Universiteti "Nënë Tereza" në Shkup

KULTURA E SIGURIMIT TË JETËS FILLON ME EDUKIMIN, "CROATIA SIGURIMI" REALIZOI PREZANTIM INFORMUES PARA STAFIT TË UNT-SË

Shkup, 17.06.2026 - Sot, në ambientet e Universitetit “Nënë Tereza” në Shkup, në kuadër të fushatës për “Kulturën e Sigurimit të Jetës“, kompania "CROATIA Sigurimi" realizoi me sukses një prezantim informues përpara stafit akademik dhe administrativ, përfshirë dekanët dhe profesorët e universitetit.

Ngjarjen e hapi rektori i UNT-së, Prof. Dr. Bekim Fetaji, i cili në fjalën e tij përshëndetëse vlerësoi lart këtë iniciativë, duke theksuar se edukimi financiar dhe bashkëpunimi me institucione udhëheqëse të këtij sektori sjell vlerë të shtuar për komunitetin universitar.

Gjatë këtij takimi u diskutua gjerësisht mbi rëndësinë e sigurimit të jetës si një shtyllë kryesore e sigurisë financiare, mbrojtjes së familjes dhe planifikimit të përgjegjshëm të së ardhmes. Përmes këtij trajnimi, palët ndanë bindjen e përbashkët se përmes dijes, dialogut të hapur dhe edukimit, mund të kontribuhet suksesshëm në ngritjen e vetëdijes shoqërore dhe institucionale për vlerën që ngërthen në vete sigurimi i jetës.

UNT shpreh falënderime të përzemërta për përfaqësuesit e "CROATIA Sigurimi" për prezantimin profesional.

STUDENTËT E FAKULTETIT TË SHKENCAVE SOCIALE TË UNT-SË VIZITUAN KUVENDIN E REPUBLIKËS SË MAQEDONISË SË VERIUT

Shkup, Qershor 2026 - Në kuadër të aktiviteteve praktike të lëndës "Sistemi Politik i Republikës së Maqedonisë së Veriut", studentët e Fakultetit të Shkencave Sociale të UNT-së, nga programi Punë dhe Politikë Sociale, realizuan një vizitë studimore në Kuvendin e Republikës së Maqedonisë së Veriut. Kjo vizitë edukative u zhvillua nën mentorimin e profesoreshës Dr. Imrane Morina, ku delegacioni u mirëprit ngrohtësisht nga kryetari i Kuvendit, z. Afrim Gashi.

Gjatë vizitës, studentët u njohën nga afër me funksionimin e institucionit ligjvënës, procedurat parlamentare dhe hapësirat ku miratohen ligjet. Si vlerë e shtuar, ata ndoqën drejtpërdrejt edhe një debat publik parlamentar, duke përjetuar një segment jetik të funksionimit demokratik dhe transparencës institucionale.

Këto përvoja praktike janë me rëndësi të veçantë për formësimin akademik të studentëve të UNT-së, duke kultivuar parimin se institucionet publike duhet të jenë gjithmonë të hapura dhe të qasshme për rininë akademike.

Universiteti “Nënë Tereza” në Shkup shpreh falënderim të veçantë për kryetarin e Kuvendit të RMV-së, z. Afrim Gashi, për mikpritjen e shkëlqyer dhe përkushtimin e tij për të afruar jetën parlamentare me studentët.

REKTORI I UNT-SË, PROF. DR. BEKIM FETAJI ZHVILLON TAKIM PRODUKTIV ME DREJTORESHËN E AGJENCISË KOMBËTARE TË RINISË NË SHQIPËRI, SARA BODO

Shkup/Tiranë, Qershor 2026 - Në kuadër të takimeve zyrtare në Republikën e Shqipërisë, rektori i Universitetit “Nënë Tereza” në Shkup, Prof. Dr. Bekim Fetaji, zhvilloi një takim produktiv me drejtoreshën e Agjencisë Kombëtare të Rinisë, znj. Sara Bodo.

