Fakulteti i Shkencave Islame - Shkup/Факултет за Исламски Науки - Скопје

Fakulteti i Shkencave Islame priti delegacion nga Emiratet e Bashkuara Arabe

Sot, më 04.06.2026, në ambientet e Fakultetit të Shkencave Islame, Dekani, Prof. Dr. Abdulxhemil Nesimi, i shoqëruar nga Prof. Dr. Shinazi Memedi, sekretari Neim Misimi dhe stafi administrativ, priti një mysafir të veçantë nga Emiratet e Bashkuara Arabe, Shejh Salim Ahmed Muhamed Al Kasimi, së bashku me delegacionin e tij.
Gjatë takimit u zhvillua një bisedë miqësore dhe konstruktive, ku u theksua rëndësia e bashkëpunimit institucional, shkëmbimit të përvojave dhe promovimit të vlerave të arsimit, dijes dhe mirëkuptimit të ndërsjellë. Mysafirët u njohën nga afër me veprimtarinë akademike, arsimore dhe shkencore të Fakultetit, si dhe me projektet dhe vizionin e tij për zhvillimin e mëtejshëm.
Në shenjë mirënjohjeje dhe respekti për mbështetjen e dhënë ndër vite, Fakulteti i Shkencave Islame i dhuroi mysafirit një dhuratë simbolike institucionale, si dëshmi e vlerësimit të thellë për kontributin e familjes së tij në realizimin e këtij projekti me rëndësi të veçantë për arsimin dhe formimin akademik.
Vizita u realizua falë angazhimit të Ambasadorit të Republikës së Maqedonisë së Veriut në Emiratet e Bashkuara Arabe, z. Abdulkader Memedi, të cilit Fakulteti i Shkencave Islame i shpreh mirënjohje të veçantë për kontributin e tij në forcimin e lidhjeve të bashkëpunimit dhe miqësisë.
Fakulteti i Shkencave Islame mbetet i përkushtuar në kultivimin e marrëdhënieve me institucionet dhe personalitetet ndërkombëtare, duke promovuar bashkëpunimin, respektin e ndërsjellë dhe zhvillimin e qëndrueshëm akademik.

Reis-ul-Ulema H. Hfz. Shaqir ef. Fetahu u nderua me dekoratë nga Oda Ekonomike e Maqedonisë Veri-Perëndimore

Në kuadër të ceremonisë solemne të organizuar me rastin e shënimit të 20-vjetorit të OEMVP - Odës Ekonomike të Maqedonisë Veri-Perëndimore Reis-ul-Ulema i Bashkësisë Fetare Islame në Republikën e Maqedonisë së Veriut, H. Hfz. Shaqir ef. Fetahu, u nderua me dekoratë mirënjohjeje për kontributin e tij të çmuar në promovimin e vlerave të dialogut, harmonisë shoqërore dhe bashkëpunimit ndërinstitucional. Ky vlerësim përbën një dëshmi të respektit institucional ndaj rolit dhe angazhimit të tij në afirmimin e vlerave universale, forcimin e kohezionit shoqëror dhe kultivimin e kulturës së mirëkuptimit e bashkëpunimit në vend. Në këtë ceremoni solemne mori pjesë edhe Dekani i Fakultetit të Shkencave Islame, Prof. Dr. Abdulxhemil Nesimi, i shoqëruar nga profesorë të Fakultetit, duke dëshmuar kështu përkushtimin e institucionit ndaj bashkëpunimit me faktorët relevantë të jetës akademike, fetare dhe shoqërore. Ceremonia mblodhi personalitete të shquara nga jeta publike, akademike, ekonomike dhe fetare, duke shënuar një jubile të rëndësishëm në historinë e Odës Ekonomike të Maqedonisë Veri-Perëndimore dhe kontributin e saj në zhvillimin ekonomik e shoqëror të vendit.

