Shkolla Fillore Komunale "LIRIA"-Shkup

Sot nga ana e Drejtorisë së shkollës, u ndanë mirënjohje për nxënësit që u dalluan me sukseset e tyre gjatë shkollimit fillor.

Titullin “Nxënësi i Gjeneratës” e fitoi Ezana Demiri (IX-4), ndërsa me lavdëratë u shpërblyen:

* Zara Pirku (IX-1)
* Berirah Dauti (IX-1)

Këta nxënës treguan përkushtim, rezultate të larta dhe sjellje shembullore gjatë viteve të shkollimit fillor. I urojmë për suksesin e arritur dhe suksese të mëtejshme në rrugëtimin e tyre arsimor!

Urime të gjithëve! 🎓👏

Sot, në organizim të Komunës së Çairit, u zhvillua ceremonia e ndarjes së mirënjohjeve dhe vauçerëve për nxënësit e gjeneratës për vitin shkollor 2025/26, e udhëhequr nga Kryetari z. Izet Mexhiti.

Me krenari njoftojmë se nga shkolla jonë, si nxënëse e gjeneratës është nominuar Ezana Demiri IX-4 e cila me përkushtimin, sukseset dhe sjelljen e saj shembullore ka lënë gjurmë të veçanta gjatë shkollimit.🥰📚🎓

I urojmë Ezanës suksese të mëtejshme në rrugëtimin e saj arsimor dhe profesional, duke besuar se do të vazhdojë të jetë shembull frymëzimi për të gjithë bashkëmoshatarët e saj.💫🌎🥰

FESTA E ABETARES ❤️📚

Me shumë gëzim dhe emocione, nxënësit e klasës II-3 festuan përfundimin e Abetares në një aktivitet të veçantë të organizuar dhe udhëhequr nga mësuesja e klasës, Zejnepe Aziri.

Përmes recitimeve, këngëve, valleve dhe pikave të ndryshme artistike, nxënësit shfaqën talentin dhe përkushtimin e tyre, duke shënuar kështu një etapë të rëndësishme në rrugëtimin e tyre arsimor. Festa e Abetares simbolizon hapin e parë drejt botës së dijes dhe një kujtim të bukur që do t’i shoqërojë gjatë gjithë jetës.

Urime të gjithë nxënësve të klasave të dyta për këtë arritje të rëndësishme! Falënderojmë prindërit për mbështetjen dhe bashkëpunimin e vazhdueshëm, si dhe mësuesen Zejnepe Aziri për përkushtimin e saj në edukimin dhe formimin e brezave të rinj. 🌸📖✨

🎨🌞 Pjesëmarrje në ekspozitën e “Verës Kulturore të Çairit” 🌞🎨

Në ekspozitën e organizuar në kuadër të aktiviteteve “Vera Kulturore e Çairit”, nxënëset e shkollës sonë, Zara Pirku dhe Asije Kadriu, morën pjesë me punimet e tyre artistike, duke prezantuar talentin, kreativitetin dhe përkushtimin e tyre. 🖌️✨

Nxënëset u udhëhoqën dhe u mbështetën nga arsimtarja Zulejha Zuberi, e cila me përkushtimin e saj kontribuon vazhdimisht në zhvillimin e aftësive artistike të nxënësve tanë. 👩‍🏫🌟

Suksese në Garat Shtetërore të Biologjisë

Nxënësit e shkollës sonë morën pjesë në Garat Shtetërore të Biologjisë, të organizuara nga Shoqata e Biologëve të Maqedonisë.

Me krenari njoftojmë rezultatet e tyre:

* Arzu Demiri (IX-3) – Vendi i III
* Ezana Demiri (IX-4) – Lavdëratë
* Anisa Ametovska (IX-4) – Pjesëmarrëse
* Berirah Dauti (IX-1) – Pjesëmarrëse

I përgëzojmë nxënëset për angazhimin, përkushtimin dhe rezultatet e arritura dhe arsimtaren Xhejlane Tusha duke u dëshiruar suksese edhe më të mëdha në garat e ardhshme. 👏🌟

🌺 VERA KULTURORE ÇAIR 2026 🌺

Me shumë gëzim dhe krenari, nxënësit tanë edhe sot morën pjesë në ditën e dytë të manifestimit “Vera Kulturore Çair 2026”, ku u prezantuan me pika të mrekullueshme ritmike.🦋💫🎀

Nxënësit e shkollës sonë që na përfaqësuan në këtë manifestim ishin nxënësit e klasave të dyta, nën udhëheqjen e arsimtareve Edita Imeri dhe Elmedina Rrahman, si dhe nxënësit e klasave të shtata, nën udhëheqjen e arsimtares Maide Kamberi.

Jemi krenarë për nxënësit tanë, të cilët edhe një herë dëshmuan se talenti, këmbëngulja dhe dashuria për artin sjellin rezultate të mrekullueshme. ✨️

👏 Falënderojmë nxënësit, prindërit dhe mësimdhënësit për mbështetjen dhe realizimin e suksesshëm të këtij aktiviteti kulturor, i cili promovon vlerat artistike, bashkëpunimin dhe kreativitetin e të rinjve tanë. 🌺

🎈📚 Aktivitet për 1 Qershorin – Ditën e Fëmijëve 🎉

Nxënësit e klasës IV-4, nën udhëheqjen e arsimtares Ganimete Rexhepi, sot morën pjesë në programin festiv të organizuar nga Komuna e Çairit me rastin e 1 Qershorit – Ditës së Fëmijëve. 🎊

Përmes aktiviteteve argëtuese dhe edukative, nxënësit kaluan momente të bukura, të mbushura me buzëqeshje, lojë dhe gëzim. 😊🎈

Urojmë që çdo ditë të jetë e mbushur me lumturi, dashuri dhe suksese për fëmijët tanë! 🥰

📚✨ Ora Poetike Tradicionale “Krijuesit e Rinj” ✨📚

Sot në shkollën tonë u mbajt tradicionalisht ora poetike “Krijuesit e Rinj”, ku morën pjesë një numër i madh nxënësish me krijimet e tyre letrare. 📝🌟

Kënaqësia jonë ishte edhe më e madhe pasi në këtë ngjarje morën pjesë dy shkrimtarët për fëmijë, Berzat Sadiki dhe Lirim Alija, të cilët u prezantuan me krijimet e tyre letrare për fëmijë.

Po ashtu, ata dhuruan libra për fëmijë për bibliotekën e shkollës sonë, duke pasuruar fondin e saj me tituj të rinj dhe të vlefshëm. 🎁📚

🙏 Falënderojmë për përkushtimin dhe angazhimin e tyre arsimtaret:
Mejreme Tusha (organizatore)Lejla Axhami,Ganimete Rexhepi,Nebije Balliu
Halide Murseli,Elmedina Ismaili.

Një falënderim i veçantë shkon edhe për nxënësit dhe prindërit që kontribuan në realizimin dhe suksesin e kësaj ore poetike 👏🎉💐

Urime të gjithë pjesëmarrësve dhe suksese në krijimtaritë e ardhshme! ✍️📚🌟