Rektori Fetaji, i shoqëruar nga kryetari i Kuvendit Studentor Universitar, Besar Sejdiu, Mr. Driton Zendeli dhe Jasir Memedi, njoftuan znj. Bodo dhe Ambasadorin e Republikës së Shqipërisë në Shkup, Sh.T. Denion Mejdani, mbi zhvillimet e fundit institucionale dhe programet që UNT realizon në mbështetje të studentëve.

Fokusi i bashkëbisedimit u përqendrua në zgjerimin e bashkëpunimit rajonal në fushën e rinisë, ku u diskutua posaçërisht për përfshirjen aktive të të rinjve nga Maqedonia e Veriut në aktivitete të Agjencisë Kombëtare të Rinisë. Palët u dakorduan për koordinimin e iniciativave të përbashkëta që nxisin shkëmbimin e përvojave, angazhimin qytetar, si dhe zhvillimin personal e profesional të studentëve.

UNT shpreh falënderimet më të sinqerta për Ambasadorin, Sh.T. Denion Mejdani për angazhimin e tij maksimal në organizimin dhe mbarëvajtjen e suksesshme të këtij takimi.

UNIVERSITETI “NËNË TEREZA” NË SHKUP DHE UNIVERSITETI I TIRANËS ZYRTARIZOJNË BASHKËPUNIMIN AKADEMIK

Tiranë, Qershor 2026 - Në vazhdën e forcimit të bashkëpunimit rajonal dhe ndërkombëtarizimit të arsimit të lartë, Universiteti “Nënë Tereza” në Shkup ka nënshkruar Memorandum Mirëkuptimi me Universitetin e Tiranës. Ky akt shënon një kapitull të ri në marrëdhëniet ndërinstitucionale, duke hapur rrugë për projekte të përbashkëta akademike dhe kërkimore.

Në ceremoninë e nënshkrimit, të mbajtur në Tiranë, morën pjesë rektori i UNT-së, Prof. Dr. Bekim Fetaji, dhe rektori i UT-së, Prof. Dr. Artan Hoxha. Ngjarja u nderua me praninë e Ambasadorit të Republikës së Shqipërisë në Shkup, Sh.T. Denion Meidani, i cili vlerësoi lart rëndësinë e këtij partneriteti për botën akademike shqiptare në rajon.

Memorandumi i nënshkruar parasheh një plan veprimi gjithëpërfshirës, i cili përfshin zhvillimin e kurrikulave studimore dhe kërkimore të ndërsjella, organizimin e konferencave, simpoziumeve dhe seminareve shkencore, si dhe shkëmbimin e stafit akademik dhe studentëve për rritjen e mobilitetit. Gjithashtu, një rol aktiv i është dhënë Parlamentit Studentor, përfaqësuesit e të cilit ishin pjesë e delegacionit, duke siguruar që zëri i studentëve të jetë pjesë integrale e zhvillimit institucional.

Rektori Fetaji ishte i shoqëruar nga kryetari i Kuvendit Studentor Universitar, Besar Sejdiu, sekretari, Jasir Memedin, si dhe Mr. Driton Zendeli.

Për UNT-në, ky bashkëpunim me Universitetin e Tiranës përfaqëson një hap të rëndësishëm drejt ekselencës akademike dhe inovacionit, duke forcuar pozicionin e universitetit si një urë lidhëse e dijes dhe vlerave evropiane në rajon.

Universiteti “Nënë Tereza” në Shkup shpreh falënderimet më të sinqerta dhe mirënjohjen e thellë për Ambasadorin e Republikës së Shqipërisë, Sh.T. Denion Meidani, për angazhimin e tij maksimal, përkushtimin e jashtëzakonshëm dhe mbështetjen e pakursyer në koordinimin dhe organizimin e suksesshëm të këtyre takimeve të nivelit të lartë zyrtar në Tiranë.

REKTORI I UNT-SË PROF. DR. BEKIM FETAJI TAKOI ZËVENDËSMINISTREN E PUNËVE TË JASHTME TË SHQIPËRISË, ZNJ. VILMA PREMTI

Shkup/Tiranë, Qershor 2026 - Në kuadër të vizitave zyrtare në Republikën e Shqipërisë, rektori i Universitetit “Nënë Tereza” në Shkup, Prof. Dr. Bekim Fetaji, zhvilloi një takim rëndësishëm me zëvendësministren për Evropën dhe Punët e Jashtme, znj. Vilma Premti.

