Universiteti "Nënë Tereza" në Shkup

15/09/2026

UNT DHE KOMUNA E LIKOVËS NËNSHKRUAJNË MEMORANDUM BASHKËPUNIMI PËR ZHVILLIM LOKAL, HULUMTIME SHKENCORE DHE PRAKTIKA STUDENTORE

Likovë/Shkup, 15.09.2026 - Universiteti “Nënë Tereza” në Shkup ka kurorëzuar sot një tjetër partneritet të rëndësishëm institucional, duke nënshkruar një Memorandum Bashkëpunimi me Komunën e Likovës. Marrëveshja u nënshkrua në një takim zyrtar nga rektori i UNT-së, Prof. Dr. Bekim Fetaji, dhe kryetari i Komunës së Likovës, z. Erkan Arifi.

Ky Memorandum ka për qëllim vendosjen e një kuadri formal të bashkëpunimit institucional ndërmjet Komunës së Likovës dhe UNT-së, duke synuar ndërlidhjen e pushtetit lokal me komunitetin akademik, nxitjen e zhvillimit socio-ekonomik, përmirësimin e cilësisë së jetës në komunë, si dhe aftësimin praktik dhe profesional të studentëve.

Në këtë takim të rëndësishëm, rektori Fetaji u shoqërua nga një delegacion i lartë i UNT-së, i përbërë nga prorektorët Prof. Dr. Fati Iseni dhe Prof. Inor. Dr. Bujamin Bela, sekretari i Përgjithshëm Dr. Rahim Jashari, si dhe Mr. Driton Zendeli dhe Mr. Bejamin Rexhepi.

Fusha kryesore e bashkëpunimit të përcaktuar në marrëveshje përfshin zhvillimin e teknologjisë, softuerëve dhe sigurisë kibernetike, bujqësinë dhe mbështetjen e prodhuesve lokalë, menaxhimin e qëndrueshëm të mjedisit e energjisë, politikat publike e arsimin, si dhe angazhimin e fakulteteve ndërmjet ekspertizave në shkencat juridike, ekonomike dhe humane.

Gjithashtu, marrëveshja parashikon hartimin e aplikimeve të përbashkëta për projekte evropiane (IPA, Horizon Europe, Cross-Border dhe të tjera), ofrimin e ekspertizës shkencore nga stafi akademik, si dhe sigurimin e kushteve për punë praktike dhe angazhimin e studentëve të UNT-së në sektorët e Komunës së Likovës.

Ky bashkëpunim katërvjeçar shënon një hap të rëndësishëm në hapjen e UNT-së ndaj institucioneve lokale dhe krijimin e mundësive konkrete për zhvillimin e rajonit dhe të studentëve tanë.

15/09/2026

ZGJIDHJE E PËRKOHSHME PËR HAPËSIRAT E UNT-SË, REKTORI FETAJI DHE ZËVENDËSKRYEMINISTRI I PARË BEKIM SALI NË TAKIM ME KRYETARIN E SINDIKATËS, SLLOBODAN TRENDAFILLOV

Shkup, shtator 2026 - Për shkak të numrit në rritje të studentëve në Universitetin “Nënë Tereza” në Shkup, deri në përfundimin e fazës së ndërtimit të kampusit të ri më modern, pjesë nga njësitë akademike do të duhet të sistemohen në objektin e Sindikatës.

Për këtë qëllim, rektori i UNT-së, Prof. Dr. Bekim Fetaji, së bashku me zëvendëskryeministrin e Parë, z. Bekim Sali, realizuan një takim pune me kryetarin e Lidhjes së Sindikatave të Maqedonisë, z. Sllobodan Trendafillov, për të shqyrtuar mundësitë e shfrytëzimit të këtyre hapësirave si zgjidhje adekuate dhe e përkohshme për institucionin tonë.

www.unt.edu.mk

14/09/2026

REZULTATET PËRFUNDINTARE TË AFATIT TË DYTË TË APLIKIMIT 2026/2027

Kandidatët e pranuar, më datë 14.09.2026 deri më 16.09.2026 të paraqiten në UNT, për të fituar statusin studentor duke regjistruar semestrin e parë dhe obligacionet tjera.

🔗 Për më shumë, ndiqni vegëzën e rezultateve: https://unt.edu.mk/sq/rezultatet-perfundimtare-afati-i-dyte-%d0%ba%d0%be%d0%bd%d0%b5%d1%87%d0%bd%d0%b8%d1%82%d0%b5-%d1%80%d0%b5%d0%b7%d1%83%d0%bb%d1%82%d0%b0%d1%82%d0%b8-%d0%b2%d1%82%d0%be%d1%80-%d1%83%d0%bf%d0%b8/ 🇦🇱

---
КОНЕЧНИ РЕЗУЛТАТИ ОД ВТОРИОТ УПИСЕН РОК 2026/2027

Примените кандидати од 14.09.2026 до 16.09.2026 да дојдат во просториите на УМТ за да се здобијат со статусот студент и да го запишат првиот семестар и другите преостанати обврски.

