Центар за Кариера на УКИМ

16/04/2026

🎓 Завршен настан на проектот „Зелена хроматографија: Дел 3 - Рационална трансформација на RP-HPLC методи - чекор напред кон одржливост во фармацевските анализи “ кој трета година по ред успешно се реализира во рамки на соработката помеѓу Центарот за кариера на УКИМ, Алкалоид АД Скопје и Фармацевтскиот факултет при УКИМ.

🌱 23 студенти, професори од Фармацевтскиот факултет и експерти од Алкалоид работеа заедно на развој на одржливи аналитички решенија

🔬 Проект кој покажува како соработката помеѓу Универзитетот и индустријата создава знаење со вистинско влијание.

🤝 Заедно градиме кадар подготвен за иднината!

13/03/2026

🎓 Денес во просториите на Центарот за кариера на УКИМ се одржа обука на тема
„Оперативно управување со универзитетски кариерен центар – планирање, развој на програми и имплементација на кариерни активности“.

Обуката беше наменета за назначените раководители на центрите за кариера на единиците на УКИМ, како и за сите сертифицирани GCDF кариерни советници. 👩‍🏫👨‍🏫

Целта беше да се обезбеди јасна и применлива оперативна рамка за работа на центрите за кариера, усогласена со Стратегијата и Правилникот на Центарот за кариера на УКИМ. 📊

Учесниците добија конкретни алатки за планирање и известување – модел на акциски план, модел на извештај и KPI индикатори, како и насоки за креирање годишни програми и активности и зајакнување на системската соработка со работодавачи и партнери. 🤝📈

Обуката се реализираше во соработка со искусни и сертифицирани кариерни советници од АСК.

🎤 Предавачи:
• проф. д-р Јасмина Тониќ Рибарска
• м-р Ивана Дочиновска Стојановиќ
• м-р Славица Тасева

05/02/2026

🌱 „Зелена“ хроматографија: Дел 3
Рационална трансформација на RP-HPLC методи – чекор напред кон одржливост во фармацевските анализи

Трета година по ред започна едукативно-апликативниот проект „Зелена“ хроматографија, како резултат на континуираната соработка меѓу Центарот за кариера на УКИМ, Фармацевтскиот факултет – Скопје и Алкалоид АД Скопје.

🔬 Фокусот на работилницата е насочен кон рационална трансформација на конвенционални RP-HPLC методи во еколошки подобни, преку примена на иновативна алатка развиена во рамки на докторски истражувања.
➡️ Побрз развој на хроматографски методи
➡️ Значително намалување на потрошувачката на растворувачи
➡️ Задржување/подобрување на аналитичките перформанси на методот

👩‍🎓👨‍🎓 Во проектот учествуваат 23 студенти, кои ќе работат на реални студии на случај под менторство на професори од Фармацевтскиот факултет и експерти од Алкалоид, комбинирајќи теоретска и практична обука.

🌍 Проектот придонесува кон:
✔️ унапредување на одржливите аналитички практики
✔️ јакнење на професионалните компетенции на студентите
✔️ намалување на еколошкиот отпечаток во фармацевтската индустрија

Заедно чекориме кон поодржлива иднина на фармацевтските анализи. 💚

#ЗеленаХроматографија #Одржливост #ФармацевтскиАнализи #СтудентиВоФокус

31/12/2025

13/12/2025

🎓 Тројца нови сертифицирани кариерни советници на УКИМ 🎓

Со особено задоволство ја споделуваме веста дека тројца професори од Универзитетот „Св. Кирил и Методиј“ во Скопје успешно ја завршија обуката за GCDF сертификација (Global Career Development Facilitator) и се стекнаа со компетенции за кариерни советници:

▪️ проф.д-р Јана Клопчевска – Технолошко-металуршки факултет
▪️ проф.д-р Маја Целеска Крстевска – Факултет за електротехника и информациски технологии
▪️ проф.д-р Игор Сековски – Факултет за ликовни уметности

Изборот на кариера не е еднократна одлука, туку континуиран процес на истражување, самоспознавање и развој. Во Центарот за кариера при УКИМ, чиј раководител проф.д-р Јасмина Тониќ Рибарска од Фармацевтскиот факултет е исто така GCDF сертифициран кариерен советник, студентите добиваат стручна поддршка за поврзување на своите интереси, вредности и способности со реалните можности на пазарот на труд.

Како академски професионалци со богато наставно и менторско искуство, новите сертифицирани кариерни советници ќе придонесат кон:
✔️ поддршка на студентите при избор и развој на кариера
✔️ поврзување на академските знаења со потребите на пазарот на труд
✔️ развој на кариерни вештини и професионална ориентација
✔️ унапредување на услугите на Центарот за кариера при УКИМ

Оваа иницијатива е дел од заложбите на УКИМ за сеопфатна поддршка на студентите преку квалитетно, етичко и структурирано кариерно советување.

