Biblioteka "ISA BEU" - Shkup

Libri si pasaportë e jetës

Libri, ky objekt modest dhe i heshtur, mbetet një nga arritjet më të thella të civilizimit: një pasaportë drejt vetes dhe jetës, një akt rezistence ndaj harresës dhe një hapësirë intime ku njeriu i flet njeriut pa zhurmë.

Në mbarë botën, festimet e 23 Prillit – Ditës Ndërkombëtare të Librit – shoqërohen me panaire, lexime publike dhe fjalime për rëndësinë e leximit. Por përtej ceremonive lind pyetja: A po i japim vërtet librit vendin që meriton? A kemi një politikë kombëtare për librin, për përkthimin, për shpërndarjen dhe për edukimin e lexuesit? A lexojmë, apo thjesht flasim për leximin?

Letërsia nuk mbijeton vetëm falë shkrimtarëve – ajo ka nevojë për lexues, për kritikë, për libra që lëvrohen dhe lexime që lënë gjurmë. Në një shoqëri ku gjithçka matet me numra, libri na mëson të matim me ndjenjë, mendim dhe kujtesë.

Më 23 Prill, le të kujtojmë se libri nuk është thjesht një mall për t’u blerë apo një dhuratë për t’u bërë. Ai është një mundësi për të kuptuar veten dhe botën. Dhe në këtë epokë zhurmash, të dish të lexosh është një akt i rrallë heshtjeje që flet shumë.

Vitrina e librit

Në Bibliotekën "Isa Beu" u dorëzuan dhe evidentuan edhe një seri librash të botuar në gjuhën maqedonase për studentët dhe, përgjithësisht, qytetarët që flasin dhe që komunikojnë në këtë gjuhë.

Vitrina e librit

Biblioteka "Isa Beu" e Bashkësisë Fetare Islame në RMV është pasuruar me tituj të ri të librave të mrekullueshëm, botime kryesisht të BFI-së.

Datat me rëndësi të veçant në kalendarin Islam per 2025

Katalog unik i librit islam në gjuhën shqipe

Në raftet e Bibliotekës “Isa Beu“ që funksionon në kuadër të Bashkësisë Fetare Islame në RMV, tashmë gjendet edhe vepra voluminoze “BOTIMET ISLAME NË GJUHËN SHQIPE DERI MË 2020” e autorit Shaban Ramani.Vepra në fjalë ngërthen të gjitha veprat autoriale si dhe të përkthyer në gjuhën shqipe e që i përkasin fushave të ndryshme islame që nga botimet e para e deri më vitin 2020. Kjo vepër, pa dyshim, është një katalog unik i librit islam në gjuhë shqipe, një angazhim pesonal për të sjellë në dritë një vpër të denjë për institucione përkatse.
Sipas autorit, në vepër janë regjistrur të dhënat e 3112 titujve, apo të 3324 vëllimeve, prej të cilëve 2011 tituj janë të përkthyer prej gjuhëve të ndryshme si dhe 1101 tituj janë origjinalë.

Të dhurojmë libra në Bibliotekën “Isa Beu”

