Institute of Earthquake Engineering and Engineering Seismology - IZIIS

Со задоволство објавуваме дека проектот на ИЗИИС насловен како:

„Моделирање на каскади од земјотресно предизвикани свлечишта и одрони под климатско предусловување во Алпите и на Балканот“

е прифатен како заеднички билатерален научно-истражувачки проект со БОКУ Универзитетот од Виена, Австрија (BOKU University), за периодот 2026–2028.

Оваа соработка отвора значајна можност за заеднички научен придонес во подобро разбирање на сложените природни процеси и каскадните ризици, каде земјотресите, климатските услови и геолошката средина можат да предизвикаат свлечишта и одрони.

Честитки до проектниот тим предводен од професорот Кемал Едип (Kemal Edip) за успешната апликација и воспоставувањето на оваа важна научна соработка.

Упатуваме благодарност до Министерство за образование и наука/Ministria e Arsimit dhe e Shkencës за поддршката и финансирањето на билатералните научно-истражувачки проекти, кои овозможуваат развој на меѓународна соработка, размена на знаења и зајакнување на научниот капацитет.

МОН ќе финансира 14 заеднички научно – истражувачки проекти на Македонија и Австрија во области со голем развоен потенцијал - Соопштениј МОН ќе финансира 14 заеднички научно – истражувачки проекти на Македонија и Австрија во области со голем развоен потенцијал Соопштенија Односи со јавност Министер...

ИЗИИС носител на проектот EMERGE: Како до побрз и попаментен одговор по земјотреси ИЗИИС е носител и го координира меѓународниот европски проект EMERGE, кој развива современа платформа за брза проценка на потреби, подобра координација и јакнење на к...

We were pleased to welcome Assoc. Prof. Dr. Davor Stanko, Laura Novak and Antonela Rabuzin from the University of Zagreb, Faculty of Geothehical Engineering (Studij inženjerstva okoliša - Geotehnički fakultet) at IZIIS.

We are especially glad that Davor Stanko is currently visiting IZIIS, further strengthening our cooperation in geotechnical earthquake engineering. The visit was an excellent opportunity to discuss the important research carried out within the HRZZ SIGMATOPCRO project (https://sigmatopcro.wordpress.com/), focused on topographic effects on seismic ground motion, slope stability and local seismic response.

🔬 We also highly value the contribution of Laura Novak and Antonela Rabuzin under mentorship of Prof. Kemal Edip, whose research work supports better integration of geological, geophysical and geotechnical data.

Looking forward to continued cooperation and joint scientific results! 🤝

Вчера во дворот на ИЗИИС имавме убаво дружење со колегите — скара, разговори и малку време за нас како тим 🤝

Ова беше и убава можност уште еднаш да им кажеме големо благодарам на нашите драги колеги и професори, Виолета Мирчевска и Владо Мицов, кои минатата година заминаа во пензија. Нивниот придонес и присуство секогаш ќе бидат дел од ИЗИИС.

Убаво е кога јубилеите не се одбележуваат само со свечености, туку и со вакви моменти — заедно, пријателски и колегијално.

Заедно сме ИЗИИС ❤️

🔹 61 година ИЗИИС 🔹

Со особена гордост денес одбележуваме 61 година од основањето на Институтот за земјотресно инженерство и инженерска сеизмологија – ИЗИИС.

Од 1965 година до денес, ИЗИИС останува посветен на развојот на науката, образованието, истражувањето и примената на знаењето во областа на земјотресното инженерство и инженерската сеизмологија.

Во изминатите 61 година, Институтот изгради препознатлива научна, стручна и општествена мисија — да придонесува кон побезбедно, поотпорно и подобро подготвено општество.

Овој јубилеј е потсетник на нашето наследство, но и мотив за иднината — за нови истражувања, современи решенија, меѓународна соработка и пренесување на знаењето на новите генерации.

🌍 61 година посветеност, развој и знаење.

In the period of 20-22 May, in the frame of the project "A framework for resilient and smart schools – regional prioritization based on seismic, energy and socio-economic indicators in North Macedonia", working meetings with our partners from IUSS Pavia (Scuola Universitaria Superiore IUSS Pavia), Ricardo Monteiro, Gianrocco Mucedero and Besim Yukselen were held. Within the project activities, fruitful discussions and knowledge sharing regarding optimization methods for repair and strengthening of school buildings were done. Special thanks to the Ministry of Science and Education of North Macedonia (Министерство за образование и наука/Ministria e Arsimit dhe e Shkencës) for financing the project.