🔗 За повеќе, следете ја врската со резултати: https://unt.edu.mk/sq/rezultatet-perfundimtare-afati-i-dyte-%d0%ba%d0%be%d0%bd%d0%b5%d1%87%d0%bd%d0%b8%d1%82%d0%b5-%d1%80%d0%b5%d0%b7%d1%83%d0%bb%d1%82%d0%b0%d1%82%d0%b8-%d0%b2%d1%82%d0%be%d1%80-%d1%83%d0%bf%d0%b8/ 🇲🇰

14/09/2026

UNT DHE UNIVERSITETI EVROPIAN NË SHKUP NËNSHKRUAJNË MEMORANDUM BASHKËPUNIMI PËR FORCIMIN E LIDHJEVE AKADEMIKE DHE SHKENCORE

Shkup, 14.09.2026 - Universiteti “Nënë Tereza” në Shkup ka kurorëzuar sot një hap të rëndësishëm drejt zgjerimit të bashkëpunimit ndëruniversitar, duke nënshkruar një Memorandum Bashkëpunimi me Universitetin Evropian në Shkup. Marrëveshja u nënshkrua në një takim zyrtar nga rektori i UNT-së, Prof. dr. Bekim Fetaji, dhe rektorja e Universitetit Evropian, Prof. dr. Biljana Angleska-Bogdanovska.

Ky Memorandum synon zhvillimin e lidhjeve akademike, thellimin hulumtimeve shkencore ndërmjet dy institucioneve, duke përfshirë fusha me interes të ndërsjellë si, zhvillimin e përbashkët të programeve të studimit, si dhe programeve të studimit Joint degree dhe Double degree, organizimin e përbashkët të projekteve shkencore, simpoziumeve, konferencave dhe punëtoreve, shkëmbimin e kuadrit akademik (mësimdhënësve dhe bashkëpunëtorëve) dhe të studentëve të të gjitha cikleve të studimit, bashkëpunimin në fushën e promovimit të përbashkët.

Në këtë takim, rektori Fetaji ishte i shoqëruar nga prorektori Prof. Dr. Fati Iseni, sekretari i Përgjithshëm Dr. Rahim Jashari, si dhe profesori Miki Runtev.

Marrëveshja e nënshkruar sot thekson përkushtimin e dy universiteteve për të integruar përvojat dhe kapacitetet e tyre, duke hapur perspektiva të reja për studentët dhe stafin akademik të të dyja institucioneve.

🔗 https://url-shortener.me/POHW 🇦🇱
🔗 https://url-shortener.me/POHX 🇲🇰
🔗 https://url-shortener.me/POHY 🇬🇧

11/09/2026

📌 REZULTATET PRELIMINARE TË AFATIT TË DYTË TË APLIKIMIT 2026/2027

🎓 Kandidatët e pranuar, më datë 14.09.2026 deri më 16.09.2026 🗓️ të paraqiten në UNT, për të fituar statusin studentor 🆔 duke regjistruar semestrin e parë 📚 dhe obligacionet tjera.

🔗 Për më shumë, ndiqni vegëzën e rezultateve: https://bit.ly/3SUD21V 🇦🇱

---
📌 ПРЕЛИМИНАРНИ РЕЗУЛТАТИ ОД ВТОРИОТ УПИСЕН РОК 2026/2027

🎓 Примените кандидати од 14.09.2026 до 16.09.2026 🗓️ да дојдат во просториите на УМТ за да се здобијат со статусот студент 🆔 и да го запишат првиот семестар 📚 и другите преостанати обврски.

🔗 За повеќе, следете ја врската со резултати: https://bit.ly/3SUD21V 🇲🇰

11/09/2026

🇪🇺 SUKSES I RI EVROPIAN PËR UNT

🏦Universiteti “Nënë Tereza” në Shkup bëhet zyrtarisht partner në projektin madhor evropian Co4RES (Coordinated Control for Renewable Energy Systems), i financuar nga Komisioni Evropian në kuadër të programit prestigjioz Horizon Europe.

Projekti udhëhiqet nga prorektori për Financa, Prof. Inor. Dr. Bujamin Bela, dhe Dr. Artan Zejnullahi. Ky është një demonstrim i fuqishëm i përkushtimit të universitetit tonë drejt kërkimit shkencor dhe inovacionit.

🤝 Aleancë ndërkombëtare me 39 partnerë nga 15 shtete evropiane, ku pjesë e këtij rrjeti janë universitete elite si Imperial College London, KU Leuven, Technical University of Denmark (DTU), si dhe kompani e qendra kërkimore të njohura ndërkombëtare.