Vizitë akademike në Fakultetin e Shkencave Islame në kuadër të programit Erasmus+

Fakulteti i Shkencave Islame pati kënaqësinë të mirëpresë Prof. Dr. Hasan Çoşkun, nga Universiteti Gaziosmanpaşa i Tokatit në një vizitë akademike dhe miqësore, e realizuar në kuadër të programit Erasmus+.
Profesori u prit nga prodekani Prof. Dr. Ziber Lata, Dr. Furkan Shabani dhe Mr. Vildan Kaloshi, të cilët i uruan mirëseardhje dhe zhvilluan një takim të frytshëm mbi mundësitë e bashkëpunimit akademik, shkencor dhe kulturor ndërmjet institucioneve.

Gjatë takimit u diskutuan tema me interes të përbashkët, duke theksuar rëndësinë e forcimit të lidhjeve akademike, shkëmbimit të përvojave dhe avancimit të projekteve të përbashkëta në fushën e studimeve islame. Një vëmendje e veçantë iu kushtua mundësive që ofron programi Erasmus+ për mobilitetin akademik, zhvillimin profesional të stafit dhe zgjerimin e bashkëpunimit ndërinstitucional.

Fakulteti i Shkencave Islame shpreh mirënjohjen për këtë vizitë të çmuar dhe mbetet i përkushtuar në zhvillimin e bashkëpunimeve që kontribuojnë në ngritjen e cilësisë akademike dhe shkencore, në përputhje me objektivat e programit Erasmus+ dhe ndërkombëtarizimin e arsimit të lartë.

Urime festa e Kurban Bajramit

Me rastin e festës së madhe të Kurban Bajramit, Fakulteti i Shkencave Islame – Shkup, në emër të Dekanit Prof.dr. Abdulxhemil Nesimi, ju përcjell urimet më të sinqerta për paqe, mirësi, shëndet dhe begati në familjet tuaja.

Kjo festë e bekuar le të na afrojë më shumë me vlerat e sakrificës, solidaritetit, dashurisë dhe respektit ndaj njëri-tjetrit.
Qoftë Kurban Bajrami burim i lumturisë, harmonisë dhe mëshirës për të gjithë besimtarët.

Allahu i pranoftë kurbanet, lutjet dhe veprat tuaja të mira.

Gëzuar Kurban Bajramin! Prof.dr. Abdulxhemil Nesimi
Dekan i Fakultetit të Shkencave Islame – Shkup

SHËNOHET DITA BOTËRORE E DIVERSITETIT KULTUROR PËR DIALOG DHE ZHVILLIM

Me rastin e Ditës Botërore të Diversitetit Kulturor për Dialog dhe Zhvillim, më 20 maj 2026, në ambientet e Komisionit për Marrëdhënie me Bashkësitë Fetare dhe Grupet Fetare (KOVZRG), u organizua një aktivitet i veçantë me pjesëmarrjen e përfaqësuesve të komuniteteve fetare, grupeve fetare dhe të rinjve nga institucione të ndryshme.

Në këtë aktivitet, Fakulteti i Shkencave Islame u përfaqësua nga kryetari i Parlamentit Studentor, Ismail Ismaili, i shoqëruar nga studentët Ebru Ajdari dhe Rejhan Sulejman, të cilët morën pjesë aktive në diskutimet dhe aktivitetet e organizuara.

Gjatë takimit u diskutua mbi rëndësinë e dialogut ndërfetar, promovimin e diversitetit kulturor dhe rolin e të rinjve në ndërtimin e një shoqërie të bazuar në paqe, tolerancë, respekt dhe mirëkuptim të ndërsjellë. Pjesëmarrësit theksuan se diversiteti kulturor dhe fetar përbën një vlerë të rëndësishme shoqërore, e cila kontribuon në forcimin e bashkëjetesës dhe harmonisë ndërmjet komuniteteve.

Në kuadër të aktivitetit, pjesëmarrësit u dekoruan me mirënjohje nga drejtoresha e KOVZRG-së, znj. Olivera Trajkovska, për kontributin dhe angazhimin e tyre aktiv në promovimin e dialogut dhe bashkëpunimit ndërkulturor e ndërfetar.

