Институт за социолошки и политичко-правни истражувања-УКИМ Скопје

28/07/2026

Општествата не се менуваат во една насока.

Дигитализацијата го преобликува начинот на кој работиме. Вештачката интелигенција отвора нови можности, но и нови етички прашања. Миграциите, демографските промени и нееднаквоста влијаат врз општествената кохезија, додека климатските и политичките предизвици бараат нови институционални одговори.

Како науката може да ни помогне подобро да ги разбереме овие промени?

Институтот за социолошки и политичко-правни истражувања при УКИМ ја организира меѓународната научна конференција:

„Предизвиците на општествената трансформација“
(Challenges in Transforming Society)

Конференцијата отвора интердисциплинарен простор за истражувања посветени на:

x општествените промени, идентитетот, религијата и културата;
x нееднаквоста, инклузијата и општествената кохезија;
x дигиталната трансформација, технологијата, вештачката интелигенција и општеството;
x одржливоста, ризиците и иднината на современите општества.

Ги покануваме истражувачите, универзитетските професори, постдокторандите, докторандите и практичарите да придонесат со теоретски, методолошки или емпириски трудови и да станат дел од меѓународниот академски дијалог.

📅 Конференција: 21 октомври 2026 година
📍 ИСППИ - УКИМ, Скопје
💻 Учество во живо или онлајн
🌐 Работен јазик: англиски
✓ Учество без котизација
⏳ Рок за доставување апстракт: 20-ти август 2026 година

Апстрактите, со должина до 300 зборови, се доставуваат на:

[email protected]

Избраните трудови ќе бидат разгледани за објавување во посебно издание на Годишникот на ИСППИ, по дополнителна рецензија.

Целосниот повик и насоките за пријавување се достапни на:
https://isppi.ukim.edu.mk/260522-povik-za-uchestvo-na-megunarodna-nauchna-konferencija-predizvicite-na-opshtestvenata

Да ги истражуваме промените додека се случуваат и да придонесеме кон подобро разбирање на општеството што го создаваме.

14/07/2026

🇪🇺 Што мислите за Европската Унија и нејзината иднина? Вашето мислење е важно!

Имате став за ЕУ, проширувањето или довербата во институциите? Ги покануваме сите граѓани да го споделат своето мислење и со тоа да придонесат во ова значајно меѓународно истражување. 📊

Меѓународниот проект Cost Action 23102 - Linking euroscepticism and populism започнува голема, повеќејазична анкета на јавното мислење низ Европа и земјите-кандидатки. Сакаме директно од вас да слушнеме како гледате на клучните општествени и политички прашања.

🎯 Зошто да учествувате?
Со пополнување на анкетата, помагате во истражувањето на:
- Ставовите кон ЕУ и евроинтеграциите.
- Нивото на доверба во домашните и европските институции.
- Перцепциите за демократијата и политичкиот систем.
- Причините и последиците од популизмот и евроскептицизмот.

Со вашето учество директно придонесувате за зајакнување на врската помеѓу академското знаење, јавната дебата и креирањето на идните политики на европско ниво. 🤝

👇 Споделете го вашето мислење на линкот подолу:
🔗 https://get.epoll.eu/index.php/486123?lang=mk

Ви благодариме за времето и придонесот! 🙏✨

#Анкета #ЕвропскаУнија #ЈавноМислење #Истражување

Toggle navigation Load unfinished survey Resume later Exit and clear survey Language: English Македонски Српски ქართული ენა Ελληνικά Česky Български Українська Bosanski Deutsch English Español Français Italiano Magyar Norsk Bokmål Po...

08/07/2026

На 6 јули 2026 се оствари средба помеѓу директорката на Националната агенција за образовни програми и мобилност – ЕРАЗМУС+, м-р Ана Михајлов, директорот на Институтот за социолошки и политичко-правни истражувања при УКИМ, проф. д-р Петар Атанасов и националната координаторка на проектот (во рамки на програмата Еразмус +), проф. д-р Анета Цекиќ.

