СУГС гимназија ,,Никола Карев“ - Скопје

  • Home
  • Macedonia
  • Skopje
  • СУГС гимназија ,,Никола Карев“ - Скопје

СУГС гимназија ,,Никола Карев“ - Скопје https://project-essa.eu/

Официјална страница на гимназијата.

Поранешна страница:

https://www.facebook.com/Highschoolkarev/

Гимназијата „Никола Карев“ има свои почетоци уште во далечната 1944
година. Тогаш е формирана првата школа за народни учители, односно Учителската школа на македонски јазик „Никола Карев“. Својата настава оваа школа ја започнува во февруари 1945, со 317 ученици, 13 наставници и Илија Панов како нејзин директор. Школата работи полни 19 години, односно до 1963 година. Паралелно со школата, отворен е интернат за учениците и вежбална во која идните учители се подготвувале за својата работа.
По земјотресот, школата се преориентирала во Педагошка гимназија. Поради уривањето на објектот, се појавиле потешкотии со просторот и одвивањето на наставата. Но, со голем ангажман, сепак, во 1970 година е предадена новата зграда на Педагошката гимназија „Никола Карев“.
Во таа 1970 година, „Никола Карев“ станува гимназија, чии паралелки како такви, полека згаснале во 1984-85 година.
Гимназијата во 1988-89 станала училиште за средно образование со биотехнолошка струка.
При крајот на осумдесетите години на 20 век, училиштето се трансформирало во училиште за средно образование со природноматематичка струка.
Реформите во средното образование повторно го именуваат нашето училиште како гимназија која денеска го носи името Средно училиште на Град Скопје, гимназија „Никола Карев“.

Обединети четири училишта, 50 ученици и сплотени две култури! По повод 250-годишнината на Америка, American Corner Skopj...
04/06/2026

Обединети четири училишта, 50 ученици и сплотени две култури!

По повод 250-годишнината на Америка, American Corner Skopje го донесоа култниот бродвејски мјузикл „The Music Man Jr.“ од Мередит Вилсон — добитник на шест Tony Awards! 🌟

Мјузиклот го изведуваат ученици од средните училишта СУГС гимназија „Никола Карев“, СУГС „Георги Димитров“, СУГС „Орце Николов“ и СУГС „Раде Јовчевски – Корчагин“.🎭✨

Режијата и подготовката на претставата се на професорите Jasmina Belicanska , Марина Лотеска Иванова и Миле Наумовски, со асистенција во кореографијата и режијата од ученичките Александра Митеска и Калина Стипцарова.

Мјузиклот имаше две успешни изведби во Драмски театар – Скопје и наиде на одличен прием кај публиката. Последната изведба ќе се одржи на 5 јуни во Домот на културата во Битола.

Огромно браво и честитки за сите професори и ученици кои работеа на реализацијата на овој проект! Со својата посветеност, талент и енергија, тие ѝ приредија на публиката вистински бродвејски спектакл и незаборавно уживање. 🎉👏👏👏 🎉

Со огромна тага и неверување ја примивме веста за сообраќајната несреќа во која ги загубивме нашите поранешни ученици, М...
22/05/2026

Со огромна тага и неверување ја примивме веста за сообраќајната несреќа во која ги загубивме нашите поранешни ученици, Марко, Петар и Адам, матуранти во генерацијата 2020-2024 година, момчиња познати по насмевките, шармот и другарувањата со сите.
Срцето на Карев денес плаче.💔
Нашите деца, кои до пред некоја година чекореа по ходниците, седеа во училишните клупи и сонуваа за иднината....тешко е да се поверува дека нивните животи згаснаа прерано.
Изразуваме најискрено и длабоко сочувство до семејствата и најблиските. Нека почиваат во мир.🕊️

✨ Ви благодариме на сите кои беа дел од Отворениот ден на Гимназија „Никола Карев“! ❤️Исполнет со насмевки, инспирација,...
21/05/2026

✨ Ви благодариме на сите кои беа дел од Отворениот ден на Гимназија „Никола Карев“! ❤️
Исполнет со насмевки, инспирација, нови познанства и прекрасна енергија, денот уште еднаш покажа зошто Карев не е само училиште — туку чувство. 🏫✨
📸 Дел од атмосферата низ овие фотографии... (2 дел)
Карев — и во твоето срце. ❤️

