Профилот на студиите од II циклус на универзитетски студии, го сочинуваат неколку основни (задолжителни и изборни) предмети распоредени во две насоки. Тежиштето е ставено на криминалистиката и криминологијата, а опфатени е и одделни сегменти од материјалното и процесното кривично право со посебен акцент на доказите и докажувањето во предистражната и кривичната постапка, безбедноста, полицијата, човековите права и меѓународното хуманитарно право, методологија на истражување на криминалитетот. Двете насоки се конципирани како интердисциплинарни, во основа со науки од областа на криминалистиката и меѓународната безбедност. Интегрираниот, синтетизиран, мултидисциплина-рен пристап на науките, во целост им овозможува на кандидатите комплексен пристап на научните и практичните проблеми од областа на криминалитетот, безбедноста и заштитата.
Систематски научни дисциплини како задолжителни предмети за насоката меѓународна безбедност се:
1. Меѓународно право на вооружени конфликти;
2. Меѓународна безбедност и меѓународни односи;
3. Меѓународно преговарање и видови дипломатија;
4. Методологија на истражување на криминалитетот;
Во групата на изборни предмети за насоката меѓународна безбедност се следниве научни дисциплини:
1. Меѓународна економија и финансии;
2. Тероризам и справување со тероризмот;
3. Разузнавање и меѓународна безбедност;
4. Воена индустрија и трговија, контрола на вооружувањето и разоружување;
5. Мировни операции, постконфликтна реконструкција и градење на државата;
6. Стручен англиски - меѓународна безбедност и дипломатија;
7. Меѓународни безбедносни интеграции и ЕУ како безбедносен актер;
8. Транснационален организиран криминал;
9. Меѓународно кривично право и сузбивање на современите форми на криминалитет;
10. Човекови права и меѓународно хуманитарно право;
11. Совет на Европа и европска безбедност;
12. Меѓународни стандарди и практики за заштита на животната средина;
