Филолошки факултет „Блаже Конески“ - Скопје

Годишната Конференција на докторските студии за хуманистички науки и уметности при Универзитетот „Св. Кирил и Методиј“ во Скопје, за летниот семестар 2025/2026 година, оваа година се одржа на Филолошкиот факултет „Блаже Конески“, на 5 јуни 2026 година (петок)

Конференцијата обедини 44 докторанди од повеќе студиски програми, кои преку свои излагања ги претставија резултатите од нивните научноистражувачки активности.

Со особено задоволство, во име на Школата за докторски студии и Филолошкиот
факултет „Блаже Конески “, Ве покануваме да присуствувате на пленарното
предавање: „Животот како уметничко дело: филозофија на романтизмот “, на проф. д-р
Венко Андоновски, што ќе се одржи на 5 јуни 2026 година (петок), со почеток во 13:30
часот.
Како еден од најзначајните современи македонски автори и универзитетски професори,
проф. д-р Венко Андоновски со своето богато научно, книжевно и општествено дејствување
остава траен придонес во развојот на хуманистичките науки и современата културна мисла.
Настанот се организира во рамките на заедничката годишна конференција на докторските
студии на Универзитетот „Св. Кирил и Методиј“во Скопје и претставува исклучителна
можност за продлабочување на академскиот дијалог и научната размена.
Ќе ни претставува исклучителна чест со Вашето присуство да го збогатите овој академски
настан.

Ве покануваме на Отворениот ден за програмата CEEPUS на 19.5.2025 г., вторник, во 11 ч. во Салата за седници.
Конкурсот за зимскиот семестар од академската 2026/2027 г. е отворен до 1.6.2026.

📌Михаил Булгаков и неговиот роман „Мајсторот и Маргарита“ свечено предавање на акад. Влада Урошевиќ

📢Ве покануваме на посебен културен настан во организација на Јапонската фондација од Будимпешта (Japan Foundation, Budapest), кој ќе се одржи на нашиот факултет во рамките на нивната посета на Македонија.

Настанот е замислен како интерактивно патување низ јапонската традиција и ќе вклучува:

Вовед во јапонските фестивали и Бон Одори (Bon Odori) – запознавање со обичаите и демонстрација на традиционалниот јапонски танц кој се изведува за време на летните фестивали.

Работилница за Јуката (Yukata) – презентација на традиционалното летно јапонско кимоно, со можност за негово облекување и фотографирање.

Ова е одлична прилика за сите вљубеници во јапонската култура и јазик одблиску да се запознаат со овие уникатни традиции директно од претставниците на Јапонската фондација.

📅 Датум: 14 мај (четврток)
🕛 Време: 12:00 часот (настанот ќе трае околу 90 минути)
📍 Локација: Аула на Факултетот

📌Предавање на проф. Мотоки Номачи од Универзитетот Хокаидо на тема:

What Archives Taught Me about the Macedonian Language: A Trial-and-Error Journey through the Archival Record.

Предавањето, кое е дел од проектот „Виртуелен музеј Конески“, се одржа на 6.5.2026 г., среда, во 10 ч. во Салата за седници на Филолошкиот факултет.

📢Од 27 април до 1 мај 2026 г. учесниците во проектот „Виртуелен музеј Конески“ гостуваа на Универзитетот „Ориентале“ во Неапол и остварија посета на Државниот архив во Неапол. На 29 април 2026 г. беше одржан Меѓународен семинар посветен на македонскиот јазик и книжевност, со пет предавања на различни теми. Семинарот беше организиран од проф. Андреа Де Карло, а поздравни обраќања имаа ректорот проф. Роберто Тотоли, проректорот за меѓународна соработка проф. Аугусто Гуарино и одговорниот професор за славистика проф. Гуидо Карпи. Благодарност и до раководителот на Катедрата проф. Салваторе Луонго и до одговорниот професор за лекторатот по македонски јазик Алесандро Бруни. Во публиката која го следеше настанот имаше и студенти што го изучуваат македонскиот јазик на овој италијански универзитет.