СУГС„Шаип Јусуф“

ПРОГЛАСУВАЊЕ НА ПРВЕНЕЦ НА ГЕНЕРАЦИЈА
За првенец на генерацијата 2023-2026 година од СУГС „Шаип Јусуф“- Скопје се избира ТАМАРА ФЕТА.
По претходно спроведена постапка од страна на училиштата, на вчерашната свечена манифестација Градоначалникот на Град Скопје Г-дин. Орце Ѓеорѓиевски ги прогласи првенците на генерација од сите средни училишта и им додели награди. Помеѓу многуте наградени беше и нашата ученичка Тамара Фета матурантка од тригодишното средно стручно образование од квалификацијата (профил) фризер.
Тамара Фета во текот на своето средно образование остваруваше континуиран одличен успех и примерно поведение. Покрај наставните активности, активно учествуваше во работата на ученичкиот совет, младински иницијативи, проекти, обуки, работилници, хуманитарни акции и училишни настани, со што даде значаен придонес во животот на училиштето. Особено се истакна во областа на фризерството и естетиката, освојувајќи повеќе награди и признанија, меѓу кои први, втори и трети места на натпревари по женска фризура, креативно обликување на коса, како и промоција и маркетинг на фризерски услуги.
ЧЕСТИТКИ И МНОГУ УСПЕСИ ВО ИДНИНА!

УСПЕШНО РЕАЛИЗИРАН ОТВОРЕН ДЕН НА НАШЕТО УЧИЛИШТЕ
Отворениот ден беше реализиран на 5 јуни во просториите на нашето училиште и беа поставени информативни штандови на кои можеа полуматурантите да се запознаат со можностите за продолжување на своето образование во училиштето, со активностите, работата на училиштето и достигнувањата на нашите ученици. Дополнително имаа можност да ги посетат кабинетите и да ги видат можностите за реализирање на кабинетска настава во средното стручно образование.
Имаше одлична атмосфера, многу игри, дружба, забава и запознавање.

🎓 ТУКА ЗАПОЧНУВА ТВОЈОТ УСПЕХ!
Избери образование кое отвора врати кон успешна кариера и сигурна иднина. СУГС „Шаип Јусуф“ ги отвора вратите за новата генерација средношколци!
✅ Квалитетно образование
✅ Практична настава
✅ Стручни и посветени наставници
✅ Можности за личен и професионален развој
📌 Запиши се и биди дел од нашето успешно училишно семејство!

#Уписи2026 #СУГСШаипЈусуф #ТвојотИзборТвојатаИднина

✅Директорот на СУГС „Шаип Јусуф“ – Скопје заедно со група ученици учествуваше на Меѓународниот форум за економски училишта „ЕКОНОМИУМ“, кој се одржа во СОЕПТУ „Кузман Јосифоски – Питу“ во Прилеп.

✅На форумот директорот имаше свое излагање на тема:„Инвестираме во човечки капитал: Вештините како најсилна валута на нашите ученици“.

✅Особено интересен и инспиративен е фактот што денес на овој настан учествуваше како директор, а некогаш бил ученик токму во ова училиште.

✅Размената на искуства, идеи и добри практики помеѓу училиштата е од огромно значење за развојот на современото стручно образование и за создавање успешни млади генерации.

#СУГСШаипЈусуф #ЕКОНОМИУМ #СтручноОбразование #ВештиниЗаИднината

Во рамки на големата еко активност - Генерелака викенд, учениците со предметните наставници по хемија и биологија реализираа креативни и интересни експерименти. Ваквата активност беше реализирана на 8 мај 2026 година.
Во прилог назив на експериментите и слики од нивното изведување:
- Експеримент бр1: Добивање на природни бои растворливи во вода;
- Експеримент бр 2:Биопластика од кора од портокал;
- Експеримент бр 3: Јадливо пакување од лушпа од банана.
#екочас2026 #шаипјусуф

🌿✨ Екскурзија што се памети – ден исполнет со природа, историја и емоции!

