Ekonomski Fakultet - Skopje, Univerzitet "Sv. Kiril i Metodij"

🎓👨‍👩‍👧‍👦 „Каде учеле мама и тато?“ - ден исполнет со насмевки, спомени и дружење

На 6 јуни 2026 година, Економскиот факултет - Скопје беше домаќин на настанот „Каде учеле мама и тато?“, на кој нашите алумни имаа можност заедно со своите деца повторно да ги посетат просториите каде што ги поминале своите студентски денови.
Преку прошетка низ факултетот, дружење, игри и многу забава, најмладите имаа можност да се запознаат со местото што започнале професионалните и животните приказни на нивните родители.
Настанот помина во исклучително пријатна атмосфера, исполнета со детска радост, убави спомени и нови пријателства. Благодарност до сите алумни и нивните семејства што беа дел од ова прекрасно дружење и помогнаа уште еднаш да го оживееме духот на нашата факултетска заедница.

📸 Во продолжение погледнете дел од атмосферата и најубавите моменти од настанот.

Ваш,
Економски факултет-Скопје

📢 Можност за прво вработување во ПроКредит Банка

Огласот е наменет за студенти од четврта година кои се во фаза на дипломирање и сакаат да ја започнат својата професионална кариера во ПроКредит Банка.

📩 Аплицирање на: [email protected]

Економскиот факултет – Скопје ќе ја предводи европската COST акција EMBRACE за одржливо известување и ревизија

Со особено задоволство информираме дека Економскиот факултет – Скопје при Универзитетот „Св. Кирил и Методиј“ во Скопје e координатор и ќе ја предводи новата одобрена европска COST акција со наслов:

EMBRACE – Embedding Sustainability Reporting and Assurance in Accounting and Auditing Education Across Europe (CA25168)

Вградување на известувањето и уверувањето за одржливост во образованието за сметководство и ревизија низ цела Европа

Предлагачи на мрежата се членовите на Катедрата за сметководство и ревизија при Економскиот факултет – Скопје, а иницијативата доби силна поддршка од академската и научната заедница низ Европа. Во процесот на подготовка и формирање на мрежата учествуваа и ја поддржаа повеќе од 50 професори и научници од над 35 универзитети во 18 европски држави, додека интересот за приклучување продолжува да расте со вклучување на нови универзитети, истражувачи и земји.

Одобрувањето на EMBRACE претставува значајно меѓународно признание за Економскиот факултет – Скопје и за македонската академска заедница. Според официјалните информации на COST Association, оваа година биле одобрени само околу 7% од поднесените предлог-мрежи, што ја вбројува EMBRACE меѓу најуспешните европски истражувачки иницијативи во рамките на последниот повик на COST асоцијацијата.

Дополнително, ова е прва COST акција координирана од институција од Република Северна Македонија по подолг временски период, што претставува значаен успех и потврда за растечката меѓународна препознатливост на истражувачкиот потенцијал на Економскиот факултет – Скопје.

Цел на мрежата
Главната цел на EMBRACE е да создаде паневропска мрежа која ќе придонесе за интегрирање на одржливото известување и уверувањето во високото образование, особено во студиските програми по сметководство и ревизија. Мрежата е директно усогласена со најновите европски регулативи, вклучувајќи ја Corporate Sustainability Reporting Directive (CSRD) и European Sustainability Reporting Standards (ESRS).
Преку развој на современи наставни содржини, методологии за оценување, дигитални алатки, заеднички наставни активности и меѓународни обуки, мрежата ќе придонесе за подготовка на нова генерација професионалци способни да одговорат на растечките барања за одржливо корпоративно известување и ревизија.

Организација на мрежата
EMBRACE ќе се реализира во период од четири години и ќе биде организирана преку пет работни групи. Во рамките на мрежата се предвидени научни состаноци, работилници, тренинг школи, краткорочни научни мисии, развој на образовни ресурси и заеднички истражувачки активности меѓу партнерите од Европа.

Официјалниот почеток на COST Action EMBRACE е закажан за 15 септември 2026 година со првиот состанок на Менаџмент комитетот кој ќе се одржи во Брисел, Белгија.

Одобрувањето на EMBRACE претставува значаен чекор кон зајакнување на меѓународната видливост на Економскиот факултет – Скопје, продлабочување на европската академска соработка и позиционирање на С. Македонија како активен учесник во развојот на современото образование и истражување во областа на одржливоста, сметководството и ревизијата.

Faculty of Economics – Skopje to Lead the European COST Action EMBRACE on Sustainability Reporting and Assurance Education

We are delighted to announce that the Faculty of Economics – Skopje at Ss. Cyril and Methodius University in Skopje is the coordinator and will lead the newly approved European COST Action entitled:

EMBRACE – Embedding Sustainability Reporting and Assurance in Accounting and Auditing Education Across Europe (CA25168)

The proposal was developed by members of the Department of Accounting and Auditing at the Faculty of Economics – Skopje and received strong support from the European academic and scientific community. More than 50 professors and researchers from over 35 universities across 18 European countries participated in and supported the development of the network. Interest in joining the Action continues to grow, with additional universities, researchers, and countries expressing their willingness to participate.

