Филозофија Фзф УКиМ

🎓 СТАНЕТЕ ДЕЛ ОД АЛУМНИ ЗАЕДНИЦАТА НА ФИЛОЗОФСКИОТ ФАКУЛТЕТ – СКОПЈЕ

Филозофскиот факултет не е само место каде што се стекнуваат знаења – тој е заедница која ги поврзува генерациите студенти, професори и професионалци.

Центарот за кариера на Филозофскиот факултет работи на зајакнување на Алумни заедницата со цел да создаде простор за поврзување, размена на искуства, професионална соработка и поддршка на сегашните и идните студенти.

Доколку сте дипломирале на Филозофскиот факултет при Универзитетот „Св. Кирил и Методиј“ во Скопје, ве покануваме да станете дел од нашата Алумни заедница.

📱 Скенирајте го QR кодот и пополнете ја пристапницата.

Заедно ја продолжуваме приказната на Филозофскиот факултет, ги зајакнуваме врските меѓу генерациите и создаваме нови можности за соработка, развој и успех.

#ФилозофскиФакултет #УКИМ #АлумниЗаедница #ЦентарЗаКариера #ФилозофскиСкопје #Алумни #ЗаедноРастеме

📚🏆 Гордост за Филозофскиот факултет!

Со особена чест и задоволство споделуваме дека Илија Вељановски, студент на студиската програма Филозофија, е добитник на престижната награда за најдобро дипломиран студент за учебната 2024/2025 година, која традиционално се доделува на најуспешни студенти на Универзитетот „Св. Кирил и Методиј“ во Скопје.

Илија има извонреден успех и просечна оценка 9,98 потврдувајќи дека посветеноста, знаењето и љубовта кон науката се вредности кои заслужуваат признание.

Наградата претставува едно од најзначајните студентски признанија на УКИМ и се доделува на студенти кои со своите академски достигнувања оставаат траен белег во универзитетската заедница.

Му честитаме на Илија за овој голем успех и му посакуваме уште многу лични, академски и професионални достигнувања во иднина.

🎓 Филозофски факултет – место каде што се препознаваат и вреднуваат извонредноста, знаењето и посветеноста.

#ФилозофскиФакултет #УКИМ #ГордостНаФилозофски #СтудентскиУспеси #Филозофија

16. издание на Филозофскиот филмски фестивал (16. ФФФ), годинава се одржува под мотото „Слобода во слободен пад“. Главната програма ќе се одржи од 21-28 мај во Младинскиот културен центар – Скопје (МКЦ).

Фестивалот на 21 мај (четврток, 20:00) ќе биде отворен со филмот од официјална селекција на долгометражен филм „Друг крај“ на италијанскиот режисер Пјеро Месина.

Последниот филм што го снима Жан-Лик Годар, краткометражниот „Сценарија“ ќе биде прикажан на затворањето на Фестивалот на 28 мај (четврток, 20:00).

За отворањето и затварањето на Фестивалот се предвидени музички концерти на „Галактик ефенди“ и „Кокиче“ проследени со пригодни коктел забави.

За времетраењето на Фестивалот во „Фросина“ (МКЦ) ќе можат да се погледнат:

5 филмови во Официјалната селекција на долгометражни филмови (селектор: проф. м-р Кирил Трајчев) – „Друг крај“ од Пјеро Месина /IT/, „Спомен за мирисот на нештата“ од Антонио Фереира /BR/PT/, „Туѓинка“ од Лусија Алењар Иглесијас /ES/IT/SE/, „Тивок пријател“ од Илдико Ењеди /CN/DE/FR/HU/ и „Месечината ми е татко“ од Гиорги Овашвили /BG/CZ/DE/GE/TR/.

15 филмови во Официјалната селекција на краткометражни филмови (селектор: д-р Дејан Здравков) – филмови/копродукции од 24 земји: OAE, Канада, Шпанија, Хрватска, Србија, Словенија, Литванија, Норвешка, Нов Зеланд, Бразил, Кина, Аргентина, Франција, Грција, Палестински територии, Бангладеш, Филипини, Данска, ЈАР, Исланд, Шведска, Мексико, Македонија, Хаити.

7 филмови во Селекцијата на есеј филмови (селектор: Ана Дишлиеска Митова) – „Постојан центар на гравитација“ од Лилија Тимирзјанова /АТ/GR/RU/, „Сина планина. Бел облак“ од Мигле Крижинаускаите /LT/, „Ќе се разбудам кога ќе се наспијам“ од Сиги Голан /IL/, „Ноќните цвеќиња на Дарја“ од Марјам Тафакори / FR/GB/IR/, „Слободна верност“ од Даниел Џин /АU/, „Град на поети“ од Сара Раџаи/NL/ и „Вишок живот (и распаѓање)“ од Стефани Лагард /FR/NL/.

