Здружението за младинска едукација е-Млади Скопје е непрофитно, невладино, непартиско и социјално одговорно здружение кое прибира членови врз основа на заедничките интереси и цели кои се содржани во стратешките документи на Здружението. Здружението е регистрирано како здружение на граѓани во релевантниот регистар во Централниот регистар на Република Македонија, со датум 28.03.2010 година. Како здружение на граѓани, тоа е претставувано од претседател, кој ги има сите надлежности да презема правни работи во име и за сметка на Здружението.
Во своите 7 годишни активности Здружението за младинска едукација е-Млади Скопје било носител и партнер на бројни проекти и активности кои за своја главна цел ги имаат младите, а особено: нивното активно вклучување во подобрувањето на образовиниот систем во Република Македонија, преку неформално образование и организација на бројни обуки, семинари и натпревари; обезбедување на партнерски однос со локалната самоуправа и развивање на соработка во НВО секторот; едукација на млади од различни обласи од културата и образованието, најмногу преку организација на натпревари, семинари и обуки.