Rektori Fetaji, i shoqëruar nga kryetari i Kuvendit Studentor Universitar të UNT-së, Besar Sejdiu, sekretari i Kuvendit Studentor Universitar, Jasir Memedin, si dhe Mr. Driton Zendeli, njoftuan znj. Premti dhe Sh.T. ambasadorin Mejdani mbi hapat konkretë që Universiteti “Nënë Tereza” po ndërmerr në drejtim të ndërkombëtarizimit dhe zgjerimit të bashkëpunimit akademik rajonal.

Gjatë takimit, delegacioni i UNT-së shpalosi arritjet institucionale dhe vizionin për rritjen e mobilitetit akademik, duke u fokusuar në sinkronizimin e programeve studimore me standardet evropiane, pozicionimin e universitetit si një qendër e rëndësishme arsimore në Ballkan përmes diplomacisë akademike, si dhe përfshirjen aktive të Kuvendit Studentor në projektet e ndërkombëtarizimit dhe shkëmbimit të përvojave me universitetet e Shqipërisë.

Zëvendësministrja Premti vlerësoi lart angazhimin e rektorit Fetaji dhe ekipit të tij, duke konfirmuar mbështetjen e Tiranës zyrtare për nismat që forcojnë bashkëpunimin arsimor dhe kulturor ndërmjet dy vendeve. Takimi u përmbyll me vullnetin e përbashkët për të thelluar marrëdhëniet institucionale, në funksion të rritjes së cilësisë së arsimit të lartë dhe promovimit të vlerave evropiane.

REKTORI I UNT-SË, PROF. DR. BEKIM FETAJI, TAKOI MINISTREN E ARSIMIT DHE SPORTIT TË SHQIPËRISË, MIRELA KUMBARO

​Shkup, 15.06.2026 – Rektori i Universitetit "Nënë Tereza" në Shkup, Prof. Dr. Bekim Fetaji, ka zhvilluar një takim zyrtar mjaft produktiv me Ministren e Arsimit dhe Sportit të Republikës së Shqipërisë, znj. Mirela Kumbaro. Ky takim u realizua me ndërmjetësimin e Ambasadorit të Republikës së Shqipërisë në Shkup, Sh.T. Denion Meidani, ndërmjet angazhimit dhe koordinimit me kryetarin e Parlamentit Studentor të UNT-së, Besar Sejdiu.

​Fokus i këtij takimi bilateral ishte thellimi i bashkëpunimit akademik dhe institucional, me theks të veçantë në rritjen e mobilitetit të studentëve dhe të kuadrit akademik të UNT-së dhe institucioneve të arsimit të lartë në Republikën e Shqipërisë.

​Rektori Fetaji dhe Ministrja Kumbaro bashkëndanë qëndrimin se shkëmbimi i përvojave akademike, realizimi i hulumtimeve të përbashkëta shkencore dhe lëvizshmëria e lirë e studentëve dhe profesorëve janë shtylla kyçe për ngritjen e cilësisë së arsimit dhe për integrimin më të shpejtë në hapësirën evropiane të kërkimit shkencor.

​Gjatë bisedës, rektori Fetaji shprehu falënderim të veçantë për Ambasadorin Denion Meidani dhe përfaqësuesit studentorë për rolin e tyre proaktiv në urëzimin e këtij bashkëpunimi, duke nënvizuar se UNT mbetet e përkushtuar në krijimin e mundësive të reja ndërkombëtare për studentët dhe stafin e saj.

​Nga ana e saj, Ministrja e Arsimit dhe Sportit e RSH-së, Znj. Mirela Kumbaro, shprehu gatishmërinë e plotë të ministrisë që ajo drejton për të mbështetur projektet konkrete që nxisin mobilitetin akademik, duke parë UNT si një partner strategjik dhe serioz në rajon.

