Creative Youth Academy

Creative Youth Academy Creative Youth Academy is a project supported by the British Council as part of the WB-UK Creative Skills Development fund.

Project is led by BDG Agency from North Macedonia and Sharper from the United Kingdom, leading marketing and creative agencies.

21/05/2026

Од идеи до реални кариери. 🎥
Погледнете како изгледаше завршниот настан на Creative Youth Academy и енергијата на новата генерација млади креативци.

British CouncilBritishCouncil

Завршена првата генерација на Creative Youth Academy — четворица учесници веќе вработени!Вчера во Скопје беше промовиран...
19/05/2026

Завршена првата генерација на Creative Youth Academy — четворица учесници веќе вработени!

Вчера во Скопје беше промовирана првата генерација на Creative Youth Academy — практична програма за млади креативци развиена од BDG Agency во партнерство со Sharper B2B од Обединетото Кралство, со поддршка на Британската амбасада и British Council преку Фондот за развој на креативни вештини Западен Балкан – Обединето Кралство.

На академијата учествуваа 20 млади луѓе на возраст од 18 до 30 години, избрани од над 60 пријавени кандидати. Низ интензивен двонеделен почетен дел и тримесечно менторство водено од професионалци од Македонија и Обединетото Кралство, учесниците минаа низ четири области од креативната индустрија — визуелен дизајн и брендирање, видео продукција, креативна стратегија , како и работа со клиенти и водење проекти.

Програмата e директен мост помеѓу образованието и реалните потреби на индустријата. Во завршната фаза, учесниците поделени во тимови работеа во опкружување кое целосно ја симулираше работата во професионална агенција.

Најсилниот резултат е мерлив: четворица учесници веќе се вработија во креативната индустрија уште пред официјалното завршување на програмата — стапка на вработување од 20 проценти и конкретен доказ дека инвестицијата во млади таленти дава реален одраз на пазарот на труд.

На настанот свое обраќање имаа Жарко Димитриоски, ко-основач и креативен директор на BDG Agency, Daniel Fieller, заменик-шеф на мисијата при Британската амбасада, Clare Sears актуелна директорка на British Council за Србија и Западен Балкан, Eilidh Hamilton - идна директорка на British Council за Србија и Западен Балкан како и Russ Powell, основач на Sharper B2B.

Creative Youth Academy продолжува и во иднина, со амбиција моделот да се прошири регионално низ Западен Балкан, преку соработка со партнери од соседните земји.

British Council British Council North Macedonia

Денес учесниците на нашата академија присуствуваат на работилница за Creative Direction & Pitching, реализирана од нашит...
07/04/2026

Денес учесниците на нашата академија присуствуваат на работилница за Creative Direction & Pitching, реализирана од нашите партнери од Велика Британија – Sharper.

Разменетите искуства од успешна маркетинг агенција која опслужува голем број клиенти низ Велика Британија се одлична можност за учесниците да добијат реален увид во индустријата, да научат како функционира истата на странските пазари и да ги применат тие знаења во сопствените проекти.

British Council North Macedonia British Council

Понеделнички продолжуваме на тема Creative Strategy со менторот Жарко Димитриоски.Жаре е човек што знае како од добра ст...
23/02/2026

Понеделнички продолжуваме на тема Creative Strategy со менторот Жарко Димитриоски.

Жаре е човек што знае како од добра стратегија да направи одлична идеја. Со богато искуство во стратешко размислување и развој на креативни концепти, тој ги претвора сложените предизвици во јасни и применливи решенија.

Во следните две недели, своето знаење и практично искуство ќе ги сподели со слушателите на академијата.

British Council British Council North Macedonia

Предмалку започнавме со првото практично предавање на тема Account Management - со презентација на менторот Сања Јанеку....
17/02/2026

Предмалку започнавме со првото практично предавање на тема Account Management - со презентација на менторот Сања Јанеку.

Сања има долгогодишно искуство во управување со клиенти и развој на маркетинг стратегии, каде успешно ги поврзува бизнис целите на клиентите со креативни и ефективни решенија. Со одлични комуникациски и организациски вештини, таа води проекти од идеја до реализација, секогаш фокусирана на раст и мерливи резултати.

