СОУ "Јане Сандански" - Штип

❗️ Oдбери СТРУЧНО, дојди во МЕДИЦИНСКО и направи го ВИСТИНСКИОТ ИЗБОР - СОУ "Јане Сандански" - Штип .

Ги известуваме родителите и учениците дека по завршување на медицинското училиште учениците МОЖАТ да се стекнат со соодветната квалификација:
👩‍⚕️👨‍⚕️Медицинска сестра
🦷Забен техничар
💊🧪Фармацевтски техничар
👨‍🔬👩‍🔬Физиотерапевтски техничар
😊👄Техничар за козметичка нега и убавина

Можат да бидат дел од нашиот здравствен систем, но и да СТУДИРААТ НА СИТЕ ВИСОКООБРАЗОВНИ УСТАНОВИ во земјава и странство.

✋️Од 12-15.06 пријави се преку порталот Uslugi.gov.mk со корисничката сметка на schools.
Доколку имате технички проблем, дојдете во училиштето!
Ве очекуваме во училиштето 👇

📢 Известување за матурантите

Почитувани матуранти,

Ве известуваме дека на 06.06.2026 година (сабота) започнува тестирањето по Англиски јазик од Државната матура и Државната стручна матура. Потребно е да бидете пред локацијата за тестирање - КАМПУС 4 најдоцна до 08:00 часот и со себе да носите документ за идентификација.

Списоците со распоредот на учениците ќе бидат објавени во петок на влезот од училиштето.

Ве замолуваме внимателно да ги проверите списоците и да ги почитувате сите правила и упатства поврзани со полагањето.

На денот на испитот учениците:

👉НЕ СМЕАТ да внесат телефони, паметни часовници или други електронски уреди во просториите за полагање;
👉треба да се пристојно облечени;
👉штом влезат во испитниот простор треба да го следат лицето одредено од УМК до своето место за полагање;
👉треба да проверат дали нивните лични податоци се означени на клупата на која седат;
👉да ги следат насоките на тестаторот и набљудувачите.
Сите ученици можат да носат вода во мали шишиња.

Ви посакуваме успешно тестирање и одлични резултати!
Среќно🍀

🟢Денес во нашето училиште во соработка со Националниот младински совет на Македонија, со подршка од Фондацијата Отворено општество Западен Балкан се организираше форум, со учество на различни засегнати страни, вклучувајќи ученици, наставници, родители и претставници од заедницата.
☀️Целта на форумот е да се поттикне отворена дискусија за наодите добиени преку Student Climate Labs, како и за важноста на зелените политики и одржливото, „зелено“ работење на училиштето -се разменија мислења и идеи за тоа како училиштето и локалната заедница можат заеднички да придонесат кон подобра животна средина и поодржливи практики.
🎖Во рамките на форумот беа претставени и најдобрите идеи од интерниот натпревар за зелени идеи, по што следеше прогласување на победниците.
💫Дел од идеите ќе бидат реализирани од училиштето од средствата кои ни остануваат како заштеда од производството на струја од Фотоволтаичните панели, а за поголемите идеи ќе соработуваме со Општина Штип, Фондација за развој на локалната заедница - Штип и сите заинтересирани страни кои сакаат да инвестираат во зелени училишта.

🌞Прекрасно организиран Отворен ден на средните училишта од Општина Штип!
⚕️Покажавме само мал дел од ресурсите кои ги нуди средното медицинско училиште, но успеавме да ги запознаеме идните средношколци со можностите и бенефитите кои ги добиваат доколку бидат дел од НАС!

❤️Учиме со умот, но лекуваме со срцето, а тоа денес го докажаа нашите ученици и стручните наставници кои беа дел од настанот.
Без Вас немаше да биде исто🍀

💫Благодарност и до основните училишта и Општина Штип - одделение за образование кои го поддржаа и организираа настанот.

Се гледаме на 16 и 17.06 на упис.
❗️Одбери СТРУЧНО, дојди во МЕДИЦИНСКО!

Честит 24 Мај - Денот на сесловенските просветители!

🇲🇰Денес се одржа државниот натпревар по Историја, на кој учествуваа 87 ученици од целата држава.
💫 Ученичката Симона Поп-Димитрова од 2/5 клас, профил фармацевтски техничар, постигна 4то место, што претставува одличен резултат и поттик за понатамошна работа и усовршување.
Имајќи предвид дека предметот Историја во нашето училиште се изучува само две години, овој успех добива уште поголемо значење.
✨️Честитки и за Тома Митев,ученик од прва година,профил медицинска сестра, кој достојно го претстави училиштето.
Ментор Сара Николовска🍀

🇪🇺Денес дел од нашите ученици и наставници беа дел од настанот "Европа е за можностите".
✨️Благодарност до организаторите и здобиените информации за стипендирање, студии и учество во Еразмус програми.
Се збогативме со искуство повеќе, кое ќе ни значи!

Со огромна гордост и радост споделуваме уште еден извонреден успех на нашата Дора 🌟⚗️🏆
На Државниот натпревар по хемија, Дора Милева, под менторство на проф.Билјана Панева, го освои првото место и заслужено ја понесе титулата ДРЖАВЕН ПРВАК ПО ХЕМИЈА 🥇
Овој голем успех е резултат на огромен труд, посветеност, истрајност и искрена љубов кон науката.
Горди сме што имаме млад човек кој инспирира нови генерации да ја сакаат науката, да сонуваат храбро и никогаш да не се откажуваат 💙
Честитки Дора!
Ова е успех што ќе се памети 🌟