На 04 мај 2026, ден со посебно значење за нашата историја, нашите ученици реализираа еднодневна екскурзија исполнета со знаење, дружење и незаборавни моменти.

📍 Матка – уживавме во природната убавина, свежиот воздух и магијата на кањонот.
🏛️ Стара Скопска чаршија – прошетка низ традицијата, културата и богатото минато.
🇲🇰 Но највпечатливиот момент беше посетата на гробот на Гоце Делчев, токму на денот на неговото загинување – 4 мај.

Наставникот по историја одржа инспиративно излагање зa животот, делото и значењето на Гоце Делчев, а учениците и вработените со достоинство и почит му оддадоа чест на еден од најголемите македонски револуционери.
Ова не беше само екскурзија –
👉 беше час по историја на вистинско место
👉 беше лекција за почит, идентитет и вредности
👉 беше ден исполнет со пријателство, насмевки и заедништво!
Во продолжение – дел од прекрасната атмосфера.
#Екскурзија2026 #4Мај #ГоцеДелчев #Матка #СтараЧаршија #УчимеИПатуваме #НашетоУчилиште

РАСПОРЕД ЗА ДЕЖУРСТВА ВО СУГС „ШАИП ЈУСУФ“-СКОПЈЕ.

НАШЕТО УЧИЛИШТЕ – ЕДНО ОД НАЈНАГРАДУВАНИТЕ УЧИЛИШТА ОД СКОПЈЕ НА МАССУМ 2026!

На републичките натпревари во рамки на Образовното рандеву МАССУМ 2026 година, учениците од СУГС „Шаип Јусуф“ – Скопје остварија врвни резултати:

🥈 2 место – Најдобра поетска творба
Ученик: Сали Јакуп | Ментор: Ана Костадиновска

🥈 2 место – Најдобра драмска претстава
Ученици: Јаша Х., Сали Ј., Елмедин И., Исмаил И., Шехерезаде Б., Хавни Р., Субија Д., Јадиѓар У., Сунај А., Сафет Ш., Стефано П., Ибраим Б.
Ментори: Доан Сулејманоски, Весна Александрова, Лазе Стерјовски (во соработка со Театар „Сенки и Облаци“)

🥈 2 место – Најдобра модна ревија
Ученици: Амина Р., Емша Х., Тамара Ф., Субија Д., Акиле Б., Лифа С., Јаша З., Антонела У., Сагбер А., Анџела Џ., Реџеп А., Ди Анџело Е., Џемаил И.
Ментори: Пере Петков, Василка Настеска, Ангела Лазаревска, Аница Андревска, Кети Стојанческа, Јулијана Смилевска

🥉 3 место – Најдобро интервју за работа
Ученик: Мирсада Керим | Ментор: Доан Сулејманоски

🥉 3 место – Најдобар штанд
Ученици: Лоида В., Сафет С., Мерван К., Ерсина Х., Рухмихан К., Наташа Х., Леон Архимед С., Бурхан Б., Мирсад И., Рушан Д., Јеремија Ф., Рубен С.
Ментори: Хатија Ариф, Ивона Јакимовска, Драгана Стојановска, Василка Белчев, Мариче Спасевска

УЧЕСТВО ВО 8 КАТЕГОРИИ – ВО 5 КАТЕГОРИИ НАГРАДИ! 🔥

ЧЕСТИТКИ И ЗА УЧЕНИЦИТЕ КОИ ДОСТОЈНО ГО ПРЕТСТАВИЈА УЧИЛИШТЕТО ВО ОСТАНАТИТЕ КАТЕГОРИИ.

ЧЕСТИТКИ ДО СИТЕ УЧЕСНИЦИ И МЕНТОРИТЕ.
ГОРДОСТ, РАБОТА И УСПЕХ – БРАВО! 💪

ИНТЕРЕН ОГЛАС ЗА ЗАПИШУВАЊЕ НА УЧЕНИЦИ ВО ПРВА ГОДИНА ЗА УЧЕБНАТА 2026/27 ГОДИНА
Изберете СУГС„Шаип Јусуф“ -Скопје!