Им честитаме на колегите и им посакуваме многу успех во нивната нова улога како кариерни советници на идните генерации! 👏🎉

01/12/2025

Драги студенти, доколку сте подготвени за нов предизвик и во потрага по практично искуство во најсовремената тренинг-лабораторија на „Алкалоид“ АД Скопје, ве известуваме за отворањето на 12 (дванаесет) слободни места за студенти од Фармацевтскиот факултет при УКИМ во Скопје кои сакаат да се вклучат во едукативно-апликативниот проект на тема „Зелена хроматографија: дел 3“.

Прочитајте повеќе за условите и за начинот на пријава на https://bit.ly/4iARJQa

#АлкалоидСкопје #ЗдравјетоПредСе

13/11/2025

Драги студенти,

Со големо задоволство ја најавуваме втората работилница од серијалот ,,Кариерен пат на еден алумни”. 👩‍🎓👩‍🔬

Ве покануваме да ни се придружите на “Низ светот со Ирена од НовоНордиск”! ✈️💊🌏

Ирена Минов е магистер по фармација, специјалист по испитување и контрола на лекови и постар директор за квалитет во НовоНордиск А/С.

▪︎ Датум: 20.11.2025
▪︎ Место: предавална 3 на ФФ
▪︎ Време: 12:00 часот

Ве очекуваме на кариерно патување низ светот, од Скопје, Копенхаген, преку Куала Лумпур и Брисел 😉 🗺️

23/10/2025

📣 Кариерен муабет со алумни – Кафе сесија!

❗️Центарот за кариера при ПМФ – Скопје го организира првиот кариерен настан со алумни, каде што ќе имате можност да ги слушнете инспиративните кариерни приказни на наши успешни колешки и колеги – како го добиле своето прво вработување, кои биле нивните стратегии за напредок и што научиле на патот до успехот.
🗓️ Датум: 30 октомври 2025 (четврток)
⏳Време: 13:30 часот
📍Место: Амфитеатар 95, ПМФ – Скопје

Настанот е замислен како пријатна кафе-сесија со отворена дискусија и размена на искуства меѓу студенти, дипломирани и алумни.

Регистрирајте се тука:
https://forms.office.com/e/Em7XvDEiG3

(Формуларот ќе биде отворен до пополнувањето на местата.)
Ова е почеток на традиционална серија кариерни настани што ќе ги поврзува генерациите на ПМФ – затоа, не ја пропуштајте шансата да бидете дел од првиот!

#ПМФ #Кариера #Алумни #КариеренМуабет #ПМФСкопје

28/06/2025

🎓✨ Студираш на УКИМ и сакаш реално искуство што ќе ти ги отвори вратите за работа?

Имаме одлична вест за тебе! 🙌

📌 Career Transition Support програмата нуди:
✅ Практикантска работа во компании низ Македонија
✅ Месечна поддршка од 15.000 денари (3-6 месеци)
✅ Обуки за CV, мотивациско писмо и интервјуа
✅ Тренинзи за успешна пракса и консултации за твој бизнис

🔗 Пријави се ако:
🎓 Дипломираш во август/септември 2025
🎓 Дипломираше пред помалку од 6 месеци
🎓 Си на магистерски студии

50 стипендии чекаат нови амбициозни студенти – зошто да не бидеш ти еден од нив?

✨ Аплицирај сега – линкот е во highlights

https://docs.google.com/forms/d/e/1FAIpQLScRFmRCGf4AunncQumG7k9W27rdpy6eF4i0zub-Asqo9sM35Q/viewform?usp=header

25/06/2025

✨23 факултети, безброј можности. Избери паметно, избери го УКИМ!✨

✨Универзитетот „Св. Кирил и Методиј“ во Скопје ги известува сите заинтересирани кандидати дека:

Конкурсот за запишување студенти на прв циклус студии на студиските програми на Универзитетот „Св. Кирил и Методиј“ во Скопје во учебната 2025/2026 година е објавен на следниот линк Прв циклус - Универзитет „Св. Кирил и Методиј“ во Скопје

Конкурсот за запишување студенти на втор циклус студии на студиските програми на Универзитетот „Св. Кирил и Методиј“ во Скопје во учебната 2025/2026 година е објавен на Втор циклус - Универзитет „Св. Кирил и Методиј“ во Скопје

Пред пријавувањето во роковите утврдени со Конкурсот, секој заинтересиран кандидат треба да се регистрира на www.upisi.ukim.mk и да ја пополни електронската пријава од iKnow-системот.✨