Ky aktivitet përcolli mesazhe të rëndësishme për nevojën e forcimit të dialogut, bashkëpunimit dhe respektit reciprok, si dhe për promovimin e vlerave të diversitetit kulturor dhe fetar si themel për një shoqëri demokratike dhe gjithëpërfshirëse.

Prof. Dr. Abdulxhemil Nesimi vizitoi Fakultetin e Ilahijatit në Kütahya të Turqisë

Sot, më 22.05.2026, Prof. Dr. Abdulxhemil Nesimi, i shoqëruar nga Doc. Dr. Mumin Omerov dhe sekretari i Fakultetit, Neim Misimi, realizoi një vizitë zyrtare në Fakultetin e Ilahijatit në Kütahya të Turqisë. Delegacioni u prit nga dekani i fakultetit, Prof. Dr. Ismail Gülçen, Doc. Dr. Selami Erdoğan, koordinator i programit Erasmus+, si dhe nga stafi akademik i këtij institucioni universitar.

Gjatë takimit u diskutua për rëndësinë e bashkëpunimit ndëruniversitar dhe rolin e programeve ndërkombëtare në avancimin profesional dhe akademik të studentëve dhe stafit universitar. Dekani i Fakultetit të Shkencave Islame, Prof. Dr. Abdulxhemil Nesimi, theksoi përkushtimin e institucionit për forcimin e lidhjeve akademike dhe zgjerimin e bashkëpunimit ndërkombëtar në fushën e arsimit dhe studimeve islame.

Nga ana tjetër, përfaqësuesit e Fakultetit të Ilahijatit shprehën kënaqësinë për realizimin e kësaj vizite dhe gatishmërinë për të intensifikuar bashkëpunimin ndërmjet dy institucioneve, veçanërisht në kuadër të programit Erasmus+, përmes shkëmbimit të profesorëve, studentëve dhe përvojave akademike.

Në fokus të veçantë të bisedimeve ishte krijimi i mundësive të reja për projekte të përbashkëta shkencore, organizimin e aktiviteteve akademike dhe zhvillimin e partneriteteve afatgjata ndërinstitucionale, me qëllim ngritjen e cilësisë së arsimit universitar dhe promovimin e bashkëpunimit ndërkombëtar.

Vizita u zhvillua në një atmosferë miqësore dhe konstruktive, duke përfunduar me zotimin e ndërsjellë për vazhdimin e kontakteve dhe realizimin e aktiviteteve të përbashkëta në të ardhmen.

Delegacioni i Fakultetit të Shkencave Islame merr pjesë në Simpoziumin Ndërkombëtar në Kütahya të Turqisë

Dekani i Fakultetit të Shkencave Islame, Prof. Dr. Abdulxhemil Nesimi, i shoqëruar nga Doc. Dr. Mumin Omerov dhe sekretari Mr. Neim Misimi, po merr pjesë në Simpoziumin Ndërkombëtar me temë “Dimensionet fetare, historike, kulturore dhe shoqërore të festave”, i organizuar nga Universiteti Dumlupınar, Fakulteti i Ilahijatit në Kütahya të Turqisë.

Ky aktivitet shkencor ndërkombëtar mbledh studiues, profesorë dhe hulumtues nga vende të ndryshme të botës, me qëllim të trajtimit akademik të rolit dhe rëndësisë së festave në aspektin fetar, historik, kulturor dhe shoqëror, si dhe ndikimit të tyre në ruajtjen e identitetit dhe traditës në shoqëritë bashkëkohore.

Në kuadër të simpoziumit, delegacioni i Fakultetit të Shkencave Islame u prit nga Rektori i Universitetit, Prof. Dr. Süleyman Kızıltoprak, dhe Dekani i Fakultetit të Ilahijatit, Prof. Dr. İsmail Gülcen, të cilët shprehën kënaqësinë për pjesëmarrjen dhe bashkëpunimin akademik ndërinstitucional ndërmjet dy institucioneve.

