Играме во стимулативна средина

На децата им е потребно време да ја развијат силата во нивните дланки, во рацете и да развијат фини моторни вештини пред да започнат со пишување. Како подготовка за пишување, потребно е да му овозможите на детето време и услови за игри во кои ќе сече со ножици, ќе користи штипки, ќе користи пипети, ќе ниже, ќе игра со пластелин, итн. Можете и да му понудите послужавник со песок или брашно, каде детето ќе може да исцртува разни видови на форми и линии.🙌🤞👌☝👇

Сите деца имаат потреба од физичка активност, не само за да бидат физички здрави, туку и да бидат емоционално здрави. Физичката активност е вентил за доживеаната фрустрација и лутина. Ако Вашето дете покажува знаци на фрустрација, како што се немир и раздразливост, дајте му време и простор да прошета или да игра некоја неструктурирана игра на отворено. Децата многу рано учат да ја канализираат нивната енергија во позитивен, конструктивен или негативен, деструктивен начин на изразување!🤸‍♀️🤼🌞

Признајте го и поддржете го доброто однесување на детето!
На пример - кога Вашето дете ќе го поздрави соседот на соодветен начин може да го истакнете тоа велејќи „Ме радува што љубезно го поздрави соседот“. Исто така, одличен начин да се зајакне посакуваното однесување е само со опишување
на она што го направило детето. Пример „Ти му рече добар ден на соседот, токму онака како што те учев и ти покажав.“😊

Во тек е форимирање на група за обука за вешто родителство по Melloy програмата, за мајки на деца на возраст од 1,5 година до 5години. Имаме уште две слободни места. Учеството е бесплатно и сите средби/работилници се онлајн. За повеќе информации и пријавување, пишете ни или побарајте не телефонски. 😇🙂
075 310 562 - Ирена
070 367 147 - Тања