство на нивниот одделенски наставник Снежана Миловановиќ, двајцата ученици покажаа извонредни знаења, логичко размислување и посветеност.

Им честитаме на учениците и на нивниот ментор и им посакуваме многу успех во иднина!
👏🏆

🚴‍♀️ Светски ден на велосипедизмот 🚴‍♂️

По повод Светскиот ден на велосипедизмот, учениците и наставниците по физичко образование од подрачното училиште ПОУ „Јонче Крежески“ – с. Мислешево ја истакнаа важноста на велосипедот како здрав, еколошки и практичен начин на превоз.
Преку заеднички активности испраќаме порака за грижа кон животната средина, поттикнување на здравите животни навики и безбедно учество во сообраќајот. Нека велосипедот биде наш избор за поздрава иднина и почиста околина!
Среќен Светски ден на велосипедизмот!

🏆 Успех на државниот натпревар по биологија

На 30 мај 2026 година се одржа Државниот натпревар по биологија, на кој нашите ученици постигнаа одлични резултати и достојно го претставија нашето училиште.

📚 VII одделение

🥈 Александра Пејчиноска – II награда
🥈 Деспина Паноска – II награда
📜 Неда Сагдиновска – Пофалница
📜 Јана Коркут – Пофалница

Ментор: Нела Најдоска-Василевска

📚 VIII одделение

🥉 Деспина Чакар – III награда

Ментор: Антонио Ќосески

📚 IX одделение

🥇 Марко Милески – I награда
🥉 Андреа Ноневска – III награда

Ментор: Антонио Ќосески

Им честитаме на сите наградени ученици за постигнатиот успех, како и на нивните ментори за посветената работа, поддршката и вложениот труд.

Горди сме на вашите достигнувања и ви посакуваме уште многу успеси на идните натпревари! 👏🎉

Вчера се одржа доделувањето на наградите и признанијата по повод конкурсот за најубав, сопствен, кириличен ракопис на тема „Кирилицата е нашата азбука“, во организација на Библиотека Благој Јанков Мучето Струмица, а по повод 24 Мај – Денот на сесловенските просветители Свети Кирил и Методиј.

Од вкупно 129 пристигнати ракописи особено сме горди што меѓу пофалените ученици во категоријата од трето до петто одделение се најде и нашата ученичка од V одделение, Бона Кукунешоска, под менторство на наставничката Љилјана Узуновска, која доби благодарница за својот прекрасен кириличен ракопис.

Упатуваме искрени честитки до Бона и нејзиниот ментор за успешното претставување и негувањето на убавината на кириличното писмо.