✨ Ви благодариме на сите кои беа дел од Отворениот ден на гимназија „Никола Карев“! ❤️Исполнет со насмевки, инспирација,...
21/05/2026

✨ Ви благодариме на сите кои беа дел од Отворениот ден на гимназија „Никола Карев“! ❤️
Исполнет со насмевки, инспирација, нови познанства и прекрасна енергија, денот уште еднаш покажа зошто Карев не е само училиште — туку чувство. 🏫✨
📸 Дел од атмосферата низ овие фотографии... (1 дел)
Карев — и во твоето срце. ❤️

✨🏫 ОТВОРЕН ДЕН ВО ГИМНАЗИЈА „НИКОЛА КАРЕВ“ 🏫✨📚 Дојди. Запознај. Инспирирај се.Со големо задоволство ве покануваме на Отв...
18/05/2026

✨🏫 ОТВОРЕН ДЕН ВО ГИМНАЗИЈА „НИКОЛА КАРЕВ“ 🏫✨
📚 Дојди. Запознај. Инспирирај се.

Со големо задоволство ве покануваме на Отворениот ден на гимназија „Никола Карев“ — можност одблиску да го запознаете нашето училиште, духот што нè поврзува и можностите што ги нуди каревското семејство. ❤️
🔹 Запознајте ги професорите и учениците
🔹 Погледнете дел од активностите, проектите и успесите на училиштето
🔹 Почувствувајте ја атмосферата што со години создава генерации успешни и инспирирани млади луѓе.

📅 20 мај 2026 (среда)
🕡 18:30 часот
📍 Гимназија „Никола Карев“

✨ Вратите се отворени за сите идни средношколци, родители и пријатели на гимназијата.

Карев — и во твоето срце. ❤️

На 12 мај, на државниот натпревар по италијански јазик, учениците под менторство на професорките Александра Курета и Кри...
16/05/2026

На 12 мај, на државниот натпревар по италијански јазик, учениците под менторство на професорките Александра Курета и Кристина Нушевска постигнаа одлични резултати, освојувајќи три први и едно трето место 🏆🇮🇹
🥇 Ева Петрушевска – втора година – прво место
🥇 Клара Колева – трета година – прво место
🥇 Ена Велеска – четврта година – прво место
🥉 Берије Сејди – четврта година – трето место
Честитки за учениците и менторките за постигнатиот успех и достојното претставување на училиштето! 👏❤️

14/05/2026

На државниот натпревар по биологија, одржан на 9 мај, учениците под менторство на професорките Даница Митреска и Станка Миновска, постигнаа одлични резултати и достојно го претставија нашето училиште:

🏆 Анастасија Велковска (3-7) – II награда
🏆 Дамјан Дамјански (1-4) – II награда
🏆 Виктор Бошњаковски (1-3) – III награда
🏆 Софија Костатиновиќ (2-5) – III награда
🏆 Прохор Дамјански (4-1) – III награда

📖 Пофалници добија:
👏 Мила Насковска (1-3)
👏 Ана Здравевска (1-5)
👏 Марија Варсакевска (1-6)

Им честитаме на сите ученици и ментори за трудот, знаењето и посветеноста! Ви посакуваме уште многу успеси и достигнувања во иднина. ❤️

Од вкупно 10 училишта кои учествуваа на едукативната работилница „Јас имам став“, иако дебитанти, нашето училиште успеа ...
13/05/2026

Од вкупно 10 училишта кои учествуваа на едукативната работилница „Јас имам став“, иако дебитанти, нашето училиште успеа да влезе во финалето. ✨
Финалниот настан се одржа на 11.05. во Собранието на РС Македонија, во салата „Борис Трајковски“, каде што нашето училиште ја освои третата награда во дебатата. 🏆

На натпреварот учествуваа 20 ученици, под менторство на професорките Виолета Серафимовска и Валентина Богоевска.
Се дебатираше на три актуелни теми:
• Користење на вештачка интелигенција
• Менталното здравје кај младите
• Реформи во образованието

Нашиот тим ја разработуваше темата „Менталното здравје кај младите“, покажувајќи одлични дебатни вештини, критичко размислување и тимска работа.