Shpeshherë, librat shtëpiakë përmbajnë vepra që nuk janë më të disponueshme në treg, dhe dhurimi i tyre ndihmon në ruajtjen e trashëgimisë letrare dhe kulturore. Tituj të vjetër, edicione të rralla apo libra me vlerë historike, të cilët mund të jenë harruar apo të mospërfillur, mund të rifitojnë jetë të re nëpërmjet institucionit bibliotekë. Këtë mund ta dëshmojmë sidomos me Bibliotekën “Isa Beu” që funksionon në kuadër të Bashkësisë Fetare Islame. Në masë të madhe kjo Bibliotekë funksionon në saje të dhurimit të librave që vijnë nga autorë, nga shtëpitë botuese por edhe nga myslimanët e ndryshëm që konsiderojnë se librat e tyre ruhen më mirë në Bibliotekë ku dhe bëhen më të dobishëm.Së këndejmi, Bbliotek “Isa Beu” apelon tek të gjithë myslimanët e vendit, tek të gjithë faktorët e librit, që të dhurojnë libra, të donojnë libra, apo edhe, pasi të binden se nuk ia dalin dot me biliotekat shtëpiake, t’i dorëzojnë ato në Bibliotekën tonë, sepse, një nga përfitimet kryesore të dhurimit të librave është zgjerimi i aksesit në dije për komunitetin e gjerë. Jo të gjithë kanë mundësi të blejnë librat që dëshirojnë apo kanë nevojë, sidomos në vendet me resurse të kufizuara ekonomike. Bibliotekat publike janë vendi ku çdo njeri, pavarësisht statusit social apo ekonomik, mund të ketë akses të barabartë në libra. Në këtë kontekst, dhurimi i librave nga bibliotekat shtëpiake në bibliotekat publike përfaqëson një akt të rëndësishëm solidariteti dhe përkushtimi për përhapjen e dijes.Kur njerëzit dhurojnë librat e tyre, ata jo vetëm që ndihmojnë individët të zhvillohen personalisht, por gjithashtu kontribuojnë në një shoqëri më të arsimuar dhe të barabartë.Shumë prej nesh kemi libra në bibliotekat tona personale që nuk i lexojmë më. Këta libra shpesh mbeten të pashfrytëzuar për vite me radhë, duke humbur potencialin e tyre për të ndikuar pozitivisht te lexues të tjerë. Dhurimi i tyre është një mënyrë për të rishpërndarë këto burime në mënyrë të efektshme, duke i bërë librat të disponueshëm për ata që kanë nevojë për ta. Në vend që këta libra të mbeten të pluhurosen në rafte të mbyllura, ata mund të frymëzojnë breza të rinj dhe të rrisin kulturën e leximit.Bibliotekat publike shpesh përballen me sfida financiare për të rinovuar koleksionet e tyre. Dhurimi i librave nga individët ndihmon bibliotekat të zgjasin jetën e koleksioneve të tyre, duke ofruar një larmi më të madhe titujsh për komunitetin. Ky bashkëpunim midis individëve dhe bibliotekave ndihmon në forcimin e infrastrukturës kulturore dhe arsimore të shoqërisë. Bibliotekat publike janë burimi kryesor i qasjes së lirë në libra dhe dhurimet i ndihmojnë ato të vazhdojnë të përmbushin këtë mision.Dhurimi i librave gjithashtu forcon ndjenjën e komunitetit dhe ndan pasionin për leximin. Kur një individ vendos të dhurojë një libër, ai ndan një pjesë të përvojës dhe dijes së tij me të tjerët. Ky akt altruist është një formë komunikimi kulturor dhe përçon vlera të përbashkëta që forcojnë lidhjet mes individëve. Bibliotekat publike kthehen kështu në qendra sociale ku njerëzit jo vetëm që lexojnë, por edhe ndërveprojnë, ndajnë mendime dhe krijojnë një atmosferë ku librat vlerësohen si thesar kolektiv. /Biblioteka “Isa Beu”/

Biblioteka Shtëpia e librit, dijes, kulturës

Biblioteka, si një ndër institucionet më të lashta të dijes dhe kulturës, përfaqëson një monument të rëndësishëm në rrugëtimin njerëzor drejt ndriçimit intelektual. E konceptuar shpesh si "shtëpia e librit", ajo është jo vetëm një hapësirë fizike ku ruhen dhe shërbehen libra, por edhe një qendër ku gjallojnë idetë, frymëzimi dhe mendimi kritik. Roli i bibliotekës në shoqëri është më i thellë se thjesht ruajtja e materialeve të shkruara; ajo shërben si urë mes të kaluarës dhe së ardhmes, duke siguruar që trashëgimia kulturore dhe dituria njerëzore të mbijetojnë për brezat që vijnë.
Në një kohë kur teknologjia po dominon format e të mësuarit dhe komunikimit, biblioteka mbetet një institucion thelbësor për ruajtjen e autenticitetit dhe vlerave intelektuale. Nuk është e mjaftueshme të mendosh për bibliotekën thjesht si një depo ku grumbullohen libra të vjetër apo të rinj. Ajo është një qendër dinamike, ku përvojat e përbashkëta të leximit, hulumtimit dhe edukimit i japin formë shpirtit të një shoqërie. Në këtë mënyrë, biblioteka kthehet në një hapësirë të përbashkët ku secili individ mund të gjejë një strehë për të zgjeruar horizontet e tij personale.
Biblioteka moderne shkon përtej hapësirës së heshtur të leximit, duke i dhënë komunitetit një arenë për bashkëpunim, aktivitete kulturore dhe përkrahje akademike. Programet e leximit për fëmijë, klubet e librit dhe diskutimet publike janë disa prej aktiviteteve që i japin jetë bibliotekës dhe e lidhin atë më ngushtë me komunitetin. Ajo bëhet kështu një vendtakimi ku individët mund të ndërveprojnë, të ndajnë ide dhe të ndërtojnë marrëdhënie përmes librit dhe leximit.
Një tjetër funksion kyç i bibliotekës është edukimi dhe zhvillimi i të menduarit kritik. Bibliotekat ofrojnë akses të lirë në informacion dhe mundësi për të hulumtuar në mënyrë të pavarur.
S’do mend, biblioteka është më shumë se një depo librash; ajo është një qendër që ndriçon mendjet, forcon komunitetin dhe mbron vlerat e lirisë dhe të dijes. Në kohë ndryshimesh dhe inovacionesh, biblioteka mbetet një shtyllë e qëndrueshme e shoqërisë, duke ruajtur të kaluarën dhe duke përgatitur të ardhmen. Shtëpia e librit është, në të vërtetë, shtëpia e dijes njerëzore. Biblioteka “Isa Beu” qw funksionon në kadër të Bashkësisë Fetare Islame, është shtëpi e të gjithë myslimanëve dhe jo vetëm. /Biblioteka “Isa Beu”/