The approval of EMBRACE represents a significant international recognition for the Faculty of Economics – Skopje and the wider academic community in North Macedonia. According to official information from the COST Association, only approximately 7% of submitted proposals were approved under this year's COST Open Call, placing EMBRACE among the most successful European research networking initiatives funded through the latest COST programme.

Furthermore, this is the first COST Action coordinated by an institution from the Republic of N. Macedonia after a considerable period of time, representing a major achievement and further confirmation of the growing international visibility and research capacity of the Faculty of Economics – Skopje.

Aim of the Network
The primary objective of EMBRACE is to establish a pan-European network that will support the integration of sustainability reporting and sustainability assurance into higher education, particularly within accounting and auditing programmes. The Action is directly aligned with the latest European regulatory developments, including the Corporate Sustainability Reporting Directive (CSRD) and the European Sustainability Reporting Standards (ESRS).

Through the development of innovative teaching materials, assessment methodologies, digital tools, collaborative educational activities, and international training initiatives, the network will contribute to preparing a new generation of professionals capable of addressing the growing demands of sustainable corporate reporting and assurance.

Network Structure
EMBRACE will be implemented over a four-year period and organised through five Working Groups. The Action will include scientific meetings, workshops, training schools, Short-Term Scientific Missions (STSMs), the development of educational resources, and joint research activities among partners from across Europe.

The official launch of COST Action EMBRACE is scheduled for 15 September 2026, with the first Management Committee Meeting taking place in Brussels, Belgium.

The approval of EMBRACE represents an important step towards strengthening the international visibility of the Faculty of Economics – Skopje, deepening European academic cooperation, and positioning North Macedonia as an active contributor to the development of contemporary education and research in the fields of sustainability, accounting, and auditing.

Драги студенти,
Собранието на Република Северна Македонија, во рамките на иницијативата „Отворено Собрание – Поблиску до Младите”, го организира Карaванот на Собранието: Отворено за идеите на младите!

Во рамките на оваа иницијатива, настанот ќе се одржи на:

📅 Датум: 05 јуни 2025 година
🕚 Почеток: 11:00 часот
📍 Место: Аула на Правниот факултет, Универзитет „Св. Кирил и Методиј” – Скопје

Карaванот на Собранието претставува уникатна можност за студентите и младите граѓани да се запознаат со работата на парламентот, да ги изразат своите идеи и да учествуваат во отворен дијалог со претставниците на законодавната власт.

Потсетуваме дека на 6 јуни со почеток во 13:00 часот, на Економски факултет–Скопје ќе се одржи алумни настанот „Каде учеле мама и тато“ – топла дружба за нашите алумни и нивните најмили.
Ве очекуваме!

ПРОМЕНА НА ЧАСОТ НА ОДРЖУВАЊЕ
Настанот „Каде учеле мама и тато“, закажан на 6 јуни 2026 година, ќе започне во 13:00 часот наместо во 12:00 часот.

Драги Алумни на Економски факултет-Скопје,

Веќе втора година по ред, Алумни заедницата на Економски факултет-Скопје активно расте, создавајќи нови пријателства, професионални врски и силно чувство на припадност кон факултетот и заедницата.

Овој пат, со особено задоволство, сакаме да ги запознаеме и најмалите, оние кои секојдневно ги слушаат приказните за студентските денови на своите родители.

Ги покануваме сите Алумни на Економски факултет-Скопје да ни се придружат на еден поинаков и топол настан, „Каде учеле мама и тато“, на кој заедно ќе се потсетиме на убавите факултетски моменти и ќе им покажеме на најмилите каде започнале многу животни и професионални приказни.

Настанот, кој ќе се одржи на 6 јуни 2026 година, ќе започне во 13:00 часот во Амфитеатар 1 на Економски факултет–Скопје, по што следува дружба, прошетка низ факултетот, како и многу забава и изненадувања за децата.
Добредојдени се сите наши алумни, оние кои ќе дојдат со своите најмили, но и оние кои едноставно сакаат повторно да го почувствуваат духот на факултетот и да се дружат со колегите и пријателите.

Ве молиме пријавете се на следниот линк: https://forms.gle/swBErpKFQ3RsQiR39

Доколку сѐ уште не сте зачленети во Алумни заедницата пополнете го формуларот на следниот линк: https://forms.zohopublic.eu/.../oRWmlMw5F8Pry0bdOT2UY3nQJ...

Ве очекуваме!

Ваш,
Економски факултет-Скопје

На 02.06.2026 година, од 10:00 до 11:00 часот во Предавална 10 на Економски факултет - Скопје се одржа осмиот Quant Talks настан во организација на Катедрата по математика и статистика. Д-р Теодор Дуевски, докторанд по финансии на HEC Paris и скорешен асистент-професор по финансии на Chinese University of Hong Kong (CUHK), презентираше на тема „Улогата на човечкиот капитал во алокацијата на капитал на приватните пазари“.
Студијата испитува како ширината на човечкиот капитал на партнерите во фондовите за ризичен капитал влијае врз изборот на стартапи за инвестирање и врз нивните перформанси. Главниот наод е дека партнерите со пошироко искуство се особено успешни кога инвестираат во нови и неконвенционални стартапи со претходно неистражени бизнис модели, додека нивната предност не се потврдува кај постандардни и помалку иновативни инвестиции.

