28/05/2026
Историски ден за ДМБУЦ „Илија Николовски-Луј“!
Со огромна чест, радост и искрено воодушевување Ве информираме дека ДМБУЦ „Илија Николовски-Луј“ и Македонската Радио Телевизија потпишаа меморандум за соработка во наредните 3 години, со можност ова партнерство да продолжи и во следните 3 години.
Ова не е само административен договор — ова е големо признание за квалитетот, посветеноста и уметничката вредност што нашето училиште со децении ја создава и ја подарува на македонската културна сцена.
Преку оваа соработка, МРТ ќе врши снимање и медиумско покривање на концертите и настаните на училиштето, но уште поважно — заеднички ќе работиме на подигнување на свеста за значењето на музичката и балетската едукација кај младите генерации, афирмација на уметноста и негување на вистинските културни вредности.
Особено нè радува што веднаш по потпишувањето на меморандумот, за само неколку часа беа потврдени снимањата на следните наши концерти:
🎶 1.06. – Јубилеен концерт „25 години Традициски играч-пејач, со настапи и на многу наши поранешни ученици, денес истакнати уметници и раководители.“
🩰 2.06. – Балетски концерт основно
🎼 3.06. – Концерт на вокално-инструменталниот оддел
🩰 8.06. – Балетски концерт средно, класичен и модерен балет
Ова претставува уште една потврда дека трудот, талентот и успесите на нашите ученици и наставници добиваат заслужено национално внимание.
Голем ден за нашето училиште, за нашите ученици, наставници, родители, поранешни ученици и за македонската култура.
Продолжуваме уште посилно, уште похрабро и уште подостоинствено да ја претставуваме уметноста и младите таленти на Македонија.
Да ни е со среќа!
Македонската Радио- телевизија ги отвора вратите за младите и надежните уметници од средното училиште „Илија Николовски- Луј“. Цел на меморандумот за соработка- п...