Слушателите директно ќе слушнат за тоа како се гради стратегија за комуникација, како се таргетира вистинската публика и како се креираат годишни кампањи кои го прават брендот препознатлив и посакуван.

British Council British Council North Macedonia

17/02/2026

Учесниците на Creative Youth Academy успешно ја завршија првата фаза на теоретски работилници. Имаше многу што да се слушне од експертите од BDG Agency од 🇲🇰 и Sharper од 🇬🇧 - пред се за нивните почетоци, предизвици и успешно реализирани проекти.

Од денеска започнуваат практичните предавања овозможени од ментори специјализирани во областите на Visual Design & Branding, Motion Graphics & Video Production, Creative Strategy & Storytelling и Client Service & Account Management.

Stay tuned !

British Council British Council North Macedonia

Учесниците на нашата академија имаа можност да го проследат снимањето на емисијата „Еден на Еден“ во придружба на нашиот...
11/02/2026

Учесниците на нашата академија имаа можност да го проследат снимањето на емисијата „Еден на Еден“ во придружба на нашиот ментор Ѓорѓи Џамбазов.

Оваа активност беше практична презентација на сите аспекти на видео продукцијата и сè што е потребно за една емисија да изгледа совршено пред малите екрани.

Видео продукцијата денес претставува клучна алатка во светот на маркетингот и креативната индустрија, бидејќи токму преку квалитетна визуелна содржина се гради препознатлив бренд, се пренесува силна порака и се создава емоционална поврзаност со публиката.

Разбирањето на процесот зад камерата им овозможува на младите креативци да создаваат содржини кои не само што привлекуваат внимание, туку и оставаат траен впечаток.

Уникатно искуство за паметење :)

British Council British Council North Macedonia

05/02/2026

Преку практични знаења и работа на реални проекти, ги градиме вештините на младите и ги спремаме за влез на пазарот на труд во маркетинг и креативната индустрија – и во Македонија и во Велика Британија 🚀

Кај нас има простор за слободна интеракција, споделување мислења, свежи идеи и креативен хаос што на крај се претвора во реални решенија за задоволни клиенти.

British Council British Council North Macedonia

30/01/2026

Инспиративни пораки до младите слушатели на нашата Академија од претседателот на Стопанската Комора г-динот Бранко Азески.

Ни претставува огромна чест и задоволство што нашите активности се одвиваат под будното око на Стопанската комора - како организација која го обединува бизнисот во Македонија.

Учесниците имаа можност да слушнат инспиративни согледувања и автентични искуства од богатата професионална кариера на претседателот Азески. Акцентот беше ставен на важноста од градење и постојано унапредување на сопствените индивидуални капацитети, како и нивно ставање во функција дома – во Македонија.

Во време кога младите генерации го носат предизвикот и одговорноста да создадат подобра и просперитетна иднина, ваквите пораки се силен поттик за личен и општествен развој.

British Council British Council North Macedonia

Day 3 од нашата Академија резервирана за гостите од Sharper B2B Marketing ! Рас, Џејд и Бен го споделија своето богато и...
29/01/2026

Day 3 од нашата Академија резервирана за гостите од Sharper B2B Marketing !

Рас, Џејд и Бен го споделија своето богато искуство во маркетинг индустријата во Обединетото Кралство.

Стана јасно дека маркетингот има универзален јазик, без разлика каде се наоѓаме во светот. Рокови, преференци, тимска динамика – и постојаната потрага по решение што целосно ќе одговори на визијата на клиентот.

Многу од претставите и очекувањата за секојдневието на луѓето кои водат маркетинг агенции добија нова перспектива. Преку искрените предавања и практичните примери од нашите гости и партнерски носители на проектот, учесниците се запознаа со реалноста на индустријата.

Процесот продолжува и денес – преку задачи што поттикнуваат размислување, размена на фидбек и активно учество во креативниот процес.

British Council North Macedonia
_______________________________________________________________________

Проектот Co-Create Macedonia – Empowering Young Voices in Marketing and Media е поддржан од British Council.

Address

Vangel Dinu 40A
Skopje
1000

Website

Alerts

Be the first to know and let us send you an email when Creative Youth Academy posts news and promotions. Your email address will not be used for any other purpose, and you can unsubscribe at any time.

Shortcuts

Share

Category