Prezenca e delegacionit u përshëndet gjithashtu nga protokolli organizativ, si dhe nga studiues e pjesëmarrës ndërkombëtarë, të cilët vlerësuan kontributin e Fakultetit të Shkencave Islame në promovimin e dialogut akademik, bashkëpunimit shkencor dhe shkëmbimit të përvojave ndërmjet institucioneve të arsimit të lartë.

Në kuadër të sesioneve shkencore, Prof. Dr. Abdulxhemil Nesimi dhe Doc. Dr. Mumin Omerov u paraqitën me temën:
“Aktivitetet e Vakëfeve në Maqedoni gjatë Ramazanit dhe Bajramit nga Perandoria Osmane deri në Ditët e Sotme”.

Punimi trajton rolin historik dhe shoqëror të vakëfeve në organizimin e jetës fetare dhe humanitare gjatë muajit të Ramazanit dhe festës së Bajramit, duke paraqitur vazhdimësinë e traditës së vakëfeve nga periudha osmane deri në kohën moderne.

Simpoziumi dyditor përfshin sesione shkencore, diskutime akademike dhe prezantime studimore që trajtojnë rëndësinë e festave në ruajtjen e identitetit fetar, kulturor dhe shoqëror, duke krijuar një hapësirë të rëndësishme për bashkëpunim dhe komunikim akademik ndërkombëtar.

Profesorë nga Universiteti Kilis 7 Aralık University vizituan Fakultetin e Shkencave Islame në kuadër të programit Erasmus+

Sot, më 19.05.2026, në kuadër të programit Erasmus+, Fakulteti i Shkencave Islame pati kënaqësinë të mirëpresë një delegacion akademik nga Kilis 7 Aralık University, në një vizitë zyrtare me qëllim forcimin e bashkëpunimit ndëruniversitar dhe shkëmbimin e përvojave akademike e shkencore.

Delegacioni përbëhej nga Prof. Dr. Omer Xhide, Doc. Dr. Mehmet Su dhe Dr. Ahmed Kuraj, të cilët u pritën nga Dekani i Fakultetit të Shkencave Islame, Prof. Dr. Abdulxhemil Nesimi. Gjatë takimit u diskutua mbi rëndësinë e bashkëpunimit ndërkombëtar në fushën e arsimit të lartë, zhvillimin e projekteve të përbashkëta akademike dhe shkencore, si dhe zgjerimin e mundësive për mobilitet të studentëve dhe stafit akademik në kuadër të programeve ndërkombëtare.

Në një atmosferë miqësore dhe akademike, profesorët shkëmbyen ide dhe përvoja lidhur me zhvillimet bashkëkohore në arsimin e lartë dhe studimet islame, duke theksuar rëndësinë e bashkëpunimit institucional dhe avancimit të veprimtarisë shkencore ndërmjet dy institucioneve.

Në kuadër të kësaj vizite, profesorët realizuan takime edhe me studentët e fakultetit dhe mbajtën ligjërata tematike në fusha të ndryshme të studimeve islame. Ligjëratat u ndoqën me interes të veçantë nga studentët dhe stafi akademik, duke kontribuar në pasurimin e jetës akademike, shkëmbimin e njohurive dhe forcimin e lidhjeve ndërmjet institucioneve partnere.

Kjo vizitë paraqet një hap të rëndësishëm drejt thellimit të bashkëpunimit akademik ndërkombëtar dhe krijimit të mundësive të reja për zhvillim të përbashkët në fushën e arsimit, kërkimit shkencor dhe aktiviteteve akademike.

Dekani i Fakultetit të Shkencave Islame vizitoi Medresenë “Isa Beu”

Dekani i Fakultetit të Shkencave Islame – Shkup, Prof. Dr. Abdulxhemil Nesimi, realizoi një vizitë zyrtare në Medresenë “Isa Beu”, ku u prit nga drejtori i institucionit, Dr. Islam Islami, si dhe nga stafi arsimor dhe nxënësit maturantë të medresesë.