Dita Ndërkombëtare e Shkrimit dhe Leximit: Fuqia e fjalës në ndërtimin e një bote më të mirë

Që nga viti 1966, në sesionin e 14-të të Konferencës së Përgjithshme të UNESCO-së, 8 shtatori u shpall si Dita Ndërkombëtare e Shkrimit dhe Leximit, ngjarje kjo që synon të theksojë rëndësinë e aftësive bazike të leximit dhe shkrimit në zhvillimin individual dhe shoqëror.
Kjo ditë nuk është vetëm një përkujtim simbolik, por edhe një thirrje për veprim për të gjithë ne, për të njohur rëndësinë e arsimit dhe fuqinë e fjalës si një mjet transformimi.
Pa dyshim, shkrimi dhe leximi janë themelet mbi të cilat ndërtohet dija dhe kultura njerëzore. Jo rastësisht edhe shpallja e Kuranit Madhështor nisë me “IKRE”, “Lexo”! Sepse vetëm leximi dhe shkrimi i afron njerëzimit dritaren drejt botës, duke i lejuar qenies njerëzore të zgjerojë horizontet e veta dhe të zhvillojë mendimin kritik.
Leximi na lidhë me botën e ideve, me historinë dhe artin, ndërsa shkrimi na lejon të artikulojmë mendimet dhe emocionet tona, duke na mundësuar një dialog të vazhdueshëm me të tjerët.
Për shumë njerëz, këto aftësi janë të mirëqena, por për miliona të tjerë në mbarë botën, ato mbeten të paarritshme. Sipas të dhënave të UNESCO-s, mbi 770 milionë të rritur në të gjithë botën ende nuk dinë të lexojnë dhe të shkruajnë, shumica prej të cilëve janë gra dhe vajza. Kjo mangësi e thellë është një pengesë e madhe për zhvillimin personal dhe përpjekjet për përmirësimin e kushteve socio-ekonomike në shumë vende. Në këtë kuadër, Dita Ndërkombëtare e Shkrimit dhe Leximit na kujton se aksesi në arsim është një e drejtë themelore dhe një domosdoshmëri për të ndërtuar një shoqëri më të drejtë dhe të barabartë.
Pra, përmes leximit, njeriu fiton një kuptim më të thellë të vetes dhe të botës që e rrethon. Shkrimi, nga ana tjetër, na mundëson të krijojmë dhe të komunikojmë me të tjerët. Këto aftësi krijojnë një ndjenjë të përkatësisë dhe na ndihmojnë të lidhemi më mirë me njëri-tjetrin, pavarësisht distancave kulturore apo gjeografike. Shkrimi është gjurmë lashtësie, është shenjë e civilizimit. Shkrimi nuk vjen rastësisht, porse bazohet në përvojat e një civilizimi më të herhëm. Prandaj, tek populli shqiptar, shkrimi në “Mesharin” e Buzukut, flet për një praktikë shkrimi e bërë traditë nga një civilizim më i hershëm i popullit shqiptar, i cili, mjerisht, akoma nuk është sudiuar sa duhet!
Aftësia për të lexuar me mendje kritike dhe për të shkruar me qartësi është thelbësore në një botë ku informacionet e pasakta dhe lajmet e rreme mund të kenë pasoja të rënda. Në këtë kuadër, nevojitet një angazhim më i madh për të edukuar gjeneratat e reja që të jenë lexues aktivë dhe të menduarit e pavarur, si dhe të zhvillojnë aftësitë e shkrimit si një mjet për të shprehur idetë e tyre dhe për të ndikuar në ndryshimin e botës.
Përtej aspektit individual, leximi dhe shkrimi kanë edhe një rol shoqëror shumë të rëndësishëm. Ata janë çelësi për ndërtimin e shoqërive të qëndrueshme dhe demokratike, ku individët janë të informuar dhe të angazhuar në proceset vendimmarrëse.
Pa dyshim, kjo ditë na kujton se fjalët kanë fuqi. Leximi dhe shkrimi nuk janë vetëm veprime praktike; ato janë shtylla e çdo shoqërie të ndritur dhe e çdo individi të lirë. Le të angazhohemi për t'i promovuar dhe mbështetur ato, për të siguruar që asnjë zë të mos mbetet i heshtur dhe asnjë mendim të mos mbetet i pashkruar. /Biblioteka “Isa Beu”/

Pasurimi i raftit të librit

Në Bibliotekën “Isa Beu” mund të gjenden edhe librat dhuratë nga ana e autorit të mirënjohur Shaban Tairi:

Sqarime me dobij nga hadithet kudsij I
Sqarime me dobij nga hadithet kudsij II
Ligjerata prej minberi për rrugët drejt xhennetit
Thulathijatet në disa koleksione të hadithit
Veçorit e ditës së xhumam

Falenderojmë autorin.