10/05/2023
ЈЗУ УК за психијатрија прв здравствен објект кој ќе ја подобрува енергетската ефиканост со грант од СБ преку ПЕ на МФ!
мај 2023, Скопје – Објектот на Универзитетската клиника за психијатрија во Скопје ќе биде компленто реновиран и ќе стане енергетски ефикасен преку Проектот за подобрување на енергетската ефикасност што се финансира преку Светска банка, а го спроведува Министерството за финансии во соработка со Министерство за здравство. Градежните работи почнуваат на 15 мај и се очекува за пет месеци објектот да го добие својот нов лик.
Универзитетската клиника за психијатрија е првиот објект од вкупно 18 здравствени објекти кои треба да бидат опфатени со проектот во компонентата наменета за подобрување на енергетската ефикасност на објекти од централно ниво.
Основни цели на Проектот се намалување на потрошувачката на енергија во јавниот сектор и поддршка за воспоставување и операционализација на одржлив механизам за финансирање на енергетска ефикасност во јавниот сектор. Инвестициите во обновливи извори на енергија и зголемувањето на енергетската ефикасност на објектите и на локално ниво и на централно ниво, како и во индивидувалните објекти особено се покажа за значајно во време на енергетска криза.
Инаку, во Универзитетската клиника за психијатрија преку проектот ќе биде заменета електричната инсталација, осветлувањето, системот за греење, ќе биде поставен централен систем за ладење, ќе биде поставена термоизолација на објектот, ќе се изврши реконструкција на кровот, замена на прозорците и вратите и слично.
За време на реновирањето пациентите од оваа Клиника ќе бидат хоспитализирани во Психијатриската болница-Скопје и одделот за психијатрија во Градската општа болница „8 Септември“, за што овие установи имаат доволно капацитети. Детскиот оддел привремено ќе функционира во ГОБ „8 Септември“- Скопје.
Распоред за работа на клиниката за период на реконструкција во прилог:
06/12/2022
08/01/2021
29/12/2020
28/11/2020
26/11/2020
21/11/2020
21/11/2020
18/11/2020