Дума ин Сума

Преземи ШОК! Читај ШОК! Сподели ШОК!

Стрипови, колажи, модни едиторијали, патување на Марс… сѐ е достапно со еден клик.

Преземи го „ШОК“ од dumainsumma.com и читај интервјуа, колумни, проза и поезија. Не заборавајте, „ШОК“ е приказна за сите нас!

Преземи тука - https://dumainsumma.com/shok

На сајтот достапни се и сите текстови напишани на досегашните работилници. Ако пишуваш и потребно ти е повратно мислење и простор за објавување на твоите дела, не се двоуми и пиши ни. Нестрпливо сакаме да читаме!

Динг динг динг... нашиот весник конечно во вашите раце! 📰

🗞 Сподели ШОК 🗞

ШОК е аналоген, неопходен и (не)згоден. ШОК приказна за сите нас. Продолжуваме да ја испишуваме заеднички.

❤ за сите кои дојдоа на промоцијата
❤ за најдобриот дизајн на Дарко
❤ за најслатките колачиња направени од Фросина и Габи
❤ за веб-страната направена со помош на Горјан
❤ за фотографиите на Батухан
❤ за КСП Центар-Јадро за сè

најголемо ❤ за авторките на ШОК

До следно читање 🗞

#цртајнамакедонски #споделикирилица

Министерство за култура / Ministria e Kulturës

Промоција на списание „ШОК“, приказна за сите нас

🎯21 октомври (понеделник) | 19.00 часот | КСП Центар -Јадро

Ова лето одржавме уште една од серијалот работилници за креативно пишување со млади - „Поетиката на периодиката“ и наполнивме една година.

📰ШОКот е и наш и ваш.📰

Во една (1) година како „Дума ин сума“ одржавме пет бесплатни работилници за креативно пишување со млади (Скопје и Битола), имавме три изложби и една промоција. А место торта - ШОК! Печатен доказ со шарени букви врз историја, комплетно архивирана лудорија.

-+Динг, динг, динг!

Хартија топла како утрински леб

тежи вести од целиот свет ■

Нашиот весник е Именуван;

има свој ммманифест -

сѐ за да се пренесе вистинска вест,

да паднеш во ▐бесвест*

***

Од оваа работилница, во големо исчекување на сите, изпечативме весник. Низ неговите тенки и шарени страници, забава и по нешто паметно може да прочита секој.

Колку листа весник тежи вистината❓

Одговорот на ова прашање ќе го дознаете во понеделник на 21 октомври, со почеток од 19 часот, кога Дума ин Сума ќе направи една слатка (со торта) и шокантна (за тоа ќе прочитате повеќе…) промоција на нашето заедничко списание во КСП Центар-Јадро.

Аналогно или дигитално, нашиот весник ви порачува: „Земете ме, уживајте, читајте и запомнете; јас сум приказна за сите НАС!“🗞

Ура ура викај хиперлитература! 🗞
Кој може да искулира
кога се шпекулира
дека Дума ин Сума
спрема хиперсупер весник?

На последниот ден од работилницата „Поетиката на периодиката" нурнавме во море од линкови. Клик по клик ѕирнавме зад завесата од кодови на еден хипертекст иии верувале или не, ние го водевме дејството.
Стигнавме до онлајн активизам
#протестирам, дали фалат линкови?
За Алан Шварц изворите се слободни,
бесплатни е-библиотеки и колективизам. 📰

Министерство за култура / Ministria e Kulturës

#цртајнамакедонски #споделикирилица

Доверливи извори потврдуваат дека минататa недела во КСП Центар -Јадро / SCS Centar-Jadro се одржа првиот уреднички состанок на Дума ин Сума.

„Колку листа весник тежи вистината? Рубрики, рубрики - рубикова коцка. Имаме ли целина? За секого по нешто, умешно и вешто", ги потврдуваат гласините од редакцијата на Дума ин Сума.

Во време кога ништо не нѐ шокира, можеби „ШОК“ ќе успее да нѐ релаксира? 😉

Фоторепортер: Батухан Ибрахим

Министерство за култура / Ministria e Kulturës

#Цртајнамакедонски #споделикирилица

Драги читатели,

редакцијата на „Дума ин Сума“ ви носи фото - репортажа од Градска библиотека „Браќа Миладиновци“-Скопје во која пренесуваме за вештината на книговез.

Златни букви се втиснуваат врз историја
конци, текст и машини во мистериозна просторија.
Заплети сплети и исечи со нож,
стиснати под преса да поминат ноќ.

„Дума ин Сума“ прошета и во Периодиката;
нашиот весник учи од сениори,
„Млад Борец“ + „Остен“ = love story.
Прво бил „Наш свет“,
сега светот од нашиот „Шок“ гори...

Се запознавме со весници разни,
разговаравме и со илустраторки гласни
како еден весник да стане целина,
како новинарството бара дисциплина.

