Факултет за дизајн и технологии на мебел и ентериер

Факултетот за дизајн и технологии на мебел и ентериер-Скопје во состав на Универзитетот „Св. Кирил и Методиј“ во Скопје во соработка со НЛБ Банка АД Скопје, распишува Конкурс за креирање на концепт за редизајн на експозитура.
Временски рок за изработка на конкурсниот труд е 20.06.2026 год.

Потребната техничка документација можете да ја најдете на веб страницата на Факултетот
http://www.fdtme.ukim.edu.mk

За повеќе информации пишете на [email protected]

На Факултетот за дизајн и технологии на мебел и ентериер беше свечено отворена годишната изложба на студентите за учебната 2025/26 година. Честа да ја отвори изложбата и припадна на Ректорката на УКИМ, проф. д-р Биљана Ангелова, а пред присутните се обрати и деканот на Факултетот, птоф. д-р Ѓорги Груевски, истакнувајќи го значењето на креативниот развој, знаењето и професионалниот напредок на студентите.
Изложбата им овозможи на посетителите одблиску да ги разгледаат иновативните решенија и визии на студентите од областа на дизајнот на мебел и ентериер.

Годишната изложба на студентите од Факултетот за дизајн и технологии на мебел и ентериер ќе се одржи во периодот од 2 до 9 јуни 2026 година, во холот пред амфитеатарот 20.

Отворањето на изложбата ќе се одржи на 2 јуни 2026 година, со почеток во 11 часот.

Ве очекуваме ! 😊

На 9 мај 2026 година, во Бигорскиот манастир „Св. Јован Крстител“ беше отворена 39-та копаничарска колонија, во организација на Факултетот за дизајн и технологии на мебел и ентериер и Здружението на копаничари на Македонија (ЗКМАК). Настанот беше отворен од претседателот на здружението, доц. д-р Никола Михајловски, проректорот на Универзитетот „Св. Кирил и Методиј“ во Скопје, проф. д-р Лазо Пендовски и деканот на Факултетот за дизајн и технологии на мебел и ентериер, проф. д-р Ѓорги Груевски. Колонијата се одржа од 9 до 12 мај 2026 година и обединува истакнати мајстори-резбари и млади уметници од повеќе градови низ државата. Во рамките на програмата учествуваат и студенти од Факултетот за дизајн и технологии на мебел и ентериер, кои преку практична работа и непосредна соработка со искусни резбари ги надградуваат своите знаења и вештини во областа на дизајнот, дрворезбата и уметничката обработка на дрво.
Во истиот период се одржа и 70-та Изложба на Здружението на копаничари на Македонија.

На ден 07.05.2026 година, на наставата по предметот Заштита при работа гостуваше предавач - стручно лице од практиката Ирина Паневска - магистер по технички науки од областа на безбедност при работа, кластер менаџер во DS Smith Скопје. Пренесени се искуства од пракса и потребни знаења за идните инженери.

✨️🎓 На ден 13.01.2026 година на Факултетот за дизајн и технологии на мебел и ентериер - Скопје, кандидатот м-р Марија Крстев го одбрани докторскиот труд со наслов: „Влијанието на компјутерски софтвери наменети за конструктивна подготовка, врз времето за изработка на потребната техничка документација во микропретпријатија за производство на плочест мебел по мерка“, под менторство на проф. д-р Ѓорги Груевски.

На Марија и посакуваме многу успех на личен и професионален план!

🎓✨️ На ден 12.01.2026 година на Факултетот за дизајн и технологии на мебел и ентериер - Скопје, кандидатот м-р Ана-Марија Стаменкоска го одбрани докторскиот труд со наслов: „Влијание на диспозициите на бичење врз квантитативното искористување на пиланските трупци од ела/смрча (Abies alba Mill./Picea abies L.)“, под менторство на проф. д-р Бранко Рабаџиски.

На Ана-Марија и посакуваме многу успех на личен и професионален план!

🎄✨️ Среќни новогодишни и божиќни празници ви посакува Факултетот за дизајн и технологии на мебел и ентериер - Скопје