СУГС Гимназија „Панче Арсовски“ - Скопје

📚 Од училишните клупи до нови животни предизвици. Среќна матура, генерација 2022-2026 ! 🎓✨

28.05.2026год.Посета на нашите ученици на предисториската неолитска населба Тумба Маџари - археолошки локалитет каде учениците можеа да ги видат уметничките и естетски вредности на материјалната и духовната култура на овој локалитет кој веќе е потврден во научните кругови.
Одговорни наставници:
Маријана Драгановска и
Ленче Спасовиќ

На 28.05.2026 год. учениците од нашето училиште уште еднаш ја покажаа својата солидарност преку хуманитарна посета на СОС Детско село. Оваа иницијатива, водена од младешкиот ентузијазам и желбата да се помогне, донесе многу насмевки, позитивна енергија и нови пријателства.
Како резултат на претходно организирана хуманитарна акција во училиштето, во која се вклучија учениците, професорите и родителите, за потребите на децата беа обезбедени и донирани зачувана и нова облека прилагодена за различни возрасти и парични средства кои ќе бидат искористени за поддршка на едукацијата и развојот на децата.

📢 Денес,21.05.2026 наши ученици учествуваа на Националниот младински форум „Тука сме за да останеме!“, кој создаде простор за директен дијалог меѓу млади луѓе од целата држава и претставници на институциите, меѓународните организации, локалната самоуправа, академската заедница и граѓанскиот сектор.
Форумот беше посветен на теми кои младите ги препознаваат како клучни за нивниот живот и иднина: младинско учество и локално одлучување, култура и меѓукултурен дијалог, вработување и претприемништво, животна средина и одржливост, како и творечко изразување.
Настанот се одржа во Ботаничка градина при Природно математичкиот факултет во организација на ХЕРА - Асоцијација за здравствена едукација и истражување со поддршка од Национален младински совет на Македонија - НМСМ / NYCM / KRNM
Regional Youth Cooperation Office - RYCO и Град Скопје.
Одговорен наставник:Ленче Спасовиќ

На 16.05.2026 година, во просториите на Кинотека на Р. С. Македонија, нашата ученичка Нина Гапковска од клас IV-2 присуствуваше на свеченото доделување дипломи од натпреварите по француски јазик. Со својот есеј на натпреварот „Dis-moi 10 mots“ за IV година, таа освои трето место на регионално и трето место на државно ниво. За постигнатиот успех ѝ беше врачена диплома и награда — учество на летен камп во Струга.
Ментор: Анкица Ангеловска

Наставникот по Економија Дејан Трајаноски во улога на ментор на ученикот Ѓорѓи Цветковски кој освои бронзен медал, учествуваа на Четвртата Економска Олимпијада (МЕО) за учениците од средното образование одржана на 30.4.2026 година.

🏃‍♂️🏃‍♀️👟10.05.2026.
Група на ученици од нашето училиште учествуваа во навивачката зона на старт на Skopje Run 10 K Halk еко трката која се одржа во организација на Сojуз на спортови Скопје со поддршка на Град Скопје.
Одговорен наставник- Бојан Велјановски

📣📣📣 Ве очекуваме ! 📣📣📣