ООУ „Ѓорче Петров„

🎓✨ ПРВА ПОЛУМАТУРСКА ПАРАДА ВО ЃОРЧЕ ПЕТРОВ ✨🎓
Денес во реонскиот парк во Ѓорче Петров, се одржа големата Полуматурска парада 2026 - настан посветен на нашите полуматуранти, нивниот труд, успех и новиот чекор кон иднината.

Со зурли и тапани, македонски ора, награди за ученици и наставници и многу позитивна енергија.
Нашите ученици, се претставија со народното оро Четворка.
Награда за најдобар другар ја доби Андреј Димитриевски 9¹одд.
Андреј ти посакуваме и понатаму да споделуваш поддршка, сплотеност помеѓу твоите другари.
Награда за инспиративен наставник ја доби наставничката Ружица Димоска.
Честитки и успех во иднина!
Нивна приказна.
Наша радост.

🎓✨ За блескавиот крај на едно поглавје и почеток на нови соништа – Полуматура 2026! ✨🎓Со стил, многу позитивна енергија и незаборавна забава, ја прославивме полуматурската вечер на нашите деветтоодделенци! Денес, ве испраќаме како зрели, паметни и убави млади луѓе, подготвени да го освојат светот. Беше чест и гордост да се следи вашиот раст, да се споделуваат знаењата и да се создаваат спомени кои вечно ќе се паметат. Чекорите храбро во средношколските денови, верувајте во себе и никогаш не престанувајте да ги сакате големите нешта! ❤️🚀
Среќно во новите животни победи! Нашите врати се секогаш отворени за вас. 🏫👋 Нека вашиот пат е поплочен со нови знаења и успеси! 📚🚀
#Полуматура2026 #Генерација2017-2026 #НовиПочетоци #УчилишниСпомени #Гордост

🔔🎒Во текот на учебната година континуирано се работеше на Професионална ориентација и кариерно советување за учениците од 9 то одделение. Стручната служба со директорката и одделенските раководители во соработка со средните училишта им овозможија на учениците да се запознаат со многу професии и можностите кои им ги нудат училиштата. (Ви прикажуваме мал дел од посетите и настаните). Веруваме дека им помогнавме да го направат правиот избор за понатамошно школување и им посакуваме многу среќа , без разлика каде патот ќе ги води понатаму.👩‍🏫📖🏫

На ден 22.05 Во рамките на програмата за Општествено корисна работа, учениците од 7-1 одделение ги посетија нашите најдраги сограѓани во Домот за стари лица ПУСЗ
Геронтос М Дом за стари св.Пантелејмон . 🌸
Учениците поминаа едночасовно дружење со штитениците на домот, споделувајќи приказни, насмевки и позитивна енергија. Нашите ученици уште еднаш покажаа дека имаат големи срца. Со куси разговори и пред се, со активно слушање, тие внесоа свежина и радост во секојдневието на останете во домот.

На ден 03.06 се одржа Саем за претприемништво. Нашето училиште, заедно со сите основни училишта од општината, беше дел од овој настан!

Денес во нашето училиште се одржа работна средба со претставници од првата детска амбасада Меѓаши и претставник од МВР.
Тема на денешната работилница беше "Заштита на детските права со фокус на дигитална безбедност".
Преку презентации, дискусија, разговор учениците од 7 и 8 одд.се запознаа што е тоа дигитално насилство и како истото да се спречи и каде може да се пријави.
Учениците исто така работеа во групи на одредени сценарија за насилство и нивно разрешување.
Одговорен наставник: Ружица Димоска

На ден 22.05.2026г. учениците од трето одделение при ООУ „Ѓорче Петров“ имаа чест и задоволство да се запознаат со писателката Јадранка Клисарова. Средбата беше по повод обработката на лектирата „Децата од моето училиште". Лектирата ја разбуди љубопитноста кај учениците и со нетрпение ја очекуваа писателката во својата училница.
На почетокот писателката поведе интерактивен разговор по лектирата, а учениците со воодушевување го прифатија и разговараа за случувањата во книгата, ликовите, пораките но и се препознаа себе во ликовите од книгата.
Потоа писателката ги запозна со своето творештво и одговараше на прашања од учениците во врска со инспирацијата, вистинитоста на настаните и мотивот за творење.
Пред крај на средбата писателката со убава посвета потпиша многу книги на учениците за сеќавање на прекрасната дружба.
Ви благодариме драга писателке за топлината, едноставноста, љубовта и убавата енергија што ја споделивте со нас.