Е-РА има за цел да ги поттикне студентите на Економски Факултет, во соработка со асистентите, да работат, истражуваат, пронаоѓаат, да креираат, да ги прошират сопствените и знаењата на другите колеги преку изработка на комплетна презентација (од студенти за студенти, од асистент за студент) на одредена тема од од областа на економијата за која истите се заинтересирани и имаат одредено предзнаење. Студентите ќе добијат шанса да работат на одредено поле кое го сакаат, да ја моделираат презентацијата на начин кој сметаат дека ќе биде најблизок до студентите за да го разберат и примат знаењето. Ќе добијат и одговорност со самото бирање на темата да ја изработат најдобро што можат, со што самата изработка ќе влијае и врз подобрување на нивните технички и презентациски способности. Студентите кои ќе ги посетуваат презентациите ќе се здобијат со знаења надвор од задолжителните универзитетски книги, дела и материјали, можност да отворат дискусии за одбраните теми и да ги прошират сопствените способности за комуникација и знаење. За Економскиот Факултет, овој проект ќе добие на значење кон подобрување на профилот на дипломиран економист. Истиот ќе развие далеку поголем видик за можности и истражувања, знаења и способности и ќе ги насочи идните генерации студенти да го рашират својот круг на академски граѓанин и надвор од границите на формалното образование кон подобрување на своите квалификации, а со тоа и додавање поголема вредност за општеството.
