Предметот трудово право претставува дел од редовните предмети во циклусот на додипломски студии што се изучува како задолжителен предмет за студентите од II година / 4 семестар на правни студии.Научната дисциплина трудово право како интегрален дел на универзитетскиот предмет на проучување трудово право со сигурност може да се констатира дека е една од подинамичните и поразвиените правни дисциплини.Станува збор за релативно млада дисциплина чиј што развој се бележи во период нешто подолг од едно столетие, исполнет со турбулентна еволуција и низа промени во предметот и содржината на неговото проучување.Тоа е правна дисциплина, која е во полна експанзија, што многу добро се манифестира како на субјектите на кои се однесуваат нејзините начела и норми, така и на односите кои таа ги уредува, а особено на нејзиниот предмет.Трудовото право има мултиколоритно и широкоградо значење кое започнува од заштитничката мисија во однос на поединечни категории на работници, пред се жени и деца во текот на ΧΙΧ век , за денес со слободност да може да се констатира фактот дека трудовото право се еманира со сиот свој раскош врз милиони вработени лица уредувајќи широк корпус на прашања поврзани со нивните работни и животни услови.Трудовото право се јавува како еден вид регулатор на материјалната и социјалната егзистенција на секој вработен човек, меѓутоа комплексноста на предметот и содржината на оваа дисциплина не ретко посредно или непосредно задира и во одредени интердисциплинарни корпуси прашања со економски, социјален или политички курс.Конечно, предмет на проучување и уредување на трудовото право, претставуваат спектарот на прашања кои што фундираат во работниот однос, при тоа опфаќајќи го галиматијасот на правни ситуации кои хронолошки се воспоставуваат: засновање на работен однос, права и обврски во текот на работниот однос, престанок на работниот однос. Составен дел од содржината на трудовото право сфатена во корелација со основниот предмет на проучување на трудовото право, се и: Заштита при работа ( Општа и посебна ) , Проблематиката на вработувањето, одредени органи, организации и институции од областа на трудот ( синдикати, инспекција на трудот, соодветни органи на управата ), како и одредени принципи, категории и институции ( колективни договори, општи акти на работодавач ).Ова се само генерални и генерички нотирани институти и институции составен дел на предметот и содржината на трудовото право. За секој од нив, следи поединечна методска единица, при што студентот темелно ќе се запознае со секоја интелектуална клетка составен дел на трудовото право.
