Центар за обука - МВР

17/09/2026

Гостување во живо на Помошник министерот на Полициска академија м-р Влатко Митковски во емисијата Ѓурмет на Alsat.mk телевизија, на тема Средно полициско образование 👇

16/09/2026

ОДРЖАНА РЕГИОНАЛНА РАБОТИЛНИЦА ЗА ОДБРАМБЕНИ ТЕХНИКИ

Денес заврши втората Работилница за одбрамбени техники, во рамките на планираните активности на Полициската академија како основач и претседавач на Регионалната асоцијација на полициски академии и центри за обука на Југоисточна Европа.

Нашите кадети и инструктори имаа можност да разменуваат искуства и знаење како и да градат пријателски релации со гостите од полициските академии во регионот.

Резултатот од овој повеќе месечен проект (курикулум за основни одбрамбени техники потребни за примена на полициските овластувања) ќе ја има својата промоција на годишната конференција на Асоцијацијата во октомври 2026 година

15/09/2026

РЕГИОНАЛНА НАПРЕДНА ОБУКА ЗА ГРАНИЧНА ПОЛИЦИЈА

Од денес во наредните 10 дена, во рамки на предвидените активности на Регионалната асоцијација на Полициски академии во ЈИЕ, во Полициската академија се одржува Регионална напредна обука за гранична полиција, на која учествуваат претставници на граничните полиции од Југоисточна Европа.

Со свое воведно обраќање обуката ја отвори Помошник на министерот на Полициската академија м-р Влатко Митковски, кој даде и краток историјат на активностите кои доведоа до реализација на оваа обука и тоа истата да биде дел од агендата на македонското претседавање со Регионалната асоцијација RAPATC SEE.

"Во рамки на соработката со Сојузната Полиција на Германија и проектот ЕУ4ФАСТ (Поддршка од Европската Унија за зајакнување на борбата против криумчарењето мигранти и трговијата со луѓе во Западен Балкан), ги реализиравме следните значајни активности: Во октомври 2025 година, во Скопје, беше потпишана *Заедничката декларација за воспоставување на Регионалната асоцијација на полициски академии и центри за обука на Југоисточна Европа* – RAPATC SEE.

Со воспоставувањето на RAPATC SEE создадовме регионална платформа која овозможува поблиска институционална соработка, размена на знаења, искуства и добри практики, како и развој на заеднички иницијативи во областа на полициското образование и професионалната обука.

Но, уште поважно е што оваа соработка многу брзо премина од декларација во конкретна практична активност. Од 26 до 29 мај 2026 година, во Кобленц, Германија, беше одржана меѓународна работилница посветена на дизајнирање на програма за обука.
Во работилницата учествуваа претставници на полициските академии и на граничните полиции од четирите земји од Западен Балкан, потписнички на Декларацијата.

Следниот важен чекор го правиме сега овде, во Скопје, со реализацијата на оваа Регионалната напредна обука за гранична полиција во партнерство со Сојузната Полиција на Германија и ЕУ4ФАСТ проектот, во која учествуваат претставници од сите земји од Западен Балкан.

Ова е особено важен момент. Она што започна како иницијатива за воспоставување регионална институционална соработка, ќе продолжи со заедничко креирање на програма за обука, а денес се преточува во конкретна регионална обука со пошироко учество.

Токму во тоа ја гледаме вистинската вредност на оваа иницијатива – од заедничка декларација, преку заедничко планирање, до заедничка практична реализација."

01/09/2026

ПОСЕТА НА ВИСОКА ДЕЛЕГАЦИЈА НА ПОЛСКОТО МВР НА ПОЛИЦИСКАТА АКАДЕМИЈА

Денес висока делагација на Министерството за внатрешни работи на Полска, предводена од Заменик министерот за внатрешни работи на Полска, оствари работна посета на Полициската академија.
За време на посетата полската делегација беше одблиску запозната со работата и тековните реформи кои се спроведуваат во Полициската академија.
Двете делегации се согласија за интензивирање на соработката и размена на искуства во делот на полициското образование и обуки, учество во проекти од заемен интерес и нивно заедничко развивање во земјите од регионот.

01/09/2026

🎓👮 По 30 години – повторно започнува приказната!

По цели 30 години, повторно се отвора вратата на Средното полициско училиште – место каде што младите ќе стекнуваат знаење, дисциплина, одговорност и вредности посветени на служба кон граѓаните и државата.

Овој почеток не е само враќање на една традиција. Тој е ново поглавје за идните генерации, нова можност за младите кои сакаат својата иднина да ја градат со чест, посветеност и професионализам. 🇲🇰

По три децении, повторно се слуша чекорот на идните полицајци.
Со знаење, чест и храброст – кон иднината! 👮‍♀️👮‍♂️

Среќен почеток на сите ученициод 25 класа!
Среќен почеток и на новата генерација кандидати за полицајци генерација 2026/27!
Нека ова биде почеток на една успешна и достоинствена професионална патека. ❤️

#СредноПолицискоУчилиште #НоваГенерација #30Години #ИдниПолицајци #ЧестИОдговорност

27/08/2026

Конечна ранг-листа на примени ученици во Средното полициско училиште „7-ми Мај“

Ги известуваме учениците кои се примени согласно објавената ранг листа на примени ученици во Средното полициско училиште „7-ми Мај“, дека се повикуваат на 01 септември 2026 година во 10,00 часот да бидат присутни во Полициската академија на МВР во Идризово заедно со еден родител/старател/законски застапник по закон со документ за идентификација, за потпишување на Договор за школување.