Në kuadër të kësaj vizite, dekani zhvilloi një takim me maturantët dhe nxënësit, gjatë të cilit i njoftoi ata me programet studimore, drejtimet akademike dhe kushtet që ofron Fakulteti i Shkencave Islame për studentët e ardhshëm. Ai theksoi rëndësinë e vazhdimit të arsimit të lartë dhe rolin që Fakulteti ka në përgatitjen profesionale, shkencore dhe fetare të kuadrove të reja.

Në fjalën e tij, Prof. Dr. Nesimi ndau edhe kujtime personale nga koha kur ishte nxënës i Medresesë “Isa Beu”, duke shprehur nostalgjinë për ato vite dhe duke rikujtuar dëshirën e kahershme të gjeneratës së tij dhe të profesorëve për ekzistimin e një institucioni të arsimit të lartë islam në vend. Ai theksoi se dikur kjo ishte një ëndërr e përbashkët, ndërsa sot Fakulteti i Shkencave Islame përfaqëson realizimin e saj dhe një mundësi të rëndësishme për brezat e rinj që dëshirojnë të vazhdojnë rrugën e dijes dhe formimit akademik.

Nxënësve iu drejtua edhe prodekani i Fakultetit, Prof. Dr. Ziber Lata, i cili foli për rëndësinë e përkushtimit në rrugën e dijes, si dhe për mundësitë akademike dhe zhvillimore që ofron Fakulteti i Shkencave Islame.

Të pranishmit i përshëndeti edhe drejtori i Medresesë “Isa Beu”, Dr. Islam Islami, i cili shprehu mirënjohje për vizitën dhe vlerësoi bashkëpunimin e vazhdueshëm ndërmjet dy institucioneve, duke theksuar rëndësinë e forcimit të lidhjeve akademike dhe institucionale në shërbim të arsimit, edukimit dhe komunitetit në përgjithësi.

Pas takimit, përfaqësuesit e Fakultetit vizituan ambientet e medresesë dhe zhvilluan biseda të përbashkëta me stafin arsimor, duke riafirmuar gatishmërinë për vazhdimin dhe thellimin e bashkëpunimit ndërinstitucional në të ardhmen.

Fakultetin e Shkencave Islame – Shkup e vizitoi kryetari i Fondacionit “Axis për Zhvillim dhe Qytetërim”

Sot, më 18.05.2026, Fakultetin e Shkencave Islame – Shkup e vizitoi kryetari i Fondacionit “Axis për Zhvillim dhe Qytetërim”, Rufat Sherifi, i shoqëruar nga nënkryetari i fondacionit, mr. Fevzi Musliu. Ata u pritën nga dekani i fakultetit, Prof. Dr. Abdulxhemil Nesimi, në një atmosferë të ngrohtë dhe miqësore, ku u zhvillua një takim i frytshëm me karakter institucional dhe bashkëpunues.

Gjatë takimit, palët shkëmbyen informacione rreth veprimtarisë, misionit dhe aktiviteteve të institucioneve që përfaqësojnë, duke theksuar rëndësinë e bashkëpunimit ndërmjet sektorit akademik dhe atij humanitar e shoqëror. Në fokus të bisedimeve ishte zgjerimi i bashkëpunimit në fusha me interes të përbashkët, si dhe realizimi i projekteve konkrete që do të kontribuojnë në avancimin e aktiviteteve edukative, sociale dhe humanitare.

Të dyja palët shprehën gatishmërinë për vazhdimin e komunikimit dhe organizimin e takimeve të ardhshme, me synim forcimin e bashkëpunimit institucional në dobi të studentëve, komunitetit dhe shoqërisë në përgjithësi.

Në shenjë respekti dhe mirënjohjeje reciproke, u shkëmbyen dhurata simbolike, si shprehje e vlerësimit për vizitën dhe përkushtimin ndaj bashkëpunimit të ndërsjellë.

Pas takimit zyrtar, mysafirët vizituan ambientet e Fakultetit të Shkencave Islame, përfshirë edhe bibliotekën e fakultetit, ku u njohën nga afër me kushtet akademike, infrastrukturën dhe veprimtarinë edukativo-shkencore të institucionit.