Ботаничка градина

01/09/2026

18/06/2026

26/05/2026

Како изгледа светот низ очите на еден ботаничар? 🌿🔍

На оваа интерактивна работилница децата ќе хербаризираат и истражуваат разновидни растенија како вистински мали научници, а преку стереоскопски микроскоп ќе ги откриваат најинтересните детали од листови, цветови и растителни структури. Работилницата ја води Ангела Шаровиќ Иванова, едукатор во Ботаничката градина при ПМФ – Скопје.

📍 II кат (кај одделот за храна)
🎟️ Бесплатно учество со пријавување за термин од 12 или 14 часот.
⚠️ Ограничен број на места со пријавување преку линк:
https://docs.google.com/forms/d/e/1FAIpQLSc1m0SAyxwoL1V0qp8c6fZpIDrerLa216Oh2vGtDKntdtmgeQ/viewform?pli=1

Се гледаме!

07/05/2026

Во Ботаничка градина, преку Мрежата за искуствено учење, имавме прекрасно дружење и со учениците од ООУ „Маршал Тито“ од с. Муртино. 🌱

Преку игра, истражување и заеднички активности, учениците дознаа повеќе за размножувањето на растенијата и ја открија магијата на природата на забавен и интерактивен начин. 🌿😊

#искуственоучење #ботаничкаградина #УчимеПрекуИгра #Растенија #Едукација #мрежазаискуственоучење #миу

06/05/2026

Преку различни игри навлеговме во светот на растенијата🌿 со малите ботаничари од ООУ "Коле Неделковски" од Центар. Оваа работилница беше спроведена во рамките на мрежата за искуствено учење🧪🧑‍🔬🌱
#миу #младиботаничари #искуственоучење #уницеф

06/05/2026

🌿 Приказни за опстанок - Македонската флора под лупа
🖈 12 мај │ 12 часот │ Zoom

🌿 Македонија претставува жешка точка на биодиверзитет. На релативно мала површина од 25.713 km² растат повеќе од 3700 различни видови на растенија (вклучувајќи ги и мововите). Ова значи дека имаме многу примери за начините на кои растенијата може да се адаптираат и распространуваат.

🌿 Дел од најспецифичните приказни за опстанок ќе бидат дел од следното онлајн предавање во рамките на нашата Мрежа за искуствено учење, кое ќе даде одговор и на вакви прашања:

• Дали во Македонија постојат инсективорни растенија?
• Дали сите растенија вршат фотосинтеза?
• Како животната средина влијае врз морфологијата и прилагодувањето на растенијата?
• Може ли, на пример, да виреат растенија на почва „богата“ со тешки метали?
• Што е тоа коеволуција?
• Како растенијата можат да ни „кажат“ нешто за состојбата на животната средина?

➤ Предавањето ќе го одржи Цветанка Стојчевска од Ботаничка градина при Природно-математичкиот факултет – Скопје.
➤ Наставници и наставнички, ако сакате вашите ученици да го проследат предавањето, пријавете се на https://bit.ly/4n87Ma7

#МИУ #мрежазаискуственоучење

UNICEF
Embassy of Sweden in Skopje

27/04/2026

🌿 Термините за МИУ во мај и јуни се објавени!

Погледнете дел од магијата што ја создаваат нашите мали ботаничари 🔬🌱
Преку истражување и набљудување, децата учат, откриваат и се воодушевуваат од светот околу нив.

Видеото е создадено заедно со учениците од ООУ „Васил Главинов“, во рамките на Мрежата за искуствено учење.

#МИУ #ИскуственоУчење #МладиБотаничари

17/04/2026

🌱 На 8 април, учениците од IX-4 од ООУ „Васил Главинов“ – Велес, заедно со претставници од ЗГ ПОПИ, реализираа работилница во рамките на мрежата за искуствено учење.

Преку едукативна игра со загатки и мисии, учениците го истражуваа светот на растителното царство 🌿 и на забавен начин учеа за неговото значење. Како дел од активностите, тие изработија и кратки видеа кои ќе ги споделуваме дополнително 🎥

💚 Веруваме дека ваквите активности се клучни за развивање на свеста кај најмладите за заштита на растенијата и природата.

#ИскуственоУчење #ЗаштитаНаПриродата #Едукација #Млади
#миу #уницеф

01/04/2026

27/03/2026

🌿 Едукативна авантура во светот на растенијата! 🌱

Со учениците од ООУ „Крсте Петков Мисирков“ од с. Бистрица, Битола успешно ја реализиравме интерактивната игра „РАЗМНОЖУВАЊЕ КАЈ РАСТЕНИЈАТА“ 🌼

🔎 Дел I – Истражување во Ботаничката градина
Учениците преку движење и тимска работа ги истражуваа просториите на градината (стакленик, објект за ендемични, реликтни и ретки растенија, како и делот за зачински, лековити и ароматични растенија).
✔️ Решаваа загатки поврзани со главните групи растенија (мовови, папрати, голосемени и скриеносемени)
✔️ Пронаоѓаа дополнителни скриени загатки за освојување екстра поени 🎯

🔬 Дел II – Лабораториска работа
Во лабораторија, учениците работеа како вистински млади научници:
✔️ Решаваа 4 мисии преку набљудување со стереоскоп
✔️ Изработуваа микроскопски препарати
✔️ Истражуваа за морфологијата на различни групи на растенија 🌸

🎨 На крај, секој тим ја презентираше својата мисија на креативен начин – преку цртежи, усно излагање, фотографии и видеа.

👏 Преку игра, истражување и практична работа, учениците стекнаа нови знаења и љубов кон природата!
#миу #мрежазаискуственоучење #ботаничкаградина