21/06/2024
Среќен 10ти јубилеен роденден Ни Хао!
生日快乐！
Можеме да се пофалиме со успешна работа, посветеност и истрајност во овие 10 години.
Приватното училиште, прво и единствено во Македонија коешто го основавме во 2014 год заокружи 10 годони постоење и досега низ годините поминаа 135 студенти, ученици и возрасни со завршени основни, средни и високи степени на познавање на кинескиот јазик. Од нив 8 студенти се стипендисти коишто заминаа на студии во Кина и неколку посредништва за работа во Кина.
Училиштето брои тројца професори коишто посветено и трудољубиво ја промовираат кинеската култура, традиција и јазик во нашата држава.
Училиштето е акредитирано и признаено од Кинеската амбасада во Македонија и во блиска соработка како со Амбасадата, така и со Институтот Конфуциј. Редовно, секоја година освен со сертификатот за успешно завршен степен на познавање на кинескиот јазик, учениците по желба се акредитирани и со интернационалниот сертификат ХСК преку Институтот Конфуциј.
Јас, Сузана Недевска како негов основач и главен професор сум премногу горда на досегашните достигнувања, на вложениот труд на сите мои ученици и посебно благодарна на родителите во изборот и насоката што од дома им ја даваат на децата во истрајноста да изучуваат еден поинаков јазик којшто бара дисциплина и редовност.
Голема благодарност до Амбасадата на НР Кина, на моето стипендирано учење во Кина пред многу години и можноста да го совладам јазикот за да отворам можност за новоте генерации да имаат каде да учат кинески.
Нека ни е среќен роденденот и со повеќе сила, волја и знаење да напредуваме во наредните 10 години.
Се гледаме на уписи на 1ви септември, а дотогаш релаксиран распуст на сите ученици! :)
