OOУ Аврам Писевски

Во нашето училиште дел од наставниците и асистентите учествуваа на обука организирана од Хоризонталниот инструмент на ЕУ и Советот на Европа на тема "Зајакнување на активностите против трговијата со луѓе" во соработка со Националната комисија за борба против трговија со луѓе и илегална миграција.

Со оваа обука се осврна внимание на свесност за трговијата со деца кај наставниот и стручен кадар во нашето училиште. Од овој проект најголем бенефит ќе имаат учениците. Тие преку наставата и слободните активности ќе слушаат низ игра за начините како да се заштитат и навремено да ги информираат родителите и наставниците за одредени несекојдневни и штетни однесувања на возрасни во нивната околина.

Со големо задоволство и гордост објавуваме дека нашата колешка Слаѓана Чекичевска (наставник по Музичко образование) се здоби со звање: наставник-ментор!

Изминатиот викенд во Штип се одржа тениски турнир на кој нашите ученици постигнаа одлични резултати.

Ученикот Јан Скварча од 4. одделение освои високо 2. место, покажувајќи голема посветеност, талент и спортски дух. Неговиот брат Лука Скварча беше награден со диплома за најдобар играч на турнирот.

Горди сме на нивниот успех и им посакуваме уште многу победи и успеси во иднина!

Нашиот фудбалски тим заедно со професорот по физичко и здравствено образование Давор Божиноски го освои четвртото место во општинската фудбалска лига на Општина Карпош.
Како најголем успех се издвојува наградата за „најталентиран играч“ на ученикот од 9-то одделение Матеј Златановски.

Регионален натпревар по македонски јазик и литература
Со гордост ги споделуваме резултатите од Регионалниот натпревар по предметот Македонски јазик и литература, што се одржа на 25 Април 2026 година.
VI одделение

• Лина Крстевска – II место
Ментор: Јасмина Тодоровска

• Ања Стојковска – III место
Ментор: Елена Тодоровска

Според истакнатите критериуми за учесниците на натпреварот, и двете ученички остварија пласман за државен натпревар, со што го потврдија својот труд и квалитет.
Им честитаме и им посакуваме уште поголеми успеси понатаму.

Објавен оглас за првенец на генерација!

🖌Соопштението можете да го најдете на сајтот на нашето училиште, а целосниот документ можете да го видите на следниот линк:
https://drive.google.com/file/d/1jyU27ihrB2KioSeHsDMKNvSwuQfnZKoM/view?usp=sharing

🖌 https://oouavrampisevski.edu.mk/2026/05/12/prvenec-2025-2026/

На 28.4. (вторник), ученици од ООУ „Аврам Писевски“, од шесто до деветто одделение, го посетија Саемот на книгата со цел да се запознаат со разновидната понуда на книги, нови изданија и автори, како и да се поттикне интересот за читање и културата на пишаниот збор.

Денешниот ден, 4 мај, е еден од најзначајните и најтажните датуми во македонската историја. На овој ден во 1903 година, во селото Баница, во нерамноправна борба против османлиската војска, животот го загуби Гоце Делчев — апостолот на македонското револуционерно движење.

Во прилог фотографии од посетата на нашите ученици на гробот на Гоце Делчев во организација на наставникот по Историја и класните раководители.

Горди сме да споделиме дека учениците од ООУ „Аврам Писевски“ освоија ПРВО место на натпреварот по прва помош во организација на Црвениот крст! 🏆

Со многу труд, посветеност и тимска работа, нашите ученици покажаа одлични знаења и вештини за укажување прва помош, како и хуманост и одговорност – вредности кои се од особено значење во секојдневниот живот.

Оваа победа е доказ дека младите генерации се подготвени да помогнат, да реагираат правилно и да бидат вистински херои кога е најпотребно.

Голема благодарност до наставниците и менторот Ана Деспотовска за нивната поддршка и посветеност!

Честитки за сите учесници – продолжете да блескате и да бидете пример за другите! ❤️

Почитувани родители/старатели,

Ви соопштуваме дека во месец Мај во нашето училиште ќе се врши упис на првачиња за учебната 2026/2027 година. Повеќе корисни информации ќе најдете во нашиот флаер или на телефонскиот број 078/386-925.

На следниот линк можете да ја отворите и испечатите Пријавата за упис на дете во прво одделение: https://drive.google.com/file/d/17eKUcM9lU3PwjCl8VjkdkODNiUSWEnEU/view?usp=sharing