Се повеќе деца денес имаат потреба за додатна и подготвителна настава.
Работата со поголем број ученици во едно одделение често оневозможува ученикот внимателно и непречено да го следи наставниот процес. Поради тоа кај учениците се јавува потреба за дополнителна настава по одредени наставни предмети. Родителите најчесто бараат решение во кампањска подготовка пред некој писмен испит во училиште кадешто детето ќе научи само за оцена.
Едукативниот клуб Чунга Лунга им овозможува на учениците континуирано да ја следат наставната програма, секојдневно, навремено и точно да ги завршуваат училишните задачи и обврски, да развиваат нови знаења и вештини, да го надополнат пропуштеното или она што не го разбрале на часот во училиште.
Поради обврските на работното место и во домот, родителите секојдневно немаат доволно време за потребите на своите деца. А децата пак користејќи ги новите технологии, вистинското време за дружење, играње или учење се повеќе го заменуваат со време поминато во виртуелно дружење и играње преку компјутер.
Токму затоа го создадовме Едукативниот клуб Чунга Лунга, да ги задоволи потребите на децата кога родителите не се во можност да го сторат тоа.
Нашата цел е учениците секојдневно да учат и да се стекнуваат со знаења неопходни во живот, да бидат исполнети и задоволни со себе.
Услуги кои ги нудиме: -учење (однесување,култура,уметност)
- пишување домашни задачи
- дневен престој во пријатна средина додека родителите се на работа
- играње едукативни игри
- учество во креативни работилници
- слободно време за релаксирање (интернет, игри, музика ...)
- престој на децата за време на викенд
- индивидуални часови по сите предмети за ученици од основно и средно образование
- часови во мали групи до 4 ученици по сите наставни предмети