UNT DHE QENDRA FLUENT NËNSHKRUAJNË MEMORANDUM BASHKËPUNIMI

Shkup, Qershor 2026 - Universiteti "Nënë Tereza" në Shkup ka zyrtarizuar një partneritet të ri strategjik përmes nënshkrimit të Memorandumit të Bashkëpunimit me Qendrën për Edukim Joformal "FLUENT". Marrëveshja u nënshkrua gjatë një takimi zyrtar ndërmjet Rektorit të UNT-së, Prof. Dr. Bekim Fetaji, dhe drejtorit të qendrës, z. Muhamed Jonuzi.

Ky bashkëpunim synon ndërlidhjen e arsimit universitar me programet e edukimit joformal për të ofruar mundësi të reja për studentët dhe stafin akademik. Fokus i veçantë do t'i kushtohet realizimit të projekteve kërkimore, organizimit të trajnimeve profesionale, konferencave të përbashkëta shkencore dhe simpoziumeve.

Ky akt vërteton edhe një herë synimin e UNT-së për të stimuluar inovacionin dhe për të formësuar profesionalisht gjeneratat e reja për një treg pune gjithnjë e më dinamik.

GJEJ PUNËN OSE PRAKTIKËN TËNDE TË RADHËS NË PORTALIN E KARRIERËS NË UNT

Universiteti "Nënë Tereza" në Shkup, përmes Qendrës së Karrierës, fton të gjithë studentët të bëhen pjesë e platformës digjitale, të dedikuar për punësim, praktika profesionale (internship) dhe zhvillim të karrierës, me qëllim ndërlidhjen e drejtpërdrejtë të studentëve me tregun e punës.

🌐 Portali është i qasshëm në tre gjuhët zyrtare të UNT-së (shqip, maqedonisht dhe anglisht).

🔗 Vegza e portalit (URL): https://career.site.je
🔑 Qasja: Regjistrimi bëhet përmes postës zyrtare elektronike të universitetit (UNT Google Mail).

📌 Funksionalitetet kryesore:
🧠 Përshtatje inteligjente (Match-making): Ndërlidhja automatike e aftësive të studentit me ofertat e punës.
💼 Profili profesional: Krijimi dhe menaxhimi i CV-së digjitale të studentit.
🏢 Hapësirë për kompanitë: Regjistrimi i kompanive dhe shpallja e vendeve të lira (full-time, part-time ose projekte).
📲 Aplikim dhe monitorim: Aplikim online për punë/praktika dhe ndjekje e statusit në kohë reale.
🎓 Këshillim dhe trajnime: Rezervime për këshillim individual dhe ndjekje e punëtorive (workshops) e panaireve të karrierës.
🤝 Integrim me LinkedIn: Sinkronizim i lehtë mе profilet profesionale ekzistuese.

🎯 Ky portal synon të krijojë një urë direkte ndërmjet auditorëve universitarë dhe industrisë, duke i ndihmuar studentët të ndërtojnë karrierën e tyre dhe kompanitë të gjejnë kuadro të shkathta.

---

ПРОНАЈДИ ЈА ТВОЈАТА СЛЕДНА РАБОТА ИЛИ ПРАКСА НА КАРИЕРНИОТ ПОРТАЛ НА УМТ

Универзитетот „Мајка Тереза“ во Скопје, преку Кариерниот центар, ги поканува сите студенти да станат дел од новата дигитална платформа наменета за вработување, професионална пракса (стажирање) и кариерен развој, со цел директно поврзување на студентите со пазарот на труд.

🌐 Порталот е достапен на трите официјални јазици на УМТ (албански, македонски и англиски).

🔗 Линк до порталот (URL): https://career.site.je
🔑 Пристап: Регистрацијата се врши преку официјалната универзитетска е-пошта (UNT Google Mail).

📌 Главни функционалности:
🧠 Паметно спојување (Match-making): Автоматско поврзување на вештините на студентот со огласите за работа.
💼 Професионален профил: Креирање и управување со дигитално CV на студентот.
🏢 Простор за компании: Регистрирање на компании и објавување отворени позиции (full-time, part-time или проекти).
📲 Аплицирање и следење: Онлајн аплицирање и увид во статусот на апликациите во реално време.
🎓 Советување и обуки: Резервација за кариерно советување, работилници и саеми за кариера.
🤝 Интеграција со LinkedIn: Лесна синхронизација со постоечките професионални профили.

