Факултет за земјоделски науки и храна-Скопје

🚀 Со особена чест и задоволство го одбележуваме официјалниот почеток на проектот CAAIVE – Centers of Agricultural AI Vocational Excellence, финансиран преку програмата Erasmus+, во кој учествува Универзитетот „Св. Кирил и Методиј“ во Скопје, Факултет за земјоделски науки и храна.

Kick-off состанокот се одржува на 11–12 јуни во Серес, Грција, во организација на координаторот на проектот – International Hellenic University.

🎯Проектот има за цел да го зајакне иновацискиот капацитет на Европа во земјоделскиот сектор преку воспоставување и развој на меѓународна мрежа на Центри за извонредност во примената на вештачката интелигенција во земјоделството, со посебен фокус на унапредување на дигиталните вештини неопходни за примена на современи техники на прецизно земјоделство.

Особено сме горди што меѓу клучните резултати на проектот се очекува воспоставување на регионален CAAIVE Центар во 🇲🇰, на Факултетот за земјоделски науки и храна – Скопје, кој ќе претставува важен чекор кон дигиталната трансформација на земјоделството, зајакнување на соработката помеѓу образованието, индустријата и креаторите на политики, како и поттикнување на иновациите во земјоделскиот сектор 🌱🤖🇪🇺.

Продеканката за настава, проф. д-р Билјана Кузмановска, заедно со студентите од Факултетот за земјоделски науки и храна – Скопје при УКИМ во Скопје, беа дел од утринската програма „Македонија наутро“ на МРТ1 на тема:

„Земјоделството – професија на иднината што се учи денес“

Во разговорот беа истакнати можностите што ги нуди современото земјоделство, важноста на квалитетното образование и перспективите за младите кои се одлучуваат за оваа динамична и значајна професија.

Погледнете го целото интервју на следниот линк:

ЗЕМЈОДЕЛСТВО ПРОФЕСИЈА НА ИДНИНАТА ШТО СЕ УЧИ ДЕНЕС Enjoy the videos and music you love, upload original content, and share it all with friends, family, and the world on YouTube.

На последниот состанок на Извршниот одбор на СОЅТ, одржан на 3 и 4 јуни во Брисел, со кој претседаваше потпретседателот на СОЅТ и редовен професор на Факултетот за земјоделски науки и храна – Скопје при УКИМ, д-р Зоран Т. Поповски (https://www.cost.eu/about/who-is-who/ +Name:Executive%20Board), беа донесени неколку важни одлуки кои се однесуваа на:

- Комуникација за 80-те новоодобрени СОЅТ акции од повикот за 2025 година со нивните предлагачи и идни раководители на 12 јуни, меѓу кои се и 7 акции од Западен Балкан, од кои 3 се од Македонија (https://www.cost.eu/80-new-cost-actions-oc20251/);

- Одредување на 31 јули како датум за објавување на новиот повик за СОЅТ акции во 2026 година, со датум за затворање на повикот на 25 октомври;

- Објавување конкурс за избор на нов директор на СОЅТ;

- Формирање работна група за учество на СОЅТ во 10. рамковна програма на ЕУ и др.

Со ова се потврдува круцијалната улога на Факултетот за земјоделски науки и храна – Скопје при УКИМ во донесувањето одлуки во најголемата меѓувладина организација за научно умрежување во Европа, која во моментот поддржува над 70.000 научници и иноватори од целиот свет. Притоа, посебен акцент е ставен на истражувачите од земјите во развој, младите истражувачи и иноваторите од неакадемскиот сектор.

Во рамки на проектот ПАМЕТНО ЗЕМJОДЕЛСТВО ЗА АДАПТАЦИА КОН КЛИМАТСКИТЕ ПРОМЕНИ (КЛИМАГРИ - CLIMAGRI) Факултетот за земјоделски науки и храна-Скопје во состав на УКИМ во Скопје интензивно работи на демонстративни опити со цел истражување и употреба на технологии за паметно земјоделство кои би овозможиле одржливост и резистентност на земјоделското производство во услови на климатски промени.

