Ученичка заедница Никола Карев

28/11/2021

Хуманитарниот дух просперира во Карев.
Неодамна по повод патронатот на Средното Училиште во Скопје, се испланира и реализира хуманитарна акција во коja земаа учество членови на Ученичката заедница на Карев.
На ден 12.11.2021 Каревци со помош од Црвениот крст доставија прехранбени производи на социјално загрозени семејства.

16/06/2021

Наши ученици од „Никола Карев“ учествуваа во креативниот проект наречен Творилница и преку три работилници создаваа своја уметност во писателско-читателскиот клуб.

Завршниот настан се случуваше на 9 јуни 2021 во вечерните часови на кровот на ГТЦ каде со свои творби се претставија : Леонид Велковски со песната „Стол“, Исидира Тримоска со есејот „Јазикот на душата“, Матеј Димоски со свое видување за завршница на текст, во чие читање му асистираше Мирна Мемиќ.

08/06/2021

31/05/2021

🎶Композиција „Молитва“ - Б.К. компонирана од Сашо Ливрински – Лаврод специјално за нашиот хор за настанот „Ден на Блаже Конески“ (28.5.2021 г.)

👏🏼Прекрасна изведба на делото на Блаже Конески од нашите ученици под менторство на нашата драга професорка Jasmina Belicanska

🔊Погледнете го и инспирирајте се! 🔊

Изведба на композицијата „Молитва“ која премиерно беше прикажана на настанот „Ден на Блаже Конески“ по повод стогодишнината од раѓањето на Блаже Конески и „...

31/05/2021

Ден на Блаже Конески

На 28 мај 2021 година со почеток од 19 часот се одржа свечен настан „Ден на Блаже Конески“ по повод стогодишнината од раѓањето на Блаже Конески и „2021-Година во чест на Блаже Конески“ во соработка со Фондација „Небрегово“ • Foundation "Nebregovo"

На свеченоста зборуваше директорот Андреј Манолев и професорката Билјана Костова која се осврна на ликот и делото на Блаже Конески. Посебен гостин ни беше Секретарот на фондацијата „Небрегово“, професор Атанас Конески кој зборуваше за значењето на фондацијата и за достојно одбележување на големото дело на великанот Блаже Конески.

Професорите и учениците реализираа богата уметничка програма во која настапија:
- училишниот хор со изведба на оригинална композиција на песната „Молитва“ од Блаже Конески,
- ликовната секција со дигитална изложба на цртежи испирирани од поезијата на Конески,
- фолклорната група со избедба на прилепско оро,
- посебен белег даде рециталот во кој се читаа лични творби од конкурсот „Поетски пораки за Конески“ објавен од фондацијата „Небрегово“ и песни од Блаже Конески.

На учесниците во програмата им беше доделена книгата од Трајко Стаматоски „Македонски јазик: идентитет и континуитет.“ , како донација од Култура.

*Благодарни им сме и на организацијата Youth.MK кои се погрижија за преносот во живо на настанот на интернет.

**Во продолжение може да ги погледнете фотографиите од настанот.

26/05/2021

„Ден на Блаже Конески“

❓Што: Одбележување 100 години од раѓањето на Блаже Конески
⏳Кога: 28 Мај 2021 од 19 - 20 часот
📍Каде: Амфитеатарот во дворот на СУГС „Никола Карев“ – Скопје и ПРЕНОС ВО ЖИВО
*Линк за преносот во живо ќе биде достапен на денот на одржување на настанот

🎭Активностите кои може да ги проследите се:
- Поетско читање на лични творби и песни од Б. Конески,
- Хорска изведба и фолклор,
- Уметничка изложба,
- Настап на играорна група,
- Песна на знаковен јазик.

*Настанот го организираат СУГС гимн. „Никола Карев“ во соработка со Фондацијата за македонски јазик „Небрегово“.

20/05/2021

Во дворот на Институтот за македонски јазик „Крсте Мисирков“, по повод 100 години од раѓањето на Блаже Конески, вчера сe одржа тркалезна маса „Разговори со Конески“.

„Лично јас како матурантка и личност која исклучително го цени творештвото на Блаже Конески, можам да кажам дека сум почестена што присуствував на овој настан. Уживав во секој дел и во секој искажан збор. Професорите од Филолошкиот факултет имале прекрасни доживувања со Конески, тие ја имале таа чест да водат најразлични разговори со него. Токму затоа името на настанот беше ,,Разговори со Конески’’ - сподели Анастасија Златковска, матурантка од нашето училиште.

Дополнително, учениците ја посетија и спомен собата на Крсте Мисирков која се наоѓа во Институтот на македонски јазик.

На настанот присуствуваа градоначалникот на Град Скопје Петре Шилегов, директорката на Институтот „Крсте Мисирков“ Елена Јованова-Грујовска, професорите Вера Антиќ, Људмил Спасов и Благица Петковска, како и професорката Билјана Костова заедно со матуранти од нашето училиште.

18/05/2021

🥼🧥СОБИРНА АКЦИЈА ЗА ПОЛОВНА ОБЛЕКА 🧥🥼

🙏🏼Голема благодарност до учениците и вработените кои се вклучија во активноста.

*На сликата се претставници од училиштето кои ја врачија донираната облека на ЦКРСМ ОО - Карпош.

28/04/2021

Нашите ученици учествуваа на интернационален онлајн проект ,,Дали се познаваме?“ (Do We Know Each other?) со училиште-партнер од Република Полска.

Стекнаа нови познанства од градот Тихи (pol. Tychy), разговараа за стереотипите кон двата народи и ги разбија истите, научија за сличностите и поминаа прекрасно време заедно за време на заедничките онлајн средби и работилници.

„Но пред се', во ова време/невреме, го стекнавме она највредното а тоа се нови пријателства!“ - Јулијана Зафирова
Повеќе инфорамции подоле на објавата на нашиот професор и координатор Јулијана Зафирова