Горди сме на успехот и достојното претставување на нашето училиште! ❤️

🎶 Бродвеј пристигнува во Скопје и Битола! 🎷По повод 250-годишнината на Америка, American Corners ви го носат култниот бр...
07/05/2026

🎶 Бродвеј пристигнува во Скопје и Битола! 🎷
По повод 250-годишнината на Америка, American Corners ви го носат култниот бродвејски мјузикл „The Music Man Jr.“ од Мередит Вилсон — добитник на шест Tony Awards! 🌟
„The Music Man Jr.“ ги содржи некои од најпознатите песни од музичкиот театар и приказна исполнета со хумор, топлина и старомансна романтика. Приказната го следи Харолд Хил — шармантен и брзозборлив продавач кој ги убедува жителите на Ривер Сити, Ајова, да купат инструменти и униформи за детски оркестар што ветува дека ќе го формира. Но има еден проблем — тој не разликува тромбон од виолински клуч! Неговите планови да избега со парите се комплицираат кога ќе се вљуби во Мериан — библиотекарката на градот… ❤️

Мјузиклот ќе го изведуваат ученици од средните училишта: „Никола Карев“, „Георги Димитров“, „Раде Јовчевски-Корчагин“ и „Орце Николов“.

Режијата и подготовката за сцената се на професорите: Јасмина Беличанска, Марина Иванова и Миле Наумовски, со асистенција во режија и кореографија од ученичките Александра Митеска и Калина Стипцарова. ✨

📍 Изведби: 🎭 26 и 27 мај во 20:00 часот — Драмски театар Скопје 🎭 5 јуни во 19:00 часот — Дом на култура Битола.

Се гледаме! 🎶✨

🇪🇺 На 22.12.2025 год. се одржа Валоризационата конференција на Националната агенција за европски образовни програми и мо...
23/12/2025

🇪🇺 На 22.12.2025 год. се одржа Валоризационата конференција на Националната агенција за европски образовни програми и мобилност „Од идеја до влијание“, на која беа претставени најуспешните Erasmus+ проекти реализирани во изминатиот период.

Преку панел-дискусии и презентации од образовниот и младинскиот сектор беа споделени добри практики, успешни приказни и визија за понатамошниот развој на програмата.

Особена чест и гордост ни беше што проектниот тим од нашата гимназија - директорот Андреј Манолев, проф. Снежана Станкова и проф. Јулијана Зафирова, беше дел од оваа конференција и што нашиот Erasmus+ проект ,,European Sustainable Schools Awards (ESSA): Recognising Excellence, Diversity and Creativity in the Green Transition“, беше препознаен и претставен како пример за најдобра пракса (best practice) во областа на зелената транзиција и одржливоста во образованието.

Во рамки на панел-дискусијата се зборуваше за значењето на зелената транзиција и одржливоста во образованието, улогата на училиштата и учениците како носители на промени, како и за вредноста на европската соработка во создавање долгорочен општествен импакт.

Горди сме што преку ESSA проектот дадовме придонес во оваа важна дискусија и што нашето искуство беше препознаено и споделено како инспирација за други училишта и идни Erasmus+ иницијативи.

Ова учество претставува значајно признание за досегашната работа на нашето училиште и силна мотивација да продолжиме да создаваме образовни практики кои носат вистинско влијание – за учениците, за заедницата и за иднината како и за понатамошно унапредување на европската соработка и развој на квалитетни образовни практики. ESSA покажа дека кога образованието, европската соработка и младите се во фокусот, резултатите не се само проектни, туку трајни и суштински.

#ЕразмусПлус #ОдИдејаДоВлијание #ВалоризационаКонференција #ЗеленаТранзиција #УчилишноОбразование

Address

Nikola Rusinski 2
Skopje
1000

Opening Hours

Monday 07:30 - 19:00
Tuesday 07:30 - 19:00
Wednesday 07:30 - 19:00
Thursday 07:30 - 19:00
Friday 07:30 - 19:00

Telephone

+38923072208

Website

Alerts

Be the first to know and let us send you an email when СУГС гимназија ,,Никола Карев“ - Скопје posts news and promotions. Your email address will not be used for any other purpose, and you can unsubscribe at any time.

Contact The School

Send a message to СУГС гимназија ,,Никола Карев“ - Скопје:

Shortcuts

Share

Category