Во таа насока како една од целите е и вклучување на младата генерација и нивно запознавање со можностите за адаптациа на земјоделството кон растечките климатски предизвици. Благодарност до наставниот кадар и средношколците од ДСУ Регионален центар за стручно образование и обука ,,Киро Бурназ” - Куманово и СУГС ,,Георги Димитров” - Скопје за нивното учество на обуката и покажаниот интерес за примената на иновативни дигитални и агротехнички решенија во земјоделството.

Со особена гордост ги споделуваме успесите на нашите студенти, кои и оваа година достојно го претставуваа Факултетот за земјоделски науки и храна – Скопје на Агрономијада.

Преку своето знаење, посветеност, тимски дух и спортски способности, студентите учествуваа во повеќе научни и спортски дисциплини, при што остварија значајни резултати:

🥇 Прво место – Квиз по овоштарство
🥈 Второ место – Квиз по агроекономика
🥉 Трето место – Квиз по шумарство
🥉 Трето место – Шах
🥉 Трето место – Кошарка

Овие резултати претставуваат потврда за квалитетот, трудот и ангажираноста на нашите студенти, кои со своите постигнувања се вистински амбасадори на факултетот.

Горди сме на секој студент кој беше дел од оваа манифестација и кој придонесе за успешното претставување на Факултетот за земјоделски науки и храна – Скопје.

Честитки за постигнатите успеси и ви посакуваме уште многу идни победи и достигнувања! 💚

🎓 Стипендии за студентска извонредност 2026/2027 🎓

Имаш одличен успех и амбиција за личен и професионален развој? Оваа можност е за тебе! 🌟

Фондацијата „Атанас Близнакоф“ објавува повик за доделување на 50 стипендии за студентска извонредност на редовни студенти запишани на прв циклус студии при Универзитет „Св. Кирил и Методиј“ – Скопје:

🎓 40 стипендии за студенти од сите факултети во состав на УКИМ во Скопје.

🌱 10 дополнителни стипендии за студенти кои ќе се запишат на определени факултети, меѓу кои и Факултетот за земјоделски науки и храна – Скопје.
Овие стипендии се наменети за мотивирани студенти кои сакаат да се образуваат и да придонесат во областите на земјоделството, производството на храна, ветерина, шумарството, екологијата, екоинженерингот, природните науки, циркуларната економија, одржливиот развој и сродни области.

Предност ќе имаат кандидати кои:
• имаат практично искуство или семејна поврзаност со земјоделство и производство на храна;
• учествувале на работилници, проекти или натпревари од областа на земјоделството, екологијата, преработката на храна или природните науки;
• во мотивацискиот есеј јасно ја изразуваат својата намера за запишување на Факултетот за земјоделски науки и храна – Скопје.

💰 Износ на стипендијата: 2.500 $ годишно
📅 Рок за аплицирање: 31 август 2026 година

✅ Услови за аплицирање:
• редовен студент во прва година на УКИМ;
• завршено средно образование со просек најмалку 4,0;
• државјанин на Република Северна Македонија;
• семеен приход кој не го надминува утврдениот праг;
• да не е корисник на друга стипендија повисока од 6.000 денари месечно.

📝 За повеќе информации и аплицирање:
https://e-scholarship.macedonia2025.com/ #/home

📣Агенцијата за храна и ветеринарство обележа 15 години од своето постоење. По овој повод на Факултетот за земјоделски науки и храна – Скопје му беше доделена благодарница за неговиот придонес во развојот на земјоделството, прехранбениот сектор и високото образование.

Благодарницата беше врачена на деканот на Факултетот, проф. д-р Миле Маркоски, како потврда за континуираната посветеност на Факултетот кон образованието, науката и создавањето на стручни кадри.

Оваа благодарница е признание за трудот и заложбите на сите студенти, наставници, соработници, алумни и вработени кои придонесуваат за успехот и угледот на Факултетот.

👏 Благодарност до Агенцијата за хранa и ветеринарство за укажаната чест !