🎯 Овој портал има за цел да создаде директен мост меѓу универзитетското образование и индустријата, помагајќи им на студентите во нивниот професионален развој, а на компаниите во пронаоѓањето квалификуван кадар.

🎓 FShT-UNT në “Brain Gain Caravan 2026”

Sot, një grup prej 8 studentësh të Fakultetit të Shkencave Teknike, drejtimet Elektroenergjetikë dhe Mekatronikë ishin pjesë e iniciativës “Brain Gain Caravan” të organizuar nga Macedonian American Alumni Association (MAAA), një program që lidh studentët tanë me profesionistë të suksesshëm, institucione kyçe dhe kompani lidere në Maqedoninë e Veriut.

⚡ Stacioni i parë: SHA MEPSO

Studentët patën privilegjin të vizitojnë vendin nga ku menaxhohet 24/7 sistemi elektroenergjetik kombëtar. Përmes bashkëbisedimit me temën “Menaxhimi i sistemeve strategjike: Energjia, përgjegjësia dhe rrugët e karrierës”, ata u njohën me sfidat reale të një operatori të sistemit të transmisionit.

🤝 Mikpritja institucionale:

• Doc. Dr. Burim Latifi — Drejtor Gjeneral i SHA MEPSO
• Sashko Lakinski — Drejtor i OSE
• Vanço Shahpaski — Operator kryesor i sistemit
• Spase Pavllovski & Bujamin Sulejmani — Operatorë kujdestarë

Ata ndanë me studentët përvojën profesionale, rëndësinë e lidershipit, dhe rolin që të rinjtë do të luajnë në zhvillimin e ardhshëm të sektorit energjetik.
...........
🎓 ФТН-УМТ во “Brain Gain Caravan 2026”

Денеска, група од 8 студенти на Факултетот за технички науки, насоките Електроенергетика и Мехатроника беа дел од иницијативата “Brain Gain Caravan”, организирана од Македонско-американската алумни асоцијација (MAAA), програма која ги поврзува нашите студенти со успешни професионалци, клучни институции и водечки компании во Северна Македонија.
во АД МЕПСО.
Студентите имаа можност да го посетат местото од каде 24/7 се управува со националниот електроенергетски систем. Преку разговорот на тема “Водење на стратешки системи: Енергија, одговорност и кариерни патишта”, тие се запознаа со реалните предизвици на еден оператор на преносниот систем.

🤝 Институционална гостопримливост:

• Доц. д-р Бурим Љатифи — Генерален директор на АД МЕПСО
• Сашко Лакински — Директор на ОЕЕС
• Ванчо Шахпаски — Главен диспечер
• Спасе Павловски и
-Бујамин Сулејмани — Дежурни диспечери

Тие со студентите го споделија своето професионално искуство, важноста на лидерството, и улогата што младите ќе ја играат во идниот развој на енергетскиот сектор.

ELITA E UNT-SË, SHPALLEN 5 STUDENTET MË TË MIRË TË GJENERATËS SË VIII-TË NË CEREMONINË E “ABSOLVENTIADËS 2026” 🎓

🏛️Gjatë ceremonisë madhështore të diplomimit të Universitetit “Nënë Tereza” në Shkup, në prani të krerëve shtetërorë dhe qindra familjarëve, rektori Prof. Dr. Bekim Fetaji ndau mirënjohje të veçanta për pesë studentet që shkëlqyen me rezultate elitare:

🥇 ADRELA ZENKU – Fakulteti i Shkencave Sociale me notë mesatare maksimale: 10.00 👑
🥈 ALLMEDINA TOPALlOSKA – Fakulteti i Shkencave Teknike me notë mesatare: 9.85 🔬
🥉 BESJANA ISLAMI – Fakulteti i Shkencave Teknologjike me notë mesatare: 9.73 🧪
🚀 KANITA REÇICA – Fakulteti i Shkencave Informatike me notë mesatare: 9.50 💻
📐 XHENETA ISLAMI – Fakulteti i Ndërtimtarisë dhe Arkitekturës me notë mesatare: 8.60️ 🏗️