ДСУ за рехабилитација и образование „Св.Наум Охридски“ - Скопје

Во рамките на проектот,, Грасрут " фудбалската секција реализираше Летен фудбалски камп во Охрид во периодот од 03.06. до 09.06.2026год.
За време на кампот учениците имаа можност да учат нови и да ги усовршат веќе научените фудбалски вештини, да го постигнат нивото ма своите психофизички способности, да стекнат нови знаења во областа на здрава исхрана и да се дружат, забавуваат и рекреираат во Охридското езеро.
Со несебичната помош на професорот Ванчо Поп Петровски учениците имаа можност да ги усовршат предходно научените техники на дишење, јога и медитација и да стекнат нови техники ( музико терапија).
Учениците научената фудбалска техника ја имплементираа практично за време на од фудбалскиот натпревар со ФК,, Охрид".
На крајот од престојот учениците го постија комлексот ,,Св. Наум Охридски" патронот на нашето училиште

Одбележување на Светскиот ден за заштита на животната средина - јуни

Што ни носи насилството, а што толеранцијата? Работилница на тема: "Не за насилство, да за толеранција" за сите ученици како дел од Програмата за подобрување на менталното здравје и добросостојбата кај учениците и сите чинители во воспитно-образовниот процес

Светски ден за борба против пушење

Во организација Црвен крст на Република Северна Македонија - Општинска организација Центар , а реализација од страна на психологот Никола Дукоски во нашето училиште за родителите на учениците беше спроведена работилница на тема: "Улогата на родителот во разбирање, превенција и регулација на насилното однесување кај деца со потешкотии"
Преку конкретни примери од праксата на родителите се разговараше за функцијата и специфичностите на пројавеното однесување, која е улогата на родителот во обликувањето и регулацијата на несоодветното (насилно) однесување како и истакнување на важноста на препознавањето на тоа што стои позади пројавеното однесување за превенција на истото во иднина

Зошто е важно да знаеме прифатливи начини за справување со лутината? Работилница на тема: "Надминување и контрола на агресивноста" за сите ученици како дел од Програмата за подобрување на менталното здравје и добросостојбата кај учениците и сите чинители во воспитно-образовниот процес

Во градскиот парк на ,,Школка" се одржа инклузивен настан " Другарството е богатство" во организација на здружението Аутизам ААМК / Autizam AAMK .
Нашите ученици се преставија со спортски активности, кои побудија голем интерес и донесоа многу радост, среќа и весели насмевки

Еко час - пролетна акција за чистење Генералка викенд 2026

#екочас2026

Денес реализиравме едукативна и исполнета со радост посета на Природонаучен музеј заедно со нашите ученици од ученичкиот дом.
Преку разгледување на изложбите, учениците имаа можност да се запознаат со богатството на природата, животинскиот и растителниот свет, како и со интересни факти од науката. Посетата беше исполнета со љубопитност, прашања и искрени насмевки.
Со вакви активности поттикнуваме учење преку искуство, социјализација и развој на нови знаења и вештини кај учениците.
Горди сме на нивната заинтересираност и активно учество. 💙