Qendra AKABE

30/07/2026

Hafizja Hava Imer Azemi promovohet në një ceremoni solemne në Bllacë

Sot, më 30 korrik 2026, në xhaminë "Bardhi" në Bllacë u zhvillua ceremonia solemne e promovimit të hafizes Hava Imer Azemi, e cila e përfundoi hifzin e Kur'anit pranë muhafizit h. Miftar ef. Islami në Qendrën AKABE.

Në këtë ngjarje morën pjesë Reisul Ulema h. hfz. Shaqir ef. Fetai, Myftiu i Shkupit dr. Qenan ef. Ismaili, drejtori i Medresesë "Isa Beu" dr. Islam ef. Islami, dr. Ismail Bardhi, dr. Rexhep Suma, dr. Musa Vila, hfz. Abdurahim ef. Kurtish, h. Nebi ef. Imeri, imamë, hafizë, mysafirë dhe xhematlinj të shumtë.

Gjatë ceremonisë, folësit vlerësuan përkushtimin e hafizes dhe kontributin e muhafizit në rrugëtimin e saj drejt përfundimit të hifzit. U veçua gjithashtu suksesi i saj në garat ndërkombëtare të Kur'anit, si dhe rëndësia e vazhdimit të traditës së nxjerrjes së hafizëve në vendin tonë.

Pas duasë së rastit, Myftinia e Shkupit i dorëzoi hafizes certifikatën e hifzit, plaketë dhe laptop, ndërsa muhafizi u nderua me mirënjohje për kontributin e tij. Dhurata simbolike u ndanë edhe nga Reisul Ulema dhe familja e hafizes.

Qendra për Edukim dhe Kulturë – Akabe e përgëzon hafizen Hava Imer Azemi, familjen e saj dhe muhafizin h. Miftar ef. Islami për këtë arritje të çmuar. Lusim Allahun e Madhërishëm ta bëjë Kur'anin dritë në jetën e saj, ta ruajë me shëndet dhe ta bëjë prej atyre që e jetojnë dhe e përcjellin mesazhin e Tij.

29/07/2026

Përkrahje për talebet në Garat Ndërkombëtare të Kur’anit

Mualimi Miftar Islami ishte në përkrahje të talebeve të tij gjatë pjesëmarrjes në garat ndërkombëtare të Kur’anit, duke i shoqëruar dhe inkurajuar në këtë rrugëtim të bekuar.

Në gara morën pjesë: Hafiz Numani Selami (Hifz i plotë), Hafiz Amari Murati (10 xhuze), Hafize Gerta Ramadani (5 xhuze) dhe Hafize Hava Azemi (Tilavet).

Allahu i shpërbleftë të gjithë me suksese dhe bereqet në shërbim të Kur’anit.

29/07/2026

Urime Hafizes Hava Azemi!

Me gëzim të veçantë, Qendra për Edukim dhe Kulturë Akabe përgëzon hafizen tonë Hava Azemi për suksesin e saj në garat ndërkombëtare të Kur’anit, ku u nderua me Vendin e Tretë në kategorinë Tilavet.

Ky është një nder për të, për familjen e saj dhe për Qendrën tonë. Lusim Allahun e Madhëruar ta bëjë Kur’anin gjithmonë dritë në zemrën e saj, ta ruajë dhe ta shpërblejë me të mira në këtë botë dhe në Ahiret.

Urime dhe suksese të mëtejshme!

29/07/2026

26/07/2026

Urime nxënëses sonë, hafizes Hava Azemi! 🌹

Më datë 25 korrik 2026, nxënësja jonë Hava Azemi përfundoi me sukses seancën e fundit të dëgjimit të hifzit para Komisionit të Hifzit pranë Myftinisë së Shkupit.

Qendra për Edukim dhe Kulturë Akabe shpreh urimet më të përzemërta për hafizen tonë, duke i lutur Allahut të Madhëruar që Kur'ani Fisnik të jetë dritë në zemrën e saj dhe udhërrëfyes në jetën e saj.

Falënderim dhe mirënjohje për muhafizin e saj h. Miftar ef. Islami, familjen e hafizes dhe Komisionin e Hifzit për përkushtimin e tyre në këtë rrugëtim të bekuar.