Во Полициската академија учениците ќе престојуваат до 04 септември 2026 година до 15,00 часот.

Поради интернатско сместување на учениците, истите е потребно да си понесат облека, спортска облека, средства за лична хигиена и други лични средства, но не и вредни лични предмети.
Напоменуваме дека примените ученици е потребно да се отпишат од средното училиште каде биле редовни ученици, како и да побараат да бидат отпишани од ЕМИС ЕСАРУ системот за е-дневник.

Ранл листата на примени кандидати е официјално објавена и во Средното полициско училиште.

Линк до конечната ранг листа на веб страната на МВР
https://mvr.gov.mk/mk-MK/odnosi-so-javnost/novosti/konecna-rang-lista-na-primeni-ucenici-vo-srednoto-policisko-uciliste-7-mi-maj

____________
Lista përfundimtare e renditjes së nxënësve të pranuar në Shkollën e Mesme të Policisë “7 Maji”

Njoftohen nxënësit të cilët janë pranuar sipas listës së publikuar të renditjes së nxënësve të pranuar në Shkollën e Mesme të Policisë “7 Maji”, se më 1 shtator 2026, në orën 10:00, duhet të jenë të pranishëm në Akademinë e Policisë së MPB-së në Idrizovë, së bashku me prindin/kujdestarin/përfaqësuesin ligjor, i cili duhet të ketë me vete dokument identifikimi, për nënshkrimin e Marrëveshjes së shkollimit.

Në Akademinë e Policisë nxënësit do të qëndrojnë deri më 4 shtator të vitit 2026 deri në orën 15:00.

Për shkak të akomodimit të nxënësve në konvikt, ata duhet të marrin me vete veshje, veshje sportive, mjete për higjienë personale dhe sende të tjera personale, por jo sende personale me vlerë.
Theksojmë se nxënësit e pranuar duhet të çregjistrohen nga shkolla e mesme ku kanë qenë nxënës të rregullt, si dhe të kërkojnë të çregjistrohen nga sistemi EMIS/ESARU për ditarin elektronik.

Lista e renditjes së kandidatëve të pranuar është publikuar zyrtarisht edhe në Shkollën e Mesme të Policisë.

Linku i listës përfundimtare të renditjes gjendet në ueb -faqen e MPB-së
https://mvr.gov.mk/mk-MK/odnosi-so-javnost/novosti/konecna-rang-lista-na-primeni-ucenici-vo-srednoto-policisko-uciliste-7-mi-maj

25/08/2026

РАБОТНА СРЕДБА СО РАКОВОДСТВОТО НА ГЕРМАНСКАТА БКА АКАДЕМИЈА

Висока делегација од Академијата на германската Сојузна криминалистичка полиција (БKA) оствари официјална посета на Полициската академија.

Ова е трета средба на раководствата на двете Академии, во рамки на воспоставувањето на меѓусебно стратешко партнерство во областа на полициското образование и обука.

Разговорите беа фокусирани на дефинирање конкретни чекори во соработката, со посебен акцент на унапредување на полицискиот образовен систем преку трансфер на врвни германски искуства и можности за користење на образовните капацитети и програми на Академијата на БKA од страна на македонската полиција.

31/07/2026

Промотивно видео на кандидатите за полицајци генерација 2025/26
*Промоција 31.07.2026*

31/07/2026

ПРОМОЦИЈА НА КАНДИДАТИТЕ ЗА ПОЛИЦАЕЦ ГЕНЕРАЦИЈА 2025/25

Денес во Полициската академија Центар за обука - МВР во Идризово свечено беа промовирани 496 нови полициски службеници од генерацијата 2025/2026, кои по завршувањето на обуката дадоа свечена заклетва.

На свеченоста, министерот за внатрешни работи Панче Тошковски им порача на новите полицајци дека носењето на униформата не претставува само професионална обврска, туку и голема чест и одговорност кон граѓаните.
Тој нагласи дека полициската професија бара многу повеќе од исполнување на службените задачи и дека таа е животен избор кој подразбира храброст, чесност, смиреност и човечност.

Министерот додаде дека новата генерација за време на обуката покажа висок степен на дисциплина и професионалност, а процесот за првпат се реализираше во целосно обновени услови.

Помошник на министерот на Полициската академија, м-р Влатко Митковски, истакна дека ова е првата генерација обучена според новиот модел на основна полициска обука, која се реализирала преку три специјализирани модули – општа надлежност и сообраќај, гранични работи и специјални полициски операции.

Тој нагласи дека кандидатите, покрај професионалните знаења, покажаа и општествена одговорност преку учество во хуманитарни акции, донации и крводарителски активности.

– Полициската униформа не е само службено обележје, туку симбол на доверба. Таа доверба се заслужува секој ден со професионално, законито и достоинствено постапување – порача Митковски.

На свечената промоција присуствуваше министерката за образование и наука Весна Јаневска, градоначалници, високи претставници на Министерството за внатрешни работи, Полициската академија и амбасадите.

30/07/2026