4 филмови во Ревијалната програма „Филм–философија“ – „Истражна постапка против еден граѓанин надвор од секакво сомнение“ (1970) од Елио Петри /IT/, излагање и дискусија со публика: Адријано Ерколани (Италија); „Ах, Кармела!“ (1990) од Карлос Саура /ES/IT/, излагање и дискусија со публика: м-р Грација Атанасовска; „Патот“ (1982) од Јилмаз Ѓунеј /FR/TR/, излагање и дискусија со публика: проф. д-р Дина Јорданова (Бугарија); „Ќе умреш на дваесет“ (2019) од Амџад Абу Алала /DE/EG/FR/NO/QA/SD/, излагање и дискусија со публика: проф. д-р Илина Јакимовска.

2 филмови во Придружна програма: „Јилмаз Ѓунеј: Неговиот живот, неговите филмови“ (1987) од Џејн Милс /GB/, обраќање на Донат Којш (Швајцарија), продуцент на „Патот“ од Јилмаз Ѓунеј; и „Сценарија“ (2024) од Жан-Лик Годар /FR/JP/.

ФФФ доделува награди „Златен був“ од стручното жири и од публиката во официјалните селекции на долгометражни и краткометражни филмови. Интернационалното жири го сочинуваат: Габриеле Зиндлер (Австрија), Адријано Ерколани (Италија) и Катерина Колозова (Македонија).

Целосната програма на 16. Филозофски филмски фестивал е достапна на веб-страницата: pff.mk

Повик за учество
Меѓународна конференција „Филозофијата и стварноста“
Скопје, 15–16 септември 2026

По повод 80 години од основањето на Институтот за филозофија, Институтот за филозофија при Филозофскиот факултет – Скопје со радост ги поканува истражувачите и практичарите да учествуваат на меѓународната конференција „Филозофијата и стварноста“.
Конференцијата е отворена за трудови од сите области на филозофијата, како и од сродни и интердисциплинарни области.
Рокот за поднесување апстракти (до 300 зборови) е 10 мај 2026 година.

Досега потврдени пленарни говорници се: Стивен Прист од Универзитетот во Оксфорд и Марија Кармен Велајос Кастело од Универзитетот во Саламанка.

Повикот за учество и формуларот за пријавување се достапни на:
http://fzf.ukim.edu.mk/insitutfilozofija123/
---------------------------
Call for Participation
International Conference “Philosophy and Reality”
Skopje, 15–16 September 2026

On the occasion of the 80th anniversary of the Institute of Philosophy, the Institute of Philosophy at the Faculty of Philosophy – Skopje is pleased to invite scholars, researchers, and practitioners to participate in the international conference “Philosophy and Reality.”
The conference welcomes contributions from all areas of philosophy, as well as related and interdisciplinary fields.
The deadline for abstract submission (up to 300 words) is 10 May 2026.

The keynote speakers confirmed at present are: Stephen Priest from the University of Oxford and María Carmen Velayos Castelo from the University of Salamanca.

The Call for Participation and the Application Form are available at:
http://fzf.ukim.edu.mk/insitutfilozofija123/

Нашите апсолвенти

Пристапното предавање како дописен член на МАНУ, проф. д-р Иван Џепароски
ќе го одржи во Амфитеатарот на МАНУ, на 15 април (среда) 2026 година, во 12 часот.

Предавањето ќе биде на тема „УМЕТНОСТА И ИНСТИТУЦИОНАЛНАТА ТЕОРИЈА НА УМЕТНОСТА“.

На ден 07. 04. 2026 година (вторник) со почеток во 11:00 часот, во Салата за седници ќе се одржи Комеморативна седница во сеќавање на проф. д-р Кирил Темков.

Додипломците и постдипломците од Институтот за филозофија - Александра Арсовска, Марија Гушкова, Христијан Мурџески и Илија Вељановски учествуваа на CEEPUS Summer School of Bioethics од 16-21 март во Печ, Унгарија.

Проф. д-р Дејан Донев учествуваше со предавање на тема „Hans Küng и светскиот етос“ во рамки на CEEPUS Bioethical Summer School, што се одржа во Печ, Унгарија.

Го заокружуваме првиот ден од гостинските предавања на Институтот за филозофија во рамки на 8. Интернационална недела на Филозофскиот факултет во Скопје.

Продолжуваме утре (25.2.) со предавањето на проф. Калуѓеровиќ и во чеврток (26.2.) со предавањето на проф. Келам.

Благодарност до Elka Seleva која со своите ученици од ДМБУЦ "Илија Николовски - Луј" ни беа гости!