Shkolla fillore "Bedri Tairi" Svillare e poshtme - faqja zyrtare

Sot buzëqeshjet e fëmijëve ishin dhurata më e bukur e këtij Bajrami.

Falënderojmë Shoqatën “Dora e Bardhë” për zemërgjerësinë dhe dhuratat e shpërndara për nxënësit nga klasa I deri në klasën V.

Le të jetë kjo festë një kujtesë se lumturia shumëfishohet kur ndahet me të tjerët.

Gëzuar Kurban Bajramin!

Festa e Abetares – Ditë e shënuar dhe plot emocione!
​Sot, ambientet e shkollës sonë u mbushën me magjinë e shkronjave, me zërat e ëmbël dhe të qeshurat e sinqerta të nxënësve tanë të dashur.

Festuam me shumë krenari Festën e Abetares, momentin ku fillon rrugëtimi i madh i dijes!
​Pas një viti plot punë, përkushtim dhe dëshirë për të mësuar, sot këta vegjëlushë hapën dyert e botës së madhe të leximit dhe shkrimit.

​Ky sukses mban vulën e punës së palodhshme dhe profesionalizmit të mësueses sonë të nderuar, Hatixhe Devaja. Me një durim të pashoq, me dashuri prindërore dhe me një angazhim të jashtëzakonshëm, mësuesja që ka udhëhequr çdo fëmijë hap pas hapi drejt botës së bukur të shkronjave. Ajo nuk u mësoi atyre vetëm alfabetin, por u mbolli në zemra dashurinë për diturinë, duke krijuar një ambient të ngrohtë ku çdo nxënës u ndje i çmuar dhe i motivuar.

​Urime Festa e Abetares, të dashur nxënës! Paçi vetëm suksese e mbarësi! 🥂❤️

NJ O F T I M

Sot përmbyll një kapitull shumë të rëndësishëm të jetës sime profesionale si drejtoreshë e shkollës sonë fillore. Dua t’ju falënderoj nga zemra për bashkëpunimin, respektin dhe mbështetjen që më keni dhënë gjatë gjithë kësaj kohe. Ka qenë nder dhe përgjegjësi e madhe të punoj përkrah jush dhe për të mirën e nxënësve tanë.

Çdo sukses, çdo buzëqeshje e fëmijëve dhe çdo arritje e shkollës sonë ka qenë rezultat i punës së përbashkët. Këto kujtime do t’i mbaj gjithmonë me krenari dhe mirënjohje.

Njëkohësisht, i uroj shumë suksese udhëheqësis së re në detyrën e saj. Jam e bindur se me përkushtim, mençuri dhe bashkëpunim, shkolla do të vazhdojë të ecë përpara dhe të arrijë edhe më shumë suksese.

Ju falënderoj të gjithëve për besimin dhe respektin. Ju uroj shëndet, mbarësi dhe shumë suksese në vazhdim.

Me respekt
Medina Selimi

Falënderim i veçantë për personin anonim që dhuroi pajisje higjienike për shkollën tonë. Mirësia dhe mbështetja vlejnë shumë për ne.

Falënderojmë nga zemra Marketin ARA për vauçerët e dhuruar për nxënësit fitues, si dhe Palma Shped për drekën e organizuar në nder të tyre. Gjeste të tilla janë motivim i madh për nxënësit tanë që me punë dhe përkushtim vazhdojnë të arrijnë suksese.

Suksesi ka më shumë vlerë kur vlerësohet dhe mbështetet nga njerëz me zemër të madhe.

Urime nxënësve tanë krenarë dhe faleminderit të gjithë atyre që qëndrojnë pranë suksesit të tyre!

Sot në komunë shkolla jonë u nderua me kupë dhe mirënjohje për arritjen e vendit të parë në garat komunale të diturisë 2025/26.

Urime të gjithë nxënësve dhe mësuesve që kontribuan në këtë arritje të jashtëzakonshme!
Jemi krenarë për ju dhe besojmë se sukseset do të vazhdojnë edhe më tej.

Të nderuar kolegë, prind, nxënës dhe bashkfshatar me krenari dhe kënaqësi ndajmë suksesin e nxënësve tanë në Garat e Diturisë në nivel komunal – Saraj, ku shkolla jonë u shpall VENDI I PARË falë rezultateve të shkëlqyera të nxënësve tanë!

Rezultatet e nxënësve tanë:
Jasin Limani – Klasa VI – 86 pikë
Enes Idrizi – Klasa VII – 80 pikë
Erina Murtezani – Klasa VIII – 79 pikë
Elife Demiri – Klasa IX – 81 pikë

Me numrin më të madh të pikëve të grumbulluara nga të gjitha shkollat pjesëmarrëse, shkolla jonë arriti të renditet në vendin e parë në nivel komunal.

Urime të përzemërta nxënësve tanë për angazhimin, dijen dhe përfaqësimin dinjitoz të shkollës! Falënderim edhe për mësimdhënësit dhe prindërit për mbështetjen dhe përkushtimin e vazhdueshëm.

Suksese edhe në garat e ardhshme! 🏆

Rezultatet e garave të Diturisë 2025/26.

LAJMËRIM

Regjistrimi i nxënësve në klasën e parë për vitin shkollor 2026/27 në SHFK “Bedri Tairi”.