На средбата беа елаборирани континуираните заложби на ИСППИ – УКИМ за развој и имплементација на заедничката мастер програма по Политички науки – ПОСИГ. Одржливоста на оваа иницијатива се потврдува преку учество на ИСППИ во Еразмус проектот кој обезбедува поддршка за развој на студиската програма, зајакнување на соработката и вмрежувањето со партнерските институции од ЕУ и пошироко.

Воедно, на средбата беа детално прикажани институционалните можности кои ги обезбедува Националната ЕРАЗМУС агенција, со посебен осврт на приоритетните тематски области, инструментите за поддршка и различните видови мобилности.

01/07/2026

По успешно завршените теренски активности, проектот „Хумана комуникација кај младите: аспекти, фактори и креативни начини на нејзино развивање“, реализиран од истражувачки тим од ИСППИ под раководство на проф. д-р Елеонора Серафимовска, а поддржан и финансиран од МОН, влегува во својата следна фаза.

Во изминатиот период беа реализирани тестирања со речиси 600 ученици и работилници и обуки со 175 ученици од 11 до 14 години, односно од шесто до деветто одделение. Исто така, беа реализирани и фокус-групи со приближно 80 родители и наставници од основните училишта вклучени во истражувањето. Преку споменатите активности, беа прибрани значајни истражувачки податоци и сознанија за различните аспекти на хуманата комуникација кај младите, како и за младинското акциско истражување и за партиципативните истражувачки пристапи.

Завршната средба со училишните психолози од основните училишта вклучени во истражувањето, одржана на 16 јуни 2026 година во просториите на ИСППИ, го заокружи овој интензивен теренски период и заокружи еден значаен сегмент од проектот, за којшто во најголема мера придонесоа училишните психолози и учениците, како и наставниците и родителите. Значајна поддршка во текот на реализацијата на овие проектни активности дадоа и општините и основните училишта.

Истражувачкиот тим им упатува искрена благодарност на сите учесници и чинители за досегашната поддршка и соработка!
Во претстојниот период, истражувачкиот тим продолжува со преостанатите проектни активности, со обработка и анализа на податоците и со подготовки за научниот собир наесен.
За повеќе информации за проектот и за следење на неговите активности, посетете ја неговата страница на „Фејсбук“: https://www.facebook.com/humana.komunikacija/

25/06/2026

📌 Учество на меѓународната конференција посветена на паралелната ревизија на тема „Стареење на населението“ организирана од Државниот завод за ревизија

На 24 јуни 2026 година, доц. д-р Блаже Јосифовски учествуваше како говорник, во рамките на своето излагање на тема „Стареење на населението и одржливоста на македонскиот пензиски систем: демографски, фискални и институционални предизвици“, тој се осврна на клучните демографски трендови, влијанието на стареењето врз пензискиот систем, растечката зависност од буџетски трансфери, како и на можните долгорочни сценарија и реформски насоки.

Посебен акцент беше ставен на потребата од политики засновани на докази, постепени и предвидливи реформи, како и на балансирањето меѓу финансиската одржливост на пензискиот систем и адекватноста на пензиите.

22/06/2026

Проф. д-р Петар Атанасов од ИСППИ, Универзитет „Св. Кирил и Методиј“, на 18-19 јуни 2026, во Софија, Бугарија, учествуваше на Меѓународната конференција „Видливи и невидливи универзитети“, организирана од страна на Софискиот Универзитет „Св. Климент Охридски“.

Благодарност за одличната организација до колегите проф. д-р Соња Милева („Св. Климент Охридски“-Софија), Марија Стојчева („Св. Климент Охридски“-Софија) и Gilles Rouet (LAREQOI, UVSQ, Paris-Saclay).
Конференцијата се одвиваше во четири панели, додека професор Атанасов настапи во првиот панел насловен како „Видливост, рангирање и интернационализација“ со темата „Компаративна анализа за видливоста и рангирањето на јавните универзитети во 7 европски земји согласно вложувањата во образованието и научните истражувања“. Во истражувањето за презентираната тема учествуваа и професорите Драгор Заревски и Јелена Таст.
На конференцијата беа презентирани 40-тина трудови од колеги од Бугарија, Франција, Латвија, Словачка, Шпанија, Кина, Мароко и Бразил. Конференцијата покажа дека прашањата за видливоста и рангирањето на универзитетите е тема која е многу актуелна и во регионот и во светот.

