Филозофија Фзф УКиМ

27/08/2026

Проф. д-р Јасмина Поповска учествуваше на XXV Меѓународен конгрес за византиски студии, кој се одржува на Универзитетот во Виена од 24 до 29 август 2026 година.

Во рамките на тематската сесија „Cultural Cross-References in Late Byzantine Literature“, таа го презентираше трудот „Practical Wisdom and Cosmic Order: Plethon’s Reinterpretation of Phronesis in a Cross-Cultural Horizon“, посветен на преобразувањето на поимот phronesis кај доцновизантискиот филозоф Плитон и на вкрстувањето на античките, неоплатонистичките, византиските и ренесансните мисловни традиции.

На Конгресот проф. Поповска учествуваше како претставник на Институтот за филозофија, но и во својство на раководителка на Секцијата за филозофија при Комитетот за византологија и медиевистика на Република Македонија.

Македонската византологија на овој значаен светски собир беше претставена со делегација од 18 професори и истражувачи. За македонските учесници беше приреден и прием во Амбасадата на Република Северна Македонија во Виена.

04/08/2026

Меѓународната конференција „Филозофијата и стварноста“ полека се наближува!

На 15 и 16 септември 2026 година, на Филозофскиот факултет при Универзитетот „Св. Кирил и Методиј“ во Скопје, Институтот за филозофија ќе биде домаќин на меѓународната конференција „Филозофијата и ставрноста“, организирана по повод 80 години од основањето на Институтот за филозофија.

Конференцијата ќе собере над 60 учесници од Македонија, Србија, Хрватска, Словенија, Грција, Словачка, Полска, Обединетото Кралство, Италија, Шпанија, Турција, Германија, Израел и Чиле, кои ќе дискутираат за широк спектар современи филозофски теми и интердисциплинарни прашања.

Во наредниот период ќе ги претставиме пленарните говорници, конференциската програма, како и содржините што ги подготвуваме за овој значаен јубилеј.

Се радуваме на средбата со филозофската заедница од земјата и од странство!

15/07/2026

Проф. д-р Ана Димишковска учествуваше на 32. World Congress of the International Association for Philosophy of Law and Social Philosophy (IVR), кој се одржа во Истанбул, Турција, од 28 јуни до 3 јули 2026 година.

Во рамки на специјалната работилница „On Mahlmann's Mind and Rights: Critical Reflections and Considerations“, проф. Димишковска го одржа излагањето „Artificial Minds as a Challenge to Mahlmann's Theory of Moral Cognition and Human Rights“.

Покрај тоа, таа учествуваше и со секциско предавање на тема „On the (Non)Applicability of Logical Principles to Legal Norms: Kelsen’s ‘Guillotine’ and its Effects“.

08/07/2026

Со длабока тага ја известува академската и пошироката јавност дека почина д-р Денко Скаловски, редовен професор во пензија

Д-р Денко Скаловски е роден во 1956 година во Скопје. Прво студирал театарска режија во Белград, а потоа филозофија на Филозофскиот факултет во Белград. Дипломирал филозофија на Филозофскиот факултет во Скопје во 1981 година. Магистрирал во 1992 година со трудот „Етиката на одговорноста кај Ханс Јонас“, а докторирал во 2000 година со дисертацијата „Антиподи на современата филозофија на музиката“.

Во академската кариера бил избран за доцент во 2000 година, а за редовен професор во 2010 година. Во 2010 и 2015 година престојувал на постдокторски студии на Универзитетот „Јохан Волфганг Гете“ во Франкфурт на Мајна, под супервизија на проф. Аксел Хонет.

Неговите научни и истражувачки интереси опфаќаа филозофија, филозофија на родот, филозофија на културата, филозофија на уметноста (естетика), историја на родот и полот и социологија на спортот.

Телото ќе биде изложено на 09.07 во капелата во Ѓорче Петров од 12.00 до 13.00 часот, а погребот ќе се одржи во 13:00 часот.

Изразуваме искрено сочувство до неговото семејство, колегите, пријателите, студентите и сите што имаа чест да соработуваат со него.

Нека почива во мир.

06/07/2026

Убиство од милосрдие, достоинствена смрт. Има различни толкувања на евтаназијата – тема за која зборуваме во новата епизода на „Умен поткаст“. Што вели етиката за...

05/07/2026

01/07/2026

Проф. Марија Тодоровска учествуваше на меѓународната 4th World Conference for Religious Dialogue and Cooperation, на темата “Religion as a Weapon of War: In the Past, Present, and Future”, 22-25 јуни 2026, во Скопје, со презентацијата „Homo religiosus as homo belligerans: concepts and mechanisms of religious violence”.

24/06/2026

Проф. Дејан Донев и студентите Христијан Мурџески и Марија Гушкова учествуваа на CEEPUS Summer School of Bioethics, која се одржа од 8 до 12 јуни во Виена, Австрија.

16/06/2026

Едноставно интересна ми беше дисциплината што ја избрав за студирање, па тоа дополнително ме мотивираше да дознам нешто повеќе, изјави Илија Вељаноски

06/06/2026

Со радост ги пречекавме најдобрите на трите натпревари што ги организира PHILOSOPHICAL SOCIETY of MACEDONIA: Државниот напревар по филозофија, Државниот натпревар за меѓународната филозофска олимпијада и Натпреварот за најдобар есеј на средношколската видео лектира.

Им честитаме на сите ученици за постигнатите успеси!