Градинка Срничка

Во посета на Меѓународниот аеродром Скопје. ✈️
Со голема љубопитност децата се запознаа со работата на аеродромот, авионите и луѓето кои секојдневно се грижат за безбедно патување на патниците.
Посетата беше исполнета со нови знаења, возбуда и незаборавни впечатоци за нашите најмили. ❤️
Објект,, Чекорче,,
Возрасна група од 4 до 5 години
Воспитен тим: Сузан Тешева, Елена Накова Николоска и Филарети Јанковска

🍀☘️🍀Група „Детелинки“ од објект "Чекорче" со многу емоции се збогуваа од градинката и своите сакани учителки: Ирена Тирчоска и Јасмина Јовеска. 🌸
Низ игра, песна и смеа израснаа во мали, храбри и подготвени идни првачиња.
Им посакуваме среќен почеток, многу успеси и безгрижно детство исполнето со радост и нови другарства. ❤️

„Застани, погледни, па на пешачки премини!“ 🚸
Сообраќајната култура се учи од најмала возраст.
Да ги научиме децата секогаш внимателно да поминуваат улица, да ги почитуваат сообраќајните правила и да бидат безбедни учесници во сообраќајот.
Безбедноста е одговорност на сите нас! 💛
Претставата ЗАСТАНИ, ПОГЛЕДНИ ПА НА ПЕШАЧКИ ПРЕМИНИ има за цел преку театарско-едукативен пристап, пропратен со забава, хумор, песни и игри, да ги научи децата на основните сообраќајни правила: како се преминува улица, препознавање на знаци и сигнализација , безбедно движење со велосипед/тротинет и сузбивање на стравовите и грешната перцепција за сообраќајната полиција.

Завршна приредба на децата од големата група во објект Чекорче.
Со многу емоции, насмевки и детска радост, децата се збогуваа со градинката и своите сакани учителки Елизабета Ѓорѓиевска и Горица Николовска.
Им посакуваме среќен почеток во училишните клупи, многу успеси, нови другарства и безгрижно детство исполнето со љубов и радост.
Голема благодарност до учителките за нивната посветеност, грижа и љубов со која ги водеа децата низ нивните први и најубави чекори.

По повод 24 Mај, Денот на сесловенските просветители "св.Кирил и Методиј", дечињата од објект "Бамби" учествуваа на манифестацијата "Цртање на асфалт ". Под мотото „Ја учам азбуката, моите први букви“, во дворот на Детскиот културен центар „Карпош“ преку цртежи на асфалт, ја изразија својата креативност и го одбележија овој голем ден на кој се сеќаваме на ликот и делото на браќата Кирил и Методиј, светите браќа просветители што им оставија голем аманет на идните генерации.🇲🇰🇲🇰🇲🇰

24 МАЈ – ДЕНОТ НА СЕСЛОВЕНСКИТЕ ПРОСВЕТИТЕЛИ

Народ без писмо е како небо без ѕвезди!
Секое слово што денес го пишуваме е тивок споменик на нивното дело!

Солунските браќа Кирил и Методиј се мисионери на христијанството и наши први учители кои имаат историско, културно и просветно значење за светот. Нивната просветителска мисија е поттик за единствен епохален цивилизациски и историско-културен процес. Темелот на овој процес е создавањето на глаголицата – првата словенска азбука, која автентично ги доловува словенските фонетски карактеристики со длабок печат на христијанските симболи. Горди сме на светите браќа Кирил и Методиј, нивното дело е штитот на нашиот идентитет и патоказ за посветла иднина.
Кирил и Методиј, не ја создале само азбуката туку тие ги создале - светлината на слепите и звукот на глувите. Затоа велима, нивното дело не е само дел од минатото, туку жива светлина што и денес го осветлува патот на образованието, културата и духовноста. Во својата непроценлива мисија тие се соочиле со многу тешкотии, но никогаш не се откажале. Нивната истрајност покажува колку е голема силата на човекот кој верува во својата цел. Тие не се бореле со оружје, туку со мудрост и знаење поттикнати од енормната љубов кон сопствениот народ. Со својата мудрост, вера и посветеност, успеале да му подарат на народот нешто бесценето – писмо, знаење, надеж.
Денес, длабоко им се поклонуваме на овие словенски просветители затоа што во наследство ни ја оставија азбуката, писменоста и духовноста. Тие го научија народот дека зборот има волшебна моќ да го менува светот. Во пресрет на овој значаен ден - 24 Мај, потсетуваќи се на делото на големите просветители, во градинката „Срничка“, преку едукативни текстови, стихови и разговор со децата ќе се обидеме да го опишеме огромното непроценливо дело на словенските просветители, кои како први учители го посеале семето на просветата мегу словенските народи и описмениле многу ученици кои станале следбеници на нивното дело.
Благодарение на Кирил и Методиј, словото стана сила што ги обедини народите, тие не создадоа само азбука туку и пат кон духовно будење.
,,Весела азбучна авантура " е темата со која децата од објект "Црвенкапа" под водство на воспитувач Лидија Малинковска го одбележаа Денот на сесловенските просветители Св. Кирил и Методиј. Преку игра, истражување и креативност децата од големата група - идни првачиња патуваваа низ светот на буквите.
24 МАЈ
Свети Кирил и Методиј
празникот го славиме,

на просветителите за азбуката
од срце им благодариме.

Пред нивната биста
со цвеќе во рака стоиме,
за нивното дело
да им се поклониме.

Нашите првачиња – мали колачиња, денес блеснаа на својата завршна приредба. 🍪🎉
Со насмевки, песна и радост покажаа колку пораснале и колку многу научиле.
Горди сме на секој нивен чекор, а спомените од овие прекрасни мигови ќе останат засекогаш во нашите срца.
Среќно, драги првачиња, продолжете храбро кон новите успеси! 🌸📚
Голема благодарност до учителките Светлана Дичоска и Христина Митовска за прекрасната завршна приредба на нашите првачиња.
Со многу љубов, трпение и посветеност им подаривте незаборавни моменти на децата и нивните родители.
Вашата грижа, топлина и труд оставија прекрасни спомени и сигурни чекори кон новото училишно поглавје.
Ви благодариме за сè што направивте за нашите најмили. 🌸👏

По повод Меѓународниот ден на музеите, децата го посетија музејот на железниците и одблиску се запознаа со возовите, железничката станица и работата на луѓето кои секојдневно се грижат за безбедно одвивање на железничкиот сообраќај. 🚂🚦
Со голема љубопитност поставуваа прашања, истражуваа и со внимание ги следеа интересните информации и приказни поврзани со железницата. Посетата беше прекрасно и едукативно искуство кое кај децата поттикна нови знаења и интерес за сообраќајот и музејската дејност.
Голема благодарност до вработените за топлиот пречек, гостопримството и незаборавното искуство што им го овозможија на децата. 😊
Објект,, Чекорче,,
Возрасна група од 4 до 5 години
Воспитен тим: Сузан Тешева, Елена Накова Николоска и Филарети Јанковска -

Малите "сонциња" заблескаа на својата завршна приредба, исполнувајќи ја салата со радост, насмевки и детска искреност. Со многу љубов, посветеност и трпение, учителките ги подготвија дечињата за успешен и сигурен училишен почеток.
Голема благодарност до нив, Лидија Тошева Пеева и Љупка Вељанова за нивната неизмерна љубов, грижа, трпение и посветеност во воспитувањето и подготовката на дечињата. Вашиот труд и топлина ќе останат засекогаш во детските срца. 🌸
Честитки за прекрасната приредба и многу успех на идните првачиња на нивниот нов животен пат!