“Селектирам на Економски“ е организација формирана од страна на Проф. Д-р Љубомир Кекеновски, група студенти од Економскиот факултет на департман маркетинг, Маја Илиоска, Мартина Петровска, Ивана Плушкоска и Моника Мојсоска и компанијата “Пакомак“.
Главна цел на оваа акција е да се подигне свеста на студентите на Економскиот факултет да селектираат и рециклираат отпадоци.
„Пакомак“ донира специјални канти за селектирање на хартија и пластика. Кантите се поставени на десетте најфрекфентни локации низ факултетот.
За секое селектирано пластично шише - „Пакомак“ ќе донира 1 денар на Економскиот факултет, а за секој 1 кг хартија - ќе донира 2 денари. Потоа собраните средства во целост ќе бидат насочени кон студентите, за цел која ќе се определи како најпотребна во моментот.
Најпрво оваа акција се спроведува на Економскиот факултет во Скопје, при Универзитетот Св. Кирил и Методиј, а потоа има за цел да стане акција која ќе ги опфати останатите факултети на УКИМ, но и факултетите ширум републиката.
Се надеваме дека ова ќе биде успешна акција. Ние се вклучивме во кругот на селектирање и рециклирање, ВКЛУЧЕТЕ СЕ И ВИЕ, за подобра иднина!