On the margins of the meetings, IZIIS's representatives Aleksandar Zlateski, Aleksandar Zurovski and Goran Chapragoski were present at the prestigious Nigel Prestley 2026 seminar keeping in touch with current research, methodologies, and career paths in earthquake engineering and engineering seismology.

📍 Веднаш по вчерашниот земјотрес во Скопје, автоматскиот ShakeMap модул на ИЗИИС генерираше прелиминарна ShakeMap карта, базирана на првичните параметри за земјотресот регистриран на 23 мај 2026 година во 15:41 GMT. ShakeMap модулот e нов продукт на ИЗИИС кој е во фаза на тестирање, развиен за брза обработка, визуелизација и просторна проценка на ефектите од регистрираните земјотреси.

Според прикажаните контури на ShakeMap, најизразени се ефектите во епицентралното подрачје, со слабо до лесно тресење, односно инструментално проценет интензитет приближно во опсегот III–IV. Во поширокото подрачје на Скопје, вредностите се пониски и главно одговараат на слабо тресење.

Записите од дигиталната мрежа на ИЗИИС за силни земјотреси покажуваат дека најголемата регистрирана вредност на максималното забрзување на тлото (PGA) е забележана на станицата PES – ОУ „Песталоци“, со максимална вредност од околу 0.015 g. Пониски вредности се регистрирани на станиците ИЗИИС-MON7 и Лисиче, од околу 0.004–0.005 g.

Резултатите се прелиминарни и се предмет на дополнителна обработка и верификација.

✨ ИЗИИС оддаде почит по повод 77 години од основањето и патрониот ден на УКИМ ✨

Во рамките на програмата за одбележување на 77-годишнината од основањето на Универзитетот „Св. Кирил и Методиј“ во Скопје и 24 Мај – Денот на светите Кирил и Методиј, патрониот ден на Универзитетот, делегација од Институтот за земјотресно инженерство и инженерска сеизмологија – ИЗИИС положи свежо цвеќе пред споменикот на светите Кирил и Методиј во универзитетскиот кампус за општествени науки.

Со овој чин, ИЗИИС се приклучи кон универзитетската заедница во изразувањето почит кон делото на светите браќа Кирил и Методиј, чија мисија останува темел на писменоста, образованието, науката и културниот развој.

Нека патрониот ден на УКИМ биде потсетник на вредностите што нè обединуваат како академска заедница – знаење, традиција, посветеност и одговорност кон иднината.

Денеска во ИЗИИС се одржа покането предавање на тема „Користење на напредна ГИС технологија во доменот на идентификација на мулти-хазарди и ризици – примери и перспективи“. Гости предавачи беа проф. д-р Ивица Милевски ( Milevski) и м-р Бојана Алексова (Bojana Aleksova), кои преку својата научна и стручна работа отвораат важни теми поврзани со геохазардите, геонепогодите, ГИС, далечинска детекција и современите пристапи во анализата на природните ризици.

Особено ни е драго што имавме можност да слушнеме повеќе за достигнувањата и истражувачкиот пат на Бојана Алексова, исклучителен млад истражувач чија работа и истражувачка енергија претставуваат убав пример за новата генерација научници во оваа област.

Предавањето отвори значајна дискусија за потребата од интегриран пристап во современото просторно и урбано планирање, особено во контекст на отпорност, одржливост и мулти-хазард анализи.

Им благодариме на предавачите за споделеното знаење, искуство и инспиративната дискусија, како и на сите присутни колеги, истражувачи и студенти.

Оваа средба ја гледаме како можност за зајакнување на соработката, развој на заеднички идеи и идни истражувачки активности.

Институтот за земјотресно инженерство и инженерска сеизмологија – ИЗИИС зеде активно учество на овогодинешниот настан „Прв до врв“, поддржувајќи ги вредностите на спортот, здравиот живот и стремежот за успех. 🏃‍♂️⛰️

Покрај вработените во ИЗИИС, активно учествуваа и дел од студентите на Институтот, кои со својата енергија, ентузијазам и тимски дух придонесоа за одличната атмосфера на настанот.
Оваа манифестација уште еднаш покажа колку се важни заедништвото, активниот животен стил и поврзувањето помеѓу младите и професионалната заедница.

ИЗИИС продолжува да ги поддржува иницијативите кои промовираат здрави навики, спортски дух и силна заедница.

Прв до врв