🔬 Roli i UNT-së në këtë projekt, do të kontribuojë drejtpërdrejt në zhvillimin e zgjidhjeve inovative për energjinë e rinovueshme ndërmjet, parashikimit të prodhimit dhe konsumit të energjisë, zhvillimit të teknologjisë Digital Twins për stacionet transformuese si dhe automatizimit dhe testimit të sistemeve elektroenergjetike.

🌟 Ky projekt për Universitetin "Nënë Tereza" në Shkup sjell thellim për zhvillim të kapaciteteve shkencore e kërkimore, përfshirje të profesorëve në projekte ndërkombëtare, shkëmbim të njohurive dhe teknologjive të avancuara si dhe mundësi të reja akademike për studentët dhe studiuesit tanë.

Ky projekt shënon një hap tjetër të madh drejt ndërkombëtarizimit të UNT-së dhe pozicionimit të saj në hapësirën evropiane të kërkimit!

🇪🇺 Dituria, kërkimi dhe inovacioni janë ura jonë drejt Evropës.

09/09/2026

UNT FILLON AFATIN E DYTË TË PRANIMIT NË TË GJITHA NJËSITË AKADEMIKE

Shkup, 09.09.2026 - Nga dita e sotme (e mërkurë) kanë nisur zyrtarisht regjistrimet për afatin e dytë të pranimit të studentëve të rinj në Universitetin “Nënë Tereza” në Shkup, i vetmi universitet publik në gjuhën shqipe në kryeqytet.

Të gjithë kandidatët e interesuar kanë mundësi të aplikojnë në tetë njësi akademike:

🏗️ Fakulteti i Ndërtimtarisë dhe Arkitekturës
💻 Fakulteti i Shkencave Informatike
⚙️ Fakulteti i Shkencave Teknike
🧪 Fakulteti i Shkencave Teknologjike
🧠 Fakulteti i Shkencave Sociale
📚 Fakulteti i Shkencave Humane
⚖️ Fakulteti Juridik
📊 Fakulteti Ekonomik

👉 Aplikoni në vegëzën online si dhe më datat 09 dhe 10.09.2026 të sillen dokumentet e aplikimit.
📲Vegëza e aplikimit online: portal.unt.edu.mk/apply

Universiteti "Nënë Tereza" në Shkup fton të gjithë maturantët dhe kërkuesit e dijes të shfrytëzojnë këtë mundësi për t'u bërë pjesë e një mjedisi akademik modern dhe cilësor.

🌐 Info shtesë: www.unt.edu.mk

08/09/2026

07/09/2026

DELEGACIONI I UNT-SË NDERON 8 SHTATORIN NË MANIFESTIMIN SOLEMN TË 35-VJETORIT TË PAVARËSISË

Shkup, 08.09.2026 - Me rastin e shënimit të 35-vjetorit të Pavarësisë së Republikës së Maqedonisë së Veriut, përfaqësues të Universitetit “Nënë Tereza” në Shkup, të përfaqësuar nga prorektori për Arsim, Prof. Dr. Fati Iseni, dhe prorektori për Financa, Investime dhe Zhvillim, Prof. Inor. Dr. Bujamin Bela, morën pjesë në pranimin solemn të organizuar nga Kuvendi i Republikës së Maqedonisë së Veriut, nën kryesimin e Kryetarit të Kuvendit, z. Afrim Gashi.

Në këtë ngjarje shtetërore, ku morën pjesë përfaqësues të lartë institucionalë, trupi diplomatik, deputetë, ish-funksionarë dhe partnerë ndërkombëtarë të vendit, u reflektua mbi rrugëtimin tredekadësh të shtetit dhe sfidat për ndërtimin e institucioneve të qëndrueshme e funksionale.

Gjatë fjalës së tij përshëndetëse, Kryetari i Kuvendit, z. Afrim Gashi, theksoi rëndësinë e ndërtimit të një shteti modern të së drejtës, ku ligji zbatohet në mënyrë të barabartë për të gjithë, administrata mbetet në shërbim të qytetarëve dhe ku konsolidohet vizioni i përbashkët për anëtarësim të plotë në Bashkimin Europian.

Si një institucion i arsimit të lartë publik i themeluar nga vetë Kuvendi i Republikës së Maqedonisë së Veriut, UNT mbetet me përkushtimin për të qenë shtyllë arsimore e shkencore në zhvillimin e shoqërisë, duke kontribuar drejtpërdrejt në përgatitjen e kuadrove të reja që do të çojnë përpara perspektivën europiane dhe përparimin demokratik të vendit.

🔗 https://url-shortener.me/PLS1 🇦🇱
🔗 https://url-shortener.me/PLS3 🇲🇰
🔗 https://url-shortener.me/PLS8 🇬🇧