Министерство за култура / Ministria e Kulturës

#споделикирилица
#Цртајнамакедонски

Фоторепортер: Батухан Ибрахим

Шок!антна вест?

Директни извори од редакцијата на „Дума ин Сума“ јавуваат дека деновиве во КСП Центар -Јадро / SCS Centar-Jadro забрзано се типкаат вжештени мисли!

Динг, динг, динг!
Хартија топла како утрински леб
тежи вести од целиот свет ■
Нашиот весник е Именуван;
има свој ммманифест -
сѐ за да се пренесе вистинска вест,
да паднеш во ▐бесвест*

Фото: Батухан Ибрахим

Министерство за култура / Ministria e Kulturës

#споделикирилица #цртајнамакедонски

Драги читатели,

Од рубриката едукативна сештологија стигна допис дека „Поетиката на периодиката“ започна во . Најпрво влеговме во една Нова Македонија, а потоа патувавме низ историјата со весници, како наши мини временски машини.

Читавме „Пионерски весник“, „Титовче“, Наш Свет и ги засведочивме писателите битки меѓу „Современост“ и „Разгледи“. Едвај спасивме жива глава, избегавме дури до 1939 година и се запознавме со Пајо Паторот во ПолитикИн магазин.

Од нашата фото селекција, погледнете колку весници излиставме барајќи ги најинтересните факти од бројни апстракти 📰

Министерство за култура / Ministria e Kulturës

#СподелиКирилица
#Цртајнамакедонски

Екипата за патување низ периодиката е собрана ☀️

Едвај чекаме да ја започнеме нашата дружба во понеделник, 17 јуни, со почеток во 12 часот во КСП Центар Јадро 🗞️

Министерство за култура / Ministria e Kulturës

#споделикирилица #цртајнамакедонски

„Поетиката на периодиката“ - работилница за креативно пишување

🐲 Менторство: Дума ин Сума
🗺 Дизајн: Дарко Алексовски
🏰 КСП Центар -Јадро / SCS Centar-Jadro
📆 Датум: 17, 18, 19 и 24 јуни 2024
⏰ Време: 12 до 17 часот
🔗Пријава: https://dumainsumma.com/idni-rabotilnici

Повикот за учество во работилницата е отворен за млади на возраст од 14 до 19 години.

*Бројот на учесници е ограничен.

Весници, весници…

Распустот е добро време да се влезе во филм, а Дума ин Сума реши да влезе во оној на Александар Ѓурчинов…

Ова лето го одбележуваме со нурнување во слатката поетика на библиотечната периодика.

Како ви звучи ова?

Преку работилницата за креативно пишување со млади - „Поетиката на периодиката“, ќе истражуваме нефикционални книжевни форми и ќе влеземе во минати, потскриени реалности.

Колумни, интервјуа, репортажи, патописи, стрипови, вицови, Драга Таа... Летните распусти секогаш нѐ прават копнежливи по топлите пладниња во кои ги читавме новите броеви од списанијата и магазините што носеа новости и актуелности од светот, постери, квизови и бламажи.

Читавме сѐ: магазини со забавна и едукативна содржина, списанија за интернет и гејминг, спорт, технологија, природа, астрономија, списанија за млади, книжевна критика и уметност…

На оваа работилница одблиску ќе истражиме нови, скриени светови полни со ретки и минати сериски публикации, периодики, разгледници, ракописи, мапи, фотографии, картографии, каталози, ориентални ракописи… Ќе се прошетаме низ поетиката на Одделот за периодика во Градска библиотека „Браќа Миладиновци“-Скопје, а пријавените ќе добијат едногодишно членство во библиотеката, бидејќи знаењето треба да е подеднакво достапно за сите.

Откако ќе каснеме и пораснеме од носталгичниот шарм на списанијата и весниците ќе ги прошириме дигиталните хоризонти со креирање на нови и нови и нови (не)фикцинални содржини - и во онлајн просторот и преку физичко споделување на кирилицата.

Пријавените на оваа работилница ќе се здобијат со вештини за креирање, уредување и објавување на свој авторски текст онлајн и во печатена форма, испробувајќи уредување на текст во Wordpress, блог форма или преку платформи кои се базираат на AI. Правилото на ова работилница е: „WordPress does not make me depressed“.

Ќе учиме КОЈ?, ШТО?, КОГА?, КАДЕ? и КАКО?, а најмногу ЗОШТО?... Но, фино е да се запамети - границата меѓу фактот и фикцијата е потенка, но и поостра од хартијата на дневниот весник ;)

По многу читање, пишување и патување, работилницата ќе ја заокружиме со уредување на текстови /дигитално и аналогно/ кои потоа ќе може да се прочитаат во печатено списание од млади за млади.

Ќе биди супер, ве очекуваме

Патешествие 🍃

Се движам, се движам, одам, барам, трчам, паѓам… Прочитај го расказот на Михаела Јовановска, напишан на работилницата „кЛИК, сЛИК - сподели кирилица“ во Битола.

кЛИК тука: https://dumainsumma.com/pateshestvie