Факултет за информатички науки и компјутерско инженерство (ФИНКИ)

🎉Официјално е завршена организираната бесплатна онлајн подготвителна настава по предметот математика за државна матура!
ФИНКИ ја организираше подготвителната настава со цел да им се помогне на матурантите – нашите идни студенти да постигнат што е можно подобри резултати на испитот по Математика за државна матура.

Голема благодарност до сите кои беа дел од овие часови!

📢 Рокот е продолжен — ICT Innovations 2026
Со задоволство објавуваме дека рокот за поднесување трудови за ICT Innovations 2026 е продолжен до:
📅 10 јули 2026

Овогодинешната тема: „Intelligent Horizons – AI and Digital Technologies Reshaping Society“.
📍 Хотел Дрим, Струга, Македонија
📆 26–28 септември 2026

📚 Зборникот на трудови ќе биде објавен од Springer (Communications in Computer and Information Science series), индексиран во Web of Science, SCOPUS, SCImago, DBLP и други.
🔗https://ictinnovations.org/

Со нетрпение ве oчекуваме во прекрасната Струга овој септември! 🇲🇰

📈 Според најновата ранг-листа на ARBU (Academic Ranking of Balkan Universities), базирана на цитираност на Google Scholar, дури 15 истражувачи од Факултетот за информатички науки и компјутерско инженерство во Скопје се меѓу 100-те најцитирани научници во земјата.

Од нив, им беа доделени награди на најдобрите петмина од областа на Инженерство и Технологија:
📊 проф. д-р Марјан Гушев,
📊 проф. д-р Владимир Трајковиќ,
📊 проф. д-р Ефтим Здравевски,
📊 проф. д-р Билјана Стојкоска Ристеска и
📊 академик проф. д-р Љупчо Коцарев, како #2 во државата

Со ова ФИНКИ е најзастапениот факултет од областа на компјутерските науки и инженерството на национално ниво — резултат што ја потврдува силата на нашиот наставно-научен кадар како целина и долгогодишната институционална посветеност кон истражување со меѓународно влијание.

🔗https://arbu-ranking.com/professors?country=MK

Зад секој ранг стои тимска работа, многу труд и континуирана научна продукција. Честитки до целиот колектив на ФИНКИ! 👏

На 5-ти јуни, во ООУ „Јохан Хајнрих Песталоци“ се одржа интерактивна работилница и презентација на Феликс, нашето куче-робот, кое ги внесе учениците од второ одделение во светот на роботиката и технологијата.🚀

Преку игра, љубопитни прашања и многу насмевки, децата открија како функционираат паметните технологии и како науката може да биде забавна. Кој знае, можеби токму меѓу нив се кријат идните инженери и иноватори! 💡✨

Нашите партнери од G+D Netcetera организираат летна пракса. Повеќе инфо👇

G+D Netcetera invites applications for the 2026 Summer Internship Program! | ФИНКИ The program offers interns the opportunity to gain hands-on experience by contributing to real projects and working with modern technologies in a professional and supportive environment.

Со гордост го објавуваме почетокот на работата на ФОКУС Лаб.

На 3-ти јуни на ФИНКИ беше претставена програмата ФОКУС Лаб – простор за студентска соработка, поддршка и колегијалност, каде секој студент ќе има можност да го развие својот потенцијал.

ФОКУС Лаб беше поздравен од Деканот на ФИНКИ - проф. Петре Ламески, а планот на работа беше претставен од раководителот на ФОКУС Лаб - проф. Ана Мадевска Богданова, претседателот на ФСС - Финки Георгина Илиевска и инж. Стефанија Филипашиќ, автор на апликацијата за полесно фокусирање при учењето, FocusMe. После официјалниот дел, се одржа неформална средба.

📌 Што нуди ФОКУС лаб?

⏱ Peer-to-peer поддршка: сесии со ментори (постари колеги, тутори и асистенти) кои нема да даваат готови решенија, туку ќе помогнат САМИТЕ студенти да ги совладуваат материјалите – без страв од грешки, поени и потписи!

🧠 Паметно, а не напорно учење: работилници за техники на учење, менаџирање со времето и намалување на академскиот стрес.

🤝 Работа во група за одреден предмет - тимска работа: градење пријателства и мрежа од колеги кои си помагаат меѓусебно со обврските на предметот.

Следете не’ за следните активности на ФОКУС Лаб!

🏆Со гордост ги споделуваме успесите на нашите студенти во рамки на Универзитетската лига на УКИМ!🏆

🥈 Второ место – мал фудбал во машка категорија
🥈 Второ место – ракомет во машка категорија
🥇 Прво место – куглање во машка категорија (Горјан Богоевски)
🥇 Прво место – пинг-понг во машка категорија (Томе Милев)
🥇 Прво место – шах во женска категорија (Леа Ефтовска)

✨Деканот на ФИНКИ, проф. д-р Петре Ламески, лично им честиташе на наградените и им посака уште поголеми успеси во дресот на ФИНКИ! Овој резултат е само доказ за тимскиот дух и упорната работа на нашите студенти - вистински амбасадори на ФИНКИ во секоја област!

📢ФИНКИ го објавува вториот повик за трудови за ICT Innovations 2026 – International Conference, една од водечките меѓународни конференции во областа на информатичките технологии и компјутерските науки.

📄Конференцијата претставува платформа за презентација на најнови научни достигнувања, иновативни решенија и размена на идеи помеѓу академијата и индустријата.

Теми на конференцијата:
🔹AI and Society
🔹AI in Industry and Innovation
🔹Computational Advances in AI
🔹 The Future of Human-AI Collaboration
🔹 Data Science and Predictive Analytics
🔹 Software Engineering and Development Tools
🔹Theoretical Computer Science
🔹Cloud, Edge, Parallel and Distributed Computing

Конференција: 📅26–28 септември 2026 | 📍Хотел Дрим, Струга
Рок за пријавување на трудови: ⏳15 јуни 2026

🔗Повеќе информации и пријавување: https://ictinnovations.org