Qendra AKABE

Më 11.02.2026 (e mërkurë), në ambientet e Restaurant AVANTI u realizua Duaja e Hatmës për 30 talebe të gjeneratës së Vll. Kursin e Kur'anit dhe mësim besimi janë zhvilluar nën udhëheqjen e Mualimit Miftar ef. Islami në paralelen e shtrirë në Shkup-Veri.

Në një atmosferë të ngrohtë dhe solemne, me lexime të bukura nga Kurani, dhe në praninë e një numri të madh mysafirësh të nderuar, përfundoi me sukses programi i Hatmes, ku 30 talebet u kurorëzuan me çertifikata për përfundimin e hatmes dhe dhurat libra nga Shtëpia botuese Logos-A , ku çertifikatat dhe dhuratat u ndanë nga dy teologet e Qendrës Për Edukim dhë Kulturë Akabe , Arlinda Esati Bela dhe Xhejlane Mustafa . Gjithashtu, në Qendrën Akabe, në sektorin e hifizit, u nderuan me diploma edhe 3 talebe për kryerjen e xhuzit të tridhjetë (xhuzit Amme).

Stafi i Qendrës Akabe, në krye me kryetarin Miftar Islami, u uron suksese të mëtejshme të gjithë talebëve, me shpresën që kjo të jetë vetëm fillimi i një rrugëtimi të suksesshëm drejt njohjes dhe përvetësimit të Librit të Allahut xh.sh. Le të jetë kjo arritje një motivim për ta vazhduar me përkushtim dhe dashuri mësimin dhe praktikimin e mësimeve të Kur'anit.

Q.E.K - AKABE vazhdon të jetë një qendër e besueshme dhe e përkushtuar për edukimin dhe zhvillimin shpirtëror të brezave të rinj. Urime dhe suksese të pafundme për të gjithë!

Me datë 06.02.2026, kemi nderin të presim ligjëruesin e nderuar, prof. Hamza Asani, profesor i lëndës së Hadithit në Medresenë Isa Beu.

Ai do të krijojë një atmosferë të veçantë dhe frymëzuese, duke na dhënë këshilla të çmuara që do të na ndihmojnë në rrugën tonë. Ju ftojmë të merrni pjesë në këtë takim të rëndësishëm për të përfituar nga mësimet dhe përvoja e tij e pasur.

Te nderuara nëna dhe motra, me datë 31 Janar prej orës 19:30 kemi nderin ta kemi mysafire teologen Jasemin Shabani, e cila do të na flet mbi temën “Edukimi i zemrës nga Llukmani deri tek ne".

Ju ftojmë të merrni pjesë në këtë mbrëmje frymëzuese për të mësuar më shumë dhe për të përgatitur shpirtin për bekimet e Ramazanit.