Prof. Dr Petar Atanasov from ISPJR, ‘Ss. Cyril and Methodius’ University in Skopje, participated in the International Conference “Visible and Invisible Universities”, held on 18–19 June 2026 in Sofia, Bulgaria, organized by Sofia University “St. Kliment Ohridski.”

Special gratitude is extended for the excellent organization to the colleagues Prof. Dr Sonya Mileva (St. Kliment Ohridski, Sofia), Maria Stoycheva (St. Kliment Ohridski, Sofia), and Gilles Rouet (LAREQOI, UVSQ, Paris-Saclay).
The conference was structured into four panels. Prof. Atanasov presented the paper “Comparative Analysis of the Visibility and Ranking of Public Universities in Seven European Countries in Relation to Investments in Education and Research & Development” in the first panel titled “Visibility, Ranking and Internationalization”.
The research for this presentation also involved Professors Dragor Zarevski and Jelena Tast.
Approximately forty papers were presented at the conference by colleagues from Bulgaria, France, Latvia, Slovakia, Spain, China, Morocco, and Brazil. The conference demonstrated that the issues of university visibility and ranking are high on the agenda both in the region and globally.

22/06/2026

На 19 јуни 2026 година, во Свечената сала на Владата, се одржа Петтата седница на Националниот совет за развој, посветена на спроведувањето на Националната развојна стратегија 2024-2044 и приоритетите за следниот период.

На седницата, доцент д-р Блаже Јосифовски од ИСППИ ги презентираше активностите на Работниот комитет за демографија и предлог-мерките произлезени од неговата работа.

Мерките се резултат на партиципативен процес во кој учествуваа 95 претставници од државната администрација, јавните институции, граѓанското општество, академската и бизнис-заедницата.

Учеството во овој процес претставува придонес кон креирањето политики засновани на истражувања, експертски анализи и соработка меѓу различните општествени чинители. Демографските предизвици бараат долгорочен, координиран и меѓусекторски пристап, насочен кон создавање услови младите и семејствата да ја градат својата иднина во земјата.

#ИСППИ #УКИМ #НационалнаРазвојнаСтратегија #НРС2044 #Демографија

02/06/2026

🇪🇺 Што мислите за Европската Унија и нејзината иднина? Вашето мислење е важно!

Имате став за ЕУ, проширувањето или довербата во институциите? Ги покануваме сите граѓани да го споделат своето мислење и со тоа да придонесат во ова значајно меѓународно истражување. 📊

Меѓународниот проект EUPopLink Cost Action 23102 - Linking euroscepticism and populism започнува голема, повеќејазична анкета на јавното мислење низ Европа и земјите-кандидатки. Сакаме директно од вас да слушнеме како гледате на клучните општествени и политички прашања.

🎯 Зошто да учествувате?
Со пополнување на анкетата, помагате во истражувањето на:
- Ставовите кон ЕУ и евроинтеграциите.
- Нивото на доверба во домашните и европските институции.
- Перцепциите за демократијата и политичкиот систем.
- Причините и последиците од популизмот и евроскептицизмот.

Со вашето учество директно придонесувате за зајакнување на врската помеѓу академското знаење, јавната дебата и креирањето на идните политики на европско ниво. 🤝

👇 Споделете го вашето мислење на линкот подолу:
🔗 https://get.epoll.eu/index.php/486123?lang=mk

Ви благодариме за времето и придонесот! 🙏✨

#Анкета #ЕвропскаУнија #ЈавноМислење #Истражување

Toggle navigation Load unfinished survey Resume later Exit and clear survey Language: English Македонски Српски ქართული ენა Ελληνικά Česky Български Українська Bosanski Deutsch English Español Français Italiano Magyar Norsk Bokmål Po...

12/05/2026