Линк до трудот: https://papers.ssrn.com/sol3/papers.cfm?abstract_id=5239857

ПРОМЕНА НА ЧАСОТ НА ОДРЖУВАЊЕ
Настанот „Каде учеле мама и тато“, закажан на 6 јуни 2026 година, ќе започне во 13:00 часот наместо во 12:00 часот.

Драги Алумни на Економски факултет-Скопје,

Веќе втора година по ред, Алумни заедницата на Економски факултет-Скопје активно расте, создавајќи нови пријателства, професионални врски и силно чувство на припадност кон факултетот и заедницата.

Овој пат, со особено задоволство, сакаме да ги запознаеме и најмалите, оние кои секојдневно ги слушаат приказните за студентските денови на своите родители.

Ги покануваме сите Алумни на Економски факултет-Скопје да ни се придружат на еден поинаков и топол настан, „Каде учеле мама и тато“, на кој заедно ќе се потсетиме на убавите факултетски моменти и ќе им покажеме на најмилите каде започнале многу животни и професионални приказни.

Настанот, кој ќе се одржи на 6 јуни 2026 година, ќе започне во 13:00 часот во Амфитеатар 1 на Економски факултет–Скопје, по што следува дружба, прошетка низ факултетот, како и многу забава и изненадувања за децата.
Добредојдени се сите наши алумни, оние кои ќе дојдат со своите најмили, но и оние кои едноставно сакаат повторно да го почувствуваат духот на факултетот и да се дружат со колегите и пријателите.

Ве молиме пријавете се на следниот линк: https://forms.gle/swBErpKFQ3RsQiR39

Доколку сѐ уште не сте зачленети во Алумни заедницата пополнете го формуларот на следниот линк: https://forms.zohopublic.eu/.../oRWmlMw5F8Pry0bdOT2UY3nQJ...

Ве очекуваме!

Ваш,
Економски факултет-Скопје

На 01и 02 јуни, 2026 година се одржува Втората заедничка годишната конференција на кампусот Општествени науки и дел од Хуманистички науки. Конференцијата е дел од заедничката годишна конференција на докторски студии, летен семестар 2025/2026 година, која во организација на Универзитетска школа за докторски студии се одржува на сите кампуси во перидот 26 мај – 5 јуни, 2026 година за сите докторски студенти на УКИМ.

Домаќин на докторската конференција на кампусот Општествени науки и дел од Хуманистички науки и оваа година е Економскиот факултет- Скопје. Конференцијата која се одвива во 2 паралелни сесии ја отвори деканот на Економски факултет-Скопје, проф. д-р Мијалче Санта, а со неа претседаваа членовите на Универзитетската школа за докторски студии, проф. д-р Климентина Попоска, проф. д-р Тони Милески и проф. д-р Трена Јорданоска. На конференцијата земаа учество 105 докторски студенти со своите ментори и раководителите на 29 студиски програми.

На овој начин се зголемува видливоста на резултатите од истражувањето на докторските студенти, се обезбедува интердисциплинарност и вмрежување меѓу докторските студенти и наставниот кадар од различни студиски програми.

Програмата за заедничката годишна конференција за докторандите, летен семестар 2025/2026 година, е поставена на веб-страницата на УКИМ:https://ukim.edu.mk/wp-content/uploads/2026/05/programazagodisnikonferencii-letensemestar-2025-2026.pdf

📣 Quant Talks

Катедрата по математика и статистика со големо задоволство ве поканува на осмиот настан од Quant Talks - серија кратки и динамични презентации каде домашни и странски гости ќе споделуваат резултати од научно-истражувачки трудови и ќе отвораат простор за дискусија.

🎙️ Гостин-предавач: д-р Теодор Дуевски, докторанд по финансии на HEC Paris и од јули 2026 година ќе се приклучи на Chinese University of Hong Kong (CUHK) како асистент-професор по финансии. Неговите истражувачки интереси се во областа на корпоративните финансии, финансиското посредување на приватните пазари и претприемачките финансии, со посебен фокус на ризичниот капитал, иновациите и улогата на човечкиот капитал во финансирањето на стартапи. За време на докторските студии бил гостин-истражувач на Harvard Business School и Northwestern University. Неговата истражувачка работа е препознаена со повеќе награди, меѓу кои The Brattle Group Ph.D. Candidate Award for Outstanding Research и ENTFIN Best Doctoral Student Paper Award.

🧾 Тема на презентацијата: „ Улогата на човечкиот капитал во алокацијата на капитал на приватните пазари“

Линк до трудот: https://papers.ssrn.com/sol3/papers.cfm?abstract_id=5239857

📅 02.06.2026 (вторник)
🕐 10:00 - 10:30ч
📍 Предавална 10, Економски факултет - Скопје

Ве очекуваме!