ООУ „Његош“ - Јурумлери

🏐 Уште еден спортски успех за нашето училиште!

На Плазма Спортските игри, учениците Лука Мишоков и Давор Јовановски од 9б одделение покажаа одлична игра, тимски дух и спортска борбеност во дисциплината одбојка на песок.

Со освоениот пласман тие обезбедија учество на државното натпреварување, каде ќе го претставуваат нашето училиште.

Им честитаме на учениците и на нивната наставничка Елеонора Пешевска и им посакуваме многу успех на државното натпреварување! 👏🏆

🌍♻️ По повод 5 Јуни – Светскиот ден на животната средина, учениците активно се вклучија во низа едукативни и креативни активности посветени на заштитата на природата. Преку разговори, работилници и практични задачи, тие ја подигнаа свеста за важноста на чистата и здрава животна средина.

Заедно испративме порака дека секој мал чекор придонесува за поголема грижа за нашата планета. Да ја чуваме природата денес, за подобро утре! 🌱💚

Во рамките на проектот за Меѓуетничка интеграција во образование (МИО) денес учениците од III-а, III-б и III-алб одделение реализираа еднодневна едукативна посета на Македонско Село.

Во текот на посетата тие имаа можност да се запознаат со македонската култура, традиција и обичаи, како и да ги разгледаат автентичните куќи и содржини кои го претставуваат богатото културно наследство на нашата земја.

Учениците уживаа во заеднички ручек, дружење и прекрасна атмосфера, а имаа и можност да купат сувенири за спомен од ова убаво искуство.

Од посетата понесоа многу убави впечатоци, нови знаења и незаборавни спомени.
Одговорни наставници: Катерина Ванева, Катерина Стефановска и Бехар Емини.

Работилница на тема „Асертивна комуникација“ во рамките на МИО проектот
Денес во рамките на МИО проектот успешно се реализираше работилница на тема „Асертивна комуникација“, на која учествуваа ученици од VII и VIII одделение.
Целта на работилницата беше учениците да ги препознаат различните стилови на комуникација – пасивна, агресивна и асертивна, како и да научат како на соодветен начин да ги изразуваат своите мислења, ставови и чувства со почит кон другите.
Работилницата ја водеше педагогот Гордана Петровиќ од ООУ „Његош“ – Јурумлери, која преку интерактивни активности и дискусии им помогна на учениците да ги развијат своите комуникациски и социјални вештини.
Организатори на активноста беа координаторите на МИО проектот: 🔹 Катерина Стефановска – ООУ „Његош“ – Јурумлери
🔹 Павлинка Вељановска – ООУ „Гоце Делчев“ – Неготино

Денес нашето училиште учествуваше на Плазма Спортските игри за млади одржани во ООУ Н.Н.Борче во Маџари . Се натпреваруваа во две игри народна и трчање на 60м, во две категории ученици родени 2015 и 2017год. и помлади, зона исток.Овој прекрасен настан помина во добра атмосфера,дружба и спортски дух.

Ученичката Мила Никчевска од 3а одделение го освои првото место 🏆🏅 во дисциплината трчање на 60м , и обезбеди пласман на регионалниот натпревар на Плазма Игрите.
Честитки на Мила за победата на општинскиот натпревар и пласманот на регионално напреварување на Плазма игрите.
Честитки за сите наши ученици кои денес го претставуваа нашето училиште .

Светски ден на борба против пушењето – 31 Мај

По повод Светскиот ден на борба против пушењето, учениците од нашето училиште реализираа креативна и едукативна активност. Тие изработија постери, цртежи и пораки со кои ги истакнаа штетните последици од пушењето врз здравјето и ја промовираа важноста на здравите животни навики.

Преку своите трудови учениците испратија силна порака: „Кажи НЕ на пушењето – избери здрав живот!“ Активноста придонесе за подигнување на свеста за зачувување на здравјето и создавање средина без тутунски чад.

👧Учениците од 1-а одделение преку разновидни активности го одбележаа Меѓународниот ден на детето : 1. јуни. 👦🌏
Децата се семето на нашата иднина. Колку повеќе вложуваме во нив, толку поголема ќе биде нашата иднина.❤️