Urime hafizes Hava Azemi! 🌿

23/07/2026

📍 Shkup | 23.07.2026

Me zemër plot mirënjohje përmbyllëm me sukses Kursin Veror "Mektebi të thërret 2026", i cili këtë vit mblodhi 117 nxënës dhe nxënëse, të cilët gjatë ditëve të kursit përfituan njohuri të vlefshme, edukatë islame dhe përjetuan momente të bukura shoqërie e bashkëpunimi.

Në ceremoninë përmbyllëse Q.E.K - AKABE ka shpërndanë certifikata për të gjithë pjesëmarrësit, si shenjë vlerësimi për përkushtimin dhe angazhimin e tyre. Gjithashtu, u ndanë mirënjohje për ligjërueseve, në shenjë falënderimi për punën, përkushtimin dhe dashurinë me të cilën i udhëhoqën fëmijët gjatë gjithë kursit.

Falënderim i veçantë shkon për Shtëpinë Botuese Logos-A, e cila dhuroi libra për nxënësit tanë, duke i gëzuar ata me një dhuratë që nxit leximin, dijen dhe dashurinë për librin.

Faleminderit prindërve për besimin, ligjërueseve, vullnetarëve, donatorëve dhe të gjithë atyre që kontribuan në realizimin e këtij kursi. Pa mbështetjen tuaj, ky rrugëtim nuk do të ishte i njëjtë.

Lusim Allahun e Madhëruar ta pranojë këtë përpjekje, t'i shpërblejë të gjithë kontribuuesit dhe t'i begatojë fëmijët tanë me dije të dobishme, moral të lartë dhe sukses në çdo hap të jetës.

23/07/2026

Java e fundit e Kursit Veror "Mektebi të Thërret 2026"

Me përfundimin e javës së fundit të Kursit Veror "Mektebi të Thërret 2026", falënderojmë ligjërueset: Besa Selami, Fevzije Osmani dhe Xhejlane Mustafa për angazhimin dhe përkushtimin e tyre.

Gjatë këtij kursi, nxënësit mësuan lëndët: Kuran, Ahlaku (Morali dhe Edukata) dhe Historia e Pejgamberëve.

Faleminderit për kohën, kujdesin dhe kontributin tuaj në edukimin e nxënësve. Lusim Allahun e Madhëruar t'ju shpërblejë për mundin dhe angazhimin tuaj.

Faleminderit!

22/07/2026

Ka vazhduar java e tretë e Kursit Veror "Mektebi të thërret", i cili po zhvillohet në Fushë Topanë dhe Shkup Veri. Në kuadër të programit, nxënësit ndoqën lëndën "Historia e Pejgamberëve", të ligjëruar nga teologia Xhejlane Mustafa. Gjatë ligjëratës, ata mësuan për jetën, misionin dhe mësimet e pejgamberëve, duke përfituar njohuri të vlefshme mbi besimin dhe vlerat islame.

17/07/2026

Në kuadër të kursit veror “Mektebi të thërret”, nxënësit e Qendrës për Edukim dhe Kulturë Akabe realizuan një vizitë në qendrën e Mexhlisit Asr.

Gjatë kësaj vizite, nxënësit u mirëpritën ngrohtësisht nga hoxha i nderuar Abdurrahman Asllani dhe Amir Asllani, të cilët ndanë me ta fjalë të dobishme dhe momente të këndshme edukative.

Përveç programit dhe shoqërimit të bukur, nxënësit patën rastin të vizitojnë edhe këndin përkujtimor kushtuar hoxhës muhafizit të ndjerë Molla Mahmud ef. Asllani, duke u njohur më afër me trashëgiminë dhe kontributin e tij të çmuar në ruajtjen dhe mësimin e Kuranit.

Gjithsesi nxënësit gjatë qëndrimit të tyre në qytetin e Tetovës patën rastin ta vizitojnë edhe Xhaminë e Larme të Pashës.

Kjo vizitë ishte një mundësi e veçantë për nxënësit që të përfitojnë dije, frymëzim dhe të forcojnë lidhjen me vlerat edukative dhe shpirtërore.

16/07/2026

Ka vazhduar java e dytë e Kursit Veror "Mektebi të thërret", i cili po zhvillohet në Fushë Topanë dhe Shkup Veri. Në kuadër të programit, nxënësit ndoqën lëndën "Historia e Pejgamberëve", të ligjëruar nga teologia Xhejlane Mustafa, ku u njohën me jetën, misionin dhe mësimet e pejgamberëve, duke përfituar njohuri të vlefshme mbi besimin dhe vlerat islame.