16/07/2026
NJË KAPITULL I RI PËR ARSIMIN, MULTIKULTURALIZMIN DHE SHUMËGJUHËSINË!
Sot, në ambientet e Ministrisë së Arsimit dhe Shkencës, drejtoresha e Alternative Learning Programs, Dr. Edi Kjela, zhvilloi një takim pune me ministren e Arsimit dhe Shkencës, Prof. Dr. Vesna Janevska.
Gjatë takimit u dakordua fillimi i procedurës për nënshkrimin e një Memorandumi të Bashkëpunimit ndërmjet Ministrisë së Arsimit dhe Shkencës dhe Alternative Learning Programs – një akademi me staf të kualifikuar dhe me përvojë, e cila kontribuon në promovimin e multikulturalizmit, shumëgjuhësisë dhe dialogut ndërkulturor si vlera thelbësore të arsimit bashkëkohor.
Ky bashkëpunim përbën një vlerësim të rëndësishëm për përkushtimin e Alternative Learning Programs në fushën e arsimit, të nxënit gjatë gjithë jetës dhe ndërtimit të urave të bashkëpunimit ndërmjet komuniteteve të ndryshme.
Në periudhën që vjen do të realizohen iniciativa të përbashkëta, programe arsimore dhe projekte që do të krijojnë mundësi të reja për nxënësit, mësimdhënësit dhe për të gjithë ata që besojnë se arsimi është shtytësi më i fuqishëm i zhvillimit shoqëror.
Kur institucionet dhe akademia ndajnë të njëjtin vizion, rezultatet kanë rëndësi kombëtare.
Министерство за образование и наука/Ministria e Arsimit dhe e Shkencës
