04/09/2026
💍 Мила Саздова, студентка од Технолошко-металуршкиот факултет денеска на Плаошник во Охрид го прими престижното признание „Инженерски прстен 2026“, кое по 23. пат им оддава признание на најуспешните дипломирани инженери во земјава.
Меѓу 14-те најуспешни млади инженери, кои со своите исклучителни резултати во текот на студирањето се издвоиле како најдобри претставници на своите генерации, е и нашата студентка Мила Саздова. 🎓
Свеченото доделување се одржа на платото пред црквата „Св. Климент и Пантелејмон“ на Плаошник, а на свеченоста се обратија претседателката на Република Северна Македонија, Гордана Сиљановска-Давкова, претседателот на Инженерската институција на Македонија, Андреј Лепавцов, и претседателот на Комората на овластени архитекти и овластени инженери, Дејан Метикош.
„Инженерски прстен“ го афирмира знаењето, стручноста и посветеноста на младите инженери и претставува поттик за нивниот понатамошен професионален развој, како и за нивниот придонес кон инженерската професија и општеството.
За Технолошко-металуршкиот факултет, успехот на Мила е особена чест и гордост и уште една потврда за квалитетот на нашите студенти и нивната подготвеност да бидат идни носители на инженерскиот развој.
❤️ Честитки, Мила!
Горди сме на твојот успех и ти посакуваме многу нови професионални предизвици, достигнувања и успеси!
